1
Dabid karape.
Dabid kar pe.
【ダビデの詩。】
Dabid karape.
Dabid kar pe.
【ダビデの詩。】
WENBE ikichi utara gusu iteki keutum yaiseisekka yan, Oheuge-buri ikichi utara gusu iteki ikoitupa yan.
Wenpe ikici utar kusu iteki kewtum yaysesekka yan, Ohewke-puri ikici utar kusu iteki ikoytupa yan.
悪事を謀る者のことでいら立つな。不正を行う者をうらやむな。
Inambe gusu ne yakun, nei utara anak ne mun korachi chashnu no aotuyeba, Fukinani kina nei no shumumge kusu ne gusu ne na.
Inanpe kusu ne yakun, ne utar anakne mun koraci casnu no aotuyepa, Fukinani kina néno sumumke kusu ne kusu ne na.
彼らは草のように瞬く間に枯れる。青草のようにすぐにしおれる。
Ehoba eyaikopashte wa pirikap ki yan; Orowa, moshiri kata oshiroma wa sone ambe ibe kusu ne.
Ehoba e=yaykopaste wa pirka p ki yan; Orowa, mosir kata osiroma wa sone anpe ipe kusu ne.
主に信頼し、善を行え。この地に住み着き、信仰を糧とせよ。
Shui Ehoba gusu yai yainuchattekka yan; Yakun, e keutum koramkorobe akore kusu ne na.
Suy Ehoba kusu yay yaynucattekka yan; Yakun, e kewtum koramkorope a=kore kusu ne na.
主に自らをゆだねよ主はあなたの心の願いをかなえてくださる。
E apkash ru Ehoba shikkashimare yan; Shinuma gusu eyaikopashte, yakun, Shinuma nei ambe kara kusu ne.
E apkas ru Ehoba sikkasmare yan; Sinuma kusu e=yaykopaste, yakun, Sinuma ne anpe kar kusu ne.
あなたの道を主にまかせよ。信頼せよ、主は計らい
Orowa, e koro oupeka-i pekere korachi Shinuma atte, E koro esanniyop tokap noshike korachi atte kusu ne na.
Orowa, e=kor owpeka hi peker koraci Sinuma atte, E=kor esanniyop tokap noske koraci atte kusu ne na.
あなたの正しさを光のようにあなたのための裁きを真昼の光のように輝かせてくださる。
Ehoba gusu mo no okai, ramushiroma no Shinuma etere yan: Kon ru otta eyaiepirikare guru gusu, Wen aesanniyop hetukure guru gusu, iteki keutum yaiseisekka yan.
Ehoba kusu mo no okay, ramusiroma no Sinuma e=tere yan: Kor ru or ta eyayepirikare kur kusu, Wen aesanniyop hetukure kur kusu, iteki kewtum yaysesekka yan.
沈黙して主に向かい、主を待ち焦がれよ。繁栄の道を行く者や悪だくみをする者のことでいら立つな。
Iteki irushka, kinrakarape emaka yan: Iteki keutum yaiseisekka, nei ambe anak ne ouse wen-buri hetukurep ne ruwe ne.
Iteki iruska, kinrakarape emaka yan: Iteki kewtum yaysesekka, ne anpe anakne owse wen-puri hetukurep ne ruwe ne.
怒りを解き、憤りを捨てよ。自分も悪事を謀ろうと、いら立ってはならない。
Inambe gusu ne yakun, wenbe ikichi utara anak ne aotuyeba kusu ne: Koroka, Ehoba orun ingara utara anak ne, nei utara anak toitoi eikeshkoro kusu ne.
Inanpe kusu ne yakun, wenpe ikici utar anakne aotuyepa kusu ne: Korka, Ehoba orun inkar utar anakne, ne utar anak toytoy eykeskoro kusu ne.
悪事を謀る者は断たれ主に望みをおく人は、地を継ぐ。
Naa pon no shiri an chiki wen utara isam kusu ne: Ruwe un, Aokai anak ne tomte no nei guru an i hunara, yakka, isam kusu ne na.
Naa ponno siri an ciki wen utar isam kusu ne: Ruwe un, Aokay anakne tomteno ne kur an i hunara, yakka, isam kusu ne na.
しばらくすれば、主に逆らう者は消え去る。彼のいた所を調べてみよ、彼は消え去っている。
Koroka, ramu-rotcha utara anak ne toitoi eikeshkoro kusu ne; Orowa, nuye an no an itomo gusu yainuchattek kusu ne.
Korka, ramu-rotca utar anakne toytoy eykeskoro kusu ne; Orowa, nuye an no an i=tom kusu yaynucattek kusu ne.
貧しい人は地を継ぎ豊かな平和に自らをゆだねるであろう。
Wen utara anak ne oupeka utara gusu wenbe oshke wa, Koro nimaki ari shinuma orun nirewewe ruwe ne.
Wen utar anakne owpeka utar kusu wenpe oske wa, Kor nimaki ari sinuma orun nirewewe ruwe ne.
主に従う人に向かって主に逆らう者はたくらみ、牙をむくが
Utarapa anak ne shinuma emina kusu ne, Shinuma koro toho ek shiri an i nukan ruwe ne gusu ne na.
Utarpa anakne sinuma emina kusu ne, Sinuma kor toho ek siri an i nukar ruwe ne kusu ne na.
主は彼を笑われる。彼に定めの日が来るのを見ておられるから。
Otek-sak guru newa irapokkarai guru hachire, Ruhu otta oupeka utara ronnu kuni ne; Wen utara anak ne rangetam etaye, koro ku koreuba nisa ruwe ne:
otek-sak kur newa irapokkaray kur hacire, Ruhu or ta owpeka utar ronnu kuni ne; Wen utar anakne ranke tam etaye, kor ku korewpa nisa ruwe ne:
主に逆らう者は剣を抜き、弓を引き絞り貧しい人、乏しい人を倒そうとしまっすぐに歩む人を屠ろうとするが
Nei utara koro ibetam anak ne yaikota koro sambe otke, Koro ku akaye kusu ne na.
Ne utar kor ipetam anakne yaykota kor sanpe otke, Kor ku=a=kay kusu ne na.
その剣はかえって自分の胸を貫き弓は折れるであろう。
Inne wen utara koro nuye an no an okaibe kasu no Oupeka utara pon no patek koro ambe anak ne naa pirika ruwe ne.
Inne wen utar kor nuye an no an okaype kasuno Owpeka utar ponno patek kor anpe anakne naa pirka ruwe ne.
主に従う人が持っている物は僅かでも主に逆らう者、権力ある者の富にまさる。
Wen utara koro amunin akaye kusu ne: Koroka, Ehoba anak ne oupeka utara ashtere ruwe ne.
Wen utar kor amunin a=kay kusu ne: Korka, Ehoba anakne owpeka utar astere ruwe ne.
主は御自分に逆らう者の腕を折り従う人を支えてくださる。
Ehoba anak ne aeramushinne okai utara koro toho eraman: Nei utara eikeshkorope ramma pakno an kusu ne.
Ehoba anakne a=eramusinne okay utar kor toho eraman: Ne utar eykeskorope ramma pakno an kusu ne.
無垢な人の生涯を主は知っていてくださる。彼らはとこしえに嗣業を持つであろう。
Wenbe an ita anak ne nei utara shomo yainikoroshma kusu ne: Orowa, heman toho ta aeramushinne kusu ne na.
Wenpe an hi ta anakne ne utar somo yaynikorosma kusu ne: Orowa, heman toho ta a=eramusinne kusu ne na.
災いがふりかかっても、うろたえることなく飢饉が起こっても飽き足りていられる。
Koroka, wen utara anak ne aisamka kusu ne, Orowa, Ehoba epokba utara anak ne areshpa chikoikip mimushbe ukorachi ne: Nei utara aisamka kusu ne; shupuya nepkoro isam kusu ne na.
Korka, wen utar anakne a=ysamka kusu ne, Orowa, Ehoba epokpa utar anakne a=respa cikoykip mimuspe ukoraci ne: Ne utar a=ysamka kusu ne; supuya nepkor isam kusu ne na.
しかし、主に逆らい敵対する者は必ず滅びる献げ物の小羊が焼き尽くされて煙となるように。
Wen utara anak ne shose uk wa shomo hoshipire: Koroka, oupeka utara anak irenga sange wa kore ruwe ne.
Wen utar anakne sos uk wa somo hosipire: Korka, owpeka utar anak irenka sanke wa kore ruwe ne.
主に逆らう者は、借りたものも返さない。主に従う人は憐れんで施す。
Shinuma orowa no anunuke utara anak ne toitoi eikeshkoro kusu ne; Orowa, Shinuma iyoitakushi utara anak ne aushtekka kusu ne na.
Sinuma oro wano a=nunuke utar anakne toytoy eykeskoro kusu ne; Orowa, Sinuma iyoytakus utar anakne a=ustekka kusu ne na.
神の祝福を受けた人は地を継ぐ。神の呪いを受けた者は断たれる。
Ehoba anak ne ainu oman-i ashte; Orowa, nei guru anak ne Shinuma kon ruhu enupetne ruwe ne.
Ehoba anakne aynu oman hi aste; Orowa, ne kur anakne Sinuma kor ruhu enupetne ruwe ne.
主は人の一歩一歩を定め御旨にかなう道を備えてくださる。
Shinuma hachiri yakka shomo aemaka kusu ne: Ehoba anak ne koro teke punire ruwe ne gusu ne na.
Sinuma hacir yakka somo a=emaka kusu ne: Ehoba anakne kor teke punire ruwe ne kusu ne na.
人は倒れても、打ち捨てられるのではない。主がその手をとらえていてくださる。
Upen guru ku ne, awa, tane ku on ne ruwe ne; Yakka, oupeka guru aemaka-hi hene, Shinuma koro santek aep shikaobiukiyara ambe hene, shomo ku nukan nisa.
Upen kur ku ne, awa, tane ku=on ne ruwe ne; Yakka, owpeka kur a=emaka hi hene, Sinuma kor santek aep sikaopiwkiyar anpe hene, somo ku=nukar nisa.
若いときにも老いた今も、わたしは見ていない主に従う人が捨てられ子孫がパンを乞うのを。
To ebitta shinuma irenga sange wa okaibe erusa; Orowa, shinuma koro santek anunuke ambe ne ruwe ne.
To epitta sinuma irenka sanke wa okaype erusa; Orowa, sinuma kor santek a=nunuke anpe ne ruwe ne.
生涯、憐れんで貸し与えた人には祝福がその子孫に及ぶ。
Wenbe eshishi wa pirikap ki; Aige, ramma pakno oshiroma yan.
Wenpe esisi wa pirka p ki; Ayke, ramma pakno osiroma yan.
悪を避け、善を行えばとこしえに、住み続けることができる。
Inambe gusu ne yakun, Ehoba anak ne aesanniyop omap wa, Koro ashkanne utara shomo emaka; Nei utara anak ne ramma pakno akoshiratki shiri okai: Koroka, wen utara koro santek anak ne aotuyeba kusu ne na.
Inanpe kusu ne yakun, Ehoba anakne aesanniyop omap wa, Kor askanne utar somo emaka; Ne utar anakne ramma pakno a=kosiratki siri okay: Korka, wen utar kor santek anakne aotuyepa kusu ne na.
主は正義を愛される。主の慈しみに生きる人を見捨てることなくとこしえに見守り主に逆らう者の子孫を断たれる。
Oupeka utara anak ne toitoi eikeshkoro wa, Ramma pakno oshiroma kusu ne na.
Owpeka utar anakne toytoy eykeskoro wa, Ramma pakno osiroma kusu ne na.
主に従う人は地を継ぎいつまでも、そこに住み続ける。
Oupeka utara koro paroho anak ne wayashnup ye, Koro parumbe anak ne aesanniyop itak ruwe ne.
Owpeka utar kor paroho anakne wayasnup ye, Kor parunpe anakne aesanniyop itak ruwe ne.
主に従う人は、口に知恵の言葉がありその舌は正義を語る。
Koro Kamui tuitak anak ne Shinuma koro keutum ta an; Koro chinika anak oshitteshu shomoki ruwe ne.
Kor Kamuy tuytak anakne Sinuma kor kewtum ta an; Kor cinika anak osittesu somo ki ruwe ne.
神の教えを心に抱きよろめくことなく歩む。
Wen utara anak ne oupeka utara shiruwande, Raige kuni gusu hunara ruwe ne.
Wen utar anakne owpeka utar siruwante, Rayke kuni kusu hunara ruwe ne.
主に逆らう者は待ち構えて主に従う人を殺そうとする。
Nei guru koro teke ta Ehoba anak ne shinuma ande shomoki, Shui, akoipishi ita shomo akokatpakte kusu ne na.
Ne kur kor teke ta Ehoba anakne sinuma ante somo ki, Suy, akoypisi hi ta somo akokatpakte kusu ne na.
主は御自分に従う人がその手中に陥って裁かれ罪に定められることをお許しにならない。
Ehoba gusu echipachipa wa kon ruhu shikkashima yan, Yakun, echi ariknare wa toitoi aeikeshkore kusu ne: Wen utara aotuyeba ita, aokai nei ambe nukara kusu ne na.
Ehoba kusu ecipacipa wa kor ruhu sikkasima yan, Yakun, eci ariknare wa toytoy aeykeskore kusu ne: Wen utar aotuyepa hi ta, aokay ne anpe nukar kusu ne na.
主に望みをおき、主の道を守れ。主はあなたを高く上げて地を継がせてくださる。あなたは逆らう者が断たれるのを見るであろう。
Wen utara poro kiroro koro hine, Koro toi otta shukup wa tapkanni kara fu chikuni nei no shipiraspa-i ku nukan nisa ruwe ne.
Wen utar poro kiroro kor hine, Kor toy or ta sukup wa tapkanni kar hu cikuni néno sipiraspa hi ku=nukar nisa ruwe ne.
主に逆らう者が横暴を極め野生の木のように勢いよくはびこるのをわたしは見た。
Koroka, akush wa paye, awa, ingarʼan, isama: Ruwe un, ku hunara yakka apa eaikap nisa ruwe ne na.
Korka, akus wa paye, awa, inkar=an, isam: Ruwe un, ku=hunara yakka apa eaykap nisa ruwe ne na.
しかし、時がたてば彼は消えうせ探しても、見いだすことはできないであろう。
Aeramushinne guru ingara, oupeka guru orun nukara yan: Nei guru okese-i anak ne itomo ne ruwe ne gusu ne na.
A=eramusinne kur inkar, owpeka kur orun nukar yan: Ne kur okes hi anakne i=tom ne ruwe ne kusu ne na.
無垢であろうと努め、まっすぐに見ようとせよ。平和な人には未来がある。
Ohaitap ki utara anak, ukoiramno aisamka kusu ne: Wen utara okese-i anak ne aotuye kusu ne.
ohaytap ki utar anak, ukoyramno a=ysamka kusu ne: Wen utar okes hi anakne a=otuye kusu ne.
背く者はことごとく滅ぼされ主に逆らう者の未来は断たれる。
Koroka, oupeka utara kashiobiuki ambe anak ne Ehoba otta an: Shinuma anak ne yairamhekomo ambe an ita nei utara koro kiroroashnu chashi ne ruwe ne.
Korka, owpeka utar kasiopiwki anpe anakne Ehoba or ta an: Sinuma anakne yayramhekomo anpe an hi ta ne utar kor kiroroasnu casi ne ruwe ne.
主に従う人の救いは主のもとから来る災いがふりかかるとき砦となってくださる方のもとから。
Orowa, Ehoba anak ne nei utara ikashiu wa kashiobiuki ruwe ne: Wen utara orowa no ohaitare wa kashiobiuki, Shinuma gusu nei utara eyaikopashte nisa ruwe ne gusu ne na.
Orowa, Ehoba anakne ne utar ikasiw wa kasiopiwki ruwe ne: Wen utar oro wano ohaytare wa kasiopiwki, Sinuma kusu ne utar e=yaykopaste nisa ruwe ne kusu ne na.
主は彼を助け、逃れさせてくださる主に逆らう者から逃れさせてくださる。主を避けどころとする人を、主は救ってくださる。