139 Ik.

Rektep esapane guru gusu. Dabid kara iyohaichish.

rektep esapane kur kusu. Dabid kar iyohaycis.

【指揮者によって。ダビデの詩。賛歌。】

AA Ehoba, Aokai anak ne en pishi wa en eraman ruwe ne.

Aa Ehoba, Aokay anakne en=pisi wa en=eraman ruwe ne.

主よ、あなたはわたしを究めわたしを知っておられる。

Ku a shiri ash shiri-hi Aokai eraman, Ehangeko no an ushike wano Aokai anak ne ku yainu-hi ramepakari ruwe ne.

Ku=a siri as sirihi Aokay eraman, E=hankeko no an usike wano Aokay anakne ku=yaynu hi ramepakari ruwe ne.

座るのも立つのも知り遠くからわたしの計らいを悟っておられる。

Aokai anak ne ku apkash ru hemhem ku hotke-i hemhem nukara, Orowa, ku ki buri obitta esanniyo ruwe ne.

Aokay anakne ku=apkas ru hemhem ku=hotke hi hemhem nukar, Orowa, ku=ki puri opitta esanniyo ruwe ne.

歩くのも伏すのも見分けわたしの道にことごとく通じておられる。

Aa Ehoba, ingarʼan, Aokai earikinne erampeutek itak, Shinep poka ku parumbe otta isam ruwe ne.

Aa Ehoba, inkar=an, Aokay earikinne eranpewtek itak, Sinep poka ku=parunpe or ta isam ruwe ne.

わたしの舌がまだひと言も語らぬさきに主よ、あなたはすべてを知っておられる。

Aokai anak ne en oshmake ne yakka en kotchake ne yakka an, Aige, en kashiketa e tekehe ande nisa ruwe ne na.

Aokay anakne en=osmake ne yakka en=kotcake ne yakka an, Ayke, en=kasike ta e tekehe ante nisa ruwe ne na.

前からも後ろからもわたしを囲み御手をわたしの上に置いていてくださる。

Nei no okai eramushbe anak ne en gusu pase mashkin ruwe ne; Ri ambe ne, pakno ku epa eaikap ruwe ne.

Néno okay eramuspe anakne en kusu pase maskin ruwe ne; Ri anpe ne, pakno ku=epa eaykap ruwe ne.

その驚くべき知識はわたしを超えあまりにも高くて到達できない。

E kon ramat orowa no hunakta ku arapa kusu ne ya? Shui, E nanuhu orowa no hunak un ku kira kusu ne ya?

E=kor ramat oro wano hunak ta ku=arpa kusu ne ya? Suy, E nanuhu oro wano hunak un ku=kira kusu ne ya?

どこに行けばあなたの霊から離れることができよう。どこに逃れれば、御顔を避けることができよう。

Kando orun ku rikin chiki, Aokai toada an: Sheo oshiketa shotki ku kara chiki, ingaran, Aokai toada an.

Kanto orun ku=rikin ciki, Aokay toata an: Seo oske ta sotki ku=kar ciki, inkaran, Aokay toata an.

天に登ろうとも、あなたはそこにいまし陰府に身を横たえようとも見よ、あなたはそこにいます。

Kunneiwano tekkup ku koro wa Atuigesh ta oshiroma chiki;

Kunneywano tekkup ku=kor wa Atuyges ta osiroma ciki;

曙の翼を駆って海のかなたに行き着こうとも

Nei ushiketa poka ne yakka E tekehe en ani kusu ne, E koro shimon-tek en kishima kusu ne na.

Ne uske ta poka ne yakka E tekehe en ani kusu ne, E=kor simon-tek en=kisma kusu ne na.

あなたはそこにもいまし御手をもってわたしを導き右の御手をもってわたしをとらえてくださる。

Son no newa kunne-i en kamure kusu ne, Orowa, en okari ta an pekere kunnep ne sekoro ku ye chiki;

Sonno newa kunne hi en=kamure kusu ne, Orowa, en=okari ta an peker kunnep ne sekor ku=ye ciki;

わたしは言う。「闇の中でも主はわたしを見ておられる。夜も光がわたしを照らし出す。」

E otta kunne-i ne yakka nuina shomoki, Koroka, an anak ne tokap korachi pekere atte: Kunne newa pekere newa Aokai gusu ukorachi an ambe ne ruwe ne.

E or ta kunne hi ne yakka nuyna somo ki, Korka, an anakne tokap koraci peker atte: Kunne newa peker newa Aokay kusu ukoraci an anpe ne ruwe ne.

闇もあなたに比べれば闇とは言えない。夜も昼も共に光を放ち闇も、光も、変わるところがない。

Aokai anak ne ku onnaige shikkashima nisa Ku habo honihi ta ku an rapoketa Aokai anak ne en kan nisa.

Aokay anakne ku=onnayke sikkasima nisa Ku=hapo honihi ta ku=an rapoketa Aokay anakne en=kan nisa.

あなたは、わたしの内臓を造り母の胎内にわたしを組み立ててくださった。

Kuani anak ne ashitoma newa aiyokunnure no akara gusu; E koyaiiraige ash kusu ne: E ki ikip anak ne iyokunnure ambe ne; Nei ambe ku kon ramat pirika no eraman ruwe ne.

Kuani anakne asitoma newa a=iyokunnure no a=kar kusu; E koyayirayke as kusu ne: E ki iki p anakne iyokunnure anpe ne; Ne anpe ku=kor ramat pirkano eraman ruwe ne.

わたしはあなたに感謝をささげる。わたしは恐ろしい力によって驚くべきものに造り上げられている。御業がどんなに驚くべきものかわたしの魂はよく知っている。

Anuina no an ushiketa a en kara, Aeoyamokte no moshiri iyotta rata an ushiketa a en kara ita anak ne, Ku kon niyehe Aokai otta shomo anuina nisa ruwe ne na.

A=nuyna no an uske ta a en=kar, Aeoyamokte no mosir iyotta rata an uske ta a en=kar hi ta anakne, Ku=kor niyehe Aokay or ta somo a=nuyna nisa ruwe ne na.

秘められたところでわたしは造られ深い地の底で織りなされた。あなたには、わたしの骨も隠されてはいない。

E koro shikihi anak ne naa shomo aokere ku netobake nukara, Orowa, obitta no okai ku koro awehe E koro kambi kata anuye nisa ruwe ne, Nei ambe anak ne naa isam no okai korachi an ita, Kesto-kesto katuhu akore nisa ruwe ne.

E=kor sikihi anakne naa somo a=okere ku=netopake nukar, Orowa, opittano okay ku=kor awehe E=kor kampi kata a=nuye nisa ruwe ne, Ne anpe anakne naa isam no okay koraci an hi ta, Kesto-kesto katuhu a=kore nisa ruwe ne.

胎児であったわたしをあなたの目は見ておられた。わたしの日々はあなたの書にすべて記されているまだその一日も造られないうちから。

Aa Kamui, E koro yainuhi anak ne hemanda en gusu aoshkorobe humi! Nei pishki-hi anak ne hemanda poro humi!

Aa Kamuy, E=kor yaynu hi anakne hemanta en kusu aoskorope humi! Ne piski hi anakne hemanta poro humi!

あなたの御計らいはわたしにとっていかに貴いことか。神よ、いかにそれは数多いことか。

Nei okaibe ku pishki chiki ota kasu no inne ruwe ne: Ku mosh chiki, E tura no ku an na.

Ne okaype ku=piski ciki ota kasuno inne ruwe ne: Ku=mos ciki, E turano ku=an na.

数えようとしても、砂の粒より多くその果てを極めたと思ってもわたしはなお、あなたの中にいる。

Aa Kamui, son no newa Aokai anak ne wen utara ronnu kusu ne; Tambe gusu, iraye rusui utara en orowa no oyakta paye yan.

Aa Kamuy, sonno newa Aokay anakne wen utar ronnu kusu ne; Tanpe kusu, iraye rusuy utar en=oro wano oyak ta paye yan.

どうか神よ、逆らう者を打ち滅ぼしてください。わたしを離れよ、流血を謀る者。

Inambe gusu ne yakun, wen no E ohaigekara, Orowa, E epokba utara raka-isam no E keshke ruwe ne.

Inanpe kusu ne yakun, wenno E ohaykekar, Orowa, E epokpa utar raka-isam no E keske ruwe ne.

たくらみをもって御名を唱えあなたの町々をむなしくしてしまう者。

Aa Ehoba, E etunne utara shomo ku etunne ruwe he an? Orowa, E epokba gusu hopumba utara gusu shomo ku oknatara ruwe be an?

Aa Ehoba, E etunne utar somo ku=etunne ruwe he an? Orowa, E epokpa kusu hopunpa utar kusu somo ku=oknatara ruwe pe an?

主よ、あなたを憎む者をわたしも憎みあなたに立ち向かう者を忌むべきものとし

Son no etunnep ani kuani nei utara etunne ruwe ne: En epokba utara ne sekoro ku esanniyo ruwe ne.

Sonno etunnep ani kuani ne utar etunne ruwe ne: En epokpa utar ne sekor ku=esanniyo ruwe ne.

激しい憎しみをもって彼らを憎み彼らをわたしの敵とします。

Aa Kamui, en pishi wa ku goro keutum onnere wa en kore! En shiruwande wa ku yainu-hi onnere yan:

Aa Kamuy, en=pisi wa ku=kor kewtum onnere wa en=kore! En=siruwante wa ku=yaynu hi onnere yan:

神よ、わたしを究めわたしの心を知ってください。わたしを試し、悩みを知ってください。

Orowa, en onnaigeta wen-buri an ruwe he an? sekoro ingara, Samata, otusashuishiri pakno an ruhu otta en an de wa en kore.

Orowa, en=onnayke ta wen-puri an ruwe he an? sekor inkar, Sama ta, otu sasuysir pakno an ruhu or ta en=an te wa en=kore.

御覧くださいわたしの内に迷いの道があるかどうかを。どうか、わたしをとこしえの道に導いてください。