Shinotcha esapane guru gusu; Arteshhet otta. Sauros teshkara wa shinuma raige kuni ne koro chisei ukaeyoko ita Dabid karape: Miktam.
Sinotca esapane kur kusu; Arteshet or ta. Sawros teskar wa sinuma rayke kuni ne kor cise ukaeyoko hi ta Dabid kar pe: Miktam.
【指揮者によって。「滅ぼさないでください」に合わせて。ダビデの詩。ミクタム。サウルがダビデを殺そうと、人を遣わして家を見張らせたとき。】
AA ku goro Kamui, en epokba utara orowa no en ohaitare wa en kore: En kopuiki gusu hopumba utara okai gusu ri ushiketa en ande wa en kore.
Aa ku=kor Kamuy, en epokpa utar oro wano en ohaytare wa en=kore: En kopuyki kusu hopunpa utar okay kusuri uske ta en=ante wa en=kore.
わたしの神よ、わたしを敵から助け出し立ち向かう者からはるかに高く置いてください。
Irarape iki utara orowa no en ohaitare wa en kore, Kemnure rusui utara gusu en kashiobiuki wa en kore.
Irara p iki utar oro wano en ohaytare wa en=kore, Kemnure rusuy utar kusu en=kasiopiwki wa en=kore.
悪を行う者から助け出し流血の罪を犯す者から救ってください。
Ingarʼan, nei utara anak ne ku ramat gusu yongororo ruwe ne: Okirashnu utara en gusu yaiuwekarapare ruwe ne: Aa Ehoba, tambe anak ne ku ohaitarep gusu, ku katpak gusu shomo ne ruwe ne.
Inkar=an, ne utar anakne ku=ramat kusu yonkororo ruwe ne: Okirasnu utar en kusu yayuwekarapare ruwe ne: Aa Ehoba, tanpe anakne ku ohaytarep kusu, ku katpak kusu somo ne ruwe ne.
御覧ください、主よ力ある者がわたしの命をねらって待ち伏せし争いを仕掛けて来ます。罪もなく過ちもなく
Shomo ohaita buri ku ki yakka nei utara pash wa etoko-oiki: Tambe gusu, nei utara ekanok gusu mosh wa ingara wa en kore.
Somo ohay ta puri ku=ki yakka ne utar pas wa etoko-oyki: Tanpe kusu, ne utar ekanok kusu mos wa inkar wa en=kore.
悪事をはたらいたこともないわたしを打ち破ろうとして身構えています。目覚めてわたしに向かい、御覧ください。
Aa inne topaba utara koro Kamui ne Ehoba, Israeru koro Kamui, Aokai yaihopunire wa moshiri uirup orun ek wa en kore: Irara ohaita-buri ki utara orun iteki irenga kore wa kore. [Sera.]
Aa inne toppa utar kor Kamuy ne Ehoba, Israeru kor Kamuy, Aokay yayhopunire wa mosir uyrup orun ek wa en=kore: Irara ohay ta-puri ki utar orun iteki irenka kore wa kore. [Sera.]
あなたは主、万軍の神、イスラエルの神。目を覚まし、国々を罰してください。悪を行う者、欺く者を容赦しないでください。〔セラ
Onuman nei utara hoshippa wa seta hawe korachi hawe ashte, Machiya okari paye ruwe ne.
Onuman ne utar hosippa wa seta hawe koraci hawe aste, Maciya okari paye ruwe ne.
夕べになると彼らは戻って来て犬のようにほえ、町を巡ります。
Ingarʼan nei utara paro ani patukuku; Koro papush otta emush okai: Nei ambe mu guru nen ta? ari yainu ruwe nei gusu me na.
Inkar=an ne utar paro ani patukuku; Kor papus or ta emus okay: Ne anpe mu kur nen ta? ari yaynu ruwe ne kusu me na.
御覧ください、彼らの口は剣を吐きます。その唇の言葉を誰が聞くに堪えるでしょう。
Koroka, Aa Ehoba; Aokai anak ne nei utara emina kusu ne; Obitta: no okai uirup otta esapse kusu ne na,
Korka, Aa Ehoba; Aokay anakne ne utar emina kusu ne; Opitta: no okay uyrup or ta esapse kusu ne na,
しかし主よ、あなたは彼らを笑い国々をすべて嘲笑っておられます。
Aa ku goro kiroro, Aokai gusu ku chipachipa kusu ne: Kamui anak ne ku ri chashi ne ruwe ne gusu ne na.
Aa ku=kor kiroro, Aokay kusu ku=cipacipa kusu ne: Kamuy anakne ku=ri casi ne ruwe ne kusu ne na.
わたしの力よ、あなたを見張って待ちます。まことに神はわたしの砦の塔。
En erampokiwen wa kore Kamui anak ne en ekanok gusu ek kusu ne, Iorun shiktokoko utara gusu ka ki rusuibe ku nukara kuni ne Kamui ramuoshma kusu ne na.
En=eranpokiwen wa kore Kamuy anakne en=ekanok kusu ek kusu ne, Iorun siktokoko utar kusu ka ki rusuy pe ku=nukar kuni ne Kamuy ramuosma kusu ne na.
神はわたしに慈しみ深く、先立って進まれます。わたしを陥れようとする者を神はわたしに支配させてくださいます。
Ku goro utara shomo oira kuni ne iteki ronnu wa en kore. E koro kiroro sange wa ekeshne no apkashte hine hachire wa en kore, Aa Utarapa chikoro tamkikhumbe E ne ruwe ne.
Ku=kor utar somo oyra kuni ne iteki ronnu wa en=kore. E=kor kiroro sanke wa ekesne no apkaste hine hacire wa en=kore, Aa Utarpa ci=kor tamkikhunpe E ne ruwe ne.
彼らを殺してしまわないでください御力が彼らを動揺させ屈服させることをわたしの民が忘れることのないように。わたしたちの盾、主よ。
Koro parumbe san pishno an itak gusu koro paroho katpak ki, Nei utara pakesara gusu akishimare wa en kore, Iyoitakushi ambe newa shungep ye ruwe ne gusu ne na
Kor parunpe san pisno an itak kusu kor paroho katpak ki, Ne utar pakesara kusu akisimare wa en=kore, Iyoytakus anpe newa sunkep ye ruwe ne kusu ne na
口をもって犯す過ち、唇の言葉、傲慢の罠に自分の唱える呪いや欺く言葉の罠に彼らが捕えられますように。
Irushka wa nei utara isamka, tewa no isam kuni ne isamka wa en kore: Orowa, moshiripa pakno moshirigesh pakno, Kamui anak ne Yakob otta an wa; epungine ruwe ne sekoro eramande wa en kore. [Sera.]
Iruska wa ne utar isamka, tewano isam kuni ne isamka wa en=kore: Orowa, mosirpa pakno mosirkes pakno, Kamuy anakne Yakob or ta an wa; epunkine ruwe ne sekor eramante wa en=kore. [Sera.]
御怒りによって彼らを絶やし絶やして、ひとりも残さないでください。そのとき、人は知るでしょう神はヤコブを支配する方地の果てまでも支配する方であることを。〔セラ
Orowa, onuman ne chiki hei utara hoshippa wa seta hawe korachi hawe ashte, Shui, machiya okari ta payere wa en kore.
Orowa, onuman ne ciki he utar hosippa wa seta hawe koraci hawe aste, Suy, maciya okari ta payere wa en=kore.
夕べになると彼らは戻って来て犬のようにほえ、町を巡ります。
Aep gusu ekeshne no apkash kusu ne, An ebitta okai yakka shomo akironnu kusu ne na.
Aep kusu ekesne no apkas kusu ne, An epitta okay yakka somo a=kironnu kusu ne na.
彼らは餌食を求めてさまよい食べ飽きるまでは眠ろうとしません。
Koroka kuani anak ne E koro kiroro gusu shinotcha ku ki kusu ne: Ruwe am, kunneiwano rui hawe ashte wa E koro rampoken gusu shinotcha ku ki kusu ne na: Aokai anak ne ku goro ri chashi ne, Ku yairamkoiki toho ta ku goro numne-ushi E ne nisa ruwe ne na.
Korka kuani anakne E=kor kiroro kusu sinotca ku=ki kusu ne: Ruwe am, kunneywano ruy hawe aste wa E=kor ranpoken kusu sinotca ku=ki kusu ne na: Aokay anakne ku=kor ri casi ne, Ku yayramkoyki toho ta ku=kor numne-usi E ne nisa ruwe ne na.
わたしは御力をたたえて歌をささげ朝には、あなたの慈しみを喜び歌います。あなたはわたしの砦の塔、苦難の日の逃れ場。
Aa ku goro kiroro, E orun ramye shinotcha ku ki kusu ne: Kamui anak ne ku goro ri chashi ne, en erampokiwen wa kore Kamui ne ruwe ne gusu ne na.
Aa ku=kor kiroro, E orun ramye sinotca ku=ki kusu ne: Kamuy anakne ku=kor ri casi ne, en=eranpokiwen wa kore Kamuy ne ruwe ne kusu ne na.
わたしの力と頼む神よあなたにほめ歌をうたいます。神はわたしの砦の塔。慈しみ深いわたしの神よ。