42 Ik.

Shinotcha esapane guru gusu: Kora poho koro Maskir.

Sinotca esapane kur kusu: Kor poho kor Maskir.

【指揮者によって。マスキール。コラの子の詩。】

APKA anak ne nai oma ushike eyaikatekara korachi, Aa Kamui, ku ramat anak ne Aokai gusu eyaikatekara ruwe ne.

Apka anakne nay oma usike eyaykatekar koraci, Aa Kamuy, ku=ramat anakne Aokay kusu eyaykatekar ruwe ne.

涸れた谷に鹿が水を求めるように神よ、わたしの魂はあなたを求める。

Ku ramat anak ne Kamui gusu, ishu Kamui gusu, eyaikatekara shiri ki: Hembara kuani ek wa Kamui kotchaketa anukara ya?

Ku=ramat anakne Kamuy kusu, i=su Kamuy kusu, eyaykatekar siriki: Henpara kuani ek wa Kamuy kotcake ta a=nukar ya?

神に、命の神に、わたしの魂は渇く。いつ御前に出て神の御顔を仰ぐことができるのか。

Tokap to ta hene kunne to ta hene ku nupe anak ne ku aep ne, Nei utara to ebitta en orun ene ye-hi: —E koro Kamui neita an a?

Tokap to ta hene kunne to ta hene ku=nupe anakne ku=aep ne, Ne utar to epitta en=orun ene ye hi: —E=kor Kamuy ney ta an a?

昼も夜も、わたしの糧は涙ばかり。人は絶え間なく言う「お前の神はどこにいる」と。

Kuani anak ne nupetne newa reika hau koro hine shini wa topaha utara tura, Uwatte no an utara tura, Kamui kora kenru orun ku arapa nisa ruwe ne ambe, Tap okaibe ku eshikarun wa ku oshike un ramat ku ohetke ruwe ne na.

Kuani anakne nupetne newa rek hawkor hine sini wa topaha utar tura, Uwatte no an utar tura, Kamuy kor kenru orun ku=arpa nisa ruwe ne anpe, Tap okaype ku=esikarun wa ku=osike un ramat ku=ohetke ruwe ne na.

わたしは魂を注ぎ出し、思い起こす喜び歌い感謝をささげる声の中を祭りに集う人の群れと共に進み神の家に入り、ひれ伏したことを。

Aa ku kon ramat, nep gusu eani anak ne oknatara ya? Nep gusu en onnaigeta ramu-kittarage ruwe he an? Kamui gusu chipachipa yan: Shinuma ku ko-yai-iraige ki kusu ne gusu ne ne na, Shinuma anak ne ku iporo pirikare Kamui ne.

Aa ku=kor ramat, nep kusu eani anakne oknatara ya? Nep kusu en=onnayke ta ramu-kittarake ruwe he an? Kamuy kusu cipacipa yan: Sinuma ku=ko-yay-irayke ki kusu ne kusu ne ne na, Sinuma anakne ku=iporo pirkare Kamuy ne.

なぜうなだれるのか、わたしの魂よなぜ呻くのか。神を待ち望め。わたしはなお、告白しよう「御顔こそ、わたしの救い」と。

Aa ku goro Kamui, en onnaigeta an keutum anak ne oknatara ruwe ne: Tambe gusu, Yorodan kotan wano hemhem, Hermon wano hemhem, Nei pori nupuri wano hemhem, kuani E eshikarun ruwe ne na.

Aa ku=kor Kamuy, en=onnayke ta an kewtum anakne oknatara ruwe ne: Tanpe kusu, Yorodan kotan wano hemhem, Hermon wano hemhem, Ne pori nupuri wano hemhem, kuani E esikarun ruwe ne na.

わたしの神よ。わたしの魂はうなだれて、あなたを思い起こす。ヨルダンの地から、ヘルモンとミザルの山から

E koro puira humi gusu ooho ushi anak ne ooho-i orun hawe ashte ruwe ne: Obitta no okai E koro riri, E koro poro wakka, en kamure ruwe ne.

E=kor puyra humi kusu ooho usi anakne ooho hi orun hawe aste ruwe ne: Opittano okay E=kor rir, E=kor poro wakka, en=kamure ruwe ne.

あなたの注ぐ激流のとどろきにこたえて深淵は深淵に呼ばわり砕け散るあなたの波はわたしを越えて行く。

Yakka, Ehoba anak ne tokap-to ta koro omap-an-ramuhauge-i sange kusu ne, Orowa, kunne-to ta shinuma koro shinotcha ku ki wa En shiknure Kamui orota inonno-itak ku ki kusu ne na.

Yakka, Ehoba anakne tokap-to ta kor omap-an-ramuhawke hi sanke kusu ne, Orowa, kunne-to ta sinuma kor sinotca ku=ki wa En=siknure Kamuy oro ta inonno-itak ku=ki kusu ne na.

昼、主は命じて慈しみをわたしに送り夜、主の歌がわたしと共にあるわたしの命の神への祈りが。

Ku goro Watara ne Kamui otta ene ku ye-bi: — Hemanda gusu en oira ya? Nep gusu en epokba guru en keshke hine ku yaituwashkarap shiriki?

Ku=kor Watara ne Kamuy or ta ene ku=ye-pi: — Hemanta kusu en=oyra ya? Nep kusu en epokpa kur en=keske hine ku yaytuwaskarap siriki?

わたしの岩、わたしの神に言おう。「なぜ、わたしをお忘れになったのか。なぜ、わたしは敵に虐げられ嘆きつつ歩くのか。」

Ku pone orota rangetam aomare korachi en ramushitnere utara en pashirota ruwe ne; Ramma-kane en orun, e koro Kamui nei ta an a? ari itak na.

Ku=pone oro ta ranke tam a=omare koraci en=ramusitnere utar en=pasirota ruwe ne; Ramma-kane en=orun, e=kor Kamuy ne ta an a? ari itak na.

わたしを苦しめる者はわたしの骨を砕き絶え間なく嘲って言う「お前の神はどこにいる」と。

Aa ku kon ramat, nep gusu e oknatara ya? Nep gusu en onnaigeta ramu-kittararage ruwe he an! Kamui gusu chipachipa yan: Shinuma ku koyaiiraige ki kusu ne gusu ne na; Shinuma anak ne ku iporo pirikare ku goro Kamui ne ruwe ne.

Aa ku=kor ramat, nep kusu e oknatara ya? Nep kusu en=onnayke ta ramu-kittararke ruwe he an! Kamuy kusu cipacipa yan: Sinuma ku=koyayirayke ki kusu ne kusu ne na; Sinuma anakne ku=iporo pirkare ku=kor Kamuy ne ruwe ne.

なぜうなだれるのか、わたしの魂よなぜ呻くのか。神を待ち望め。わたしはなお、告白しよう「御顔こそ、わたしの救い」と。わたしの神よ。