13 Ik.

Shinotcha rekte esapane guru gusu, Dabid kara Iyohaichish.

Sinotca rekte esapane kur kusu, Dabid kar Iyohaycis.

【指揮者によって。賛歌。ダビデの詩。】

HEMBARA pakno Ehoba? ramma pakno Aokai en oira ya? Hembara pakno en otta E nanuhu nuina kusu ne ya?

Henpara pakno Ehoba? ramma pakno Aokay en=oyra ya? Henpara pakno en or ta E nanuhu nuyna kusu ne ya?

いつまで、主よわたしを忘れておられるのか。いつまで、御顔をわたしから隠しておられるのか。

Hembara pakno to ebitta Ku rainu-oknatara hine keutum ta ukoramkoro ya? Hembara pakno en epokba utara en annokara ya?

Henpara pakno to epitta Ku raynu-oknatara hine kewtum ta ukoramkor ya? Henpara pakno en epokpa utar en=annokar ya?

いつまで、わたしの魂は思い煩い日々の嘆きが心を去らないのか。いつまで、敵はわたしに向かって誇るのか。

Ku goro Kamui ne Ehoba, ingara bine en nu wa en kore; Iteki rai mokonnoye kuni ne, ku shikihi here-atte wa en kore;

Ku=kor Kamuy ne Ehoba, inkar pine en=nu wa en=kore; Iteki ray mokonnoye kuni ne, ku=sikihi her-atte wa en=kore;

わたしの神、主よ、顧みてわたしに答えわたしの目に光を与えてください死の眠りに就くことのないように

Ikineipeka en epokba utara ene ye-hi:— Kuani shinuma annokan nisa ruwe ne, sekoro itak. Samata, en ramushitnere utara a en moimoigere ambe nukara wa nupetne kusu ne na.

Ikineypeka en epokpa utar ene ye hi:— Kuani sinuma annokar nisa ruwe ne, sekor itak. Sama ta, en=ramusitnere utar a en moymoykere anpe nukar wa nupetne kusu ne na.

敵が勝ったと思うことのないようにわたしを苦しめる者が動揺するわたしを見て喜ぶことのないように。

Koroka, E koro omap an ramuhauge gusu ku eyaikopashte nisa ruwe ne; Ku keutum anak ne E koro kashiobiuki-i enupetne kusu ne. Ehoba nuye an no en epirikare nisa ruwe ne gusu, Otta shinotcha ku ki kusu ne na.

Korka, E=kor omap an ramuhawke kusu ku=e=yaykopaste nisa ruwe ne; Ku=kewtum anakne E=kor kasiopiwki hi enupetne kusu ne. Ehoba nuye an no en=e=pirkare nisa ruwe ne kusu, Or ta sinotca ku=ki kusu ne na.

あなたの慈しみに依り頼みます。わたしの心は御救いに喜び躍り主に向かって歌います「主はわたしに報いてくださった」と。