1
Shinotcha esapane guru gusu. Dabid kara Iyohaichish.
Sinotca esapane kur kusu. Dabid kar Iyohaycis.
【指揮者によって。賛歌。ダビデの詩。】
Shinotcha esapane guru gusu. Dabid kara Iyohaichish.
Sinotca esapane kur kusu. Dabid kar Iyohaycis.
【指揮者によって。賛歌。ダビデの詩。】
KATCHAK utara koingara gurʼanak ne anunuke ne: Wenbe an toho ta Ehoba shinuma kashiobiuki kusu ne na.
Katcak utar koinkar kur anakne a=nunuke ne: Wenpe an toho ta Ehoba sinuma kasiopiwki kusu ne na.
いかに幸いなことでしょう弱いものに思いやりのある人は。災いのふりかかるとき主はその人を逃れさせてくださいます。
Ehoba anak ne shinuma koshiratki wa shiknure kusu ne, orowa, shinuma moshiri kata an wa anunuke kusu ne; Gusu an epokba utara otta iteki shinuma ekoshi wa en kore.
Ehoba anakne sinuma kosiratki wa siknure kusu ne, orowa, sinuma mosir kata an wa a=nunuke kusu ne; Kusu an epokpa utar or ta iteki sinuma ekosi wa en=kore.
主よ、その人を守って命を得させこの地で幸せにしてください。貪欲な敵に引き渡さないでください。
Tashum ki hine hotke wa an ita Ehoba anak shinuma nitata kusu ne: Shiyeye an ita Aokai anak ne shinuma koro shotki kan ruwe ne.
Tasum ki hine hotke wa an hi ta Ehoba anak sinuma nitata kusu ne: Siyeye an hi ta Aokay anakne sinuma kor sotki kan ruwe ne.
主よ、その人が病の床にあるとき、支え力を失って伏すとき、立ち直らせてください。
Ene ku itak nisa; —Aa Ehoba, pirika irenga sange wa en kore: Ku kon ramat iwangere wa en kore; Aokai epeka no katpak ku ki nisa ruwe ne na.
Ene ku=itak nisa; —Aa Ehoba, pirka irenka sanke wa en=kore: Ku=kor ramat iwankere wa en=kore; Aokay epeka no katpak ku=ki nisa ruwe ne na.
わたしは申します。「主よ、憐れんでください。あなたに罪を犯したわたしを癒してください。」
En epokba utara anak ne en gusu wenbe ye ruwe ne, Shinuma hembara ta rai wa kon reihei ush ruwe be an? ari itak.
En epokpa utar anakne en kusu wenpe ye ruwe ne, Sinuma henpara ta ray wa kor rehe us ruwe pe an? ari itak.
敵はわたしを苦しめようとして言います。「早く死んでその名も消えうせるがよい。」
Orowa, shinuma en nukara gusu ek chiki, shunge ye; Koro keutum anak ne yaikota gusu irarape uwekarapare: Shinuma soyum peka apkash chiki nei ambe ye ruwe ne.
Orowa, sinuma en=nukar kusu ek ciki, sunke ye; Kor kewtum anakne yaykota kusu irara p uwekarpare: Sinuma soyum peka apkas ciki ne anpe ye ruwe ne.
見舞いに来れば、むなしいことを言いますが心に悪意を満たし、外に出ればそれを口にします。
En etunne utara anak ne obitta en gusu utashpa pinu-itak ki: En wende kuni gusu esanniyo ruwe ne.
En=etunne utar anakne opitta en kusu utaspa pinu-itak ki: En=wente kuni kusu esanniyo ruwe ne.
わたしを憎む者は皆、集まってささやきわたしに災いを謀っています。
Nepka wenbe shinuma otta shiri kotuk wa an: Orowa, tane anak ne shinuma hotke wa shui hopuni shomoki kusu ne.
Nep ka wenpe sinuma or ta siri kotuk wa an: Orowa, tane anakne sinuma hotke wa suy hopuni somo ki kusu ne.
「呪いに取りつかれて床に就いた。二度と起き上がれまい。」
Ruwe un, ku eyaikopashte, ku goro aep ibe en tura itomo irenga koro ku nimaraha anak ne, En epeka no koro keshup puni nisa ruwe ne.
Ruwe un, ku=e=yaykopaste, ku=kor aep ipe en tura i=tom irenka kor ku=nimaraha anakne, En=epeka no kor kesup puni nisa ruwe ne.
わたしの信頼していた仲間わたしのパンを食べる者が威張ってわたしを足げにします。
Koroka, Aa Ehoba, nei utara gusu tasa ku iki kuni ne, Pirika irenga sange wa en hopunire wa en kore.
Korka, Aa Ehoba, ne utar kusu tasa ku=iki kuni ne, Pirka irenka sanke wa en=hopunire wa en=kore.
主よ、どうかわたしを憐れみ再びわたしを起き上がらせてください。そうしてくだされば彼らを見返すことができます。
En epokba utara en annokara shomoki gusu, Tambe gusu Aokai anak ne en enupetne ruwe ne, sekoro ku eraman ruwe ne.
En epokpa utar en=annokar somo ki kusu, Tanpe kusu Aokay anakne en=enupetne ruwe ne, sekor ku=eraman ruwe ne.
そしてわたしは知るでしょうわたしはあなたの御旨にかなうのだと敵がわたしに対して勝ち誇ることはないと。
Orowa, kuani gusu, Aokai anak ne oupeka no ku an kuni gusu en nitata, Aige, ramma pakno E shik-samata en ande ruwe ne.
Orowa, kuani kusu, Aokay anakne owpekano ku=an kuni kusu en=nitata, Ayke, ramma pakno E sik-sama ta en=ante ruwe ne.
どうか、無垢なわたしを支えとこしえに、御前に立たせてください。
Otusashuishiri wano otusashuishiri pakno, Israeru koro Kamui ne Ehoba anak ne anunuke ne ruwe ne. Amen, shui, Amen.
Otu sasuysir wano otu sasuysir pakno, Israeru kor Kamuy ne Ehoba anakne a=nunuke ne ruwe ne. Amen, suy, Amen.
主をたたえよ、イスラエルの神を世々とこしえに。アーメン、アーメン。