1
Shinotcha esapane guru gusu; Kora poho karape. Maskir.
Sinotca esapane kur kusu; Kor poho kar pe. Maskir.
【指揮者によって。コラの子の詩。マスキール。】
Shinotcha esapane guru gusu; Kora poho karape. Maskir.
Sinotca esapane kur kusu; Kor poho kar pe. Maskir.
【指揮者によって。コラの子の詩。マスキール。】
AA Kamui, fushkotoita ekashi utara okai rapoketa E ki ikip, Kisara ani chi nu nisa, chikoro ekashi un nure nisa ruwe ne na.
Aa Kamuy, huskotoyta ekasi utar okay rapoketa E ki iki p, Kisara ani ci nu nisa, ci=kor ekasi un nure nisa ruwe ne na.
神よ、我らはこの耳で聞いています先祖が我らに語り伝えたことを先祖の時代、いにしえの日にあなたが成し遂げられた御業を。
Aokai koro teke ani moshiri uirup okeuba wa, nei utara ahupte nisa ruwe ne; Aokai anak ne utara panakte wa emakba nisa ruwe tapan na.
Aokay kor teke ani mosir uyrup okewpa wa, ne utar ahupte nisa ruwe ne; Aokay anakne utar panakte wa emakpa nisa ruwe tapan na.
我らの先祖を植え付けるために御手をもって国々の領土を取り上げその枝が伸びるために国々の民を災いに落としたのはあなたでした。
Nei utara yaikota koro emush ani nei moshiri kishima shomoki, Yaikota koro amunin ani yaikaobiuki shomoki nisa: Koroka, E koro shimon teke, e koro amunin, orowa, E koro nanuhu nupeki nei ambe kau nisa, Aokai anak ne nei utara orun irenga sange nisa ruwe ne gusu ne na.
Ne utar yaykota kor emus ani ne mosir kisma somo ki, Yaykota kor amunin ani yaykaopiwki somo ki nisa: Korka, E=kor simon teke, e=kor amunin, orowa, E=kor nanuhu nupeki ne anpe kaw nisa, Aokay anakne ne utar orun irenka sanke nisa ruwe ne kusu ne na.
先祖が自分の剣によって領土を取ったのでも自分の腕の力によって勝利を得たのでもなくあなたの右の御手、あなたの御腕あなたの御顔の光によるものでした。これがあなたのお望みでした。
Aa Kamui, Aokai anak ne en Esapanep ne: Yakob gusu annokarape sange wa en kore.
Aa Kamuy, Aokay anakne en E=sapanep ne: Yakob kusu annokarape sanke wa en=kore.
神よ、あなたこそわたしの王。ヤコブが勝利を得るように定めてください。
Aokai ankushkerai chi utara anak ne un epokba utara hachire kusu ne; E reihei ankushkeraipo un epokba utara chi otereke ash kusu ne na.
Aokay an kuskeray ci utar anakne un epokpa utar hacire kusu ne; E rehe an kuskeraypo un epokpa utar ci oterke as kusu ne na.
あなたに頼って敵を攻め我らに立ち向かう者を御名に頼って踏みにじらせてください。
Kuani anak ku goro ku gusu shomo ku eyaikopashte, Ku goro emush anak en kashiobiuki shomoki kusu ne gusu ne na.
Kuani anak ku=kor ku kusu somo ku=e=yaykopaste, Ku=kor emus anak en=kasiopiwki somo ki kusu ne kusu ne na.
わたしが依り頼むのは自分の弓ではありません。自分の剣によって勝利を得ようともしていません。
Koroka, Aokai anak ne un epokba utara gusu un kashiobiuki nisa, Un etunne utara ayainikoroshmare nisa ruwe ne na.
Korka, Aokay anakne un epokpa utar kusu un kasiopiwki nisa, Un etunne utar ayaynikorosmare nisa ruwe ne na.
我らを敵に勝たせ我らを憎む者を恥に落とすのは、あなたです。
To ebitta chi utara anak ne Kamui gusu yaiomonnure nisa, Ramma pakno E reihei gusu koyaiiraige ash kusu ne na. [Sera.]
To epitta ci utar anakne Kamuy kusu yayomonnure nisa, Ramma pakno E rehe kusu koyayirayke as kusu ne na. [Sera.]
我らは絶えることなく神を賛美しとこしえに、御名に感謝をささげます。〔セラ
Koroka, tane anak ne Aokai un emakba wa un yainikoroshmare; Orowa, chikoro tumi gusu an topaha tura shomo E oman ruwe ne.
Korka, tane anakne Aokay un emakpa wa un yaynikorosmare; Orowa, ci=kor tumi kusu an topaha tura somo E oman ruwe ne.
しかし、あなたは我らを見放されました。我らを辱めに遭わせ、もはや共に出陣なさらず
Un epokba utara orowa no un hosarire wa un kirare; Orowa, un etunne utara anak ne yaikota gusu wentoi-kantoi kokiru ruwe ne.
Un epokpa utar oro wano un hosarire wa un kirare; Orowa, un etunne utar anakne yaykota kusu wentoy-kantoy kokiru ruwe ne.
我らが敵から敗走するままになさったので我らを憎む者は略奪をほしいままにしたのです。
Aokai anak ne araige kuni gusu an hitsuji chikoikip korachi un ande nisa; Moshiri uirup tumugeta un charichari nisa ruwe ne na.
Aokay anakne arayke kuni kusu an hitsuji cikoykip koraci un ante nisa; Mosir uyrup tumke ta un caricari nisa ruwe ne na.
あなたは我らを食い尽くされる羊として国々の中に散らされました。
Oro-isam no E koro utara aehok wa; Nei atayehe gusu shomo eyaiepirikare nisa ruwe ne na.
Oro-isam no E=kor utar aehok wa; Ne atayehe kusu somo eyayepirikare nisa ruwe ne na.
御自分の民を、僅かの値で売り渡しその価を高くしようともなさいませんでした。
Aota un utara gusu ayainikoroshmarep ne a un kan nisa, Un okari ta okai gusu aeminap ne, aesapsep chi ne ruwe tapan na.
A=o ta un utar kusu ayaynikorosmarep ne a un kan nisa, Un okari ta okay kusu aeminap ne, aesapsep ci ne ruwe tapan na.
我らを隣の国々の嘲りの的とし周囲の民が嘲笑い、そしるにまかせ
Moshiri uirup tumugeta okai wa eoya-itak akore utara chi ne, Uirup orowa aesapa shuyeshuyep chi ne ruwe ne.
Mosir uyrup tumke ta okay wa e=oya-itak a=kore utar ci ne, Uyrup orowa aesapa suyesuyep ci ne ruwe ne.
我らを国々の嘲りの歌とし多くの民が頭を振って侮るにまかせられました。
To ebitta ku yainikoroshma, Ku nanu isam-i anak ne en kamure ruwe ne na.
To epitta ku=yaynikorosma, Ku=nanu isam hi anakne en=kamure ruwe ne na.
辱めは絶えることなくわたしの前にありわたしの顔は恥に覆われています。
Kopashirota newa koatcha hawe sange guru gusu; Nei epokba guru newa kopiuki guru gusu ne ruwe ne na.
Kopasirota newa koatca hawe sanke kur kusu; Ne epokpa kur newa kopiwki kur kusu ne ruwe ne na.
嘲る声、ののしる声がします。報復しようとする敵がいます。
Tap okaibe obitta un gusu an a yakka; chi utara E oira ash shomoki nisa ruwe ne, Shui, E koro uitaknup gusu shomo oheuge no chi ki ruwe ne na.
Tap okaype opitta un kusu an a yakka; ci utar E oyra as somo ki nisa ruwe ne, Suy, E=kor uytaknup kusu somo ohewke no ci ki ruwe ne na.
これらのことがすべてふりかかってもなお、我らは決してあなたを忘れることなくあなたとの契約をむなしいものとせず
Chikoro keutum shomo ahoshipire, Chikoro chikiri shomo E ruhu ehaita ruwe ne.
Ci=kor kewtum somo a=hosipire, Ci=kor cikiri somo E ruhu ehayta ruwe ne.
我らの心はあなたを裏切らずあなたの道をそれて歩もうとはしませんでした。
Aokai anak ne nei horokeu an ushiketa un panakte nisa, Bai kurihi ani un kamure nisa ruwe ne na.
Aokay anakne ne horkew an uske ta un panakte nisa, Pay kurihi ani un kamure nisa ruwe ne na.
あなたはそれでも我らを打ちのめし山犬の住みかに捨て死の陰で覆ってしまわれました。
Chi utara anak ne chikoro Kamui reihei oira chiki, Samata, oya Kamui orun koro tekehe pirasa yakun:
Ci utar anakne ci=kor Kamuy rehe oyra ciki, Sama ta, oya Kamuy orun kor tekehe pirasa yakun:
このような我らが、我らの神の御名を忘れ去り異教の神に向かって手を広げるようなことがあれば
Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.
Kamuy anakne ne anpe hunara somo ki ya? Sinuma anakne kewtum ta a=nuyna wa an okaype eraman ruwe ne kusu ne na.
神はなお、それを探り出されます。心に隠していることを神は必ず知られます。
Ruwe un, Aokai rengap gusu to ebitta a un ronnu wa okai; Araige kuni gusu an hitsuji chikoikip nepkoro aesanniyo ruwe ne.
Ruwe un, Aokay renkap kusu to epitta a un ronnu wa okay; Arayke kuni kusu an hitsuji cikoykip nepkor a=esanniyo ruwe ne.
我らはあなたゆえに、絶えることなく殺される者となり屠るための羊と見なされています。
Aa Utarapa mosh wa un kore, hemanda gusu E mokoro ya? Hopuni wa un kore, iteki ramma pakno un emakba wa un kore.
Aa Utarpa mos wa un kore, hemanta kusu E mokor ya? Hopuni wa un kore, iteki ramma pakno un emakpa wa un kore.
主よ、奮い立ってください。なぜ、眠っておられるのですか。永久に我らを突き放しておくことなく目覚めてください。
Nep gusu e koro nanuhu E seshke wa, Chi ki iuninbe newa yaikowepekere ambe E oira ruwe he an?
Nep kusu e=kor nanuhu E seske wa, Ci ki iwninpe newa yaykowepekere anpe E oyra ruwe he an?
なぜ、御顔を隠しておられるのですか。我らが貧しく、虐げられていることを忘れてしまわれたのですか。
Chikon ramat koponchi pakno ahotkure wa an: Chikoro honibi toi pakno shirikamu ruwe ne.
Ci=kor ramat koponci pakno a=hotkure wa an: Ci=kor honipi toy pakno sirkamu ruwe ne.
我らの魂は塵に伏し腹は地に着いたままです。
Hopuni wa un kashiobiuki; E koro omap-an-ramuhauge-hi ankushkeraipo gusu un kikiraye wa un kore.
Hopuni wa un kasiopiwki; E=kor omap-an-ramuhawke hi an kuskeraypo kusu un kikiraye wa un kore.
立ち上がって、我らをお助けください。我らを贖い、あなたの慈しみを表してください。