79 Ik.

Asap kara Iyohaichish.

Asap kar Iyohaycis.

【賛歌。アサフの詩。】

AA Kamui, oya uirup utara anak ne E koro eikeshkoro ushike ahup; E koro Ashkanne kenru turu-ushte; Epunipushbe korachi Yerusarem kotan kokiru nisa ruwe ne.

Aa Kamuy, oya uyrup utar anakne E=kor eykeskoro usike ahup; E=kor Askanne kenru tur-uste; Epunipushbe koraci Yerusarem kotan kokiru nisa ruwe ne.

神よ、異国の民があなたの嗣業を襲いあなたの聖なる神殿を汚しエルサレムを瓦礫の山としました。

Rik-kush chikap ibe gusu E koro uitek utara koro kaisei koropare, E koro ashkanne utara koro kam moshiri un chikoi-kip orun koropare nisa ruwe ne.

Rik-kus cikap ipe kusu E=kor uytek utar kor kaysey korpare, E=kor askanne utar kor kam mosir un ci=koy-kip orun korpare nisa ruwe ne.

あなたの僕らの死体を空の鳥の餌としあなたの慈しみに生きた人々の肉を地の獣らの餌としました。

Yerusarem kotan okari wakka korachi nei utara koro kem ohetu; Orowa, iyurui orota omare kuni guru isam nisa ruwe ne na.

Yerusarem kotan okari wakka koraci ne utar kor kem ohetu; Orowa, iyuruy oro ta omare kuni kur isam nisa ruwe ne na.

彼らは、エルサレムの周囲にこの人々の血を水のように流します。葬る者もありません。

Aun utara gusu aeyainikoroshmarep chi ne, Un okari ta an utara gusu aenuinap ne aesapsep chi ne ruwe ne.

Aun utar kusu aeyaynikorosmarep ci ne, Un okari ta an utar kusu aenuynap ne aesapsep ci ne ruwe ne.

わたしたちは近隣の民に辱められ周囲の民に嘲られ、そしられています。

Aa Ehoba, hembara pakno, ramma pakno un koirushka ruwe he an? E ki eyaitunnap ambe abe korachi parasere ruwe he an?

Aa Ehoba, henpara pakno, ramma pakno un koyruska ruwe he an? E ki eyaytunnap anpe ape koraci parasere ruwe he an?

主よ、いつまで続くのでしょう。あなたは永久に憤っておられるのでしょうか。あなたの激情は火と燃え続けるのでしょうか。

Aokai eamkiri shomoki oya uirup kata E koro irushka-hi echikiki, Samata, E kon reihei konishuk shomoki moshiri kata echikiki wa un kore.

Aokay e=amkir somo ki oya uyrup kata E=kor iruska hi ecikiki, Sama ta, E=kor rehe konisuk somo ki mosir kata ecikiki wa un kore.

御怒りを注いでくださいあなたを知ろうとしない異国の民の上にあなたの御名を呼び求めない国々の上に。

Nei utara anak ne Yakob isamka, Shinuma koro ibe-mimdara wen-toi kan-toi kokiru nisa ruwe ne gusu ne na.

Ne utar anakne Yakob isamka, Sinuma kor ipe-mimtar wen-toy kan-toy kokiru nisa ruwe ne kusu ne na.

彼らはヤコブを食いものにしその住みかを荒廃させました。

Chikoro ekashi koro wen-buri iteki un kashiomare wa un kore: E koro ramu-hauge-rampoken tunashino un kotcha-keta omande wa un kore: Chi utara shi no aeramusarakka wa okai ruwe ne gusu ne na.

Ci=kor ekasi kor wen-puri iteki un kasiomare wa un kore: E=kor ramu-hawke-ranpoken tunasno un kotca-keta omante wa un kore: Ci utar sino a=eramusarakka wa okay ruwe ne kusu ne na.

どうか、わたしたちの昔の悪に御心を留めず御憐れみを速やかに差し向けてください。わたしたちは弱り果てました。

Aa un kashiobiuki Kamui, E kon reihei nupeki gusu, un ikasbiu wa un kore: Un kashiobiuki wa E kon reihei rengap gusu chikoro katpak tusare wa un kore.

Aa un kasiopiwki Kamuy, E=kor rehe nupeki kusu, un ikaspiw wa un kore: Un kasiopiwki wa E=kor rehe renkap kusu ci=kor katpak tusare wa un kore.

わたしたちの救いの神よ、わたしたちを助けてあなたの御名の栄光を輝かせてください。御名のために、わたしたちを救い出しわたしたちの罪をお赦しください。

Hemanda gusu oya uirup utara anak ne— Nei utara koro Kamui neita an a?— sekoro itak kusu ne ya? E koro uitek utara koro aohetu kem anak ne aikemnu kuni aki-hi Chi shiksamata oya uirup otta anukare wa un kore.

Hemanta kusu oya uyrup utar anakne— Ne utar kor Kamuy ney ta an a?— sekor itak kusu ne ya? E=kor uytek utar kor a=ohetu kem anakne a=ykemnu kuni akihi Ci siksamata oya uyrup or ta a=nukare wa un kore.

どうして異国の民に言わせてよいでしょうか「彼らの神はどこにいる」と。あなたの僕らの注ぎ出された血に対する報復を異国の民の中で、わたしたちが目の前に見ることができますように。

Ipakashnu chisei ta an guru koro tanne heise orun ingara; E koro poro okirashnu ambe sange wa aronnu kuni aesanniyo utara shiknure wa un kore;

Ipakasnu cise ta an kur kor tanne hese orun inkar; E=kor poro okirasnu anpe sanke wa a=ronnu kuni a=esanniyo utar siknure wa un kore;

捕われ人の嘆きが御前に届きますように。御腕の力にふさわしく死に定められている人々を生き長らえさせてください。

Orowa, Aa Utarapa, ari E esapsep ani Atchisei un utara koro upshoro ta arawan shui pakno koropare wa un kore.

Orowa, Aa Utarpa, ari E esapsep ani Atcisey un utar kor upsoro ta arwan suy pakno korpare wa un kore.

主よ、近隣の民のふところにあなたを辱めた彼らの辱めを七倍にして返してください。

Yakun, E koro utara, E koro mimdara ta okai chi utara anak ne Ramma pakno E koyaiiraige ash: Otusashuishiri pakno koro ramye-hi atte kusu ne na.

Yakun, E=kor utar, E=kor mimtar ta okay ci utar anakne Ramma pakno E koyayirayke as: Otu sasuysir pakno kor ramye hi atte kusu ne na.

わたしたちはあなたの民あなたに養われる羊の群れ。とこしえに、あなたに感謝をささげ代々に、あなたの栄誉を語り伝えます。