AA ku kon ramat, Ehoba ramye yan. Aa ku koro Ehoba ne Kamui, Aokai anak ne shiri pase ruwe ne; Aoripakbe newa nupeki ani Aokai automchiure wa an na.
Aa ku=kor ramat, Ehoba ramye yan. Aa ku=kor Ehoba ne Kamuy, Aokay anakne siri pase ruwe ne; Aoripakbe newa nupeki ani Aokay a=wtomciwre wa an na.
わたしの魂よ、主をたたえよ。主よ、わたしの神よ、あなたは大いなる方。栄えと輝きをまとい
Aokai anak ne amip nei no pekere ani yaimire; Puyara otbe korachi kando kotoro shipiraspare ruwe ne:
Aokay anakne amip néno peker ani yaymire; Puyar otpe koraci kanto kotor sipiraspare ruwe ne:
光を衣として身を被っておられる。天を幕のように張り
E koro tumbu oma umangi ni wakka otta aande; Nishkuru anak ne koro nishinda ne akara; Bera tekkup kata apkash ruwe ne:
E=kor tumpu oma umanki ni wakka or ta a=ante; Niskur anakne kor nisinta ne a=kar; Pera tekkup kata apkas ruwe ne:
天上の宮の梁を水の中にわたされた。雲を御自分のための車とし風の翼に乗って行き巡り
Bera ani uitekbe ne akara; Koro yaishieiwangere utara paraparase abe ne:
Pera ani uytekpe ne a=kar; Kor yaysieywankere utar parparse ape ne:
さまざまな風を伝令とし燃える火を御もとに仕えさせられる。
Ramma pakno iteki moimoyege kuni ne, Moshiri asamaha ande nisa ruwe ne.
Ramma pakno iteki moymoyeke kuni ne, Mosir asamaha ante nisa ruwe ne.
主は地をその基の上に据えられた。地は、世々限りなく、揺らぐことがない。
Aokai anak ne amip ani korachi ooho-i ari nei ambe kamure; Wakka anak ne nupuri kashita roshki nisa ruwe ne.
Aokay anakne amip ani koraci ooho hi ari ne anpe kamure; Wakka anakne nupuri kasi ta roski nisa ruwe ne.
深淵は衣となって地を覆い水は山々の上にとどまっていたが
Aokai kosakayokara ita nei ambe kira; E koro Kamui hum hawe gusu nei ambe chashnu no paye wa isam;
Aokay kosakayokar hi ta ne anpe kira; E=kor Kamuy hum hawe kusu ne anpe casnu no paye wa isam;
あなたが叱咤されると散って行きとどろく御声に驚いて逃げ去った。
Nupuri kari nei ambe rikin, pinnai kari rap nisa ruwe ne, Aokai kara ushike orun paye nisa ruwe ne.
Nupuri kari ne anpe rikin, pinnay kari rap nisa ruwe ne, Aokay kar usike orun paye nisa ruwe ne.
水は山々を上り、谷を下りあなたが彼らのために設けられた所に向かった。
Nei ambe shomo kush kuni Aokai anak ne uturu-ushi ande; Iteki kanna-shui moshiri kamu kuni akan na.
Ne anpe somo kus kuni Aokay anakne uturu-usi ante; Iteki kanna-suy mosir kamu kuni a=kar na.
あなたは境を置き、水に越えることを禁じ再び地を覆うことを禁じられた。
Pinnai otta Shinuma anak ne wakka purupurugere; Iworʼotta nei ambe paye ruwe ne na.
Pinnay or ta Sinuma anakne wakka purupurukere; Iwor or ta ne anpe paye ruwe ne na.
主は泉を湧き上がらせて川とし山々の間を流れさせられた。
Nup otta obitta no okai chikoikip gusu iku ambe ne; Kimta okai roba nei ambe iku ruwe ne.
Nup or ta opittano okay cikoykip kusu iku anpe ne; Kim ta okay ropa ne anpe iku ruwe ne.
野の獣はその水を飲み野ろばの渇きも潤される。
Nei samaketa rik kush chikap oshiroma wa, Ni-tek tumta hau kon ruwe ne.
Ne samake ta rik kus cikap osiroma wa, Ni-tek tum ta hawkor ruwe ne.
水のほとりに空の鳥は住み着き草木の中から声をあげる。
Shinuma anak ne koro kenru orowa no nupuri teineka: Toitoi anak ne E ki ikip gusu eramushinne ruwe ne.
Sinuma anakne kor kenru oro wano nupuri teyneka: Toytoy anakne E ki iki p kusu eramusinne ruwe ne.
主は天上の宮から山々に水を注ぎ御業の実りをもって地を満たされる。
Chikoikip gusu Shinuma anak ne mun shipiraspa, Ainu monraige gusu haru hetukure; Nei ambe anak ne toitoi wano aep sangere kuni gusu an ap ne:
Cikoykip kusu Sinuma anakne mun sipiraspa, Aynu monrayke kusu haru hetukure; Ne anpe anakne toytoy wano aep sankere kuni kusu an ap ne:
家畜のためには牧草を茂らせ地から糧を引き出そうと働く人間のためにさまざまな草木を生えさせられる。
Shui, Ainu keutum ritetkere tonoto, Koro nanuhu hererushte shum, Orowa, ainu sambe tumashnure aep sangere ruwe ne.
Suy, Aynu kewtum ritetkere tonoto, Kor nanuhu hereruste sum, Orowa, aynu sanpe tumasnure aep sankere ruwe ne.
ぶどう酒は人の心を喜ばせ、油は顔を輝かせパンは人の心を支える。
Ehoba koro chikuni eramushinne; Shinuma etoita Rebanon un kokaku chikuni ene ani ne;
Ehoba kor cikuni eramusinne; Sinuma etoyta Rebanon un kokaku cikuni ene ani ne;
主の木々、主の植えられたレバノン杉は豊かに育ち
Chikap anak ne nei ni kata set kara; Sarorun chikap gusu anak, hup ni shinuma kot chisei ne ruwe ne.
Cikap anakne ne ni kata set kar; Sarorun cikap kusu anak, hup ni sinuma kot cise ne ruwe ne.
そこに鳥は巣をかける。こうのとりの住みかは糸杉の梢。
Ri nupuri anak ne kim un yangi gusu an ap ne; Watara ushbe anak ne isepo gusu an numne-ushi ne.
Ri nupuri anakne kimun yanki kusu an ap ne; Watara uspe anakne isepo kusu an numne-usi ne.
高い山々は野山羊のため。岩狸は岩場に身を隠す。
Unpa gusu Shinuma kunne chup are: Tokap chup anak koro ahun-i eraman.
unpa kusu Sinuma kunne cup are: Tokap cup anak kor ahun hi eraman.
主は月を造って季節を定められた。太陽は沈む時を知っている。
Aokai anak ne kunne-i kara, orowa anchikara ne; Nei rapoketa nitai un chikoikip obitta apkash ruwe ne.
Aokay anakne kunne hi kar, orowa ancikar ne; Ne rapoketa nitay un cikoykip opitta apkas ruwe ne.
あなたが闇を置かれると夜になり森の獣は皆、忍び出てくる。
Upen shishi anak ne koro aep gusu hawe ashte wa Kamui otta koro aep hunara ruwe ne.
Upen sisi anakne kor aep kusu hawe aste wa Kamuy or ta kor aep hunara ruwe ne.
若獅子は餌食を求めてほえ神に食べ物を求める。
Chup hetuku, orowa no nei okaibe paye wa, Koro chisei ta hotke.
Cup hetuku, orowano ne okaype paye wa, Kor cise ta hotke.
太陽が輝き昇ると彼らは帰って行きそれぞれのねぐらにうずくまる。
Aige, ainu anak nepki gusu arupa. Onuman pakno koro monraige ki ruwe ne.
Ayke, aynu anak nepki kusu arpa. Onuman pakno kor monrayke ki ruwe ne.
人は仕事に出かけ、夕べになるまで働く。
Aa Ehoba, E ki ikip nep inne humi! Wayashnu no Aokai obitta kan nisa: Moshiri anak ne E korobe ani eshik ruwe ne.
Aa Ehoba, E ki iki p nep inne humi! Wayasnu no Aokay opitta kan nisa: Mosir anakne E=kor pe ani esik ruwe ne.
主よ、御業はいかにおびただしいことか。あなたはすべてを知恵によって成し遂げられた。地はお造りになったものに満ちている。
Toanda anak ne atui an, poro newa sep, Nei oshiketa reye okaibe shiri inne ruwe ne, Poro chikoikip newa pon chikoikip newa okai ruwe ne na.
Toanta anakne atuy an, poro newa sep, Ne oske ta reye okaype siri inne ruwe ne, Poro cikoykip newa pon cikoykip newa okay ruwe ne na.
同じように、海も大きく豊かでその中を動きまわる大小の生き物は数知れない。
Nei kata chip paye; Otta shinot gusu e kara nei poro Repiatan okai ruwe ne.
Ne kata cip paye; Or ta sinot kusu e kar ne poro Repiatan okay ruwe ne.
舟がそこを行き交いお造りになったレビヤタンもそこに戯れる。
Nei okaibe anak ne pakihi epa ita ae kuni aep uk gusu. Aokai otta eyaikopashte ruwe ne.
Ne okaype anakne pakihi epa hi ta ae kuni aep uk kusu. Aokay or ta e=yaykopaste ruwe ne.
彼らはすべて、あなたに望みをおきときに応じて食べ物をくださるのを待っている。
Aokai kore okaibe nei ambe uina; E koro tekehe E pirasa chiki pirikap gusu eramushinne ruwe ne.
Aokay kore okaype ne anpe uyna; E=kor tekehe E pirasa ciki pirka p kusu eramusinne ruwe ne.
あなたがお与えになるものを彼らは集め御手を開かれれば彼らは良い物に満ち足りる。
E nanuhu E nuina yakne nei okaibe yairamkoiki; Koro heisei mawe E uk koro rai, Aige, koponchi ne ruwe ne.
E nanuhu E nuyna yakne ne okaype yayramkoyki; Kor hese mawe E uk kor ray, Ayke, koponci ne ruwe ne.
御顔を隠されれば彼らは恐れ息吹を取り上げられれば彼らは息絶え元の塵に返る。
Aokai anak ne ramat sange, orowa, nei okaibe akara; Toitoi kurukashi Aokai ashinno kan ruwe ne.
Aokay anakne ramat sanke, orowa, ne okaype a=kar; Toytoy kurkasi Aokay asinno kan ruwe ne.
あなたは御自分の息を送って彼らを創造し地の面を新たにされる。
Ehoba araguru otusashuishiri pakno an; Koro ki ikip gusu Ehoba nupetne kusu ne:
Ehoba a=rakur otu sasuysir pakno an; Kor ki iki p kusu Ehoba nupetne kusu ne:
どうか、主の栄光がとこしえに続くように。主が御自分の業を喜び祝われるように。
Shinuma moshiri orun ingara, aige, nei ambe tusushke; Shinuma nupuri tomooshma, orowa, shupuya at ruwe ne.
Sinuma mosir orun inkar, ayke, ne anpe tususke; Sinuma nupuri tomoosma, orowa, supuya at ruwe ne.
主が地を見渡されれば地は震え山に触れられれば山は煙を上げる。
Ku ishu pakno Ehoba otta shinotcha ku ki kusu ne: Ku an pakno ku goro Kamui ku iramye kusu ne na.
Ku=i=su pakno Ehoba or ta sinotca ku=ki kusu ne: Ku=an pakno ku=kor Kamuy ku=iramye kusu ne na.
命ある限り、わたしは主に向かって歌い長らえる限り、わたしの神にほめ歌をうたおう。
Ku yaikoshiramsei-i anak ne Shinuma gusu shisakbe ne: Ehoba otta ku nupetne kusu ne na.
Ku yaykosiramsey hi anakne Sinuma kusu sisakpe ne: Ehoba or ta ku=nupetne kusu ne na.
どうか、わたしの歌が御心にかなうように。わたしは主によって喜び祝う。
Katpak-ki utara moshiri wano aisamka, Wen utara te wa isam kuni ne ki wa un kore. Aa ku kon ramat, Ehoba ramye yan. Yah reika yan.
katpak-ki utar mosir wano a=ysamka, Wen utar te wa isam kuni ne ki wa un kore. Aa ku=kor ramat, Ehoba ramye yan. Yah rek yan.
どうか、罪ある者がこの地からすべてうせ主に逆らう者がもはや跡を絶つように。わたしの魂よ、主をたたえよ。ハレルヤ。