101 Ik.

Dabid kara iyohaichish.

Dabid kar iyohaycis.

【ダビデの詩。賛歌。】

KUANI rampoken newa aesanniyop gusu shinotcha ki kusu ne: Aa Ehoba E orun ramye shinotcha ku ki kusu ne na.

Kuani ranpoken newa aesanniyop kusu sinotcaki kusu ne: Aa Ehoba E orun ramye sinotca ku=ki kusu ne na.

慈しみと裁きをわたしは歌い主よ、あなたに向かって、ほめ歌います。

Kuani oupeka an ruhu gusu yaiwayashnure kusu ne: Aa hembara Aokai en orun ek kusu ne ya? Kuani oupeka keutum koro wa ku kot chisei upshoro ta apkash kusu ne na.

Kuani owpeka an ruhu kusu yaywayasnure kusu ne: Aa henpara Aokay en=orun ek kusu ne ya? Kuani owpeka kewtum kor wa ku=kot cise upsoro ta apkas kusu ne na.

完全な道について解き明かします。いつ、あなたはわたしを訪れてくださるのでしょうか。わたしは家にあって無垢な心をもって行き来します。

Ku shik-samata yashitoma kuni ambe shomo ku ande kusu ne: Oheuge ne paye utara ki ikip ku etunne; Nei okaibe en kotuk shomoki kusu ne.

Ku=sik-sama ta yastoma kuni anpe somo ku=ante kusu ne: Ohewke ne paye utar ki iki p ku=etunne; Ne okaype en=kotuk somo ki kusu ne.

卑しいことを目の前に置かず背く者の行いを憎みまつわりつくことを許さず

Itakkashi keutum oyake un apayere: Wen guru shomo ku eamkiri rusui.

Itakkasi kewtum oyake un a=payere: Wenkur somo ku=e=amkir rusuy.

曲がった心を退け悪を知ることはありません。

Arorokishne no aun guru ohaigekara guru ku isamka kusu ne: Etu mekka rire wa pakesara keutum koro guru an kuni ku kopan ruwe ne.

Arorkisneno aun kur ohaykekar kur ku=isamka kusu ne: Etu mekka rir wa pakesara kewtum kor kur an kuni ku=kopan ruwe ne.

隠れて友をそしる者を滅ぼし傲慢な目、驕る心を持つ者を許しません。

En tura no oshiroma kuni ne ku shikihi anak ne moshiri kata okai ikipniukesh utara kashike an: Oupeka ruhu otta apkash guru anak ne en otta yaishieiwangere kusu ne.

En turano osiroma kuni ne ku=sikihi anakne mosir kata okay ikipniwkes utar kasike an: Owpeka ruhu or ta apkas kur anakne en or ta yaysieywankere kusu ne.

わたしはこの地の信頼のおける人々に目を留めわたしと共に座に着かせ完全な道を歩く人を、わたしに仕えさせます。

Kokandama ambe iki guru anak ne ku kot chisei ta shomo oshiroma kusu ne: Shungep ye guru anak ne ku shik-samata shomo aashte kusu ne na.

Kokantama anpe iki kur anakne ku=kot cise ta somo osiroma kusu ne: Sunkep ye kur anakne ku=sik-sama ta somo a=aste kusu ne na.

わたしの家においては人を欺く者を座に着かせず偽って語る者をわたしの目の前に立たせません。

Kes kunneiwano range moshirʼotta okai wen utara obitta ku isamka; Ehoba koro machiya wano obitta no okai irarape ikichi utara ku otuyeba kusu ne na.

Kes kunneywano ranke mosir or ta okay wen utar opitta ku=isamka; Ehoba kor maciya wano opittano okay irara p ikici utar ku otuyepa kusu ne na.

朝ごとに、わたしはこの地の逆らう者を滅ぼし悪を行う者をことごとく、主の都から断ちます。