Shinotcha esapane guru gusu. Jonat erem rehokim otta. Gat kotan ta Piristia un utara kishima ita Dabid karape: Miktam.
Sinotca esapane kur kusu. Jonat erem rehokim or ta. Kat kotan ta Piristia un utar kisma hi ta Dabid kar pe: Miktam.
【指揮者によって。「はるかな沈黙の鳩」に合わせて。ダビデの詩。ミクタム。ダビデがガトでペリシテ人に捕えられたとき。】
AA Kamui, ainu anak ne en ruki rusui gusu, pirika irenga sange wa en kore: Ramme-to shinuma koiki wa en ramushitnere ruwe ne.
Aa Kamuy, aynu anakne en=ruki rusuy kusu, pirka irenka sanke wa en=kore: Ramme-to sinuma koyki wa en=ramusitnere ruwe ne.
神よ、わたしを憐れんでください。わたしは人に踏みにじられています。戦いを挑む者が絶えることなくわたしを虐げ
Iorun shiktokoko utara ramne-to en ruki rusui ruwe ne; Pakesara wa en koiki utara inne ruwe ne gusu ne na.
Iorun siktokoko utar ramne-to en=ruki rusuy ruwe ne; Pakesara wa en=koyki utar inne ruwe ne kusu ne na.
陥れようとする者が絶えることなくわたしを踏みにじります。高くいます方よ多くの者がわたしに戦いを挑みます。
Ku ishitoma ita Aokai gusu ku eyaikopashte ash kusu ne na.
Ku=isitoma hi ta Aokay kusu ku=e=yaykopaste as kusu ne na.
恐れをいだくときわたしはあなたに依り頼みます。
Kamui otta Shinuma koro itak ku reika kusu ne: Kamui ku eyaikopashte nisa; ku ishitoma shomoki kusu ne: En orun ham anak ne hemanda ki eashkai ya?
Kamuy or ta Sinuma kor itak ku=rek kusu ne: Kamuy ku=e=yaykopaste nisa; ku=isitoma somo ki kusu ne: En=orun ham anakne hemanta ki easkay ya?
神の御言葉を賛美します。神に依り頼めば恐れはありません。肉にすぎない者がわたしに何をなしえましょう。
Ramne to nei utara anak ne ku ye itak eukopa ruwe ne: Nei utara koro obitta no okai yainu-hi anak ne en wende gusu an ap ne.
Ramne to ne utar anakne ku=ye itak ewkopa ruwe ne: Ne utar kor opittano okay yaynu hi anakne en=wente kusu an ap ne.
わたしの言葉はいつも苦痛となります。人々はわたしに対して災いを謀り
Uwekarapa wa yainuina, Ku oman-i orun ingara, En raige kuni chipachipa nisa ruwe ne na.
Uekarpa wa yaynuyna, Ku=oman hi orun inkar, En=rayke kuni cipacipa nisa ruwe ne na.
待ち構えて争いを起こし命を奪おうとして後をうかがいます。
Nei utara irarape ki wa gusu shomo apanakte ruwe? Aa Kamui, kinrakara hine uirup utara rapte wa en kore.
Ne utar irara p ki wa kusu somo a=panakte ruwe? Aa Kamuy, kinrakar hine uyrup utar rapte wa en=kore.
彼らの逃れ場は偶像にすぎません。神よ、怒りを発し諸国の民を屈服させてください。
Aokai anak ne ku keshirikari ambe nukara:. E kotʼtokkuri otta ku nupe omare wa en kore; Nei ambe anak ne E koro kambi kata anuye wa an shomoki ruwe be an?
Aokay anakne ku kesirikari anpe nukar:. E kot tokkuri or ta ku=nupe omare wa en=kore; Ne anpe anakne E=kor kampi kata a=nuye wa an somo ki ruwe pe an?
あなたはわたしの嘆きを数えられたはずです。あなたの記録にそれが載っているではありませんか。あなたの革袋にわたしの涙を蓄えてください。
Orowa, ku nishuk toho ta en epokba utara anak ne ahoshippare kusu ne: Tap ambe ku eraman, Kamui tura no an ruwe ne gusu ne na.
Orowa, ku=nisuk toho ta en epokpa utar anakne a=hosippare kusu ne: Tapanpe ku=eraman, Kamuy turano an ruwe ne kusu ne na.
神を呼べば、敵は必ず退き神はわたしの味方だとわたしは悟るでしょう。
Kamui otta Shinuma koro itak ku reika kusu ne; Ehoba otta Shinuma koro itak ku reika kusu ne na.
Kamuy or ta Sinuma kor itak ku=rek kusu ne; Ehoba or ta Sinuma kor itak ku=rek kusu ne na.
神の御言葉を賛美します。主の御言葉を賛美します。
Kamui ku eyaikopashte nisa, ku ishitoma shomoki kusu ne; En orun ainu anak ne hemanda ki eashkai ya?
Kamuy ku=e=yaykopaste nisa, ku=isitoma somo ki kusu ne; En=orun aynu anakne hemanta ki easkay ya?
神に依り頼めば恐れはありません。人間がわたしに何をなしえましょう。
Aa Kamui, E koro uitaknup anak ne en kashiketa okai; Yaiiraige an ayange kunip E orun ku yange ash kusu ne na.
Aa Kamuy, E=kor uytaknup anakne en=kasike ta okay; Yayirayke an a=yanke kunip E orun ku=yanke as kusu ne na.
神よ、あなたに誓ったとおり感謝の献げ物をささげます。
Inambe gusu ne yakun, Aokai anak ne rai-i orowa no ku ramat ohaitare: Shiknu oma pekere otta, Kamui kotchaketa ku apkash kuni ne Ku chikiri shomo hachiri kuni gusu seenne aki ya?
Inanpe kusu ne yakun, Aokay anakne ray hi oro wano ku=ramat ohaytare: Siknu oma peker or ta, Kamuy kotcake ta ku=apkas kuni ne Ku=cikiri somo hacir kuni kusu seenne aki ya?
あなたは死からわたしの魂を救い突き落とされようとしたわたしの足を救い命の光の中に神の御前を歩かせてくださいます。