64 Ik.

Shinotcha esapane guru gusu. Dabid kava Iyohaichish.

Sinotca esapane kur kusu. Dabid kava Iyohaycis.

【指揮者によって。賛歌。ダビデの詩。】

AA Kamui, ku keutum ku sange ita, ku goro hawe nu wa en kore: En epokba utara ku ishitoma gusu ku inotu koshiratki wa en kore.

Aa Kamuy, ku=kewtum ku=sanke hi ta, ku=kor hawe nu wa en=kore: En epokpa utar ku=isitoma kusu ku=inotu kosiratki wa en=kore.

神よ、悩み訴えるわたしの声をお聞きください。敵の脅威からわたしの命をお守りください。

Irarape iki utara nuina no iki ukoramkor-i orowa no en ohaitare wa en kore; Wen-buri iki utara sakayo gusu en kashiobiuki wa en kore:

Irara p iki utar nuyna no iki ukoramkor hi oro wano en ohaytare wa en=kore; Wen-puri iki utar sakayo kusu en=kasiopiwki wa en=kore:

わたしを隠してくださいさいなむ者の集いから、悪を行う者の騒ぎから。

Nei utara anak ne emush korachi koro parumbe eenka nisa, Shiu itak nepkoro an ai eoshikpekare nisa:

Ne utar anakne emus koraci kor parunpe eenka nisa, Siw itak nepkor an ay eosikpekare nisa:

彼らは舌を鋭い剣とし毒を含む言葉を矢としてつがえ

Nuina no an ushiketa okai wa aeramushinne utara orun ak: Ekushkonna ai-eroski bine ishitoma shomoki ruwe ne.

Nuyna no an uske ta okay wa a=eramusinne utar orun ak: Ekuskonna ay-eroski pine isitoma somo ki ruwe ne.

隠れた所から無垢な人を射ようと構え突然射かけて、恐れもしません。

Wenbe iki kuni esanniyo wa yaitumashnure; Nuina no akbe are kuni ramepakari; Aige, un nukara guru nen ne ruwe he an? sekoro itak.

Wenpe iki kuni esanniyo wa yaytumasnure; Nuyna no akpe are kuni ramepakari; Ayke, un nukar kur nen ne ruwe he an? sekor itak.

彼らは悪事にたけ、共謀して罠を仕掛け「見抜かれることはない」と言います。

Wen-buri ewenoshikoro wa aesanniyop ki okere: Orowa, nei utara pishno koro onnaige koro sambe ooho ruwe ne.

Wen-puri ewenosikoro wa aesanniyop ki okere: Orowa, ne utar pisno kor onnayke kor sanpe ooho ruwe ne.

巧妙に悪を謀り「我らの謀は巧妙で完全だ。人は胸に深慮を隠す」と言います。

Koroka, Kamui anak ne nei utara orun ak kusu ne; Ekushkonna ai ani nei utara piri-ao kusu ne na.

Korka, Kamuy anakne ne utar orun ak kusu ne; Ekuskonna ay ani ne utar piri-ao kusu ne na.

神は彼らに矢を射かけ突然、彼らは討たれるでしょう。

Orowa, yaikota koro parumbe ani aeyaieiyonnuppa wa aureepetchiure kusu ne: Nei ambe nukara utara obitta sapa shuyeshuye kusu ne na.

Orowa, yaykota kor parunpe ani aeyayeiyonnuppa wa awreepetciwre kusu ne: Ne anpe nukar utar opitta sapa suyesuye kusu ne na.

自分の舌がつまずきのもとになり見る人は皆、頭を振って侮るでしょう。

Orowa, utara obitta ishitoma kusu ne: Aige, Kamui ki ikip assuru ashte wa, Shinuma iki ambe wayashnu no esanniyo kusu ne na.

Orowa, utar opitta isitoma kusu ne: Ayke, Kamuy ki iki p assuru aste wa, Sinuma iki anpe wayasnu no esanniyo kusu ne na.

人は皆、恐れて神の働きを認め御業に目覚めるでしょう。

Oupeka utara anak ne Ehoba gusu yainuchattek wa orun eyaikopashte kusu ne; Orowa, keutum oupeka utara anak ne nupetne kusu ne na.

Owpeka utar anakne Ehoba kusu yaynucattek wa orun e=yaykopaste kusu ne; Orowa, kewtum owpeka utar anakne nupetne kusu ne na.

主に従う人は主を避けどころとし、喜び祝い心のまっすぐな人は皆、主によって誇ります。