1
Dabid ki inonno-itak.
Dabid ki inonno-itak.
【祈り。ダビデの詩。】
Dabid ki inonno-itak.
Dabid ki inonno-itak.
【祈り。ダビデの詩。】
AA Ehoba en orun kisara atte wa nu wa en kore; Otek-sak newa irapokkari ku ne ruwe ne gusu ne na.
Aa Ehoba en=orun kisara atte wa nu wa en=kore; Otek-sak newa irapokkari ku ne ruwe ne kusu ne na.
主よ、わたしに耳を傾け、答えてください。わたしは貧しく、身を屈めています。
Ku kon ramat koshiratki wa en kore; Kamui ku kooripak ruwe ne gusu ne na: Aa ku goro Kamui, Aokai orun eyaikopashte uitek guru kashiobiuki wa en kore.
Ku=kor ramat kosiratki wa en=kore; Kamuy ku=kooripak ruwe ne kusu ne na: Aa ku=kor Kamuy, Aokay orun e=yaykopaste uytek kur kasiopiwki wa en=kore.
わたしの魂をお守りくださいわたしはあなたの慈しみに生きる者。あなたの僕をお救いくださいあなたはわたしの神わたしはあなたに依り頼む者。
Aa Utarapa, en erampokiwen wa en kore; Ramne-to E orun hawe ku koashte ruwe ne gusu ne na.
Aa Utarpa, en=eranpokiwen wa en=kore; Ramne-to E orun hawe ku koaste ruwe ne kusu ne na.
主よ、憐れんでください絶えることなくあなたを呼ぶわたしを。
E koro uitek guru kon ramat nupetnere wa en kore; Aa Utarapa, E orun ku ramat ku punire ruwe ne gusu ne na.
E=kor uytek kur kor ramat nupetnere wa en=kore; Aa Utarpa, E orun ku=ramat ku punire ruwe ne kusu ne na.
あなたの僕の魂に喜びをお与えください。わたしの魂が慕うのは主よ、あなたなのです。
Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.
Aa Utarpa, Aokay anakne pirka wa honnere rusuy, Sama ta, E orun konisuk opittano okay utar or ta nuye an no ranpoken sanke Kamuy E ne ruwe ne kusu ne na.
主よ、あなたは恵み深く、お赦しになる方。あなたを呼ぶ者に豊かな慈しみをお与えになります。
Aa Ehoba, ku ki inonno-itak nu wa en kore; Ku koramkoro hawe orun ikokanu wa en kore,
Aa Ehoba, ku=ki inonno-itak nu wa en=kore; Ku=koramkor hawe orun ikokanu wa en=kore,
主よ、わたしの祈りをお聞きください。嘆き祈るわたしの声に耳を向けてください。
Yairamhekomo toho ta E orun ku konishuk ash na; Aokai nu ruwe ne kusu ne gusu ne na.
yayramhekomo toho ta E orun ku konisuk as na; Aokay nu ruwe ne kusu ne kusu ne na.
苦難の襲うときわたしが呼び求めればあなたは必ず答えてくださるでしょう。
Aa Utarapa, Kamui tumta Aokai korachi an ambe isam, Shui, E ki ikip korachi an ikip isam ruwe ne.
Aa Utarpa, Kamuy tum ta Aokay koraci an anpe isam, Suy, E ki iki p koraci an iki p isam ruwe ne.
主よ、あなたのような神は神々のうちになくあなたの御業に並ぶものはありません。
Aa Utarapa, Aokai kara obitta no okai moshiri uirup anak ne araki wa E ko-ongami kusu ne; Aige, E kon reihei koiramye kusu ne na.
Aa Utarpa, Aokay kar opittano okay mosir uyrup anakne arki wa E ko-onkami kusu ne; Ayke, E=kor rehe koyramye kusu ne na.
主よ、あなたがお造りになった国々はすべて御前に進み出て伏し拝み、御名を尊びます。
Aokai anak ne pase Kamui ne, iyokunnure ambe iki: Aokai patek Kamui ne ruwe ne.
Aokay anakne pase Kamuy ne, iyokunnure anpe iki: Aokay patek Kamuy ne ruwe ne.
あなたは偉大な神驚くべき御業を成し遂げられる方ただあなたひとり、神。
Aa Ehoba en orun E kon ruhu epakashnu wa en kore; yakun, E koro sonep otta ku apkash kusu ne na: E kon reihei ku ko-oripak kuni ne ka goro keutum atte wa en kore.
Aa Ehoba en=orun E=kor ruhu epakasnu wa en=kore; yakun, E=kor sonep or ta ku=apkas kusu ne na: E=kor rehe ku=ko-oripak kuni ne ka kor kewtum atte wa en=kore.
主よ、あなたの道をお教えください。わたしはあなたのまことの中を歩みます。御名を畏れ敬うことができるように一筋の心をわたしにお与えください。
Aa Utarapa ne ku goro Kamui, ramne keutum ani E koiramye ash kusu ne; Orowa, ramma pakno E kon reihei ku pasere ash kusu ne na.
Aa Utarpa ne ku=kor Kamuy, ramne kewtum ani E koyramye as kusu ne; Orowa, ramma pakno E=kor rehe ku=pasere as kusu ne na.
主よ、わたしの神よ心を尽くしてあなたに感謝をささげとこしえに御名を尊びます。
E en kore E koro rampoken porope ne; Iyotta rata an pokna ushike wano ku kon ramat Aokai etaye nisa ruwe ne.
E en=kore E=kor ranpoken poro p ne; Iyotta rata an pokna usike wano ku=kor ramat Aokay etaye nisa ruwe ne.
あなたの慈しみはわたしを超えて大きく深い陰府からわたしの魂を救い出してくださいます。
Aa Kamui, pakesara utara hopumba wa en keshke, Niwen utara koro uwekari anak ne ku kon ramat hunara, Koro shik-samata Kamui atte shomoki nisa ruwe ne.
Aa Kamuy, pakesara utar hopunpa wa en=keske, Niwen utar kor uekari anakne ku=kor ramat hunara, Kor sik-sama ta Kamuy atte somo ki nisa ruwe ne.
神よ、傲慢な者がわたしに逆らって立ち暴虐な者の一党がわたしの命を求めています。彼らはあなたを自分たちの前に置いていません。
Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.
Korka Aokay, Aa Utarpa, cisikirayne ani esik wa irenka sanke, Iruska moyre wa ranpokiwen newa sonep nuye an no kor ruwe ne.
主よ、あなたは情け深い神憐れみに富み、忍耐強く慈しみとまことに満ちておられる。
Aa, en orun koingara wa pirika irenga sange wa en kore, E koro uitek guru tumashnure, E koro uitek-mat koro poho kashiobiuki wa en kore.
Aa, en=orun koinkar wa pirka irenka sanke wa en=kore, E=kor uytek kur tumasnure, E=kor uytek-mat kor poho kasiopiwki wa en=kore.
わたしに御顔を向け、憐れんでください。御力をあなたの僕に分け与えあなたのはしための子をお救いください。
Pirikap gusu an shirosh en nukare bine, En etunne utara nei ambe nukara wa ayainikorosh-mare, Aa Ehoba, Aokai en kaobiuki wa en omaoma nisa ruwe ne gusu ne na.
Pirka p kusu an siros en=nukare pine, En=etunne utar ne anpe nukar wa ayaynikoros-mare, Aa Ehoba, Aokay en kaopiwki wa en=omaoma nisa ruwe ne kusu ne na.
良いしるしをわたしに現してください。それを見てわたしを憎む者は恥に落とされるでしょう。主よ、あなたは必ずわたしを助け力づけてくださいます。