85 Ik.

Shinotcha esapane guru gusu. Kora poho kara iyohaichish.

Sinotca esapane kur kusu. Kor poho kar iyohaycis.

【指揮者によって。コラの子の詩。賛歌。】

Ehoba, Aokai anak ne E koro moshiri otta pirika irenga sange nisa: Teke-apashte wa okai Yakob E hoshippare nisa ruwe ne.

Ehoba, Aokay anakne E=kor mosir or ta pirka irenka sanke nisa: Teke-a=paste wa okay Yakob E hosippare nisa ruwe ne.

主よ、あなたは御自分の地をお望みになりヤコブの捕われ人を連れ帰ってくださいました。

E koro utara koro wen-buri tusare, Obitta no okai koro katpak kamure nisa ruwe ne. [Sera.]

E=kor utar kor wen-puri tusare, Opittano okay kor katpak kamure nisa ruwe ne. [Sera.]

御自分の民の罪を赦し彼らの咎をすべて覆ってくださいました。〔セラ

E ki irushka ambe isamka, E ki kinrakara niwenbe shishire nisa ruwe ne.

E ki iruska anpe isamka, E ki kinrakar niwen pe sisire nisa ruwe ne.

怒りをことごとく取り去り激しい憤りを静められました。

Aa un kashiobiuki Kamui, un orun hosari hine, Un gusu an kinrakarabe isamka wa un kore.

Aa un kasiopiwki Kamuy, un orun hosari hine, Un kusu an kinrakarape isamka wa un kore.

わたしたちの救いの神よわたしたちのもとにお帰りください。わたしたちのための苦悩を静めてください。

Ramma pakno Aokai un koirushka ya? Obitta no okai ainu ikiri pakno irushka ruwe be an?

Ramma pakno Aokay un koyruska ya? Opittano okay aynu ikiri pakno iruska ruwe pe an?

あなたはとこしえにわたしたちを怒りその怒りを代々に及ぼされるのですか。

E koro utara Aokai enupetne kuni gusu, Kanna-shui un shiknure shomoki ya?

E=kor utar Aokay enupetne kuni kusu, Kanna-suy un siknure somo ki ya?

再びわたしたちに命を得させあなたの民があなたによって喜び祝うようにしてくださらないのですか。

Aa Ehoba, E koro rampoken sange wa. Un kashiobiuki wa un kore.

Aa Ehoba, E=kor ranpoken sanke wa. Un kasiopiwki wa un kore.

主よ、慈しみをわたしたちに示しわたしたちをお救いください。

Ehoba ne Kamui hemanda ye kusu ne ya sekoro ku nu kusu ne: Koro ashkanne utara otta, koro utara otta, itomo ye kusu ne gusu ne na: Koroka, iteki raka-sakbe otta ihoshipi yan.

Ehoba ne Kamuy hemanta ye kusu ne ya sekor ku=nu kusu ne: Kor askanne utar or ta, kor utar or ta, i=tom ye kusu ne kusu ne na: Korka, iteki raka-sak pe or ta i=hosipi yan.

わたしは神が宣言なさるのを聞きます。主は平和を宣言されます御自分の民に、主の慈しみに生きる人々に彼らが愚かなふるまいに戻らないように。

Son no un Shinuma kashiobiuki-hi anak ne Shinuma ko-ishitoma utara ehange no an na; Chikoro moshiri ta nupeki oshiroma kuni gusu ne na.

Sonno un Sinuma kasiopiwki hi anakne Sinuma ko-isitoma utar ehanke no an na; Ci=kor mosir ta nupeki osiroma kuni kusu ne na.

主を畏れる人に救いは近く栄光はわたしたちの地にとどまるでしょう。

Rampoken newa sonep anak ne uwetunangara nisa; Oupeka-hi newa itomo anak ne utashpa chopchopse kan nisa.

ranpoken newa sonep anakne uwetunankar nisa; Owpeka hi newa i=tom anakne utaspa copcopse kan nisa.

慈しみとまことは出会い正義と平和は口づけし

Sonep anak ne toi wano hetuku; Oupeka-i anak ne kando orowa no herashi ingan nisa.

sonep anakne toy wano hetuku; Owpeka hi anakne kanto oro wano herasi inkar nisa.

まことは地から萌えいで正義は天から注がれます。

Ruwe newa, Ehoba anak ne pirika okaibe koropare kusu ne; Chikoro moshiri ibehe sange kusu ne na.

Ruwe newa, Ehoba anakne pirka okaype korpare kusu ne; Ci=kor mosir ipehe sanke kusu ne na.

主は必ず良いものをお与えになりわたしたちの地は実りをもたらします。

Oupeka-hi anak ne Shinuma kotchaot paye wa Koro kemaha gusu ruhu kara kusu ne na.

Owpeka hi anakne Sinuma kotcaot paye wa Kor kemaha kusu ruhu kar kusu ne na.

正義は御前を行き主の進まれる道を備えます。