72 Ik.

Soromon karape.

Soromon kar pe.

【ソロモンの詩。】

AA Kamui, E koro aesanniyo ambe moshiri shikka shima guru otta kore, E koro oupekap Moshiri shikkashima guru koro poho otta koropare wa en kore.

Aa Kamuy, E=kor a=esanniyo anpe mosir sikka sima kur or ta kore, E=kor owpekap Mosir sikkasima kur kor poho or ta korpare wa en=kore.

神よ、あなたによる裁きを、王にあなたによる恵みの御業を、王の子にお授けください。

Oupeka no shinuma anak ne E koro utara koipishi kusu ne, Esanniyo wa E koro otek-sak utara gusu ki kusu ne na.

Owpekano sinuma anakne E=kor utar koypisi kusu ne, Esanniyo wa E=kor otek-sak utar kusu ki kusu ne na.

王が正しくあなたの民の訴えを取り上げあなたの貧しい人々を裁きますように。

Nupuri anak ne utara gusu itomo sange, Huru anak ne oupeka-hi sange kusu ne.

Nupuri anakne utar kusu i=tom sanke, Hur anakne owpeka hi sanke kusu ne.

山々が民に平和をもたらし丘が恵みをもたらしますように。

Shinuma anak ne utara tumugeta okai otek-sak utara koipishi, Irapokkari utara koro poho kashiobas, Orowa, ramunishte kore guru humne no kaye kusu ne na.

Sinuma anakne utar tumke ta okay otek-sak utar koypisi, Irapokkari utar kor poho kasiopas, Orowa, ramuniste kore kur humne no kaye kusu ne na.

王が民を、この貧しい人々を治め乏しい人の子らを救い虐げる者を砕きますように。

Tokap chup an pakno nei utara E ko-ishitoma, Ramma an ainu ikiri pakno, kunne chup an pakno nei no ki kusu ne.

Tokap cup an pakno ne utar E ko-isitoma, Ramma an aynu ikiri pakno, kunne cup an pakno néno ki kusu ne.

王が太陽と共に永らえ月のある限り、代々に永らえますように。

Amose-kara mun kata ran apto korachi Shinuma ran; Toitoi teineika apto korachi ran kusu ne.

A=mos-kar mun kata ran apto koraci Sinuma ran; Toytoy teyneyka apto koraci ran kusu ne.

王が牧場に降る雨となり地を潤す豊かな雨となりますように。

Shinuma toho ta oupeka utara shipiraspa; Orowa, kunne chup isam pakno itomo nuye an no an kusu ne na.

Sinuma toho ta owpeka utar sipiraspa; Orowa, kunne cup isam pakno i=tom nuye an no an kusu ne na.

生涯、神に従う者として栄え月の失われるときまでも豊かな平和に恵まれますように。

Atui-pa pakno atui-gesh pakno, Nei pet wano moshiri-gesh pakno Shinuma esapane kusu ne.

Atuy-pa pakno atuy-kes pakno, Ne pet wano mosir-kes pakno Sinuma esapane kusu ne.

王が海から海まで大河から地の果てまで、支配しますように。

Nup otta oshiroma utara anak ne Shinuma kotchaketa hepokiush kusu ne; Shinuma epokba utara toitoi koponchi kemkem kusu ne na.

Nup or ta osiroma utar anakne Sinuma kotcake ta hepokius kusu ne; Sinuma epokpa utar toytoy koponci kemkem kusu ne na.

砂漠に住む者が彼の前に身を屈め敵が塵をなめますように。

Tarshish newa rep-un moshiri shikkashima utara anak ne eikrap koro wa araki, Sheba newa Saba shikkashima utara anak ne ekoimokokorobe yange kusu ne na.

Tarsis newa repun mosir sikkasima utar anakne eikrap kor wa arki, Seba newa Sapa sikkasima utar anakne ekoymokokorope yanke kusu ne na.

タルシシュや島々の王が献げ物をシェバやセバの王が貢ぎ物を納めますように。

Ruwe un, obitta no okai moshiri shikkashima utara anak ne Shinuma kotchaketa hepokichiu kusu ne: Obitta no okai moshiri uirup anak ne Shinuma otta yaishieiwangere kusu ne na.

Ruwe un, opittano okay mosir sikkasima utar anakne Sinuma kotcake ta hepokiciw kusu ne: Opittano okay mosir uyrup anakne Sinuma or ta yaysieywankere kusu ne na.

すべての王が彼の前にひれ伏しすべての国が彼に仕えますように。

Irapokkari utara hawe ashte chiki Shinuma anak ne kashiobiuki kusu ne; Otek-sak guru newa ikashiu guru isam no an guru kashiobiuki kusu ne na.

Irapokkari utar hawe aste ciki Sinuma anakne kasiopiwki kusu ne; Otek-sak kur newa ikasiw kur isam no an kur kasiopiwki kusu ne na.

王が助けを求めて叫ぶ乏しい人を助けるものもない貧しい人を救いますように。

Shinuma anak ne katchabe newa irapokkari utara chishikiraine, Orowa, eishiramne utara kon ramat kashiobiuki kusu ne.

Sinuma anakne katcape newa irapokkari utar cisikirayne, Orowa, eysiramne utar kor ramat kasiopiwki kusu ne.

弱い人、乏しい人を憐れみ乏しい人の命を救い

Iteki chiramunishtekore, iteki aeramu-nishte kuni ne nei utara kon ramat kikiraye kusu ne. Orowa, nei utara koro kem anak ne shinuma kotchaketa nupurupe ne kusu ne na.

Iteki ciramunistekore, iteki a=ermu-niste kuni ne ne utar kor ramat kikiraye kusu ne. Orowa, ne utar kor kem anakne sinuma kotcake ta nupur pe ne kusu ne na.

不法に虐げる者から彼らの命を贖いますように。王の目に彼らの血が貴いものとされますように。

Orowa, nei utara shiknu wa Sheba kongani akore kusu ne: Ramma shinuma gusu utara inonno-itak ki kusu ne: Orowa, to ebitta shinuma nunuke kusu ne na.

Orowa, ne utar siknu wa Seba konkani a=kore kusu ne: Ramma sinuma kusu utar inonno-itak ki kusu ne: Orowa, to epitta sinuma nunuke kusu ne na.

王が命を得ますように。彼にシェバの黄金がささげられますように。彼のために人々が常に祈り絶え間なく彼を祝福しますように。

Nupuri kata newa toitoi kata amam anak ne nuye an no an kusu ne; Rebanon korachi nei nikaop shuyeshuye; Orowa, machi otta okai utara anak ne toitoi mun nei no shipiraspa kusu ne na.

Nupuri kata newa toytoy kata amam anakne nuye an no an kusu ne; Rebanon koraci ne nikaop suyesuye; Orowa, maci or ta okay utar anakne toytoy mun néno sipiraspa kusu ne na.

この地には、一面に麦が育ち山々の頂にまで波打ちその実りはレバノンのように豊かで町には人が地の青草ほどにも茂りますように。

Shinuma reihei anak ne otusashuishiri pakno an; Shinuma reihei anak ne tokap chup an pakno an kusu ne: Orowa, utara anak ne Shinuma gusu anunuke an; Obitta no okai moshiri uirup anak ne Shinuma anupetnerep ne sekoro ye kusu ne na.

Sinuma rehe anakne otu sasuysir pakno an; Sinuma rehe anakne tokap cup an pakno an kusu ne: Orowa, utar anakne Sinuma kusu a=nunuke an; Opittano okay mosir uyrup anakne Sinuma anupetnerep ne sekor ye kusu ne na.

王の名がとこしえに続き太陽のある限り、その名が栄えますように。国々の民は皆、彼によって祝福を受け彼を幸いな人と呼びますように。

Ehoba ne Kamui. Israeru koro Kamui anunuke ne, Patek Shinuma iyokunnure ikip ki ruwe ne:

Ehoba ne Kamuy. Israeru kor Kamuy a=nunuke ne, Patek Sinuma iyokunnure iki p ki ruwe ne:

主なる神をたたえよイスラエルの神ただひとり驚くべき御業を行う方を。

Orowa, otusashuishiri pakno Shinuma koro nupeki an reihei anunuke ne; Shui, moshirʼebitta Shinuma koro nupeki ani aeshik-tere an na. Amen, shui, Amen.

Orowa, otu sasuysir pakno Sinuma kor nupeki an rehe a=nunuke ne; Suy, mosir epitta Sinuma kor nupeki ani a=esik-tere an na. Amen, suy, Amen.

栄光に輝く御名をとこしえにたたえよ栄光は全地を満たす。アーメン、アーメン。

Yessai koro poko Dabid ki inonno-itak aokere na.

Yessay kor pok Dabid ki inonno-itak a=okere na.

エッサイの子ダビデの祈りの終り。