135 Ik.

YAH ramye yan. Ehoba kon reihei ramye yan; Ehoba koro uitek utara shinuma ramye yan.

YAH ramye yan. Ehoba kor rehe ramye yan; Ehoba kor uytek utar sinuma ramye yan.

ハレルヤ。賛美せよ、主の御名を賛美せよ、主の僕らよ

Ehoba kora kenru ta roshki utara, Chikoro Kamui kora kenru mimdara ta roshki utara Shinuma ramye yan.

Ehoba kor kenru ta roski utar, Ci=kor Kamuy kor kenru mimtar ta roski utar Sinuma ramye yan.

主の家にわたしたちの神の家の庭に居並ぶ人々よ。

Yah ramye yan, Utarapa pirika ruwe ne gusu ne na: Shinuma kon reihei otta iramye shinotcha ki yan; nei ambe anak ne pirika ruwe ne gusu ne na.

Yah ramye yan, Utarpa pirka ruwe ne kusu ne na: Sinuma kor rehe or ta iramye sinotcaki yan; ne anpe anakne pirka ruwe ne kusu ne na.

主を賛美せよ、恵み深い主を。喜ばしい御名をほめ歌え。s

Yah anak ne yaikota gusu Yakob numge nisa, Orowa, koro nupurupe ne kuni gusu Israeru numge nisa ruwe ne.

Yah anakne yaykota kusu Yakob numke nisa, Orowa, kor nupur pe ne kuni kusu Israeru numke nisa ruwe ne.

主はヤコブを御自分のために選びイスラエルを御自分の宝とされた。

Ehoba anak ne pase ne, Obitta no okai Kamui kasu no pase ruwe ne, sekoro ku eraman ruwe ne gusu ne na.

Ehoba anakne pase ne, Opittano okay Kamuy kasuno pase ruwe ne, sekor ku=eraman ruwe ne kusu ne na.

わたしは確かに知った主は大いなる方わたしたちの主は、どの神にもまさって大いなる方。

Kando newa toi otta ne yakka, atui newa obitta no okai ooho-i otta ne yakka Ehoba anak ne koro keutum rengaine nep ne yakka ki nisa ruwe ne.

Kanto newa toy or ta ne yakka, atuy newa opittano okay ooho hi or ta ne yakka Ehoba anakne kor kewtum renkayne nep ne yakka ki nisa ruwe ne.

天において、地において海とすべての深淵において主は何事をも御旨のままに行われる。

Moshiripa wano moshirigesh wano Shinuma anak ne paha rikinde; Apto gusu Shinuma imeru kara; Koro pu wano rera oashinge ruwe ne.

Mosirpa wano mosirkes wano Sinuma anakne paha rikinte; Apto kusu Sinuma imeru kar; Kor pu wano rera oasinke ruwe ne.

地の果てに雨雲を湧き上がらせ稲妻を放って雨を降らせ風を倉から送り出される。

Shinuma anak ne Echipt ta okai kiyanne guru, Ainu ne yakka chikoikip ne yakka shirikik nisa.

Sinuma anakne Ecipt ta okay kiyanne kur, Aynu ne yakka cikoykip ne yakka sirkik nisa.

主はエジプトの初子をことごとく人の子も家畜の子も撃ち

Aa Echipt, Shinuma anak ne e tumugeta shirosh newa iyokunnurep sange, Parao newa koro uitek utara kata nei no ki nisa.

Aa Ecipt, Sinuma anakne e tumke ta siros newa iyokunnurep sanke, Parao newa kor uytek utar kata néno ki nisa.

エジプト中に、しるしと奇跡を送られたファラオとその家臣すべてに対して。

Shinuma inne moshiri uirup shirikik, Orowa, okirashnu moshiri esapane utara ronnu nisa ruwe ne.

Sinuma inne mosir uyrup sirkik, Orowa, okirasnu mosir esapane utar ronnu nisa ruwe ne.

主は多くの国を撃ち、強大な王らを倒された

Amor un utara shikkashima Sihon, Bashan un utara shikkashima Og, Samata, Kanaan moshiri ta obitta no okai uirup shirikik nisa ruwe ne na:

Amor un utar sikkasima Sihon, Basan un utar sikkasima Ok, Sama ta, Kanaan mosir ta opittano okay uyrup sirkik nisa ruwe ne na:

アモリ人の王シホン、バシャンの王オグをカナンの王国をことごとく。

Orowa, Shinuma nei utara koro moshiri aeikeshkoro gusu kore, Koro utara ne Israeru un utara eikeshkoro nisa ruwe ne.

Orowa, Sinuma ne utar kor mosir aeykeskoro kusu kore, Kor utar ne Israeru un utar eykeskoro nisa ruwe ne.

彼らの領地を嗣業として嗣業として御自分の民イスラエルに与えられた。

Aa Ehoba, E kon reihei ramma pakno an; Aa Ehoba, otusashuishri pakno utara E eshkarun ruwe ne na.

Aa Ehoba, E=kor rehe ramma pakno an; Aa Ehoba, otusasuisri pakno utar E eskarun ruwe ne na.

主よ、御名はとこしえに。主よ、御名の記念は代々に。

Ehoba anak ne koro utara koipishi kusu ne, Orowa, koro uitek utara gusu yaikoshiramshuiba kusu ne na.

Ehoba anakne kor utar koypisi kusu ne, Orowa, kor uytek utar kusu yaykosiramsuypa kusu ne na.

主は御自分の民の裁きを行い僕らを力づけられる。

Utara koro potoki-noka anak ne shirokani newa kongani ne, Ainu teke ani a kan ruwe ne.

Utar kor potoki-noka anakne sirokani newa konkani ne, Aynu teke ani a kan ruwe ne.

国々の偶像は金や銀にすぎず人間の手が造ったもの。

Nei okaibe paro koro koroka shomo itak; Shikihi koro, koro ingara eaikap;

Ne okaype paro kor korka somo itak; Sikihi kor, kor inkar eaykap;

口があっても話せず目があっても見えない。

Kisara koro, koroka, shomo nu, Shui, kon netobake ta heisepa isam ruwe ne.

Kisara kor, korka, somo nu, Suy, kor netopake ta heysepa isam ruwe ne.

耳があっても聞こえず鼻と口には息が通わない。

Nei okaibe kara utara nei ambe aukoherayere kusu ne; Ruwe un, nen ne yakka nei okaibe otta eyaikopashte guru ene ani ne kusu ne:

Ne okaype kar utar ne anpe awkoherayere kusu ne; Ruwe un, nen ne yakka ne okaype or ta e=yaykopaste kur ene ani ne kusu ne:

偶像を造り、それに依り頼む者は皆、偶像と同じようになる。

Aa Israeru chisei un utara, Ehoba ramye yan: Aa Aaron chisei un utara, Ehoba ramye yan.

Aa Israeru cise un utar, Ehoba ramye yan: Aa Aaron cise un utar, Ehoba ramye yan.

イスラエルの家よ、主をたたえよ。アロンの家よ、主をたたえよ。

Aa Rebi chisei un utara, Ehoba ramye yan; Ehoba koishitoma echi utara, Utarapa ramye yan.

Aa Rebi cise un utar, Ehoba ramye yan; Ehoba koysitoma eci utar, Utarpa ramye yan.

レビの家よ、主をたたえよ。主を畏れる人よ、主をたたえよ。

Zion wano Ehoba ramye yan, Shinuma Yerusarem kotan ta oshiroma ruwe ne. Yah ramye yan.

Zion wano Ehoba ramye yan, Sinuma Yerusarem kotan ta osiroma ruwe ne. Yah ramye yan.

シオンから、主をたたえよエルサレムにいます主を。ハレルヤ。