7 Ik.

Benyamin sanike ne Kush ye itak gusu, Ehoba otta Dabid Shinotchaki Shigayon Iyohaichish.

Benyamin sanike ne Kus ye itak kusu, Ehoba or ta Dabid Sinotcaki Sigayon Iyohaycis.

【シガヨン。ダビデの詩。ベニヤミン人クシュのことについてダビデが主に向かって歌ったもの。】

KU goro Ehoba Kamui, Aokai gusu ku eyaikopashte ruwe ne: Obitta no okai en keseamba utara gusu en kashiobiuki hine en ohaitare wa en kore:

Ku=kor Ehoba Kamuy, Aokay kusu ku=e=yaykopaste ruwe ne: Opittano okay en=keseanpa utar kusu en=kasiopiwki hine en ohaytare wa en=kore:

わたしの神、主よ、あなたを避けどころとします。わたしを助け、追い迫る者から救ってください。

Ikineipeka en kashiobiuki guru isam ita, Shinuma anak ne shishi chikoikip korachi ku ramat humne yaspa kusu ne.

Ikineypeka en=kasiopiwki kur isam hi ta, Sinuma anakne sisi cikoykip koraci ku=ramat humne yaspa kusu ne.

獅子のようにわたしの魂を餌食とする者からだれも奪い返し、助けてくれないのです。

Ku goro Ehoba Kamui, tap ambe ku ki yakun; Ku teke otta wen-buri an yakun;

Ku=kor Ehoba Kamuy, tapanpe ku=ki yakun; Ku=teke or ta wen-puri an yakun;

わたしの神、主よもしわたしがこのようなことをしたのならわたしの手に不正があり

Itomo irenga ikore guru otta wenbe ku kara yakun, (Shomo, ikkewe sak no en ramushitnere guru ku kashiobiuki nisa ruwe ne):

I=tom irenka ikore kur or ta wenpe ku=kar yakun, (Somo, ikkewe sak no en=ramusitnere kur ku=kasiopiwki nisa ruwe ne):

仲間に災いをこうむらせ敵をいたずらに見逃したなら

En epokba guru ku ramat keseamba wa en oshkoni, Ruwe un, toitoi pakno ku inotu otereke, Koponchi otta ku nupekihi are kuni ne kara wa en kore. [Sera.]

En epokpa kur ku=ramat keseanpa wa en=oskoni, Ruwe un, toytoy pakno ku=inotu oterke, Koponci or ta ku nupekihi are kuni ne kar wa en=kore. [Sera.]

敵がわたしの魂に追い迫り、追いつきわたしの命を地に踏みにじりわたしの誉れを塵に伏せさせても当然です。〔セラ

Aa Ehoba, kinra keutum sange wa hopuni; En ramushitnere utara koro irushka-i epeka no hopuni wa en kore; Aesanniyo kuni ambe Aokai ikashpaotte gusu, en gusu mosh wa en kore.

Aa Ehoba, kinra kewtum sanke wa hopuni; En=ramusitnere utar kor iruska hi epeka no hopuni wa en=kore; A=esanniyo kuni anpe Aokay ikaspaotte kusu, en kusu mos wa en=kore.

主よ、敵に対して怒りをもって立ち上がり憤りをもって身を起こしわたしに味方して奮い立ち裁きを命じてください。

Utarihi topaha uwekarapa wa E ko-nikkotama; Orowa no nei utara kashiketa rik peka hoshipi wa en kore.

Utarihi topaha uekarpa wa E ko-nikkotama; Orowano ne utar kasike ta rik peka hosipi wa en=kore.

諸国をあなたの周りに集わせ彼らを超えて高い御座に再び就いてください。

Ehoba anak ne utari koipishi wa aesanniyop kore; Aa Ehoba, ku oupeka ambe esanniyo, aige, ku katpak sak-i nukara wa en koipishi wa en kore

Ehoba anakne utari koypisi wa aesanniyop kore; Aa Ehoba, ku=owpeka anpe esanniyo, ayke, ku katpak sak hi nukar wa en koypisi wa en=kore

主よ、諸国の民を裁いてください。主よ、裁きを行って宣言してくださいお前は正しい、とがめるところはないと。

Aa, wen utara koro wen-buri isamka, koroka, oupeka utara roshkire wa en kore; Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.

Aa, wen utar kor wen-puri isamka, korka, owpeka utar roskire wa en=kore; Inanpe kusu ne yakun, owpeka Kamuy anakne kewtum newa sanpe ikkew pakno siruwante ruwe ne.

あなたに逆らう者を災いに遭わせて滅ぼしあなたに従う者を固く立たせてください。心とはらわたを調べる方神は正しくいます。

Keutum oupeka utara kashiobiuki Kamui anak ne, Ku goro kikhumbe kon ruwe ne.

Kewtum owpeka utar kasiopiwki Kamuy anakne, Ku=kor kikhunpe kor ruwe ne.

心のまっすぐな人を救う方神はわたしの盾。

Kamui anak oupeka koipishi ki Kamui ne, Ruwe un, kesto irushka ki Kamui ne ruwe ne.

Kamuy anak owpeka koypisi ki Kamuy ne, Ruwe un, kesto iruska ki Kamuy ne ruwe ne.

正しく裁く神日ごとに憤りを表す神。

Ainu hoshipi shomoki chiki, Shinuma anak ne koro rangetam eenka kusu ne; Shinuma anak koro ku yupu wa etokooiki nisa ruwe ne na.

Aynu hosipi somo ki ciki, Sinuma anakne kor ranke tam eenka kusu ne; Sinuma anak kor ku=yupu wa etokooyki nisa ruwe ne na.

立ち帰らない者に向かっては、剣を鋭くし弓を引き絞って構え

Shinuma gusu Kamui anak ne raige kuni eshipopkep etokooiki; Koro ai abe o kuni ne kan nisa ruwe ne.

Sinuma kusu Kamuy anakne rayke kuni esipopkep etokooyki; Kor ay ape o kuni ne kan nisa ruwe ne.

殺戮の武器を備え炎の矢を射かけられます。

Ingarʼan, irarape gusu shinuma unuwapte; Ruwe un, wenbe yairamure wa shungep hetukure nisa ruwe ne na.

Inkar=an, irara p kusu sinuma unuwapte; Ruwe un, wenpe yayramure wa sunkep hetukure nisa ruwe ne na.

御覧ください、彼らは悪をみごもり災いをはらみ、偽りを生む者です。

Shinuma ohori wa shui kara, Orowa, yaikota nei o shui otta hachiri nisa ruwe ne.

Sinuma ohor wa suy kar, Orowa, yaykota ne o suy or ta hacir nisa ruwe ne.

落とし穴を掘り、深くしています仕掛けたその穴に自分が落ちますように。

Koro irara-buri yaikota koro sapa kata hoshipi; Samata, koro yupke buri yaikota koro kimui kata ran wa okai kusu ne.

Kor irara-puri yaykota kor sapa kata hosipi; Sama ta, kor yupke puri yaykota kor kimuy kata ran wa okay kusu ne.

災いが頭上に帰り不法な業が自分の頭にふりかかりますように。

Ehoba koro oupekap gusu otta ko-yaiiraige ku ki: Iyotta rik un E hoba reihei otta iyohaichish ku koshinotchaki kusu ne na.

Ehoba kor owpekap kusu or ta ko-yayirayke ku=ki: Iyotta rikun E hopa rehe or ta iyohaycis ku kosinotcaki kusu ne na.

正しくいます主にわたしは感謝をささげいと高き神、主の御名をほめ歌います。