102 Ik.

Otek-sak no ramu-rai wa Ehoba otta koro keutum sange ita eiwange gusu an inonno-itak.

otek-sak no ramu-ray wa Ehoba or ta kor kewtum sanke hi ta eywanke kusu an inonno-itak.

【祈り。心挫けて、主の御前に思いを注ぎ出す貧しい人の詩。】

AA Ehoba, ku ki inonno-itak nu wa en kore, Ku ashte hawe E orun arakire wa en kore.

Aa Ehoba, ku=ki inonno-itak nu wa en=kore, Ku=aste hawe E orun arkire wa en=kore.

主よ、わたしの祈りを聞いてください。この叫びがあなたに届きますように。

Ku yairamkoiki toho ta iteki E nanuhu seshke: En orun e koro kisaraha itutanure wa en kore; Hawe ku ashte toho ta chashnu no nu wa en kore.

Ku yayramkoyki toho ta iteki E nanuhu seske: En=orun e=kor kisaraha itutanure wa en=kore; Hawe ku=aste toho ta casnu no nu wa en=kore.

苦難がわたしを襲う日に御顔を隠すことなく、御耳を向けあなたを呼ぶとき、急いで答えてください。

Ku toho anak ne shupuya nei no nin wa isam, Abe-kes korachi ku pone anak ne uhuyeka ruwe ne gusu ne na.

Ku=toho anakne supuya néno nin wa isam, Ape-kes koraci ku=pone anakne uhuyeka ruwe ne kusu ne na.

わたしの生涯は煙となって消え去る。骨は炉のように焼ける。

Mun korachi ku sambe ashirikik wa shumumge; Aep ibe kuni ku oira ruwe ne gusu ne na.

Mun koraci ku=sanpe a=sirkik wa sumumke; Aep ipe kuni ku=oyra ruwe ne kusu ne na.

打ちひしがれた心は、草のように乾く。わたしはパンを食べることすら忘れた。

Nuwap ki hawe ku ashte gusu Ku pone anak ne ku kamihi otta kotuk ruwe ne,

Nuwap ki hawe ku=aste kusu Ku=pone anakne ku=kamihi or ta kotuk ruwe ne,

わたしは呻き骨は肉にすがりつき

Nup otta okai chipta-chikap ukorachi ku ne; Nitai-sak ushiketa an ahunrasambe nei no ku an ruwe ne na.

Nup or ta okay cipta-cikap ukoraci ku ne; Nitay-sak uske ta an ahunrasanpe néno ku=an ruwe ne na.

荒れ野のみみずく廃虚のふくろうのようになった。

Shiruwe ku ki wa, chisei kitaigeta an Shinep ne po an amam-e-chikap korachi ku ne ruwe ne.

Siruwe ku=ki wa, cise kitayke ta an Sinep ne po an amam-e-cikap koraci ku ne ruwe ne.

屋根の上にひとりいる鳥のようにわたしは目覚めている。

To ebitta en epokba utara en esapse; En etunne utara en gusu iyoitakushi ki ruwe ne.

To epitta en epokpa utar en=esapse; En=etunne utar en kusu iyoytakus ki ruwe ne.

敵は絶えることなくわたしを辱め嘲る者はわたしによって誓う。

Aep korachi uina ku ibe nisa, Ku chish nupe iku ambe tura ukopoyege ruwe ne.

Aep koraci uyna ku=ipe nisa, Ku=cis nupe iku anpe tura ukopoyeke ruwe ne.

わたしはパンに代えて灰を食べ飲み物には涙を混ぜた。

Aokai kinrakara wa irushka gusu nep ne: Aokai en uk wa en osura nisa ruwe ne gusu ne na.

Aokay kinrakar wa iruska kusu nep ne: Aokay en=uk wa en=osura nisa ruwe ne kusu ne na.

あなたは怒り、憤りわたしを持ち上げて投げ出された。

Ku toho anak ne nin korʼan kurihi korachi ne; Mun korachi ku shumumge ruwe ne na.

Ku=toho anakne nin kor an kurihi koraci ne; Mun koraci ku=sumumke ruwe ne na.

わたしの生涯は移ろう影草のように枯れて行く。

Koroka Aokai anak, Aa Ehoba, ramma pakno rok; E koro aeshkarunbe otusashuishiri pakno an ruwe ne.

Korka Aokay anak, Aa Ehoba, ramma pakno rok; E=kor aeskarunpe otu sasuysir pakno an ruwe ne.

主よあなたはとこしえの王座についておられます。御名は代々にわたって唱えられます。

Aokai anak ne hopuni wa Zion erampokiwen wa kore kusu ne; Shinuma orun irenga kore pakihi tane an, ruwe un, nei epa kuni pakihi ek wa an ruwe ne gusu ne na.

Aokay anakne hopuni wa Zion eranpokiwen wa kore kusu ne; Sinuma orun irenka kore pakihi tane an, ruwe un, ne epa kuni pakihi ek wa an ruwe ne kusu ne na.

どうか、立ち上がってシオンを憐れんでください。恵みのとき、定められたときが来ました。

E koro uitek utara anak ne shinuma koro shuma enupetne, Orowa, shinuma koro koponchi gusu irenga sange ruwe ne gusu ne na.

E=kor uytek utar anakne sinuma kor suma enupetne, Orowa, sinuma kor koponci kusu irenka sanke ruwe ne kusu ne na.

あなたの僕らは、シオンの石をどれほど望み塵をすら、どれほど慕うことでしょう。

Tambe gusu, moshiri uirup utara anak ne Ehoba kon reihei koishitoma, Obitta no okai moshiri shikkasbima utara anak ne E koro nupeki koishitoma kusu ne na.

Tanpe kusu, mosir uyrup utar anakne Ehoba kor rehe koysitoma, Opittano okay mosir sikkaspima utar anakne E=kor nupeki koysitoma kusu ne na.

国々は主の御名を恐れ地上の王は皆、その栄光におののくでしょう。

Ehoba anak ne Zion kanna kara, Koro nupeki otta yainukare nisa;

Ehoba anakne Zion kanna kar, Kor nupeki or ta yaynukare nisa;

主はまことにシオンを再建し栄光のうちに顕現されます。

Otek-sak guru ki inonno-itak nu, Koro inonno-itak shomo etunne nisa ruwe ne.

otek-sak kur ki inonno-itak nu, Kor inonno-itak somo etunne nisa ruwe ne.

主はすべてを喪失した者の祈りを顧みその祈りを侮られませんでした。

Tambe anak ne ek kusu ne ainu ikiri gusu anuye kusu ne: Orowa, akara kusu ne uirup YAH koiramye kusu ne na.

Tanpe anakne ek kusu ne aynu ikiri kusu a=nuye kusu ne: Orowa, a=kar kusu ne uyrup YAH koyramye kusu ne na.

後の世代のためにこのことは書き記されねばならない。「主を賛美するために民は創造された。」

Shinuma anak ne koro ashkanne ri ushike wano herashi ingara; Kando wano Ehoba anak ne moshiri nukan nisa ruwe ne gusu ne na;

Sinuma anakne kor askanne ri usike wano herasi inkar; Kanto wano Ehoba anakne mosir nukar nisa ruwe ne kusu ne na;

主はその聖所、高い天から見渡し大空から地上に目を注ぎ

Ipakashnu chisei ta an guru ki tanne heisei nu; Aronnu kuni aesanniyo utara honnere gusu aki na;

Ipakasnu cise ta an kur ki tanne hese nu; A=ronnu kuni a=esanniyo utar honnere kusu aki na;

捕われ人の呻きに耳を傾け死に定められていた人々を解き放ってくださいました。

Tambe anak Zion oshiketa Ehoba kon reihei assuru ashte, Yerusarem ta Shinuma ramye kuni gusu an ambe ne;

Tanpe anak Zion oske ta Ehoba kor rehe assuru aste, Yerusarem ta Sinuma ramye kuni kusu an anpe ne;

シオンで主の御名を唱えエルサレムで主を賛美するために

Nei ambe anak ne Ehoba otta yaishieiwangere gusu, Utara newa moshiri uirup utara uwekarapa ita aki kusu ne na.

Ne anpe anakne Ehoba or ta yaysieywankere kusu, Utar newa mosir uyrup utar uekarpa hi ta aki kusu ne na.

諸国の民はひとつに集められ主に仕えるためにすべての王国は集められます。

Shinuma anak ne ru hontomota ku kiroro shirikirapte; Ku toho taknere nisa ruwe ne.

Sinuma anakne ru hontom ta ku=kiroro sirkirapte; Ku=toho taknere nisa ruwe ne.

わたしの力が道半ばで衰え生涯が短くされようとしたとき

Ene ku itak-hi, Aa ku goro Kamui, ku toho tumuge wano iteki en uk: E paha anak ne otushashuishiri wano otusashuishiri pakno an ambe ne.

Ene ku=itak hi, Aa ku=kor Kamuy, ku=toho tumuke wano iteki en=uk: E paha anakne otu sasuysir wano otu sasuysir pakno an anpe ne.

わたしは言った。「わたしの神よ、生涯の半ばでわたしを取り去らないでください。あなたの歳月は代々に続くのです。

Fushkotoita Aokai anak ne moshiri asamaha ande nisa; Orowa, kando ne yakka E tekehe karape ne ruwe ne.

Huskotoyta Aokay anakne mosir asamaha ante nisa; Orowa, kanto ne yakka E tekehe kar pe ne ruwe ne.

かつてあなたは大地の基を据え御手をもって天を造られました。

Nei ambe isam kusu ne, koroka, Aokai anak ne an kusu ne: Ruwe un, nei okaibe obitta amip korachi fushko ne; Amip korachi Aokai anak ne nei ambe itasare kusu ne, aige, nei ambe aitasare kusu ne na:

Ne anpe isam kusu ne, korka, Aokay anakne an kusu ne: Ruwe un, ne okaype opitta amip koraci husko ne; Amip koraci Aokay anakne ne anpe itasare kusu ne, ayke, ne anpe aytasare kusu ne na:

それらが滅びることはあるでしょう。しかし、あなたは永らえられます。すべては衣のように朽ち果てます。着る物のようにあなたが取り替えられるとすべては替えられてしまいます。

Koroka, Aokai anak ne ramma ukorachi ne, Orowa, E paha anak ne aokere shomoki kusu ne na.

Korka, Aokay anakne ramma ukoraci ne, Orowa, E paha anakne a=okere somo ki kusu ne na.

しかし、あなたが変わることはありません。あなたの歳月は終ることがありません。」

E koro uitek utara koro poho ramma okai, Nei utara koro sanikiri E tek-samata aare kusu ne na.

E=kor uytek utar kor poho ramma okay, Ne utar kor sanikiri E tek-sama ta a=re kusu ne na.

あなたの僕らの末は住むところを得子孫は御前に固く立てられるでしょう。