AA Ehoba, nep gusu Aokai anak ne ehangeko no an ushiketa ash a? Nep gusu yairamhekomo an i ta Aokai yainuinak ruwe he an?
Aa Ehoba, nep kusu Aokay anakne e=hankeko no an uske ta as a? Nep kusu yayramhekomo an i ta Aokay yaynuynak ruwe he an?
主よ、なぜ遠く離れて立ち苦難の時に隠れておられるのか。
Wen utara pakesara wa otek-sak guru shiarikiki no keseamba ruwe ne; Yaikota oshke esanniyop ani aeyaiewendere ruwe ne na.
Wen utar pakesara wa otek-sak kur siarikiki no keseanpa ruwe ne; Yaykota oske esanniyop ani aeyayewentere ruwe ne na.
貧しい人が神に逆らう傲慢な者に責め立てられてその策略に陥ろうとしているのに。
Wen utara anak ne koro keutum ta ki rusuibe eyaiyomonnure, Orowa, yaikoshipuinere guru nunuke wa Ehoba eangesh ruwe ne gusu ne na.
Wen utar anakne kor kewtum ta ki rusuy pe eyaiyomonnure, Orowa, yaykosipuynere kur nunuke wa Ehoba e=ankes ruwe ne kusu ne na.
神に逆らう者は自分の欲望を誇る。貪欲であり、主をたたえながら、侮っている。
Wen guru anak ne sancha otta pakesara iporo epukitara, Shinuma nei ambe shomo hunara kusu ne, sekoro itak. Kamui isama kunak ramma yainu ruwe ne na.
Wenkur anakne sanca or ta pakesara iporo epukitara, Sinuma ne anpe somo hunara kusu ne, sekor itak. Kamuy isam kunak ramma yaynu ruwe ne na.
神に逆らう者は高慢で神を求めず何事も神を無視してたくらむ。
Hembara ne yakka koro ki buri yupke ruwe ne; E ki esanniyop anak shi no ri wa shinuma nukara eaikap ruwe ne: Aeramshitnere utara gusu shinuma orun hussa shiukosamba ruwe ne na.
Henpara ne yakka kor ki puri yupke ruwe ne; E ki esanniyop anak sino ri wa sinuma nukar eaykap ruwe ne: Aeramshitnere utar kusu sinuma orun hussa siwkosanpa ruwe ne na.
あなたの裁きは彼にとってはあまりにも高い。彼の道はどのようなときにも力をもち自分に反対する者に自分を誇示し
Koro keutumta, kuani amoimoigere shomoki: Otusashuishiri pakno a en awende shomoki kusu ne, sekoro itak.
Kor kewtum ta, kuani amoymoykere somo ki: Otu sasuysir pakno a en=awente somo ki kusu ne, sekor itak.
「わたしは揺らぐことなく、代々に幸せで災いに遭うことはない」と心に思う。
Koro paro anak ne koatchap newa shungep newa chinishteramukorep ani aeshik wa an: Koro parumbe choropoketa irarape newa raka-isambe an ruwe ne.
Kor paro anakne koatcap newa sunkep newa cinisteramukore p ani a=esik wa an: Kor parunpe corpoke ta irara p newa raka-i=sanpe an ruwe ne.
口に呪い、詐欺、搾取を満たし舌に災いと悪を隠す。
Kotan otta shinuma yongororo kusu ne, Nuina ushiketa turu-sak guru keweuk: Orowa, katchak utara kopiuki ruwe ne.
Kotan or ta sinuma yonkororo kusu ne, Nuyna uske ta tur-sak kur keweuk: Orowa, katcak utar kopiwki ruwe ne.
村はずれの物陰に待ち伏せし不運な人に目を付け、罪もない人をひそかに殺す。
Koro chisei ta shishi anak ne yongororo korachi nei guru ne yakka nuina ushiketa yongororo: Otek-sak guru koiki gusu yongororo: Koro ya otta animba chiki, otek-sak guru kishima ruwe ne.
Kor cise ta sisi anakne yonkororo koraci ne kur ne yakka nuyna uske ta yonkororo: Otek-sak kur koyki kusu yonkororo: Kor ya or ta a=ninpa ciki, otek-sak kur kisma ruwe ne.
茂みの陰の獅子のように隠れ、待ち伏せ貧しい人を捕えようと待ち伏せ貧しい人を網に捕えて引いて行く。
Shinuma hotku-hotku wa ikkeu komo, Koro okirashnu utara gusu katchak utara anak ne aanno-hachire ruwe ne.
Sinuma hotku-hotku wa ikkew komo, Kor okirasnu utar kusu katcak utar anakne a=anno-hacire ruwe ne.
不運な人はその手に陥り倒れ、うずくまり
Koro keutum ta, Kamui anak ne oira nisa ruwe ne: Shinuma koro nanuhu nuina wa ramma pakno shomo nukara kusu ne, ani itak.
Kor kewtum ta, Kamuy anakne oyra nisa ruwe ne: Sinuma kor nanuhu nuyna wa ramma pakno somo nukar kusu ne, ani itak.
心に思う「神はわたしをお忘れになった。御顔を隠し、永久に顧みてくださらない」と。
Aa Ehoba, hopuni; Aa Kamui, E tekehe puni: Iteki otek-sak guru oira wa en kore.
Aa Ehoba, hopuni; Aa Kamuy, E tekehe puni: Iteki otek-sak kur oyra wa en=kore.
立ち上がってください、主よ。神よ、御手を上げてください。貧しい人を忘れないでください。
Hemanda gusu wen guru anak ne Kamui eangesh wa, Aokai shomo nei ambe hunara kusu ne, ari ani itak ani keutum ta itak ya?
Hemanta kusu wenkur anakne Kamuy e=ankes wa, Aokay somo ne anpe hunara kusu ne, ari ani itak ani kewtum ta itak ya?
なぜ、逆らう者は神を侮り罰などはない、と心に思うのでしょう。
Aokai inganʼnisa ruwe ne; E tekehe otta shikkashima kuni gusu Aokai irarape newa kinrakarape nukan ruwe ne: Katchak guru anak ne Aokai gusu eyaikopashte: Eshikop sak guru Aokai kashiobiuki nisa ruwe ne.
Aokay inkar nisa ruwe ne; E tekehe or ta sikkasima kuni kusu Aokay irara p newa kinrakarape nukar ruwe ne: Katcak kur anakne Aokay kusu e=yaykopaste: Esikop sak kur Aokay kasiopiwki nisa ruwe ne.
あなたは必ず御覧になって御手に労苦と悩みをゆだねる人を顧みてくださいます。不運な人はあなたにすべてをおまかせします。あなたはみなしごをお助けになります。
Wen guru koro amunin kaye wa en kore; Wen guru koro wen-buri obitta isam pakno Aokai hunara kusu ne na.
Wenkur kor amunin kaye wa en=kore; Wenkur kor wen-puri opitta isam pakno Aokay hunara kusu ne na.
逆らう者、悪事を働く者の腕を挫き彼の反逆を余すところなく罰してください。
Ehoba anak ne otusashuishiri wano otusashuishiri pakno moshiri Esapanep ne: Moshiri uirup anak ne Shinuma koro moshiri orowa no aisamka ruwe ne.
Ehoba anakne otu sasuysir wano otu sasuysir pakno mosir E=sapanep ne: Mosir uyrup anakne Sinuma kor mosir oro wano a=ysamka ruwe ne.
主は世々限りなく王。主の地から異邦の民は消え去るでしょう。
Aa Ehoba, Aokai anak ne otek-sak guru konrusuibe nu nisa ruwe ne; Aokai anak nei utara koro keutum tumashnure, orowa, otta kisara ikokanu kusu ne na:
Aa Ehoba, Aokay anakne otek-sak kur konrusuype nu nisa ruwe ne; Aokay anakne utar kor kewtum tumasnure, orowa, or ta kisara ikokanu kusu ne na:
主よ、あなたは貧しい人に耳を傾けその願いを聞き、彼らの心を確かにし
Moshiri kata an guru tewa no iteki ishitomare kuni gusu, Eshikop sak guru newa aeyairamkoikire utara gusu ipishi ki kusu ne na.
Mosir kata an kur tewano iteki isitomare kuni kusu, Esikop sak kur newa aeyayramkoykire utar kusu ipisi ki kusu ne na.
みなしごと虐げられている人のために裁きをしてくださいます。この地に住む人は再び脅かされることがないでしょう。