109 Ik.

Shinotcha rekte esapane guru. Dabid kara iyohaichish.

Sinotca rekte esapane kur. Dabid kar iyohaycis.

【指揮者によって。ダビデの詩。賛歌。】

AA Ku iramye Kamui iteki mo no an wa en kore;

Aa Ku=iramye Kamuy iteki mo no an wa en=kore;

わたしの賛美する神よどうか、黙していないでください。

Inambe gusu ne yakun, wen utara anak ne en orun wen paroho newa shunge paroho maka, Aige, en gusu shunge parumbe ani itak nisa ruwe ne na.

Inanpe kusu ne yakun, wen utar anakne en=orun wen paroho newa sunke paroho maka, Ayke, en kusu sunke parunpe ani itak nisa ruwe ne na.

神に逆らう者の口が欺いて語る口が、わたしに向かって開き偽りを言う舌がわたしに語りかけます。

Etunne itak ani ne yakka en nikkotama, Ikkewe sak no en koiki nisa ruwe ne.

Etunne itak ani ne yakka en nikkotama, Ikkewe sak no en=koyki nisa ruwe ne.

憎しみの言葉はわたしを取り囲み理由もなく戦いを挑んで来ます。

Inambe gusu ne yakun, ku katairotke utara anak en epokba: Koroka, inonno-itak ku ki na.

Inanpe kusu ne yakun, ku katayrotke utar anak en epokpa: Korka, inonno-itak ku=ki na.

愛しても敵意を返しわたしが祈りをささげても

Orowa, pirikap ku ki a gusu, wenbe en kashi-omare, Shui, ku omap gusu en kowen ruwe ne.

Orowa, pirka p ku=ki a kusu, wenpe en=kasi-omare, Suy, ku=omap kusu en=kowen ruwe ne.

その善意に対して悪意を返します。愛しても、憎みます。

Wen guru anak nei guru esapanere wa en kore: Orowa, shinuma shimon samata epokba guru ashte yan.

Wenkur anakne kur esapanere wa en=kore: Orowa, sinuma simon sama ta epokpa kur aste yan.

彼に対して逆らう者を置き彼の右には敵対者を立たせてください。

Shinuma akoipishi chiki, akokatpakte; Orowa, shinuma ki, inonno-itak katpak ne kara wa en kore.

Sinuma akoypisi ciki, akokatpakte; Orowa, sinuma ki, inonno-itak katpak ne kar wa en=kore.

裁かれて、神に逆らう者とされますように。祈っても、罪に定められますように。

Shinuma koro toho moyore; Koro ki kuni ushike oya guru shikkashimare wa en kore.

Sinuma kor toho moyore; Kor ki kuni usike oya kur sikkasmare wa en=kore.

彼の生涯は短くされ地位は他人に取り上げられ

Koro poho utara eshikop sakno ne kara, Koro machihi shiyompiyara ne kara wa en kore.

Kor poho utar esikop sakno ne kar, Kor macihi siyonpiyar ne kar wa en=kore.

子らはみなしごとなり妻はやもめとなるがよい。

Koro poho utara ramma keshirikari wa iyahupkara guru ne kara Koro wen chisei wano paye wa aep iyahupkara kuni kara wa en kore

Kor poho utar ramma kesirikari wa iyahupkar kur ne kar Kor wen cise wano paye wa aep iyahupkar kuni kar wa en=kore

子らは放浪して物乞いをするがよい。廃虚となったその家を離れ助けを求め歩くがよい。

Obitta no Shinuma korobe etaraka uk guru orowa no ashikkashimare; Orowa, oya utara anak ne shinuma moni wendere wa en kore.

Opittano Sinuma kor pe etarka uk kur oro wano a=sikkasmare; Orowa, oya utar anakne sinuma moni wentere wa en=kore.

彼のものは一切、債権者に奪われ働きの実りは他国人に略奪されるように。

Shinuma orun irenga sange wa kore guru isam kuni ne kara; Shui, Shinuma koro eshikop sak utara chishikiraine kuni utara isam kuni ne kara wa en kore.

Sinuma orun irenka sanke wa kore kur isam kuni ne kar; Suy, Sinuma kor esikop sak utar cisikirayne kuni utar isam kuni ne kar wa en=kore.

慈しみを示し続ける者もいなくなりみなしごとなった彼の子らを憐れむ者もなくなるように。

Shinuma sanikiri isamka; Okake an ainu ikiri ta kon reihei ushka wa en kore.

Sinuma sanikiri isamka; Okake an aynu ikiri ta kor rehe uska wa en=kore.

子孫は断たれ次の代には彼らの名も消されるように。

Shinuma koro ekashi ki wen-buri Ehoba eshkarun; Orowa, koro habo koro katpak iteki ushka wa en kore.

Sinuma kor ekasi ki wen-puri Ehoba eskarun; Orowa, kor hapo kor katpak iteki uska wa en=kore.

主が彼の父祖の悪をお忘れにならぬように。母の罪も消されることのないように。

Ramma nei okaibe Ehoba shik-samata an, aige, Nei guru moshiri kata aoira kuni ne ki wa en kore.

Ramma ne okaype Ehoba sik-sama ta an, ayke, Ne kur mosir kata a=oyra kuni ne ki wa en=kore.

その悪と罪は常に主の御前にとどめられその名は地上から断たれるように。

Shinuma erampokiwen wa kore shomoki, Koroka, otek-sak newa irapokkari guru newa Sambe oknatara guru ronnu kuni ne keshke nisa ruwe ne gusu ne na.

Sinuma eranpokiwen wa kore somo ki, Korka, otek-sak newa irapokkari kur newa Sanpe oknatara kur ronnu kuni ne keske nisa ruwe ne kusu ne na.

彼は慈しみの業を行うことに心を留めず貧しく乏しい人々心の挫けた人々を死に追いやった。

Ruwe un, shinuma iyoitakushi ambe konoburu, awa, orota nei ambe ek nisa; Orowa, Shinuma nunuke ambe enupetne shomoki, aige, nei ambe shinuma orowa no ukattuima no an nisa ruwe ne.

Ruwe un, sinuma iyoytakus anpe konopuru, awa, oro ta ne anpe ek nisa; Orowa, Sinuma nunuke anpe enupetne somo ki, ayke, ne anpe sinuma oro wano ukattuymano an nisa ruwe ne.

彼は呪うことを好んだのだから呪いは彼自身に返るように。祝福することを望まなかったのだから祝福は彼を遠ざかるように。

Amip mi korachi iyoitakushi ambe ani yaimire nisa, Awa, wakka nepkoro shinuma onnaige un ahun, Shum korachi shinuma koro pone orun ahun nisa ruwe ne.

Amip mi koraci iyoytakus anpe ani yaymire nisa, Awa, wakka nepkor sinuma onnayke un ahun, Sum koraci sinuma kor pone orun ahun nisa ruwe ne.

呪いを衣として身にまとうがよい。呪いが水のように彼のはらわたに油のように彼の骨に染み通るように。

Nei ambe anak ne ani yaimire amip nei no, Ani ramma kutkoro kut nei no an kuni kara wa en kore.

Ne anpe anakne ani yaymire amip néno, Ani ramma kutkor kut néno an kuni kar wa en=kore.

呪いが彼のまとう衣となり常に締める帯となるように。

Tambe anak en epokba utara newa Ku kon ramat gusu wenbe ye utara gusu an Ehoba orowa no hetuku pummaha ne ruwe ne.

Tanpe anak en epokpa utar newa Ku=kor ramat kusu wenpe ye utar kusu an Ehoba oro wano hetuku pummaha ne ruwe ne.

わたしに敵意を抱く者に対してわたしの魂をさいなもうと語る者に対して主はこのように報いられる。

Aa Kamui ne Ehoba, E kon reihei gusu, en orun iki wa en kore: E koro rampoken pirika ruwe ne gusu, en ohaitare wa en kore,

Aa Kamuy ne Ehoba, E=kor rehe kusu, en=orun iki wa en=kore: E=kor ranpoken pirka ruwe ne kusu, en ohaytare wa en=kore,

主よ、わたしの神よ御名のために、わたしに計らい恵み深く、慈しみによってわたしを助けてください。

Kuani anak ne otek-sak newa erapokkari guru ku ne, Orowa, en onnaigeta ku sambe piri ao ruwe ne gusu ne na.

Kuani anakne otek-sak newa e=rapokkari kur ku ne, Orowa, en=onnayke ta ku=sanpe piri ao ruwe ne kusu ne na.

わたしは貧しく乏しいのです。胸の奥で心は貫かれています。

Kuani, atannere kurihi korachi ku nin, Patta korachi ariknashuye aranashuye ruwe ne.

Kuani, a=tannere kurihi koraci ku=nin, Patta koraci a=riknasuye a=ranasuye ruwe ne.

移ろい行く影のようにわたしは去ります。いなごのように払い落とされます。

Shomo ramnu ku ki gusu ku kokka opantusushke; Orowa, ku kam otta mimi nin ruwe ne.

Somo ramnu ku=ki kusu ku=kokka opantususke; Orowa, ku=kam or ta mimi nin ruwe ne.

断食して膝は弱くなりからだは脂肪を失い、衰えて行きます。

Nei utara gusu aeyainikoroshare ambe ku ne: En nukara chiki koro sapa shuyeshuye ruwe ne.

Ne utar kusu aeyaynikorosare anpe ku ne: En=nukar ciki kor sapa suyesuye ruwe ne.

わたしは人間の恥。彼らはわたしを見て頭を振ります。

Ku koro Kamui ne Ehoba, en kaobiuki wa en kore; E koro rampoken an korachi en kashiobiuki wa en kore:

Ku=kor Kamuy ne Ehoba, en kaopiwki wa en=kore; E=kor ranpoken an koraci en=kasiopiwki wa en=kore:

わたしの神、主よ、わたしを助けてください。慈しみによってお救いください。

Tambe anak E koro teke ne sekoro eraman kuni gusu; Ehoba, Aokai nei no ki nisa ruwe ne.

Tanpe anak E=kor teke ne sekor eraman kuni kusu; Ehoba, Aokay néno ki nisa ruwe ne.

それが御手によることを、御計らいであることを主よ、人々は知るでしょう。

Nei utara iyoitakushi yakka, Aokai nunuke wa en kore: Nei utara hopumba chiki ayainikoroshmare kusu ne koroka, E koro uitek guru ramuritetke kusu ne, na.

Ne utar iyoytakus yakka, Aokay nunuke wa en=kore: Ne utar hopunpa ciki ayaynikorosmare kusu ne korka, E=kor uytek kur ramuritetke kusu ne, na.

彼らは呪いますがあなたは祝福してくださいます。彼らは反逆し、恥に落とされますがあなたの僕は喜び祝います。

Akoatchap ani en epokba utara mire, Orowa, amip korachi yaikota gusu an aeyainikoroshmare ambe ani kamure wa en kore.

akoatcap ani en epokpa utar mire, Orowa, amip koraci yaykota kusu an aeyaynikorosmare anpe ani kamure wa en=kore.

わたしに敵意を抱く者は辱めを衣とし恥を上着としてまとうでしょう。

Ku paroho ani Ehoba ku koyaiiraige kusu ne; Ruwe un, inne utara tumugeta Shinuma ku koiramye kusu ne na.

Ku=paroho ani Ehoba ku=koyayirayke kusu ne; Ruwe un, inne utar tumke ta Sinuma ku koyramye kusu ne na.

わたしはこの口をもって主に尽きぬ感謝をささげ多くの人の中で主を賛美します。

Inambe gusu ne yakun, kon ramat koipishi guru gusu kashiobiuki kuni ne, Shinuma irapokkari guru koro shimon tek-samata a kusu ne gusu ne na.

Inanpe kusu ne yakun, kor ramat koypisi kur kusu kasiopiwki kuni ne, Sinuma irapokkari kur kor simon tek-sama ta a kusu ne kusu ne na.

主は乏しい人の右に立ち死に定める裁きから救ってくださいます。