24 Ik.

Dabid kara Iyohaichish.

Dabid kar Iyohaycis.

【ダビデの詩。賛歌。】

MOSHIRI newa moshiri aeshikbe kane Ehoba ne korobe; Ingi-moshiri newa otta oshiroma utara Shinuma korobe ne.

Mosir newa mosir aesikpe kane Ehoba ne kor pe; Inki-mosir newa or ta osiroma utar Sinuma kor pe ne.

地とそこに満ちるもの世界とそこに住むものは、主のもの。

Shinuma anak nei ambe atui kata asama ande, Poro pesambe kata nei ambe atte nisa ruwe ne.

Sinuma anakne anpe atuy kata asama ante, Poro pesanpe kata ne anpe atte nisa ruwe ne.

主は、大海の上に地の基を置き潮の流れの上に世界を築かれた。

Ehoba koro huru hemesu kusu ne guru nen ne ruwe? Shinuma koro ashkanne ushiketa ash kuni guru inan guru ne ruwe he an?

Ehoba kor hur hemesu kusu ne kur nen ne ruwe? Sinuma kor askanne uske ta as kuni kur inan kur ne ruwe he an?

どのような人が、主の山に上り聖所に立つことができるのか。

Turusak tekehe newa ashkanne sambe koro; Keutum ta ohap ramepakari shomoki, Shunge uitaknup shomo ki guru ne ruwe ne.

Tursak tekehe newa askanne sanpe kor; Kewtum ta ohap ramepakari somo ki, Sunke uytaknup somo ki kur ne ruwe ne.

それは、潔白な手と清い心をもつ人。むなしいものに魂を奪われることなく欺くものによって誓うことをしない人。

Nei guru anak ne Ehoba orowa no kashnukarape uk, Kashiobiuki Kamui wano oupekap akore kusu ne.

Ne kur anakne Ehoba oro wano kasnukarape uk, Kasiopiwki Kamuy wano owpekap a=kore kusu ne.

主はそのような人を祝福し救いの神は恵みをお与えになる。

Shinuma hunara sanikiri utara anak ne ene ani ne, Yakob koro Kamui, E koro nanuhu hunara utara ene ani ne ruwe ne. [Sera.]

Sinuma hunara sanikiri utar anakne ene ani ne, Yakob kor Kamuy, E=kor nanuhu hunara utar ene ani ne ruwe ne. [Sera.]

それは主を求める人ヤコブの神よ、御顔を尋ね求める人。〔セラ

Aa apa-ushta ne echi utare, koro sapaha hetari yan; Otusashuishiri pakno an apa-ushta, ahetari wa okai yan; Orowa, nupeki koro Moshiri shikkashimap ahun kusu ne na.

Aa apa-us ta ne eci utar, kor sapaha hetari yan; Otu sasuysir pakno an apa-us ta, a=hetari wa okay yan; Orowa, nupeki kor Mosir sikkasimap ahun kusu ne na.

城門よ、頭を上げよとこしえの門よ、身を起こせ。栄光に輝く王が来られる。

Nupeki koro moshiri shikkashimap anak ne nen ne ruwe he an? Tumashnu wa kiroroashnu Ehoba ne, Tumi gusu kiroroashnu Ehoba ne ruwe ne.

Nupeki kor mosir sikkasimap anakne nen ne ruwe he an? Tumasnu wa kiroroasnu Ehoba ne, Tumi kusu kiroroasnu Ehoba ne ruwe ne.

栄光に輝く王とは誰か。強く雄々しい主、雄々しく戦われる主。

Aa apa-ushta ne echi utare, koro sapaha hetari yan; Ruwe un, otusashuishiri pakno an apaha, nei ambe hetari yan; Orowa, nupeki koro Moshiri shikkashimap ahun kusu ne na.

Aa apa-us ta ne eci utar, kor sapaha hetari yan; Ruwe un, otu sasuysir pakno an apaha, ne anpe hetari yan; Orowa, nupeki kor Mosir sikkasimap ahun kusu ne na.

城門よ、頭を上げよとこしえの門よ、身を起こせ。栄光に輝く王が来られる。

Tap nupeki koro Moshiri shikkashimap anak ne nen ne ruwe he an? Inne tumi-koro utara koro Ehoba ne, Shinuma anak Moshiri shikkashima nupeki koro Kamui ne ruwe tap an na. [Sera.]

Tap nupeki kor Mosir sikkasimap anakne nen ne ruwe he an? Inne tumi-kor utar kor Ehoba ne, Sinuma anak Mosir sikkasima nupeki kor Kamuy ne ruwe tapan na. [Sera.]

栄光に輝く王とは誰か。万軍の主、主こそ栄光に輝く王。〔セラ