63 Ik.

Yuda nup otta an ita Dabid kara Iyohaichish.

Yuda nup or ta an hi ta Dabid kar Iyohaycis.

【賛歌。ダビデの詩。ダビデがユダの荒れ野にいたとき。】

AA Kamui, Aokai anak ne ku goro Kamui E ne ruwe ne, tunashino ku hunara kusu ne: Ku ramat anak ne Aokai gusu iku rusui, ku kam anak ne Aokai gusu eyaikatekan ruwe ne, Shingi newa sat moshiri, wakka isam ushiketa nei no ki ruwe ne.

Aa Kamuy, Aokay anakne ku=kor Kamuy E ne ruwe ne, tunasno ku=hunara kusu ne: Ku=ramat anakne Aokay kusu iku rusuy, ku=kam anakne Aokay kusu eyaykatekar ruwe ne, Sinki newa sat mosir, wakka isam uske ta néno ki ruwe ne.

神よ、あなたはわたしの神。わたしはあなたを捜し求めわたしの魂はあなたを渇き求めます。あなたを待って、わたしのからだは乾ききった大地のように衰え水のない地のように渇き果てています。

E koro ashkanne ushiketa E orun ku ingara, E koro kiroro, E koro nupeki nukara kuni gusu ne na.

E=kor askanne uske ta E orun ku=inkar, E=kor kiroro, E=kor nupeki nukar kuni kusu ne na.

今、わたしは聖所であなたを仰ぎ望みあなたの力と栄えを見ています。

Inotu kasu no E koro omap-an-ramuhauge ambe anak ne pirika ruwe ne; Ku papush anak ne E koiramye ash ruwe ne.

Inotu kasuno E=kor omap-an-ramuhawke anpe anakne pirka ruwe ne; Ku=papus anakne E koyramye as ruwe ne.

あなたの慈しみは命にもまさる恵み。わたしの唇はあなたをほめたたえます。

Ku shiknu rapoketa ku iramye ash na: E reihei gusu tekehe ku yange kusu ne.

Ku=siknu rapoketa ku=iramye as na: E rehe kusu tekehe ku=yanke kusu ne.

命のある限り、あなたをたたえ手を高く上げ、御名によって祈ります。

Ramoro newa kiripu ani ku ramat anak ne aeramushinne kusu ne; Nupetne papush ani ku paro anak ne E koiramye kusu ne na.

Ramoro newa kirpu ani ku=ramat anakne a=eramusinne kusu ne; Nupetne papus ani ku=paro anakne E koyramye kusu ne na.

わたしの魂は満ち足りました乳と髄のもてなしを受けたように。わたしの唇は喜びの歌をうたいわたしの口は賛美の声をあげます。

Shotki kata ku an wa E eshikarun ita, Anchikara E ramepakari ku ki ruwe ne.

Sotki kata ku=an wa E esikarun hi ta, Ancikar E ramepakari ku=ki ruwe ne.

床に就くときにも御名を唱えあなたへの祈りを口ずさんで夜を過ごします。

Aokai anak ne en kaobiuki nisa, E koro tekkup sempiriketa ku nupetne kusu ne na.

Aokay anakne en kaopiwki nisa, E=kor tekkup senpirke ta ku=nupetne kusu ne na.

あなたは必ずわたしを助けてくださいます。あなたの翼の陰でわたしは喜び歌います。

Ku ramat anak ne E kashirari wa oman, E koro shimon tek anak en nitatpa nisa ruwe ne.

Ku=ramat anakne E kasirari wa oman, E=kor simon tek anak en nitatpa nisa ruwe ne.

わたしの魂はあなたに付き従いあなたは右の御手でわたしを支えてくださいます。

Koroka, ku ramat isamka kuni gusu nei ambe hunara utara anak ne, Moshiri pokna ushi rap kusu ne na.

Korka, ku=ramat isamka kuni kusu ne anpe hunara utar anakne, Mosir pokna usi rap kusu ne na.

わたしの命を奪おうとする者は必ず滅ぼされ陰府の深みに追いやられますように。

Nei utara anak ne emush kiroro ani aohetu kusu ne, Horokeu aep ne akara kusu ne na.

Ne utar anakne emus kiroro ani a=ohetu kusu ne, Horkew aep ne a=kar kusu ne na.

剣にかかり、山犬の餌食となりますように。

Koroka, nei moshiri esapane guru anak ne Kamui enupetne kusu ne; Shinuma gusu shiyuppa no ye wa uitaknu ki utara obitta nupetne kusu ne; Shungep ye utara koro paroho aseshke kusu ne gusu ne na.

Korka, ne mosir esapane kur anakne Kamuy enupetne kusu ne; Sinuma kusu siyuppa no ye wa uytaknu ki utar opitta nupetne kusu ne; Sunkep ye utar kor paroho a=seske kusu ne kusu ne na.

神によって、王は喜び祝い誓いを立てた者は誇りますように。偽って語る口は、必ず閉ざされますように。