UN orun shomo ne Aa Ehoba, un orun shomo ne, Koroka, E koro rampoken gusu, E koro sonep gusu, E kon reihei orun iramyere yan.
Un orun somo ne Aa Ehoba, un orun somo ne, Korka, E=kor ranpoken kusu, E=kor sonep kusu, E=kor rehe orun iramyere yan.
わたしたちではなく、主よわたしたちではなくあなたの御名こそ、栄え輝きますようにあなたの慈しみとまことによって。
Nei utara koro Kamui hunakta an? ari an itak ani, Hemanda gusu moshiri uirup ye ya?
Ne utar kor Kamuy hunak ta an? ari an itak ani, Hemanta kusu mosir uyrup ye ya?
なぜ国々は言うのか「彼らの神はどこにいる」と。
Koroka, chikoro Kamui anak ne kando otta an: Nep ne yakka Shinuma ki rusuibe aki nisa ruwe ne.
Korka, ci=kor Kamuy anakne kanto or ta an: Nep ne yakka Sinuma ki rusuy pe aki nisa ruwe ne.
わたしたちの神は天にいまし御旨のままにすべてを行われる。
Nei utara koro potoki anak ne shirokani newa kongani ne. Ainu teke ani akarape ne ruwe ne.
Ne utar kor potoki anakne sirokani newa konkani ne. Aynu teke ani a=karpe ne ruwe ne.
国々の偶像は金銀にすぎず人間の手が造ったもの。
Nei ambe paroho koro, koroka, itak eaikap; Shikihi koro, koroka, ingara eaikap ruwe ne;
Ne anpe paroho kor, korka, itak eaykap; Sikihi kor, korka, inkar eaykap ruwe ne;
口があっても話せず目があっても見えない。
Kisaraha koro, koroka, nu eaikap; Etuhu koro, koroka, hura nu eaikap ruwe ne;
Kisaraha kor, korka, nu eaykap; Etuhu kor, korka, hura nu eaykap ruwe ne;
耳があっても聞こえず鼻があってもかぐことができない。
Teke koro, koroka, okaibe tomooshma eaikap; Chikiri koro, koroka, apkash eaikap ruwe ne; Shui, rekuchi wano itak hawe sange eaikap ruwe ne na.
Teke kor, korka, okaype tomoosma eaykap; Cikiri kor, korka, apkas eaykap ruwe ne; Suy, rekuci wano itak hawe sanke eaykap ruwe ne na.
手があってもつかめず足があっても歩けず喉があっても声を出せない。
Nei okaibe kara utara anak ne nei ambe koheraye ruwe ne, Ruwe un, otta nen ne yakka eyaikopashte guru ne yakka ene ani ne ruwe ne.
Ne okaype kar utar anakne ne anpe koheraye ruwe ne, Ruwe un, or ta nen ne yakka e=yaykopaste kur ne yakka ene ani ne ruwe ne.
偶像を造り、それに依り頼む者は皆、偶像と同じようになる。
Aa Israeru un utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.
Aa Israeru un utar, Ehoba e=yaykopaste yan: Sinuma anakne utar kor ikasuype ne, kor tam-kikhunpe ne ruwe ne.
イスラエルよ、主に依り頼め。主は助け、主は盾。
Aa Aaron chisei un utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.
Aa Aaron cise un utar, Ehoba e=yaykopaste yan: Sinuma anakne utar kor ikasuype ne, kor tam-kikhunpe ne ruwe ne.
アロンの家よ、主に依り頼め。主は助け、主は盾。
Ehoba koishitoma echi utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.
Ehoba koysitoma eci utar, Ehoba e=yaykopaste yan: Sinuma anakne utar kor ikasuype ne, kor tam-kikhunpe ne ruwe ne.
主を畏れる人よ、主に依り頼め。主は助け、主は盾。
Ehoba un eshkarun nisa; Shinuma un nunuke kusu ne: Shinuma Israeru chisei un utara nunuke kusu ne; Shinuma Aaron kot chisei nunuke kusu ne na.
Ehoba un eskarun nisa; Sinuma un nunuke kusu ne: Sinuma Israeru cise un utar nunuke kusu ne; Sinuma Aaron kot cise nunuke kusu ne na.
主よ、わたしたちを御心に留め祝福してください。イスラエルの家を祝福しアロンの家を祝福してください。
Shinuma anak ne Ehoba koishitoma utara Porobe ne yakka ponbe ne yakka nunuke kusu ne.
Sinuma anakne Ehoba koysitoma utar Poro p ne yakka ponpe ne yakka nunuke kusu ne.
主を畏れる人を祝福し大きな人も小さな人も祝福してください。
Ehoba anak ne echi utara ne yakka echi koro poho utara ne yakka Naa naa innere kusu ne.
Ehoba anakne eci utar ne yakka eci=kor poho utar ne yakka Naa naa innere kusu ne.
主があなたたちの数を増してくださるようにあなたたちの数を、そして子らの数を。
Kando newa toitoi kara Ehoba koro echi utara anak ne anunuke ne.
Kanto newa toytoy kar Ehoba kor eci utar anakne a=nunuke ne.
天地の造り主、主があなたたちを祝福してくださるように。
Kando newa kando un kando anak ne Ehoba korope ne; Koroka, Shinuma anak ne utara koro poho otta toitoi koropare nisa ruwe ne.
Kanto newa kanto un kanto anakne Ehoba kor pe ne; Korka, Sinuma anakne utar kor poho or ta toytoy korpare nisa ruwe ne.
天は主のもの、地は人への賜物。
Bai guru anak ne Yah koiramye shomoki, Shui, mo an ushike orun rap utara shomo Shinuma ramye ruwe ne;
Pay kur anakne Yah koyramye somo ki, Suy, mo an usike orun rap utar somo Sinuma ramye ruwe ne;
主を賛美するのは死者ではない沈黙の国へ去った人々ではない。
Koroka, chi utara anak ne tewa no ramma pakno Yah koiramye kusu ne. Yah ramye yan.
Korka, ci utar anakne tewano ramma pakno Yah koyramye kusu ne. Yah ramye yan.
わたしたちこそ、主をたたえよう今も、そしてとこしえに。ハレルヤ。