1
Shinotcha esapane guru gusu; ka oma arektep. Dabid kara Maskir.
Sinotca esapane kur kusu; ka oma arektep. Dabid kar Maskir.
【指揮者によって。伴奏付き。マスキール。ダビデの詩。】
Shinotcha esapane guru gusu; ka oma arektep. Dabid kara Maskir.
Sinotca esapane kur kusu; ka oma arektep. Dabid kar Maskir.
【指揮者によって。伴奏付き。マスキール。ダビデの詩。】
AA Kamui, ku ki inonno-itak nu wa en kore; Iteki ku koramkorobe otta yainuina wa en kore.
Aa Kamuy, ku=ki inonno-itak nu wa en=kore; Iteki ku koramkorope or ta yaynuyna wa en=kore.
神よ、わたしの祈りに耳を向けてください。嘆き求めるわたしから隠れないでください。
En orun ikokanu bine ese wa en kore. Ku iunin wa gusu shini eaikap, orowa, ku nuwap;
En=orun ikokanu pine ese wa en=kore. Ku iwnin wa kusu sini eaykap, orowa, ku=nuwap;
わたしに耳を傾け、答えてください。わたしは悩みの中にあってうろたえています。わたしは不安です。
En epokba guru koro hawe gusu, Wen utara en ramushitnere gusu ne na; Nei utara en kashiketa irarape omare, Irushka wa en keshke ruwe ne gusu ne na.
En epokpa kur kor hawe kusu, Wen utar en=ramusitnere kusu ne na; Ne utar en=kasike ta irara p omare, Iruska wa en=keske ruwe ne kusu ne na.
敵が声をあげ、神に逆らう者が迫ります。彼らはわたしに災いをふりかからせようとし憤って襲いかかります。
En onnaigeta ku keutum anak ne iunin, Rai-i gusu ku ishitoma ruwe ne.
En=onnayke ta ku=kewtum anakne iwnin, Ray hi kusu ku=isitoma ruwe ne.
胸の中で心はもだえわたしは死の恐怖に襲われています。
Ku kimatek wa ku tusushke, Ishitoma ambe en kamure ruwe ne.
Ku=kimatek wa ku=tususke, Isitoma anpe en=kamure ruwe ne.
恐れとわななきが湧き起こり戦慄がわたしを覆い
Orowa, kusuwep nei no tekkup ku gorohumi, sekoro ku ye nisa! Yakun, ku hopuni wa arapa hine, ku shini kusu ne na.
Orowa, kusuwep néno tekkup ku korohumi, sekor ku=ye nisa! Yakun, ku=hopuni wa arpa hine, ku=sini kusu ne na.
わたしは言います。「鳩の翼がわたしにあれば飛び去って、宿を求め
Tuima no an ushike orun ku arapa wa, Nup otta ku reushi kusu ne na. [Sera.]
Tuymano an usike orun ku=arpa wa, Nup or ta ku=rewsi kusu ne na. [Sera.]
はるかに遠く逃れて荒れ野で夜を過ごすことができるのに。〔セラ
Yupke rera newa itasayupkep gusu, Tunashino ayaishishire ushi orun ku arapa.
Yupke rera newa itasayupkep kusu, Tunasno ayaysisire usi orun ku=arpa.
烈しい風と嵐を避け急いで身を隠すことができるのに。」
Aa Utarapa, nei utara isamka wa koro parumbe pereba wa en kore: Nei machiya otta niwen iki ambe newa sakayo ku nukan nisa ruwe ne gusu ne na,
Aa Utarpa, ne utar isamka wa kor parunpe perpa wa en=kore: Ne maciya or ta niwen iki anpe newa sakayo ku=nukar nisa ruwe ne kusu ne na,
主よ、彼らを絶やしてください。彼らの舌は分裂を引き起こしています。わたしには確かに見えます都に不法と争いのあることが。
Tokap-to ta hene kunne-to ta tane nei utara anak ne machiya tumama kata paye: Wen-buri newa irarape anak nei oshiketa okai ruwe ne.
Tokap-to ta hene kunne-to ta tane ne utar anakne maciya tumama kata paye: Wen-puri newa irara p anakne oske ta okay ruwe ne.
それらは昼も夜も、都の城壁の上を巡り町中には災いと労苦が
Wen-buri anak ne nei oshiketa an: Chinishteramukorep newa shungep anak ne koro machiya un ru wano shomo paye.
Wen-puri anakne ne oske ta an: Chinishteramukore p newa sunkep anakne kor maciya un ru wano somo paye.
町中には滅びがあります。広場からは搾取と詐欺が去りません。
En kosakayokara guru anak ne en epokba guru shomo ne; Nei no ne yakun yaishiporore eashkai: Shui, en epeka no yaiporore gurʼ anak ne en etunne guru shomo ne; Nei no ne yakun, shinuma otta ku yainuina kusu ne na.
En=kosakayokar kur anakne en epokpa kur somo ne; Néno ne yakun yaysiporore easkay: Suy, en=epeka no yayporore kur' anakne en=etunne kur somo ne; Néno ne yakun, sinuma or ta ku=yaynuyna kusu ne na.
わたしを嘲る者が敵であればそれに耐えもしよう。わたしを憎む者が尊大にふるまうのであれば彼を避けて隠れもしよう。
Koroka, eani ne, en eirepak ainu ne, En tura no an guru, ku ikateomare nimaraha ne ruwe ne.
Korka, eani ne, en eyrepak aynu ne, En turano an kur, ku=i=kateomare nimaraha ne ruwe ne.
だが、それはお前なのだ。わたしと同じ人間、わたしの友、知り合った仲。
Ukoiram no chi utara ramuhauge ukoramkoro shiriki okai, Awa, inne utatʼ tura no Kamui kora kenru orun apkash nisa ruwe ne.
Ukoyram no ci utar ramuhawke ukoramkor siriki okay, Awa, inne utat' turano Kamuy kor kenru orun apkas nisa ruwe ne.
楽しく、親しく交わり神殿の群衆の中を共に行き来したものだった。
Ekushkonna rai ambe anak ne nei utara otta hetukure, Shiknu rapoketa Sheo orun arangere yan: Inambe gusu ne yakun, wenbe anak ne nei oshiroma-i ta an, nei onnaigeta an ruwe ne gusu ne na.
Ekuskonna ray anpe anakne ne utar or ta hetukure, Siknu rapoketa Seo orun arankere yan: Inanpe kusu ne yakun, wenpe anakne ne osiroma hi ta an, ne onnayke ta an ruwe ne kusu ne na.
死に襲われるがよい生きながら陰府に下ればよい住まいに、胸に、悪を蓄えている者は。
Koroka, kuani anak Kamui otta ku konishuk kusu ne: Aige, Ehoba anak ne en kashiobiuki kusu ne na:
Korka, kuani anak Kamuy or ta ku konisuk kusu ne: Ayke, Ehoba anakne en=kasiopiwki kusu ne na:
わたしは神を呼ぶ。主はわたしを救ってくださる。
Onuman hene, kunneiwano hene, tokap noshiketa hene, ku oroman wa nuwap ku ki kusu ne: Orowa, shinuma ku hawe nu kusu ne na.
Onuman hene, kunneywano hene, tokap noske ta hene, ku oroman wa nuwap ku=ki kusu ne: Orowa, sinuma ku hawe nu kusu ne na.
夕べも朝も、そして昼も、わたしは悩んで呻く。神はわたしの声を聞いてくださる。
Tumi ku goro ita anak ne, Shinuma itomo sange wa ku ramat kikiraye nisa ruwe ne; Inne utara en kopiuki nisa ruwe ne gusu ne na.
Tumi ku=kor hi ta anakne, Sinuma i=tom sanke wa ku=ramat kikiraye nisa ruwe ne; Inne utar en kopiwki nisa ruwe ne kusu ne na.
闘いを挑む多くの者のただ中からわたしの魂を贖い出し、平和に守ってくださる。
Kamui anak ne nu wa anrapokikara ki kusu ne, Shinuma fushko wano an ap ne, [Sera.] Nei utara chiitasare shomoki, Kamui ko-oripak shomoki ruwe ne.
Kamuy anakne nu wa anrapokikara ki kusu ne, Sinuma husko wano an ap ne, [Sera.] Ne utar ciitasare somo ki, Kamuy ko-oripak somo ki ruwe ne.
神はわたしの声を聞き、彼らを低くされる。神はいにしえからいまし〔セラ変わることはない。その神を畏れることなく
Nei guru anak ne itomo koro guru kopiuki gusu teke turi nisa; Aki uitaknup koatcha nisa ruwe ne na.
Ne kur anakne i=tom kor kur kopiwki kusu teke turi nisa; Aki uytaknup koatca nisa ruwe ne na.
彼らは自分の仲間に手を下し、契約を汚す。
Koro paroho anak ne kiripu korachi teshnatara ruwe ne, Koroka, keutum ta tumi an: Koro itak anak ne shum kasu no hapuru ruwe ne, Yakka, aetaye an rangetam nepkoro ne ruwe ne na.
Kor paroho anakne kirpu koraci tesnatara ruwe ne, Korka, kewtum ta tumi an: Kor itak anakne sum kasuno hapur ruwe ne, Yakka, a=etaye an ranke tam nepkor ne ruwe ne na.
口は脂肪よりも滑らかに語るが心には闘いの思いを抱き言葉は香油よりも優しいが、抜き身の剣に等しい。
Ehoba kata e koro ashikerep omare, yakun, Shinuma echi koshiratki kusu ne: Oupeka utara ramma pakno shomo amoimoyegere kuni ne Shinuma ki kusu ne na.
Ehoba kata e=kor asikerep omare, yakun, Sinuma eci=kosiratki kusu ne: Owpeka utar ramma pakno somo amoymoyekere kuni ne Sinuma ki kusu ne na.
あなたの重荷を主にゆだねよ主はあなたを支えてくださる。主は従う者を支えとこしえに動揺しないように計らってくださる。
Koroka Aokai, Aa Kamui, nei utara aisamka kuni ne nei shui oro range kusu ne: Kemnure rusui newa shungep ki utara anak ne shiknu kuni toho nimara pakno shomo okai kusu ne; Koroka, kuani anak ne Aokai orun yaikopashte kusu ne na.
Korka Aokay, Aa Kamuy, ne utar a=ysamka kuni ne ne suy oro ranke kusu ne: Kemnure rusuy newa sunkep ki utar anakne siknu kuni toho nimara pakno somo okay kusu ne; Korka, kuani anakne Aokay orun yaykopaste kusu ne na.
神よ、あなた御自身で滅びの穴に追い落としてください欺く者、流血の罪を犯す者を。彼らが人生の半ばにも達しませんように。わたしはあなたに依り頼みます。