17 Ik.

Dabid ki inonno-itak.

Dabid ki inonno-itak.

【祈り。ダビデの詩。】

AA Ehoba, oupekap nu, ku ashte hawe nu wa en kore; Shunge sak no an patoi wano oashin ku ki inonno-itak nu wa en kore.

Aa Ehoba, owpekap nu, ku=aste hawe nu wa en=kore; Sunke sak no an patoy wano oasin ku=ki inonno-itak nu wa en=kore.

主よ、正しい訴えを聞きわたしの叫びに耳を傾け祈りに耳を向けてください。わたしの唇に欺きはありません。

En gusu an Aokai esanniyop en nure; Oheuge sakbe orun ingara wa en kore.

En kusu an Aokay esanniyop en=nure; Ohewke sak pe orun inkar wa en=kore.

御前からわたしのために裁きを送り出しあなた御自身の目をもって公平に御覧ください。

Aokai anak ne ku keutum shiruwande nisa; anchikara ta Aokai en orun ek nisa ruwe ne; En turusakte wa nep ka shomo E nukara; Ku paroho shomo ohaita kuni ne ku ramu-oshitchiu ruwe ne.

Aokay anakne ku=kewtum siruwante nisa; ancikar ta Aokay en=orun ek nisa ruwe ne; En turusakte wa nep ka somo E nukar; Ku=paroho somo ohay ta kuni ne ku=ramu-ositciw ruwe ne.

あなたはわたしの心を調べ、夜なお尋ね火をもってわたしを試されますが汚れた思いは何ひとつ御覧にならないでしょう。わたしの口は人の習いに従うことなくあなたの唇の言葉を守ります。暴力の道を避けて

Utara iki ikip gusu, kuani anak ne E koro patoi un itak ani Niwen utara ruhu ku yaiohaitare nisa ruwe ne.

Utar iki iki p kusu, kuani anakne E=kor patoy un itak ani Niwen utar ruhu ku yayohaytare nisa ruwe ne.

あなたの道をたどり一歩一歩、揺らぐことなく進みます。

Kuani kiroro-yupu wa E kon ruhu otta ku apkash, Ku kema anak ne oshitteshu shomoki nisa ruwe ne na.

Kuani kiroro-yupu wa E=kor ruhu or ta ku=apkas, Ku=kema anakne osittesu somo ki nisa ruwe ne na.

あなたを呼び求めます神よ、わたしに答えてください。わたしに耳を向け、この訴えを聞いてください。

Aa Kamui, kuani E konishuk nisa, Aokai en orun ese kusu ne gusu ne na. E kisara en orun atte wa ku ye itak nu wa en kore.

Aa Kamuy, kuani E konisuk nisa, Aokay en=orun ese kusu ne kusu ne na. E kisara en=orun atte wa ku=ye itak nu wa en=kore.

慈しみの御業を示してください。あなたを避けどころとする人を立ち向かう者から右の御手をもって救ってください。

Aokai gusu eyaikopashte utara koro shimon teke ani epokba utara orowa no ohaitare wa kashiobiuki Kamui, E koro poro omap an ramuhauge irenga eyaiyupki wa en kore.

Aokay kusu e=yaykopaste utar kor simon teke ani epokpa utar oro wano ohaytare wa kasiopiwki Kamuy, E=kor poro omap an ramuhawke irenka eyaiyupki wa en=kore.

瞳のようにわたしを守りあなたの翼の陰に隠してください。

E koro kunne-shik-num korachi en shikkashima, E tekkup sempiriketa en nuina wa en kore.

E=kor kunne-sik-num koraci en=sikkasima, E tekkup senpirke ta en=nuyna wa en=kore.

あなたに逆らう者がわたしを虐げ貪欲な敵がわたしを包囲しています。

En eikoisamka wen utara orowa no, En raige rusui wa en nikkotama epokba utara orowa no en ohaitare wa en kore.

En eykoysamka wen utar oro wano, En=rayke rusuy wa en nikkotama epokpa utar oro wano en ohaytare wa en=kore.

彼らは自分の肥え太った心のとりことなり口々に傲慢なことを言います。

Nei utara yaikota koro keutum seshke; koro paro ani pakesara ambe ye ruwe ne.

Ne utar yaykota kor kewtum seske; kor paro ani pakesara anpe ye ruwe ne.

わたしに攻め寄せ、わたしを包囲し地に打ち倒そうとねらっています。

Chi paye ash koran rapoketa nei utara un nikkotama, Shiri kata pakno un hachire kuni ne shikihi atte ruwe ne na.

Ci paye as koran rapoketa ne utar un nikkotama, Siri kata pakno un hacire kuni ne sikihi atte ruwe ne na.

そのさまは獲物を求めてあえぐ獅子待ち伏せる若い獅子のようです。

Koro aep ibe-ehunara shishi chikoikip ukoheraye, Nuina no an ushiketa yongororo upen shishi korachi ne.

Kor aep ipe-ehunara sisi cikoykip ukoheraye, Nuyna no an uske ta yonkororo upen sisi koraci ne.

主よ、立ち上がってください。御顔を向けて彼らに迫り、屈服させてください。あなたの剣をもって逆らう者を撃ちわたしの魂を助け出してください。

Aa Ehoba, bopuni, aige, nei utara iyetokush wa hachire, E koro rangetam ani wen utara wano ku ramat ohaitare wa en kore;

Aa Ehoba, pop un, ayke, ne utar iyetokus wa hacire, E=kor ranke tam ani wen utar wano ku=ramat ohaytare wa en=kore;

主よ、御手をもって彼らを絶ち、この世から絶ち命ある者の中から彼らの分を絶ってください。しかし、御もとに隠れる人には豊かに食べ物をお与えください。子らも食べて飽き、子孫にも豊かに残すように。

Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne. Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Aa Ehoba, E teke ani aynu utar, Mosir un utar, kor kunip tam mosir or ta a=kore utar wano en ohaytare wa en=kore; E sanke kasnukarape ani ne honihi Aokay sikte ruwe ne: A=eramusinne pakno ne utar anakne po kor, Ayke, kor aeoteknup ayay eykeskore ruwe ne. Kuani anakne owpeka wa E nanuhu ku=nukar kusu ne: Ku=mos hi ta E katuhu ku=nukar wa ku=eramusinne kusu ne na.

わたしは正しさを認められ、御顔を仰ぎ望み目覚めるときには御姿を拝して満ち足りることができるでしょう。