1
Shinotcha rekte esapane guru otta Mutrabbem gusu, Dabid kara Iyohaichish.
Sinotca rekte esapane kur or ta Mutrabbem kusu, Dabid kar Iyohaycis.
【指揮者によって。ムトラベンに合わせて。賛歌。ダビデの詩。】
Shinotcha rekte esapane guru otta Mutrabbem gusu, Dabid kara Iyohaichish.
Sinotca rekte esapane kur or ta Mutrabbem kusu, Dabid kar Iyohaycis.
【指揮者によって。ムトラベンに合わせて。賛歌。ダビデの詩。】
SAMBE osshi pakno Ehoba ku ko-yaiiraige ash na; E koro aeiyokunnure ikip obitta ku assuru ashte kusu ne.
Sanpe ossi pakno Ehoba ku=ko-yayirayke as na; E=kor aeiyokunnure iki p opitta ku assuru aste kusu ne.
わたしは心を尽くして主に感謝をささげ驚くべき御業をすべて語り伝えよう。
Kuani Aokai gusu yaikopuntek wa yainuchattek kusu ne; Iyotta rik un Kamui, E reihei gusu iyohaichish ku shinotchaki kusu ne.
Kuani Aokay kusu yaykopuntek wa yaynucattek kusu ne; Iyotta rikun Kamuy, E rehe kusu iyohaycis ku=sinotcaki kusu ne.
いと高き神よ、わたしは喜び、誇り御名をほめ歌おう。
En epokba utara ahoshippare ita, Aokai an gusu epetchiu wa aisamka kusu ne.
En epokpa utar a=hosippare hi ta, Aokay an kusu epetciw wa a=ysamka kusu ne.
御顔を向けられて敵は退き倒れて、滅び去った。
Inambe gusu ne yakun, Aokai en gusu an kunip, orowa, ku goro orushpe kan nisa ruwe ne gusu ne na; Aokai anak ne amset kata rok wa oupeka esanniyo ki nisa ruwe ne na.
Inanpe kusu ne yakun, Aokay en kusu an kunip, orowa, ku=kor oruspe kan nisa ruwe ne kusu ne na; Aokay anakne amset kata rok wa owpeka esanniyo ki nisa ruwe ne na.
あなたは御座に就き、正しく裁きわたしの訴えを取り上げて裁いてくださる。
Aokai oya uirup utara kopashirota, wen utara E isamka nisa, Otusashuishiri pakno ne yakka nei utara kon reihei ushka nisa ruwe ne.
Aokay oya uyrup utar kopasirota, wen utar E isamka nisa, Otu sasuysir pakno ne yakka ne utar kor rehe uska nisa ruwe ne.
異邦の民を叱咤し、逆らう者を滅ぼしその名を世々限りなく消し去られる。
Epokba ki utara anak ne aokere na, hembara pakno ne yakka nei utara awende ruwe ne; Aokai hokiru machiya reihei anak shomo aeshkarun pakno aisamka nisa ruwe ne.
epokpa ki utar anakne a=okere na, henpara pakno ne yakka ne utar awente ruwe ne; Aokay hokiru maciya rehe anak somo a=eskarun pakno a=ysamka nisa ruwe ne.
敵はすべて滅び、永遠の廃虚が残りあなたに滅ぼされた町々の記憶も消え去った。
Koroka, Ehoba anak ne otusashuishiri pakno ne yakka an: Esanniyo gusu koro amset etokooiki nisa ruwe ne na.
Korka, Ehoba anakne otu sasuysir pakno ne yakka an: Esanniyo kusu kor amset etokooyki nisa ruwe ne na.
主は裁きのために御座を固く据えとこしえに御座に着いておられる。
Shinuma oheuge sak no moshiri koipishi, Oupeka no ingi-moshirʼun utara koipishi kusu ne.
Sinuma ohewke sak no mosir koypisi, Owpekano inki-mosir un utar koypisi kusu ne.
御自ら世界を正しく治め国々の民を公平に裁かれる。
Samata, Ehoba anak ne aeyairamkoikire utara gusu ri chashi ne; Yairamhekomo an-i gusu ri chashi ne ruwe ne.
Sama ta, Ehoba anakne aeyayramkoykire utar kusuri casi ne; Yairamhekomo an hi kusuri casi ne ruwe ne.
虐げられている人に主が砦の塔となってくださるように苦難の時の砦の塔となってくださるように。
Orowa, E reihei eraman utara anak ne Aokai gusu eyaikopashte kusu ne; Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.
Orowa, E rehe eraman utar anakne Aokay kusu e=yaykopaste kusu ne; Inanpe kusu ne yakun, Ehoba, Aokay anakne E hunara utar emakpa somo ki kusu ne kusu ne na.
主よ、御名を知る人はあなたに依り頼む。あなたを尋ね求める人は見捨てられることがない。
Sion kata oshiroma Ehoba otta iyohaichish shinotchaki yan; Shinuma iki ikip moshiri uirup otta nure yan.
Sion kata osiroma Ehoba or ta iyohaycis sinotcaki yan; Sinuma iki iki p mosir uyrup or ta nure yan.
シオンにいます主をほめ歌い諸国の民に御業を告げ知らせよ。
Kem hunara guru Shinuma eshkarun, Otek-sak utara ashte hawe oira shomoki ruwe ne.
Kem hunara kur Sinuma eskarun, Otek-sak utar aste hawe oyra somo ki ruwe ne.
主は流された血に心を留めてそれに報いてくださる。貧しい人の叫びをお忘れになることはない。
Aa Ehoba, pirika irenga sange wa en kore; Bai apa orowa no en puni Kamui; En etunne utara gusu ku ramusarakbe ingara wa en kore,
Aa Ehoba, pirka irenka sanke wa en=kore; Pay apa oro wano en=puni Kamuy; En=etunne utar kusu ku ramusarakpe inkar wa en=kore,
憐れんでください、主よ死の門からわたしを引き上げてくださる方よ。御覧くださいわたしを憎む者がわたしを苦しめているのを。
Yak anak ne, obitta no okai E koro ramye kunip ku assuru ashte: Sion matnepo koro apa otta, E ki kashiobiuki-i gusu ku enupetne kusu ne na.
Yakanak ne, opittano okay E=kor ramye kunip ku assuru aste: Sion matnepo kor apa or ta, E ki kasiopiwki hi kusu ku=enupetne kusu ne na.
おとめシオンの城門であなたの賛美をひとつひとつ物語り御救いに喜び躍ることができますように。
Moshiri uirup anak ne yaikota kara shui orooshma: Nuina no ande ya otta yaikota koro kema auk nisa ruwe ne.
Mosir uyrup anakne yaykota kar suy oro osma: Nuyna no ante ya or ta yaykota kor kema auk nisa ruwe ne.
異邦の民は自ら掘った穴に落ち隠して張った網に足をとられる。
Ehoba anak ne yaikota yaieamkirire wa esanniyo nisa ruwe ne: Wen utara anak ne yaikota ki ikip ani akoiki ruwe ne. [Haggaion. Sera.]
Ehoba anakne yaykota yayeamkirire wa esanniyo nisa ruwe ne: Wen utar anakne yaykota ki iki p ani a=koyki ruwe ne. [Haggayon. Sera.]
主が現れて裁きをされるとき逆らう者は自分の手が仕掛けた罠にかかり〔ヒガヨン・セラ
Wen utara anak ne Sheo otta hoshippa kusu ne, Kamui oira obitta no okai moshiri uirup utara ka nei no ki kusu ne.
Wen utar anakne Seo or ta hosippa kusu ne, Kamuy oyra opittano okay mosir uyrup utar ka néno ki kusu ne.
神に逆らう者、神を忘れる者異邦の民はことごとく、陰府に退く。
Irapokkari utara anak ne ramma pakno aoirap shomo ne kusu ne. Otek-sak utara kon rusuibe hembara pakno ne yakka aisamka shomoki kusu ne na.
Irapokkari utar anakne ramma pakno aoyrap somo ne kusu ne. Otek-sak utar kor rusuy pe henpara pakno ne yakka a=ysamka somo ki kusu ne na.
乏しい人は永遠に忘れられることなく貧しい人の希望は決して失われない。
Aa Ehoba, hopuni, ainu iteki annokara ki kuni ne kara wa en kore; E shik-samata moshiri uirup utara akoipishire wa en kore.
Aa Ehoba, hopuni, aynu iteki annokar ki kuni ne kar wa en=kore; E sik-sama ta mosir uyrup utar akoypisire wa en=kore.
立ち上がってください、主よ。人間が思い上がるのを許さず御顔を向けて異邦の民を裁いてください。
Aa Ehoba, nei utara ishitomare, Moshiri uirup ouse ainu ne kunak eramande wa en kore. [Sera.]
Aa Ehoba, ne utar isitomare, Mosir uyrup owse aynu ne kunak eramante wa en=kore. [Sera.]
主よ、異邦の民を恐れさせ思い知らせてください彼らが人間にすぎないことを。〔セラ