28 Ik.

Dabid karape.

Dabid kar pe.

【ダビデの詩。】

AA Ehoba, E orun ku konishuk kusu ne; Ku Watara, iteki en eashpa wa en kore; En otta Aokai shomo itak yakun, Shui otta rap utara ku koheraye kusu ne gusu ne na.

Aa Ehoba, E orun ku konisuk kusu ne; Ku Watara, iteki en=easpa wa en=kore; En or ta Aokay somo itak yakun, Suy or ta rap utar ku=koheraye kusu ne kusu ne na.

主よ、あなたを呼び求めます。わたしの岩よわたしに対して沈黙しないでください。あなたが黙しておられるならわたしは墓に下る者とされてしまいます。

Hawe ku ashte ita, E koro ashkanne ushike orun teke ku puni ita, Ku koramkoro itak hawe nu wa en kore.

Hawe ku=aste hi ta, E=kor askanne usike orun teke ku=puni hi ta, Ku=koramkor itak hawe nu wa en=kore.

嘆き祈るわたしの声を聞いてください。至聖所に向かって手を上げあなたに救いを求めて叫びます。

Wen utara newa katpak ki utara tura Iteki a en shirende kuni ne kara wa en kore; Nei utara anak ne aota un utara otta itomo itak ye, Koroka, keutum ta wenbe an ruwe ne.

Wen utar newa katpak ki utar tura Iteki a en sirente kuni ne kar wa en=kore; Ne utar anakne a=o ta un utar or ta i=tom itak ye, Korka, kewtum ta wenpe an ruwe ne.

神に逆らう者、悪を行う者と共にわたしを引いて行かないでください。彼らは仲間に向かって平和を口にしますが心には悪意を抱いています。

Nei utara ikichi nei no, koro iki wenbe an nei no kore wa en kore; Teke ani karape apakari wa Koro kunip koropare wa en kore.

Ne utar ikici néno, kor iki wenpe an néno kore wa en=kore; Teke ani kar pe apa kari wa Kor kunip korpare wa en=kore.

その仕業、悪事に応じて彼らに報いてください。その手のなすところに応じて彼らに報い、罰してください。

Nei utara anak ne Ehoba ki ikip esanniyo shomoki, Shinuma teke ani akarape shomo esanniyo gusu, Nei utara aisamka wa shomo aroshkire kusu ne na.

Ne utar anakne Ehoba ki iki p esanniyo somo ki, Sinuma teke ani a=karpe somo esanniyo kusu, Ne utar a=ysamka wa somo a=roskire kusu ne na.

主の御業、御手の業を彼らは悟ろうとしません。彼らを滅ぼし、再び興さないでください。

Ehoba anak ne anunuke ne, Ku ki koramkoro itak hawe nu nisa ruwe ne gusu ne na.

Ehoba anakne a=nunuke ne, Ku=ki koramkor itak hawe nu nisa ruwe ne kusu ne na.

主をたたえよ。嘆き祈るわたしの声を聞いてくださいました。

Ehoba anak ne ku goro kiroro ne ku kikhumbe ne; Ku keutum anak ne Shinuma gusu eyaikopashte nisa ruwe ne, awa, a en kashiobiuki ruwe ne: Tambe gusu, ku keutum poron no nupetne; Ku goro shinotcha ani Shinuma orun ku reika kusu ne na.

Ehoba anakne ku=kor kiroro ne ku kikhunpe ne; Ku=kewtum anakne Sinuma kusu e=yaykopaste nisa ruwe ne, awa, a en=kasiopiwki ruwe ne: Tanpe kusu, ku=kewtum poronno nupetne; Ku=kor sinotca ani Sinuma orun ku=rek kusu ne na.

主はわたしの力、わたしの盾わたしの心は主に依り頼みます。主の助けを得てわたしの心は喜び躍ります。歌をささげて感謝いたします。

Ehoba anak ne nei utara kiroro ne, Koro shum kashiaota guru gusu an tumashnu kashiobiuki chashi ne ruwe ne.

Ehoba anakne ne utar kiroro ne, Kor sum kasiaota kur kusu an tumasnu kasiopiwki casi ne ruwe ne.

主は油注がれた者の力、その砦、救い。

E koro utara kashiobiuki, E koro eikeshkoro utara nunuke; Samata, nei utara ibere, otusashuishiri pakno ne yakka rikoshma wa en kore.

E=kor utar kasiopiwki, E=kor eykeskoro utar nunuke; Sama ta, ne utar ipere, otu sasuysir pakno ne yakka rikosma wa en=kore.

お救いください、あなたの民を。祝福してください、あなたの嗣業の民を。とこしえに彼らを導き養ってください。