94 Ik.

AA ikemnu ki Kamui ne Ehoba, Ikemnu ki kuni Kamui, pekere atte wa en kore.

Aa ikemnu ki Kamuy ne Ehoba, Ikemnu ki kuni Kamuy, peker atte wa en=kore.

主よ、報復の神として報復の神として顕現し

Moshiri koipiship, yaihopunire; Pakesara utara otta uk kuni iwai kore yan.

Mosir koypisip, yayhopunire; Pakesara utar or ta uk kuni iway kore yan.

全地の裁き手として立ち上がり誇る者を罰してください。

Aa Ehoba, wen utara hembara pakno, Hembara pakno wen utara annokara ki?

Aa Ehoba, wen utar henpara pakno, Henpara pakno wen utar annokar ki?

主よ、逆らう者はいつまで逆らう者はいつまで、勝ち誇るのでしょうか。

Nei utara parorui wa pakesara itak ki: Irarape ikichi utara obitta yaiomonnure ruwe ne.

Ne utar paroruy wa pakesara itak ki: Irara p ikici utar opitta yayomonnure ruwe ne.

彼らは驕った言葉を吐き続け悪を行う者は皆、傲慢に語ります。

Aa Ehoba, nei utara anak ne E koro utara humne no pereke, E koro eikeshkoro utara shirikirapte ruwe ne.

Aa Ehoba, ne utar anakne E=kor utar humne no perke, E=kor eykeskoro utar sirkirapte ruwe ne.

主よ、彼らはあなたの民を砕きあなたの嗣業を苦しめています。

Nei utara anak ne shiyompiyara shiwentep newa oya guru newa ronnu, Orowa, eshikop-sak utara keweuk ruwe ne.

Ne utar anakne siyonpiyar siwentep newa oya kur newa ronnu, Orowa, esikop-sak utar keweuk ruwe ne.

やもめや寄留の民を殺しみなしごを虐殺します。

Yah shomo nukara kusu ne, Yakob koro Kamui anak ne esanniyo shomoki ruwe ne sekoro itak.

Yah somo nukar kusu ne, Yakob kor Kamuy anakne esanniyo somo ki ruwe ne sekor itak.

そして、彼らは言います「主は見ていない。ヤコブの神は気づくことがない」と。

Utara tumta okai chikoikip-ramkoro utara ramepakari yan? Echi haita utara hembara ta echi wayashnu ne ruwe he an?

Utar tum ta okay cikoykip-ramkor utar ramepakari yan? Eci=hayta utar henpara ta eci=wayasnu ne ruwe he an?

民の愚かな者よ、気づくがよい。無知な者よ、いつになったら目覚めるのか。

Kisaraha kara Kamui anak ne shomo nu ruwe he an? Shikihi kara Kamui shomo nukara ruwe he an?

Kisaraha kar Kamuy anakne somo nu ruwe he an? Sikihi kar Kamuy somo nukar ruwe he an?

耳を植えた方に聞こえないとでもいうのか。目を造った方に見えないとでもいうのか。

Moshiri uirup utara epakashnu Kamui anak ne pakashnu shomoki kusu ne ya? Shinuma anak ne oramushbe ainu otta epakashnu ruwe ne.

Mosir uyrup utar epakasnu Kamuy anakne pakasnu somo ki kusu ne ya? Sinuma anakne oramuspe aynu or ta epakasnu ruwe ne.

人間に知識を与え、国々を諭す方に論じることができないとでもいうのか。

Ehoba anak ne ainu koro oshkep eraman, Ouse heisepa ne ambe ne ruwe ne gusu ne na.

Ehoba anakne aynu kor oskep eraman, Owse heysepa ne anpe ne ruwe ne kusu ne na.

主は知っておられる、人間の計らいをそれがいかに空しいかを。

Aa Yah, Aokai shirikik guru newa, E koro ikashpaotte epakashnu guru anak ne anunuke ne ruwe ne;

Aa Yah, Aokay sirkik kur newa, E=kor ikaspaotte epakasnu kur anakne a=nunuke ne ruwe ne;

いかに幸いなことでしょう主よ、あなたに諭されあなたの律法を教えていただく人は。

Aokai anak ne wenbe an toho ta, Wen guru gusu shui ahori pakno shinire ruwe ne gusu ne na.

Aokay anakne wenpe an toho ta, Wenkur kusu suy a=hori pakno sinire ruwe ne kusu ne na.

その人は苦難の襲うときにも静かに待ちます。神に逆らう者には、滅びの穴が掘られています。

Inambe gusu ne yakun, Ehoba anak ne koro utara shomo emakba, Koro eikeshkoro utara osurupa shomoki kusu ne gusu ne na.

Inanpe kusu ne yakun, Ehoba anakne kor utar somo emakpa, Kor eykeskoro utar osurpa somo ki kusu ne kusu ne na.

主は御自分の民を決しておろそかになさらず御自分の嗣業を見捨てることはなさいません。

Shui, aesanniyo ambe anak ne oupekap ne aki: Orowa, obitta no okai keutum oupeka utara nei ambe oshkoni kusu ne.

Suy, a=esanniyo anpe anakne owpekap ne aki: Orowa, opittano okay kewtum owpeka utar ne anpe oskoni kusu ne.

正しい裁きは再び確立し心のまっすぐな人は皆、それに従うでしょう。

Irarabe ikichi utara epeka no en gusu hopumba guru inan guru ne ya? Wenbe ikichi utara epeka no en gusu roshki guru nen ne ruwe?

Irara p ikici utar epeka no en kusu hopunpa kur inan kur ne ya? Wenpe ikici utar epeka no en kusu roski kur nen ne ruwe?

災いをもたらす者に対してわたしのために立ち向かい悪を行う者に対してわたしに代わって立つ人があるでしょうか。

Ehoba anak ne en kaobiuki shomoki a yakun, Ku ramat anak ne chashnu no mo no oshiroma ruwe ne na.

Ehoba anakne en kaopiwki somo ki a yakun, Ku=ramat anakne casnu no mo no osiroma ruwe ne na.

主がわたしの助けとなってくださらなければわたしの魂は沈黙の中に伏していたでしょう。

Ku chikiri anak ne oshitteshu ruwe ne sekoro ku itak ita, Aa Ehoba, E koro rampoken en nitata nisa ruwe ne.

Ku=cikiri anakne osittesu ruwe ne sekor ku=itak hi ta, Aa Ehoba, E=kor ranpoken en=nitata nisa ruwe ne.

「足がよろめく」とわたしが言ったとき主よ、あなたの慈しみが支えてくれました。

En oshiketa inne no okai utumashi ambe an ita anak ne E ki omaoma ambe ku ramat nupetnere nisa ruwe ne.

En=oske ta inne no okay utumasi anpe an hi ta anakne E ki omaoma anpe ku=ramat nupetnere nisa ruwe ne.

わたしの胸が思い煩いに占められたときあなたの慰めがわたしの魂の楽しみとなりました。

Ipawetenge wa irarape kara, Wenbe koro amset E tura no an kusu ne ya?

Ipawetenke wa irara p kar, Wenpe kor amset E turano an kusu ne ya?

破滅をもたらすのみの王座掟を悪用して労苦を作り出すような者があなたの味方となりえましょうか。

Nei utara anak ne oupeka utara kon ramat gusu uwekarapa, Orowa, turu-sak kem akokatpakte ruwe ne.

Ne utar anakne owpeka utar kor ramat kusu uekarpa, Orowa, tur-sak kem akokatpakte ruwe ne.

彼らは一団となって神に従う人の命をねらい神に逆らって潔白な人の血を流そうとします。

Koroka, Ehoba anak ne ku goro ri chashi ne; Kamui anak ku numne kuni Watara ne ruwe ne.

Korka, Ehoba anakne ku=kor ri casi ne; Kamuy anak ku numne kuni Watara ne ruwe ne.

主は必ずわたしのために砦の塔となりわたしの神は避けどころとなり岩となってくださいます。

Orowa, Shinuma anak ne nei utara kashi yaikota koro irarape kash-omare nisa, Aige, yaikota iki wenbe ki rapoketa Shinuma otuye kusu ne; Chikoro Kamui ne Ehoba anak ne nei utara otuye kusu ne na.

Orowa, Sinuma anakne ne utar kasi yaykota kor irara p kas-omare nisa, Ayke, yaykota iki wenpe ki rapoketa Sinuma otuye kusu ne; Ci=kor Kamuy ne Ehoba anakne ne utar otuye kusu ne na.

彼らの悪に報い苦難をもたらす彼らを滅ぼし尽くしてください。わたしたちの神、主よ彼らを滅ぼし尽くしてください。