50 Ik.

Asap kara iyohaichish.

Asap kar iyohaycis.

A Psalm of Asaph.

KAMUI, chikoro Kamui ne Ehoba anak neitak sange, Chupka wano chuppok pakno moshiri konishuk nisa ruwe ne.

Kamuy, ci=kor Kamuy ne Ehoba anak neytak sanke, Cupka wano cuppok pakno mosir konisuk nisa ruwe ne.

God, [even ]God, the LORD, hath spoken, and called the earth from the rising of the sun unto the going down thereof.

Iyotta shiritokbe Zion orowa no Kamui kiai atte nisa ruwe ne.

Iyotta siritokpe Zion oro wano Kamuy kiay atte nisa ruwe ne.

Out of Zion, the perfection of beauty, God hath shined forth.

Chikoro Kamui ek wa son no mo no an shomoki kusu ne Shinuma kotchaketa isamka abe an, Shinuma okari ta rerashiu hetuku wa an na.

Ci=kor Kamuy ek wa sonno mo no an somo ki kusu ne Sinuma kotcake ta isamka ape an, Sinuma okari ta rerasiw hetuku wa an na.

Our God shall come, and shall not keep silence: a fire shall devour before him, and it shall be very tempestuous round about him.

Shinuma anak ne koro utara koipishi kuni ne, Rik orowa no kando orun hene toitoi orun hene hawe ash ruwe ne:

Sinuma anakne kor utar koypisi kuni ne, Rik oro wano kanto orun hene toytoy orun hene hawe as ruwe ne:

He shall call to the heavens above, and to the earth, that he may judge his people:

Ayangep koro wa En tura uitaknup ashte, Ku goro ashkanne utara En orun uwekarapa yan.

ayankep kor wa En tura uytaknup aste, Ku=kor askanne utar En=orun uekarpa yan.

Gather my saints together unto me; those that have made a covenant with me by sacrifice.

Orowa, kando anak ne Shinuma koro oupeka ambe assuru ashte, Kamui yaikata anak koipishi ki Kamui ne ruwe ne gusu ne na. [Sera.]

Orowa, kanto anakne Sinuma kor owpeka anpe assuru aste, Kamuy yaykata anak koypisi ki Kamuy ne ruwe ne kusu ne na. [Sera.]

And the heavens shall declare his righteousness; for God is judge himself. Selah

Aa ku goro utara, nu yan, yakun, ku itak kusu ne; Aa Israeru, eani gusu paweteshu ku ki kusu ne: Kamui, e koro Kamui Ku ne ruwe ne.

Aa ku=kor utar, nu yan, yakun, ku=itak kusu ne; Aa Israeru, eani kusu pawetesu ku=ki kusu ne: Kamuy, e=kor Kamuy Ku ne ruwe ne.

Hear, O my people, and I will speak; O Israel, and I will testify unto thee: I am God, [even ]thy God.

E yangep gusu shomo ku pakashnu ash na; Ruwe un, e koro uhuye yangep ramma en kotchaketa an ruwe ne.

E yankep kusu somo ku=pakasnu as na; Ruwe un, e=kor uhuy yankep ramma en=kotcake ta an ruwe ne.

I will not reprove thee for thy sacrifices; and thy burnt offerings are continually before me.

E kot chisei wano shine beko hene, E koro chikoikip topaha wano shine pinne yangi hene shomo ku uk na.

E kot cise wano sine peko hene, E=kor cikoykip topaha wano sine pinne yanki hene somo ku=uk na.

I will take no bullock out of thy house, nor he-goats out of thy folds.

Kim ta okai chikoikip pishno ku korobe ne, Inne nupuri kata okai chikoikip ku korobe ne ruwe ne.

Kim ta okay cikoykip pisno ku=kor pe ne, Inne nupuri kata okay cikoykip ku=kor pe ne ruwe ne.

For every beast of the forest is mine, and the cattle upon a thousand hills.

Kim un chikap obitta ku eraman. Orowa, nup ta okai niwen chikoikip ku esanniyop ne ruwe ne.

Kimun cikap opitta ku=eraman. Orowa, nup ta okay niwen cikoykip ku esanniyop ne ruwe ne.

I know all the fowls of the mountains: and the wild beasts of the field are mine.

Ku ibe-rusui chiki, e nure ash shomoki kusu ne: Moshiri newa koro aeshikbe obitta ku korobe ne ruwe ne gusu ne na.

Ku=ipe-rusuy ciki, e nure as somo ki kusu ne: Mosir newa kor aesikpe opitta ku=kor pe ne ruwe ne kusu ne na.

If I were hungry, I would not tell thee: for the world is mine, and the fulness thereof.

Pinne beko kam ku ibe, Yangi kem ku iku kunip ne ruwe he an?

Pinne peko kam ku=ipe, Yangi kem ku=iku kunip ne ruwe he an?

Will I eat the flesh of bulls, or drink the blood of goats?

Iyaiiraige, ambe Kamui otta yange, Iyotta Rikunbe orun itaknu ki yan;

I=yayirayke, anpe Kamuy or ta yanke, Iyotta Rikunbe orun itak nu ki yan;

Offer unto God the sacrifice of thanksgiving; and pay thy vows unto the Most High:

Yairamhekomo ita En orun kohawe ashte yan, Orowa, Kuani e kashiobiuki kusu ne, aige, eani En ramye kusu ne na.

yayramhekomo hi ta En=orun kohawe aste yan, Orowa, Kuani e kasiopiwki kusu ne, ayke, eani En=ramye kusu ne na.

And call upon me in the day of trouble; I will deliver thee, and thou shalt glorify me.

Koroka, wen utara otta Kamui ene itak-hi:— Hemanda gusu eani anak ne ku goro uitaknup nure ya? Nep gusu eani anak ne koro paro otta ku goro tuitak koro ya?

Korka, wen utar or ta Kamuy ene itak hi:— Hemanta kusu eani anakne ku=kor uytaknup nure ya? Nep kusu eani anakne kor paro or ta ku=kor tuytak kor ya?

But unto the wicked God saith, What hast thou to do to declare my statutes; and that thou hast taken my covenant in thy mouth?

Koroka, eani anak ne apakashnu ambe etunne wa; Ku goro itak e oshmake orun emaka nisa?

Korka, eani anakne a=pakasnu anpe etunne wa; Ku=kor itak e osmake orun emaka nisa?

Seeing thou hatest instruction, and castest my words behind thee.

Ikka guru e nukara ita, tura no e ramuoshma ilisa, Hoiyo utara tura no an guru e ne ruwe ne naa

Ikka kur e nukar hi ta, turano e ramuosma ilisa, Hoiyo utar turano an kur e ne ruwe ne naa

When thou sawest a thief, thou consentedst with him, and hast been partaker with adulterers.

Wenbe gusu e paroho apita, E koro parumbe kokandama ki ruwe ne,

Wenpe kusu e paroho a=pita, E=kor parunpe kokantama ki ruwe ne,

Thou givest thy mouth to evil, and thy tongue frameth deceit.

E a wa koro iriwak gusu shungep ye, Koro haho koro poho uoputuye ruwe ne.

E a wa kor irwak kusu sunkep ye, Kor haho kor poho uoputuye ruwe ne.

Thou sittest and speakest against thy brother; thou slanderest thine own mother’s son.

Tap okaibe e ki nisa, awa, mo no ku an, Aige, kuani anak me son no newa eani korachi ne sekoro e yainu nisa; Kuani anak ne e epakashnu ash, nei okaibe e shik samata ku ande kusu ne na.

Tap okaype e ki nisa, awa, mo no ku=an, Ayke, kuani anak me sonno newa eani koraci ne sekor e yaynu nisa; Kuani anakne e epakasnu as, ne okaype e sik sama ta ku=ante kusu ne na.

These things hast thou done, and I kept silence; thou thoughtest that I was altogether such an one as thyself: [but ]I will reprove thee, and set [them ]in order before thine eyes.

Tane Kamui oira utara; tambe esanniyo yan, Ikineipeka kashiobas kuni iguru isam ita ika e uibeoshke kusu me na:

Tane Kamuy oyra utar; tanpe esanniyo yan, Ikineypeka kasiopas kuni i=kur isam hi ta ika e uypeoske kusu me na:

Now consider this, ye that forget God, lest I tear you in pieces, and there be none to deliver:

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

I=yayirayke yankep yanke kur' anakne Eri ko-oripak ruwe ne; Orowa, kor ruhu etoko-oyki kur or ta Kamuy kasiopiwki hi ku=nukare kusu ne na.

Whoso offereth the sacrifice of thanksgiving glorifieth me; and to him that ordereth his conversation [aright ]will I shew the salvation of God.