66 Ik.

Shinotcha esapane guru gusu, Shinotcha, Iyohaichish.

Sinotca esapane kur kusu, Sinotca, Iyohaycis.

【指揮者によって。歌。賛歌。】

MOSHIRʼEBITTA, Kamui gusu nupetne hau ashte yan.

Mosir Epitta, Kamuy kusu nupetne haw aste yan.

全地よ、神に向かって喜びの叫びをあげよ。

Shinuma reihei arakuru gusu shinotcha ki wa ashte yan: Shinuma ramyep nupekte yan.

Sinuma rehe a=rakur kusu sinotcaki wa aste yan: Sinuma ramyep nupekte yan.

御名の栄光をほめ歌え。栄光に賛美を添えよ。

Kamui otta, E ki ikip nep ashitomap humi! E koro kiroro porobe ne gusu E epokba utara itaknu kusu ne na, ari an itak ani ye yan.

Kamuy or ta, E ki iki p nep asitomap humi! E=kor kiroro poro p ne kusu E epokpa utar itak nu kusu ne na, ari an itak ani ye yan.

神に向かって歌え「御業はいかに恐るべきものでしょう。御力は強く、敵はあなたに服します。

Moshirʼebitta E ko-ongami wa Aokai orun shinotcha ki kusu ne: E reihei orun shinotcha ki kusu ne na. [Sera.]

Mosir epitta E ko-onkami wa Aokay orun sinotcaki kusu ne: E rehe orun sinotcaki kusu ne na. [Sera.]

全地はあなたに向かってひれ伏しあなたをほめ歌い御名をほめ歌います」と。〔セラ

Araki wa Kamui ki ikip ingara yan; Utara poho epeka no ki ikip gusu shinuma anak ne ashitomap ne.

Arki wa Kamuy ki iki p inkar yan; Utar poho epeka no ki iki p kusu sinuma anakne asitomap ne.

来て、神の御業を仰げ人の子らになされた恐るべき御業を。

Atui itasare wa sat toi ne kara: Apkash wa nei utara anak ne nei pet kush nisa: Nei ita Shinuma gusu chi utara nupetne nisa ruwe ne.

Atuy itasare wa sat toy ne kar: Apkas wa ne utar anakne ne pet kus nisa: Ne hi ta Sinuma kusu ci utar nupetne nisa ruwe ne.

神は海を変えて乾いた地とされた。人は大河であったところを歩いて渡った。それゆえ、我らは神を喜び祝った。

Shinuma anak ne kiroro sange wa ramma pakno epungine: Shinuma koro shikihi moshiri uirup shiruwande: Okbare ki utara, iteki yaikota yairire yan. [Sera.]

Sinuma anakne kiroro sanke wa ramma pakno epunkine: Sinuma kor sikihi mosir uyrup siruwante: Okpare ki utar, iteki yaykota yayrire yan. [Sera.]

神はとこしえに力強く支配し御目は国々を見渡す。背く者は驕ることを許されない。〔セラ

Aa uirup utara, chikoro Kamui ramye yan, Shinuma reika hau anu no ashte yan.

Aa uyrup utar, ci=kor Kamuy ramye yan, Sinuma rek haw anu no aste yan.

諸国の民よ、我らの神を祝し賛美の歌声を響かせよ。

Shinuma anak ne chikonʼramat nitatpa wa shiknure, Chikoro chikiri shomo moimoige kuni ne kan ruwe ne.

Sinuma anakne ci=kor ramat nitatpa wa siknure, Ci=kor cikiri somo moymoyke kuni ne kan ruwe ne.

神は我らの魂に命を得させてくださる。我らの足がよろめくのを許されない。

Aa Kamui, Aokai anak ne un shiruwande nisa; Shirokani auwande korachi un shiruwande nisa ruwe ne.

Aa Kamuy, Aokay anakne un siruwante nisa; Sirokani a=uwante koraci un siruwante nisa ruwe ne.

神よ、あなたは我らを試みられた。銀を火で練るように我らを試された。

Aokai anak ne nei ya orun un ahupte; Chikoro seturu kata pase shikehe E ande nisa ruwe ne.

Aokay anakne ne ya orun un ahupte; Ci=kor seturu kata pase sikehe E ante nisa ruwe ne.

あなたは我らを網に追い込み我らの腰に枷をはめ

Chikoro sapa kashike ainu utara aore nisa; Chi utara abe newa wakka kush nisa; Koroka, Aokai anak ne nuye an no an ushike orun un tura nisa ruwe ne na.

Ci=kor sapa kasike aynu utar a=or nisa; Ci utar ape newa wakka kus nisa; Korka, Aokay anakne nuye an no an usike orun un tura nisa ruwe ne na.

人が我らを駆り立てることを許された。我らは火の中、水の中を通ったがあなたは我らを導き出して豊かな所に置かれた。

Uhuyeka yange kunip ku goro wa E kora kenru ta ku ahun, Ku uitaknup Aokai orun ku ki kusu ne;

uhuyeka yanke kunip ku=kor wa E=kor kenru ta ku=ahun, Ku uytaknup Aokay orun ku=ki kusu ne;

わたしは献げ物を携えて神殿に入り満願の献げ物をささげます。

Nei ambe anak ne ku yairamchuptekka ita ku paro ani ku itak ambe ne, Ku papush ani ku ye nisa ruwe ne.

Ne anpe anakne ku yayramcuptekka hi ta ku=paro ani ku=itak anpe ne, Ku=papus ani ku=ye nisa ruwe ne.

わたしが苦難の中で唇を開きこの口をもって誓ったように

Pinne hitsuji senko tura Mimushbe uhuyeka yange kunip E orun ku yange kusu ne na; Beko newa yangi kem tura ku yange kusu ne na. [Sera.]

Pinne hitsuji senko tura Mimushbe uhuyeka yanke kunip E orun ku=yanke kusu ne na; Peko newa yanki kem tura ku=yanke kusu ne na. [Sera.]

肥えた獣をささげ、香りと共に雄羊を雄山羊と共に雄牛を焼き尽くしてささげます。〔セラ

Kamui koishitoma obitta no okai utara araki wa nu yan, Yakun, ku ramat gusu Shinuma iki ambe echi nure ash kusu ne.

Kamuy koysitoma opittano okay utar arki wa nu yan, Yakun, ku=ramat kusu Sinuma iki anpe eci=nure as kusu ne.

神を畏れる人は皆、聞くがよいわたしに成し遂げてくださったことを物語ろう。

Inambe gusu ne yakun, paro ani Shinuma orun ku konishuk, awa, Ku paroho ani Shinuma airamye nisa ruwe ne.

Inanpe kusu ne yakun, paro ani Sinuma orun ku konisuk, awa, Ku=paroho ani Sinuma a=yramye nisa ruwe ne.

神に向かってわたしの口は声をあげわたしは舌をもってあがめます。

Ku keutum ta irarape ku yainu chiki, Utarapa shomo nu kusu ne:

Ku=kewtum ta irara p ku=yaynu ciki, Utarpa somo nu kusu ne:

わたしが心に悪事を見ているなら主は聞いてくださらないでしょう。

Koroka, son no newa Kamui anak ne nu nisa; Ku ki inonno-itak gusu ikokanu nisa ruwe ne.

Korka, sonno newa Kamuy anakne nu nisa; Ku=ki inonno-itak kusu ikokanu nisa ruwe ne.

しかし、神はわたしの祈る声に耳を傾け聞き入れてくださいました。

Kamui anak ne anunuke ne, Shinuma anak ne ku ki inonno-itak shomo korampoktuye, orowa koro rampoken en orowa no shishire shomoki nisa ruwe ne na.

Kamuy anakne a=nunuke ne, Sinuma anakne ku=ki inonno-itak somo koranpoktuye, orowa kor ranpoken en=oro wano sisire somo ki nisa ruwe ne na.

神をたたえよ。神はわたしの祈りを退けることなく慈しみを拒まれませんでした。