1
Asap kara Maskir.
Asap kar Maskir.
【マスキール。アサフの詩。】
Asap kara Maskir.
Asap kar Maskir.
【マスキール。アサフの詩。】
AA ku goro utara, ku epakashnu ambe inu yan: Ku paro orowa no san itak otta kisara atte yan.
Aa ku=kor utar, ku=epakasnu anpe inu yan: Ku=paro oro wano san itak or ta kisara atte yan.
わたしの民よ、わたしの教えを聞きわたしの口の言葉に耳を傾けよ。
Paro ku maka wa itak-maukushte itak ku sange kusu ne; Fushkotoita kunne okaibe ku itak kusu ne:
Paro ku=maka wa itak-mawkuste itak ku=sanke kusu ne; Huskotoyta kunne okaype ku=itak kusu ne:
わたしは口を開いて箴言をいにしえからの言い伝えを告げよう
Nei okaibe chi nu wa chi eraman, Chikoro ekashi utara anak ne nei ambe un nure nisa ruwe ne.
Ne okaype ci nu wa ci eraman, Ci=kor ekasi utar anakne ne anpe un nure nisa ruwe ne.
わたしたちが聞いて悟ったこと先祖がわたしたちに語り伝えたことを。
Koro poho utara otta shomo nei ambe chi nuina, Ek kusu ne ikiri orota Ehoba ramye ambe nure, Shinuma koro kiroro newa iki ikip nure kusu ne na.
Kor poho utar or ta somo ne anpe ci nuyna, Ek kusu ne ikiri oro ta Ehoba ramye anpe nure, Sinuma kor kiroro newa iki iki p nure kusu ne na.
子孫に隠さず、後の世代に語り継ごう主への賛美、主の御力を主が成し遂げられた驚くべき御業を。
Shinuma anak ne Yakob orota paweteshu ki, Israeru otta tuitak atte, Nei ambe anak ne chikoro ekashi kashpaotte wa, Koro poho utara otta nure kuni gusu an ambe ne.
Sinuma anakne Yakob oro ta pawetesu ki, Israeru or ta tuytak atte, Ne anpe anakne ci=kor ekasi kaspaotte wa, Kor poho utar or ta nure kuni kusu an anpe ne.
主はヤコブの中に定めを与えイスラエルの中に教えを置きそれを子孫に示すようにわたしたちの先祖に命じられた。
Tambe anak ne ek kusu ne ainu ikiri okaketa ashikore poho utara eraman kuni gusu an ambe ne; Nei utara hopuni wa koro poho otta nure kuni gusu ne na:
Tanpe anakne ek kusu ne aynu ikiri okake ta a=sikore poho utar eraman kuni kusu an anpe ne; Ne utar hopuni wa kor poho or ta nure kuni kusu ne na:
子らが生まれ、後の世代が興るとき彼らもそれを知りその子らに語り継がなければならない。
Nei utara Kamui echipachipa hine, Kamui iki ikip shomo oira, Koroka, Shinuma koro ikashpaotte shikkashima kuni gusu an ambe ne:
Ne utar Kamuy ecipacipa hine, Kamuy iki iki p somo oyra, Korka, Sinuma kor ikaspaotte sikkasima kuni kusu an anpe ne:
子らが神に信頼をおき神の御業を決して忘れずその戒めを守るために
Orowa, koro ekashi nei no Itakkashi newa okbare utara shomo ne; Keutum etoko-oiki shomoki ikiri, Kon ramat Kamui teksamata utumashire utara shomo ne kuni an ambe ne.
Orowa, kor ekasi néno Itakkasi newa okpare utar somo ne; Kewtum etoko-oyki somo ki ikiri, Kor ramat Kamuy teksam ta utumasire utar somo ne kuni an anpe ne.
先祖のように頑な反抗の世代とならないように心が確かに定まらない世代神に不忠実な霊の世代とならないように。
Epraim koro poho utara anak ne eshipopkep koro wa ku ani wa okai, awa, Tumi an toho ta hoshippa nisa ruwe ne.
Epraim kor poho utar anakne esipopkep kor wa ku ani wa okay, awa, Tumi an toho ta hosippa nisa ruwe ne.
エフライムの子らは武装し弓を射る者であったが闘いの日に、裏切った。
Nei utara anak ne Kamui uitaknup shomo shikkashima, Shinuma koro tuitak otta apkash kuni kopan nisa ruwe ne;
Ne utar anakne Kamuy uytaknup somo sikkasima, Sinuma kor tuytak or ta apkas kuni kopan nisa ruwe ne;
彼らは神との契約を守らずその教えに従って歩むことを拒み
Shinuma iki ambe oira, Otta anukare Shinuma iyokunnure ikip oira nisa ruwe ne.
Sinuma iki anpe oyra, Or ta a=nukare Sinuma iyokunnure iki p oyra nisa ruwe ne.
その御業をことごとく忘れた彼らに示された驚くべき御業を。
Nei utara koro ekashi shik-samata Shinuma anak ne iyokunnure ambe ki, Echipt moshiri newa Zoan nup otta aki nisa ruwe ne.
Ne utar kor ekasi sik-sama ta Sinuma anakne iyokunnure anpe ki, Ecipt mosir newa Zoan nup or ta aki nisa ruwe ne.
エジプトの地、ツォアンの野で神は先祖に対して不思議な御業を行い
Shinuma atui pereba wa nei utara kushte nisa; Epunipushbe nei no wakka ashte nisa.
Sinuma atuy perpa wa ne utar kuste nisa; Epunipushbe néno wakka aste nisa.
海を開いて彼らを渡らせる間水をせきとめておかれた。
Shui, tokap-to ta nishkuru ari nei utara ani, Orowa, ramne anchikarata abe nipek ari ani nisa ruwe ne.
Suy, tokap-to ta niskur ari ne utar ani, Orowa, ramne ancikar ta ape nipek ari ani nisa ruwe ne.
昼は雲をもって夜は燃え続ける火の光をもって彼らを導かれた。
Nup otta Shinuma watara pereba, Orowa, ooho-i orowa no korachi nuye an no wakka koropare nisa ruwe ne.
Nup or ta Sinuma watara perpa, Orowa, ooho hi oro wano koraci nuye an no wakka korpare nisa ruwe ne.
荒れ野では岩を開き深淵のように豊かな水を飲ませてくださった。
Watara wano nai hetukure, Pet korachi wakka sange nisa ruwe ne.
watara wano nay hetukure, Pet koraci wakka sanke nisa ruwe ne.
岩から流れを引き出されたので水は大河のように流れ下った。
Yakka, nei utara anak ne Shinuma epeka no chikokatpak an, Nup otta Iyotta Rikunbe epeka no okbare nisa ruwe ne.
Yakka, ne utar anakne Sinuma epeka no ci=kokatpak an, Nup or ta Iyotta Rikunbe epeka no okpare nisa ruwe ne.
彼らは重ねて罪を犯し砂漠でいと高き方に反抗した。
Orowa, ibeporore ki hine kam koramkoro gusu, Koro keutum ta Kamui koramnukan nisa ruwe ne.
Orowa, ipeporore ki hine kam koramkor kusu, Kor kewtum ta Kamuy koramnukar nisa ruwe ne.
心のうちに神を試み欲望のままに食べ物を得ようとし
Ruwe un, nei utara anak ne Kamui ohaigekara; Kamui anak ne nup otta aep etokooiki eashkai ya? ari itak.
Ruwe un, ne utar anakne Kamuy ohaykekar; Kamuy anakne nup or ta aep etokooyki easkay ya? ari itak.
神に対してつぶやいて言った。「荒れ野で食卓を整えることが神にできるのだろうか。
Ingarʼan, Shinuma watara shirikik,, awa, wakka hetuku nisa, Nai anak ne ika nisa ruwe ne; Shinuma anak ne aep ne yakka koropare eashkai ya? Koro utara gusu kam etoko-oiki kusu ne ya?
Inkar=an, Sinuma watara sirkik,, awa, wakka hetuku nisa, Nay anakne ika nisa ruwe ne; Sinuma anakne aep ne yakka korpare easkay ya? Kor utar kusu kam etoko-oyki kusu ne ya?
神が岩を打てば水がほとばしり出て川となり、溢れ流れるが民にパンを与えることができるだろうか肉を用意することができるだろうか。」
Tambe gusu, Ehoba nu wa irushka: Yakob epeka no abe aare, Israeru epeka no irushka ambe ne yakka hetuku nisa ruwe ne;
Tanpe kusu, Ehoba nu wa iruska: Yakob epeka no ape a=re, Israeru epeka no iruska anpe ne yakka hetuku nisa ruwe ne;
主はこれを聞いて憤られた。火はヤコブの中に燃え上がり怒りはイスラエルの中に燃えさかった。
Nei utara anak ne Kamui eishokoro shomoki, Shinuma koro kashiobiuki-hi shomo eyaikopashte nisa ruwe ne gusu ne na.
Ne utar anakne Kamuy eysokor somo ki, Sinuma kor kasiopiwki hi somo e=yaykopaste nisa ruwe ne kusu ne na.
彼らは神を信じようとせず御救いに依り頼まなかった。
Yakka, Shinuma anak ne rikta an nishoro kashpaotte wa, Kando apa maka nisa ruwe ne.
Yakka, Sinuma anakne rik ta an nisor kaspaotte wa, Kanto apa maka nisa ruwe ne.
それでもなお、神は上から雲に命じ天の扉を開き
Ibe gusu manna rapte wa, Kando wano amam koropare nisa ruwe ne.
Ipe kusu manna rapte wa, Kanto wano amam korpare nisa ruwe ne.
彼らの上にマナを降らせ、食べさせてくださった。神は天からの穀物をお与えになり
Obitta no okai utara anak ne kiroro-unbe koro aep ibe nisa: Akiroro pakno aep koropare nisa ruwe ne.
Opittano okay utar anakne kiroro-un pe kor aep ipe nisa: Akiroro pakno aep korpare nisa ruwe ne.
人は力ある方のパンを食べた。神は食べ飽きるほどの糧を送られた。
Kando ta ochupka un rera ashte, Orowa, koro kiroro ani pikata rera honoyere nisa ruwe ne.
Kanto ta ocupka un rera aste, Orowa, kor kiroro ani pikata rera honoyere nisa ruwe ne.
神は東風を天から送り御力をもって南風を起こし
Koponchi nei no nei utara kata kam ashte nisa, Atuisam ota korachi tekkup-ush chikap atte nisa ruwe ne:
Koponci néno ne utar kata kam aste nisa, Atuysam ota koraci tekkup-us cikap atte nisa ruwe ne:
彼らの上に肉を塵のように降らせ翼ある鳥を海辺の砂のように降らせ
Aige, nei utara reushi kuni kash an ushiketa, Koro oshiroma ushike okari ashte nisa ruwe ne.
Ayke, ne utar rewsi kuni kas an uske ta, Kor osiroma usike okari aste nisa ruwe ne.
彼らの陣営の中に宿る所の周りに落としてくださった。
Tambe gusu, nei utara ibe wa akironnure; Awa, Shinuma anak nei utara ibeporore wa kon rusui korachi kore nisa ruwe ne.
Tanpe kusu, ne utar ipe wa akironnure; Awa, Sinuma anakne utar ipeporore wa kor rusuy koraci kore nisa ruwe ne.
彼らは食べて飽き足りた。神は彼らの欲望を満たしてくださった。
Nei utara koro ibeporore ambe naa isam etokota, Kam anak ne koro paroho otta an rapoketa,
Ne utar kor ipeporore anpe naa isam etoko ta, Kam anakne kor paroho or ta an rapoketa,
彼らが欲望から離れず食べ物が口の中にあるうちに
Nei utara epeka no Kamui irushka wa, Iyotta mimush utara ronnu, Israeru un upen utara ronnu nisa ruwe ne.
Ne utar epeka no Kamuy iruska wa, Iyotta mimus utar ronnu, Israeru un upen utar ronnu nisa ruwe ne.
神の怒りが彼らの中に燃えさかりその肥え太った者を殺しイスラエルの若者たちを倒した。
Yakka nei utara naa katpak ki, Aige, Shinuma iki iyokunnure ambe shomo eishokon nisa ruwe ne.
Yakka ne utar naa katpak ki, Ayke, Sinuma iki iyokunnure anpe somo eysokor nisa ruwe ne.
それにもかかわらず、彼らはなお罪を犯し驚くべき御業を信じなかったので
Tambe gusu, raka isam no Shinuma anak ne nei utara koro toho isamka, Ishitomare wa nei paha isamka nisa ruwe ne.
Tanpe kusu, raka isam no Sinuma anakne ne utar kor toho isamka, Isitomare wa ne paha isamka nisa ruwe ne.
神は彼らの生涯をひと息のうちに彼らの年月を恐怖のうちに断とうとされた。
Shinuma anak ne nei utara ronnu ita aepishi, aige: Hoshippawa earikinne Shinuma hunara nisa ruwe ne.
Sinuma anakne ne utar ronnu hi ta a=epis, ayke: Hosippawa earikinne Sinuma hunara nisa ruwe ne.
神が彼らを殺そうとされると彼らは神を求め、立ち帰って、神を捜し求めた。
Orowa, Kamui anak ne koro Watara ne sekoro nei utara eshikarun, Iyotta Rikun Kamui anak ne nei utara gusu an kikirayep ne sekoro eshikarun nisa ruwe ne.
Orowa, Kamuy anakne kor Watara ne sekor ne utar esikarun, Iyotta Rikun Kamuy anakne ne utar kusu an kikirayep ne sekor esikarun nisa ruwe ne.
「神は岩、いと高き神は贖い主」と唱えながらも
Koroka, paroho ani Shinuma panore, Parumbe ani Shinuma orun shunge ki nisa ruwe ne.
Korka, paroho ani Sinuma panore, Parunpe ani Sinuma orun sunke ki nisa ruwe ne.
その口をもって神を侮り舌をもって欺いた。
Shinuma epeka no koro keutum autumashire, Shinuma koro uitaknup gusu son no ambe ki shomoki nisa ruwe ne.
Sinuma epeka no kor kewtum awtumasire, Sinuma kor uytaknup kusu sonno anpe ki somo ki nisa ruwe ne.
彼らの心は神に対して確かに定まらずその契約に忠実ではなかった。
Koroka, Shinuma anak ne rampokiwen ani eshik gusu, koro wen-buri tusare hine shomo ushtekka: Ruwe un, kanna kanna Shinuma anak ne koro kinra-karape shishire wa Koro irushka-hi shomo atte nisa ruwe ne.
Korka, Sinuma anakne ranpokiwen ani esik kusu, kor wen-puri tusare hine somo ustekka: Ruwe un, kanna kanna Sinuma anakne kor kinra-kar pe sisire wa Kor iruska hi somo atte nisa ruwe ne.
しかし、神は憐れみ深く、罪を贖われる。彼らを滅ぼすことなく、繰り返し怒りを静め憤りを尽くされることはなかった。
Aige, nei utara anak ne ouse kam ne sekoro Shinuma eshkarun nisa; Paye wa shomo kanna ek rera korachi ne ruwe ne, sekoro eshkarun nisa ruwe ne.
Ayke, ne utar anakne owse kam ne sekor Sinuma eskarun nisa; Paye wa somo kanna ek rera koraci ne ruwe ne, sekor eskarun nisa ruwe ne.
神は御心に留められた人間は肉にすぎず過ぎて再び帰らない風であることを。
Hempak shui nup otta Shinuma eokbare humi! Hempak shui nitai-sak ushiketa Shinuma oknatare humi!
Henpak suy nup or ta Sinuma e=okpare humi! Henpak suy nitay-sak uske ta Sinuma oknatare humi!
どれほど彼らは荒れ野で神に反抗し砂漠で御心を痛めたことか。
Orowa, nei utara hosari wa Kamui koramnukara, Israeru un utara koro Ashkannep irushkare nisa ruwe ne.
Orowa, ne utar hosari wa Kamuy koramnukar, Israeru un utar kor Askannep iruskare nisa ruwe ne.
繰り返し神を試みイスラエルの聖なる方を傷つけ
Nei utara anak ne Shinuma koro teke shomo eshkarun nisa, Orowa, epokbap orowa no kikiraye toho shomo eshkarun nisa ruwe ne.
Ne utar anakne Sinuma kor teke somo eskarun nisa, Orowa, epokpap oro wano kikiraye toho somo eskarun nisa ruwe ne.
御手の力を思わず敵の手から贖われた日を思い起こさなかった。
Echipt moshirʼotta Shinuma atte shirosh, Zoan nup otta Shinuma iki iyokunnure ambe shomo eshkarun;
Ecipt mosir or ta Sinuma atte siros, Zoan nup or ta Sinuma iki iyokunnure anpe somo eskarun;
神はエジプトで多くのしるしを与えツォアンの野で奇跡を示された。
Shinuma anak ne nei utara koro pet ani kem ne itasare nisa, Nai ne yakka nei no aki gusu iku eaikap nisa ruwe ne.
Sinuma anakne ne utar kor pet ani kem ne itasare nisa, Nay ne yakka néno aki kusu iku eaykap nisa ruwe ne.
川の水を血に変えられたのでその流れは飲めなくなった。
Shinuma mosh topaha sange wa nei utara aibe; Otereke-ibe sange wa nei utara isamka nisa ruwe ne.
Sinuma mos topaha sanke wa ne utar aype; Oterke-ipe sanke wa ne utar isamka nisa ruwe ne.
あぶを送って彼らに食いつかせ蛙を送って荒廃させられた。
Shui, nei utara gusu an toi orumbe ikombap otta koropare, Koro iki ikip patta otta koropare nisa ruwe ne.
Suy, ne utar kusu an toy orunpe ikompap or ta korpare, Kor iki iki p patta or ta korpare nisa ruwe ne.
作物をいなごの群れに与え労して得たものをいなごに与えられた。
Kaukau ani koro hat pungara shumumgere, Poro kaukau ani sikar chikuni isamka nisa ruwe ne.
Kawkaw ani kor hat punkar sumumkere, Poro kawkaw ani sikar cikuni isamka nisa ruwe ne.
神はぶどうの木を雹で打ちいちじく桑を霜で枯らし
Kaukau otta koro chikoikip koropare nisa, Seisek onishboso otta koro chikoikip topa koropare nisa ruwe ne.
Kawkaw or ta kor cikoykip korpare nisa, Sesek onisposo or ta kor cikoykip topa korpare nisa ruwe ne.
家畜を雹に渡しその群れを稲妻に渡された。
Nei utara kashiketa Shinuma anak ne koro irushka niwenbe omare nisa, Irushka ambe hene, kinrakarape hene, yairamhekomo ambe hene, Wen auitekbe kashi-omare nisa ruwe ne.
Ne utar kasike ta Sinuma anakne kor iruska niwen pe omare nisa, Iruska anpe hene, kinrakarape hene, yayramhekomo anpe hene, Wen awitekpe kasi-omare nisa ruwe ne.
神は燃える怒りと憤りを激しい怒りと苦しみを災いの使いとして彼らの中に送られた。
Koro irushka-hi gusu Shinuma anak ne ruhu kan nisa; Rai-hi orowa no nei utara kon ramat shomo ohaitare nisa, Koroka, koturuse tashum otta koro inotu koropare nisa ruwe ne;
Kor iruska hi kusu Sinuma anakne ruhu kan nisa; Ray hi oro wano ne utar kor ramat somo ohaytare nisa, Korka, koturse tasum or ta kor inotu korpare nisa ruwe ne;
神は御怒りを現す道を備え彼らの魂を死に渡して惜しまず彼らの命を疫病に渡し
Orowa, Echipt moshirʼun utara koro kiyanne utara shirikik, Ham koro kash otta okai iyotta kiroroashnup shirikik gusu:
Orowa, Ecipt mosir un utar kor kiyanne utar sirkik, Ham kor kas or ta okay iyotta kiroroasnup sirkik kusu:
エジプトのすべての初子をハムの天幕において力の最初の実りを打たれた。
Koroka, hitsuji chikoikip ani korachi Shinuma anak ne yaikota koro utara ani, Awa, chikoikip topaha nei no nup otta ru epakashnu nisa ruwe ne.
Korka, hitsuji cikoykip ani koraci Sinuma anakne yaykota kor utar ani, Awa, cikoykip topaha néno nup or ta ru epakasnu nisa ruwe ne.
神は御自分の民を羊のように導き出し荒れ野で家畜の群れのように導かれた。
Orowa, aerannakbe isam no nei utara tura guru ishitoma shomoki nisa: Koroka, atui anak ne nei epokba utara kamure nisa ruwe ne.
Orowa, aerannakpe isam no ne utar tura kur isitoma somo ki nisa: Korka, atuy anakne ne epokpa utar kamure nisa ruwe ne.
彼らは信頼して導かれ、恐れることはなかった。海が彼らの敵を覆った。
Aige, Shinuma koro Ashkanne kotan pakno, Koro, shimontek ani ehok tan nupuri pakno tura nisa ruwe ne.
Ayke, Sinuma kor Askanne kotan pakno, Kor, simontek ani e=hok tan nupuri pakno tura nisa ruwe ne.
神は彼らを御自分の聖地の境にまで導かれた。右の御手をもって得られたその山に。
Orowa, nei utara kotchake wano moshiri uirup okeuba wa, Aeikeshkorobe ne kuni gusu rue korachi koropare, Samata, koro kash otta Israeru un ikiri utara oshio-mare nisa ruwe ne.
Orowa, ne utar kotcake wano mosir uyrup okewpa wa, Aeikeshkorobe ne kuni kusu rue koraci korpare, Sama ta, kor kas or ta Israeru un ikiri utar osio-mare nisa ruwe ne.
彼らの前から諸国の民を追い払い彼らの嗣業を測り縄で定めイスラエルの諸部族をそれぞれの天幕に住まわせられた。
Yakka, Iyotta Rikun Kamui epeka no okbare wa koramnukara ki, Aige, Shinuma koro ekambaktep shomo shikkashima nisa ruwe ne;
Yakka, Iyotta Rikun Kamuy epeka no okpare wa koramnukar ki, Ayke, Sinuma kor ekanpaktep somo sikkasima nisa ruwe ne;
彼らはいと高き神を試み反抗し、その定めを守らず
Koroka, hosari wa koro ekashi nei no oheugep ki, Nei utara anak ne wen ku nei no henoye nisa ruwe ne.
Korka, hosari wa kor ekasi néno ohewkep ki, Ne utar anakne wen ku néno henoye nisa ruwe ne.
先祖と同じように背き、裏切り欺く弓で射た矢のようにそれて行き
Koro ri ushike ani Shinuma irushkare, Akara potoki ani Shinuma ikoitupare nisa ruwe ne gusu ne na.
Kor ri usike ani Sinuma iruskare, A=kar potoki ani Sinuma ikoytupare nisa ruwe ne kusu ne na.
異教の祭壇に仕えて神を怒らせ偶像を拝んで神の激情を引き起こした。
Kamui tap ambe nu chiki irushka, Shi no Israeru un utara etunne nisa ruwe ne:
Kamuy tapanpe nu ciki iruska, Sino Israeru un utar etunne nisa ruwe ne:
神は聞いて憤りイスラエルを全く拒み
Tambe gusu, Shinuma anak ne Shiro un kash emaka, Utara tumugeta aande kash emaka nisa;
Tanpe kusu, Sinuma anakne Sirun kas emaka, Utar tumke ta a=ante kas emaka nisa;
シロの聖所、人によって張られた幕屋を捨て
Orowa, koro kiroroashnu utara teke apashtere, Koro nupeki epokba utara koro teke otta koropare nisa ruwe ne.
Orowa, kor kiroroasnu utar teke apastere, Kor nupeki epokpa utar kor teke or ta korpare nisa ruwe ne.
御力の箱がとりこになるにまかせ栄光の輝きを敵の手に渡された。
Samata, emush orota koro utara koropare; Aige, koro eikeshkoro utara koirushka nisa ruwe ne.
Sama ta, emus oro ta kor utar korpare; Ayke, kor eykeskoro utar koyruska nisa ruwe ne.
神は御自分の民を剣に渡し御自分の嗣業に怒りを注がれた。
Abe anak ne nei utara koro upen utara isamka; Orowa, koro upen matne utara gusu shuke iwai gusu an shinotcha isam ruwe ne.
Ape anakne ne utar kor upen utar isamka; Orowa, kor upen matne utar kusu suke iway kusu an sinotca isam ruwe ne.
火は若者をなめ尽くしおとめは喜びを奪われ
Koro Kamui otta yaishieiwangere utara anak ne emush gusu hachiripa; Awa, koro shiyompiyara shiwentep rai-chish ambe shomo ki nisa ruwe ne.
Kor Kamuy or ta yaysieywankere utar anakne emus kusu haciripa; Awa, kor siyonpiyar siwentep ray-cis anpe somo ki nisa ruwe ne.
祭司は剣に倒れやもめは嘆くことすらしなかった。
Nei a orota Utarapa anak ne mokoro orowa no korachi mosh, Tonoto gusu ehaukashu okirashnu guru nei no an nisa ruwe ne.
Ne a oro ta Utarpa anakne mokor oro wano koraci mos, Tonoto kusu ehawkasu okirasnu kur néno an nisa ruwe ne.
主は、眠りから覚めた人のように酔いから覚めた勇士のように奮い立ち
Orowa, shinuma hetopo nei epokba utara shirikik, Ramma pakno yainikoroshmare nisa ruwe ne.
Orowa, sinuma hetopo ne epokpa utar sirkik, Ramma pakno yaynikorosmare nisa ruwe ne.
敵を撃って退かせとこしえに嘲られるものとされた。
Orowa, Yosep koro kash emaka, Eparim ikiri shomo numge,
Orowa, Yosep kor kas emaka, Eparim ikiri somo numke,
主はヨセフの天幕を拒みエフライム族を選ばず
Koroka, Yuda ikiri numge, Shinuma omap Zion nupuri numge nisa ruwe ne.
Korka, Yuda ikiri numke, Sinuma omap Zion nupuri numke nisa ruwe ne.
ユダ族と、愛するシオンの山を選び
Orowa, ri ushike nei koro ashkanne ushike kara, Ramma pakno ashte moshiri korachi ne.
Orowa, ri usike ne kor askanne usike kar, Ramma pakno aste mosir koraci ne.
御自分の聖所を高い天のように建てとこしえの基を据えた地のように建てられた。
Shui, koro uitek guru ne Dabid numge wa, Hitsuji chikoikip topaha orowa no shinuma uk nisa:
Suy, kor uytek kur ne Dabid numke wa, Hitsuji cikoykip topaha oro wano sinuma uk nisa:
僕ダビデを選び、羊のおりから彼を取り
To-nonde matne hitsuji chikoikip oshi wano tura, Aige, koro utara ne Yakob newa koro eikeshkoro utara ne Israeru utara ibere kuni ne tura nisa ruwe ne.
To-nonte matne hitsuji cikoykip osi wano tura, Ayke, kor utar ne Yakob newa kor eykeskoro utar ne Israeru utar ipere kuni ne tura nisa ruwe ne.
乳を飲ませている羊の後ろから取って御自分の民ヤコブを御自分の嗣業イスラエルを養う者とされた。
Tambe gusu, shinuma anak ne koro keutum oupeka ambe nei no nei utara ibere; Koro teke eashkaibe nei no epakashnu nisa ruwe ne na.
Tanpe kusu, sinuma anakne kor kewtum owpeka anpe néno ne utar ipere; Kor teke easkay pe néno epakasnu nisa ruwe ne na.
彼は無垢な心をもって彼らを養い英知に満ちた手をもって導いた。