99 Ik.

EHOBA epungine korʼan, utara tusushke yan. Shinuma Kerubim tumta rok; toitoi moimoige yan.

EHOBA epunkine kor an, utar tususke yan. Sinuma Kerubim tum ta rok; toytoy moymoyke yan.

主こそ王。諸国の民よ、おののけ。主はケルビムの上に御座を置かれる。地よ、震えよ。

Zion otta Ehoba anak ne pase ruwe ne; Shinuma anak ne obitta no okai utara kashita ri ruwe ne.

Zion or ta Ehoba anakne pase ruwe ne; Sinuma anakne opittano okay utar kasi ta ri ruwe ne.

主はシオンにいまし、大いなる方。すべての民の上に高くいます。

Nei utara E koro pase newa aeoripak kuni reihei ramuyere yan: Shinuma Ashkannep ne ruwe ne.

Ne utar E=kor pase newa a=eoripak kuni rehe ramuyere yan: Sinuma Askannep ne ruwe ne.

御名の大いなること、畏るべきことを告白せよ。主は聖なる方。

Moshiri shikkashima guru koro kiroro anak ne aesanniyo ambe ne yakka omap; Aokai sonep ashte, Aokai Yakob otta aesanniyo ambe newa oupekap ki ruwe ne.

Mosir sikkasima kur kor kiroro anakne a=esanniyo anpe ne yakka omap; Aokay sonep aste, Aokay Yakob or ta a=esanniyo anpe newa owpekap ki ruwe ne.

力強い王、裁きを愛し、公平を固く定めヤコブに対する裁きと恵みの御業を御自ら、成し遂げられる。

Chikoro Kamui ne Ehoba pasere yan, Kashiketa Shinuma koro chikiri aandep samaketa ongami: Shinuma Ashkannep ne ruwe ne.

Ci=kor Kamuy ne Ehoba pasere yan, Kasike ta Sinuma kor cikiri aantep samake ta onkami: Sinuma Askannep ne ruwe ne.

我らの神、主をあがめよ。その足台に向かってひれ伏せ。主は聖なる方。

Mose newa Aaron anak ne Shinuma koro yaishieiwangere utara tumugeta okai, Samueru anak ne Shinuma kon reihei konishuk utara tumugeta an na; Nei utara Ehoba konishuk, awa Shinuma ese itak ki nisa ruwe ne.

Mose newa Aaron anakne Sinuma kor yaysieywankere utar tumke ta okay, Samueru anakne Sinuma kor rehe konisuk utar tumke ta an na; Ne utar Ehoba konisuk, awa Sinuma ese itak ki nisa ruwe ne.

主の祭司からはモーセとアロンが御名を呼ぶ者からはサムエルが、主を呼ぶと主は彼らに答えられた。

Shinuma anak ne nishkuru ikushpe ani nei utara otta ye nisa: Nei utara anak ne otta akoropare Shinuma koro ekambakbe newa sange itak shikkasbima nisa ruwe ne.

Sinuma anakne niskur ikuspe ani ne utar or ta ye nisa: Ne utar anakne or ta a=korpare Sinuma kor ekanpakpe newa sanke itak sikkaspima nisa ruwe ne.

神は雲の柱から語りかけ彼らに掟と定めを賜り彼らはそれを守った。

Aa chikoro Kamui ne Ehoba, Aokai anak ne nei utara orun ese itak ki nisa: Nei utara ikichi buri gusu Aokai ikemnu ki a yakka, Nei ap tusare Kamui E ne ruwe ne na.

Aa ci=kor Kamuy ne Ehoba, Aokay anakne ne utar orun ese itak ki nisa: Ne utar ikici puri kusu Aokay ikemnu ki a yakka, Ne ap tusare Kamuy E ne ruwe ne na.

我らの神、主よ、あなたは彼らに答えられた。あなたは彼らを赦す神彼らの咎には報いる神であった。

Chikoro Kamui ne Ehoba pasere wa, Shinuma koro ashkanne huru otta ongami yan; Chikoro Kamui ne Ehoba anak ne Ashkannep ne ruwe ne gusu ne na.

Ci=kor Kamuy ne Ehoba pasere wa, Sinuma kor askanne hur or ta onkami yan; Ci=kor Kamuy ne Ehoba anakne Askannep ne ruwe ne kusu ne na.

我らの神、主をあがめよ。その聖なる山に向かってひれ伏せ。我らの神、主は聖なる方。