45 Ik.

Shinotcha esapane guru gusu; Shoshannim orota; Kora poho karape: Maskir. Omap oma shinotcha.

Sinotca esapane kur kusu; Sosannim oro ta; Kor poho kar pe: Maskir. Omap oma sinotca.

【指揮者によって。「ゆり」に合わせて。コラの子の詩。マスキール。愛の歌。】

PIRIKAP okai gusu ku keutum purupuruge ruwe ne: Esapane guru gusu ku karape ku ye kusu ne: Ku parumbe anak ne chashnu no nuye guru koro nuyep ne ruwe ne.

Pirka p okay kusu ku=kewtum purpurke ruwe ne: Esapane kur kusu ku=kar pe ku=ye kusu ne: Ku=parunpe anakne casnu no nuye kur kor nuyep ne ruwe ne.

心に湧き出る美しい言葉わたしの作る詩を、王の前で歌おう。わたしの舌を速やかに物書く人の筆として。

Utara poho kasu no Aokai anak ne shiretok korobe ne; E koro papush wano irenga aechikiki ruwe ne: Tambe gusu Kamui anak ne ramma pakno e nunuke nisa ruwe ne na.

Utar poho kasuno Aokay anakne siretok kor pe ne; E=kor papus wano irenka a=ecikki ruwe ne: Tanpe kusu Kamuy anakne ramma pakno e nunuke nisa ruwe ne na.

あなたは人の子らのだれよりも美しくあなたの唇は優雅に語る。あなたはとこしえに神の祝福を受ける方。

Aa kiroro-ashnu guru, e om kata rangetam kutpokechiu yan, E koro nupeki e koro araguru sange yan.

Aa kiroro-asnu kur, e om kata ranke tam kutpokeciw yan, E=kor nupeki e=kor a=rakur sanke yan.

勇士よ、腰に剣を帯びよ。それはあなたの栄えと輝き。

E koro sonep newa ramurotcha ambe newa oupeka ambe gusu, Chitomte no o wa paye hine annokara ki yan: Yakun, E koro shimon-tek anak ne ashitomap aepakashnu kusu ne na.

E=kor sonep newa ramurotca anpe newa owpeka anpe kusu, Citomte no o wa paye hine annokar ki yan: Yakun, E=kor simon-tek anakne asitomap a=epakasnu kusu ne na.

輝きを帯びて進め真実と謙虚と正義を駆って。右の手があなたに恐るべき力をもたらすように。

E koro ai eenbe ne, E choropoketa utara hachiri wa okai ruwe ne; Esapane guru epokba utara koro sambe otta eenbe ne.

E=kor ay eenpe ne, E corpoke ta utar hacir wa okay ruwe ne; Esapane kur epokpa utar kor sanpe or ta eenpe ne.

あなたの矢は鋭く、王の敵のただ中に飛び諸国の民はあなたの足もとに倒れる。

Aa Kamui, E koro amset anak ne otusashuishiri wano otusashuishiri pakno an ambe ne: Aokai esapane kuni mondum anak ne oupeka mondum ne ruwe ne.

Aa Kamuy, E=kor amset anakne otu sasuysir wano otu sasuysir pakno an anpe ne: Aokay esapane kuni montum anakne owpeka montum ne ruwe ne.

神よ、あなたの王座は世々限りなくあなたの王権の笏は公平の笏。

Aokai anak ne oupekap omap wa, wenbe etunne nisa ruwe ne; Tambe gusu, Kamui anak ne, E koro Kamui anak, E tura no okai utara akkari wa, Yaikopuntek an shum ani E kashiota nisa ruwe ne.

Aokay anakne owpekap omap wa, wenpe etunne nisa ruwe ne; Tanpe kusu, Kamuy anakne, E=kor Kamuy anak, E turano okay utar akkari wa, Yaykopuntek an sum ani E kasi ota nisa ruwe ne.

神に従うことを愛し、逆らうことを憎むあなたに神、あなたの神は油を注がれた喜びの油を、あなたに結ばれた人々の前で。

Obitta no okai E koro mipihi anak ne motsuyaku newa, rokwai newa, nikkei newa gusu hura an ruwe ne; Zōge ani akara chashi ta okai ka oma arektep e yainuchattekka nisa ruwe ne.

Opittano okay E=kor mipihi anakne motsuyaku newa, rokway newa, nikkey newa kusu hura an ruwe ne; Zōke ani a=kar casi ta okay ka oma arektep e yaynucattekka nisa ruwe ne.

あなたの衣はすべてミルラ、アロエ、シナモンの香りを放ち象牙の宮殿に響く弦の調べはあなたを祝う。

E koro aeoripak an shiwentep utara tumugeta, Moshiri esapane matne po okai ruwe ne: E shimon-tek samata Opir un kongani ani amire wa an Moshiri esapane guru koro shiwente guru ash ruwe ne.

E=kor a=eoripak an siwentep utar tumke ta, Mosir esapane matnepo okay ruwe ne: E simon-teksama ta Opir un konkani ani a=mire wa an Mosir esapane kur kor siwente kur as ruwe ne.

諸国の王女、あなたがめでる女たちの中からオフィルの金で身を飾った王妃があなたの右に立てられる。

Aa matne po, inu yan, yaikoshiramse yan, kisattarara yan; Koro utara newa, koro michi kot chisei oira yan;

Aa matnepo, inu yan, yaykosiramse yan, kisattarara yan; Kor utar newa, kor mici kot cise oyra yan;

「娘よ、聞け。耳を傾けて聞き、そしてよく見よ。あなたの民とあなたの父の家を忘れよ。

Yakun, Esapane guru anak ne e shiritokbe kon rusui: Shinuma anak ne e koro Utarapa ne; Shinuma orun ko-ongami yan.

Yakun, Esapane kur anakne e siritokpe kor rusuy: Sinuma anakne e=kor Utarpa ne; Sinuma orun ko-onkami yan.

王はあなたの美しさを慕う。王はあなたの主。彼の前にひれ伏すがよい。

Orowa, Turos koro matne po ayangep koro wa an; Utara tumugeta okai oteknu utara ne yakka e koro irenga koramkoro kusu ne na.

Orowa, Turos kor matnepo ayankep kor wa an; Utar tumke ta okay oteknu utar ne yakka e=kor irenka koramkor kusu ne na.

ティルスの娘よ、民の豪族は贈り物を携えあなたが顔を向けるのを待っている。」

Chashi ta okai Esapane guru koro matne po shiritomte ne: Kongami ari koro mipihi akan na.

Casi ta okay Esapane kur kor matnepo siritomte ne: Kongami ari kor mipihi a=kar na.

王妃は栄光に輝き、進み入る。晴れ着は金糸の織り

Shinuma anak ne chikarakarabe ani ami wa Esapane guru orun atura kusu ne: Shinuma osh paye tura no okai hoku sak mat utara E orun atura kusu ne na.

Sinuma anakne cikarkarpe ani ami wa Esapane kur orun a=tura kusu ne: Sinuma os paye turano okay hoku sak mat utar E orun a=tura kusu ne na.

色糸の縫い取り。彼女は王のもとに導かれて行くおとめらを伴い、多くの侍女を従えて。

Nupetne wa yainuchattek hine nei utara atura kusu ne: Moshiri esapane guru koro chashi orota ahup kusu ne.

Nupetne wa yaynucattek hine ne utar a=tura kusu ne: Mosir esapane kur kor casi oro ta ahup kusu ne.

彼女らは喜び躍りながら導かれて行き王の宮殿に進み入る。

Echi koro ekashi shirine koro poho utara ani Moshiri ebitta esapanere utara ne akara kusu ne na.

Eci=kor ekasi sirine kor poho utar ani Mosir epitta esapanere utar ne a=kar kusu ne na.

あなたには父祖を継ぐ子らが生まれあなたは彼らを立ててこの地の君とする。

Obitta no okai ainu ikiri tumugeta e kon reihei ku eshkarunde kusu ne: Tambe gusu, ramma pakno moshiri uirup anak ne E koiramye kusu me na.

Opittano okay aynu ikiri tumke ta e=kor rehe ku eskarunte kusu ne: Tanpe kusu, ramma pakno mosir uyrup anakne E koyramye kusu me na.

わたしはあなたの名を代々に語り伝えよう。諸国の民は世々限りなくあなたに感謝をささげるであろう。