90 Ik.

Kamui koro Ainu Mose ki inonno-itak.

Kamuy kor Aynu Mose ki inonno-itak.

【祈り。神の人モーセの詩。】

UTARAPA, Aokai anak ne shashuishiri wano Chikoro oshiroma-i E ne nisa ruwe ne.

Utarpa, Aokay anakne sasuysir wano Ci=kor osiroma hi E ne nisa ruwe ne.

主よ、あなたは代々にわたしたちの宿るところ。

Nupuri ahetukure etokota, Toitoi newa moshiri newa kara etokota Shashuishiri wano shashuishiri pakno an Kamui E ne ruwe ne.

Nupuri ahetukure etoko ta, Toytoy newa mosir newa kar etoko ta Sasuysir wano sasuysir pakno an Kamuy E ne ruwe ne.

山々が生まれる前から大地が、人の世が、生み出される前から世々とこしえに、あなたは神。

Aokai anak ne ainu koponchi orun hoshipire kusu ne; Utara poho, hoshippa yan, ari an itak ani E ye nisa ruwe ne.

Aokay anakne aynu koponci orun hosipire kusu ne; Utar poho, hosippa yan, ari an itak ani E ye nisa ruwe ne.

あなたは人を塵に返し「人の子よ、帰れ」と仰せになります。

E shik-samata wan ili paha anak ne, Aokere numan ukorachi ne, Anchikara ta an shiure korachi ne ruwe ne.

E sik-sama ta wan ili paha anakne, A=okere numan ukoraci ne, Ancikar ta an siwre koraci ne ruwe ne.

千年といえども御目には昨日が今日へと移る夜の一時にすぎません。

Aokai anak ne pesambe ani korachi nei utara isamka; Mokoro wa okaibe korachi ne: Kunneiwano hetuku mun ukoheraye ne;

Aokay anakne pesanpe ani koraci ne utar isamka; Mokor wa okaype koraci ne: Kunneywano hetuku mun ukoheraye ne;

あなたは眠りの中に人を漂わせ朝が来れば、人は草のように移ろいます。

Kunneiwano nei ambe shipiraspa wa shukup; Onuman ta aotuye wa shumumge ruwe ne.

Kunneywano ne anpe sipiraspa wa sukup; Onuman ta a=otuye wa sumumke ruwe ne.

朝が来れば花を咲かせ、やがて移ろい夕べにはしおれ、枯れて行きます。

Aokai un koirushka gusu a un isamka, Uni koirushka gusu chi utara chiukopoye ruwe ne gusu ne na.

Aokay un koyruska kusu a un isamka, Uni koyruska kusu ci utar ci=wkopoye ruwe ne kusu ne na.

あなたの怒りにわたしたちは絶え入りあなたの憤りに恐れます。

Aokai anak ne chikoro wen-buri E kotchaketa ande, Chi ki nuina na okai katpak E shik-samata aande nisa ruwe ne.

Aokay anakne ci=kor wen-puri E kotcake ta ante, Ci ki nuyna na okay katpak E sik-sama ta a=ante nisa ruwe ne.

あなたはわたしたちの罪を御前に隠れた罪を御顔の光の中に置かれます。

Aokai un koirushka rapoketa chi ishu ash kuni toho isam: Shine heise hum korachi chikoro paha aokere na.

Aokay un koyruska rapoketa ci i=su as kuni toho isam: Sine hese hum koraci ci=kor paha a=okere na.

わたしたちの生涯は御怒りに消え去り人生はため息のように消えうせます。

Chi shiknu ash kuni paha un to anak ne wan pa ikashima re hotne pa ne ruwe ne, Orowa, okirashnu wa gusu poka ine hotne pa pakno an ruwe ne; Yakka, nei okirashnu-i anak patek irarabe newa wenbe ne ruwe ne, Tunashino nei ambe nin wa chi paye ash wa isam ruwe ne gusu ne na.

Ci siknu as kuni paha un to anakne wan pa ikasma re hotne pa ne ruwe ne, Orowa, okirasnu wa kusu poka ine hotne pa pakno an ruwe ne; Yakka, ne okirasnu hi anak patek irara p newa wenpe ne ruwe ne, Tunasno ne anpe nin wa ci paye as wa isam ruwe ne kusu ne na.

人生の年月は七十年程のものです。健やかな人が八十年を数えても得るところは労苦と災いにすぎません。瞬く間に時は過ぎ、わたしたちは飛び去ります。

E koro kinrakara kiroro eraman guru nen ne ruwe? E ko-oripak kuni gusu an irushka-i eraman guru nen ne ruwe he an?

E=kor kinrakar kiroro eraman kur nen ne ruwe? E ko-oripak kuni kusu an iruska hi eraman kur nen ne ruwe he an?

御怒りの力を誰が知りえましょうか。あなたを畏れ敬うにつれてあなたの憤りをも知ることでしょう。

Wayashnu keutum chi koro kuni ne, Chi shiknu ash kuni toho pishki kuni gusu un epakashnu wa un kore.

Wayasnu kewtum ci kor kuni ne, Ci siknu as kuni toho piski kuni kusu un epakasnu wa un kore.

生涯の日を正しく数えるように教えてください。知恵ある心を得ることができますように。

Aa Ehoba, hoshipi wa ikore; hembara pakno ruwe? E koro uitek utara gusu koingara wa un kore.

Aa Ehoba, hosipi wa ikore; henpara pakno ruwe? E=kor uytek utar kusu koinkar wa un kore.

主よ、帰って来てください。いつまで捨てておかれるのですか。あなたの僕らを力づけてください。

Chi shiknu ash toho ebitta chi yaikopuntek wa nupetne ash kuni gusu, Nekon ka newa, E koro rampoken ani iramushinnere wa un kore.

Ci siknu as toho epitta ci yaykopuntek wa nupetne as kuni kusu, Nekon ka newa, E=kor ranpoken ani iramusinnere wa un kore.

朝にはあなたの慈しみに満ち足らせ生涯、喜び歌い、喜び祝わせてください。

Otta un shirikirapte toho newa Otta wenbe chi nukara ash paha newa esanniyo wa un yaikopuntekte wa un kore.

Or ta un sirkirapte toho newa Or ta wenpe ci nukar as paha newa esanniyo wa un yaykopuntekte wa un kore.

あなたがわたしたちを苦しめられた日々と苦難に遭わされた年月を思ってわたしたちに喜びを返してください。

E ki ikip E koro uitek utara otta nukare, Nei utara koro poho otta E koro nupeki sange wa un kore.

E ki iki p E=kor uytek utar or ta nukare, Ne utar kor poho or ta E=kor nupeki sanke wa un kore.

あなたの僕らが御業を仰ぎ子らもあなたの威光を仰ぐことができますように。

Orowa, chikoro Ehoba ne Kamui koro aekiroro an-hi un otta anro: Teke ani chi ki ikip un otta ashte wa un kore; Ruwe newa, teke ani chi ki ikip un gusu ashte wa un kore.

Orowa, ci=kor Ehoba ne Kamuy kor aekiroro an hi un or ta an ro: Teke ani ci ki iki p un or ta aste wa un kore; Ruwe newa, teke ani ci ki iki p un kusu aste wa un kore.

わたしたちの神、主の喜びがわたしたちの上にありますように。わたしたちの手の働きをわたしたちのために確かなものとしわたしたちの手の働きをどうか確かなものにしてください。