39 Ik.

Shinotcha rekte utara esapane gusu, Jedutun gusu an ap. Dabid kara iyohaichish.

Sinotca rekte utar esapane kusu, Jedutun kusu an ap. Dabid kar iyohaycis.

【指揮者によって。エドトンの詩。賛歌。ダビデの詩。】

PARUMBE ani katpak iteki ku ki kuni ne, Ku ruhu ku esanniyo kusu ne, sekoro ku itak nisa: En kotchaketa wen utara okai rapoketa, Omonkai ani ku paroho ku shikkashima kusu ne na.

Parunpe ani katpak iteki ku=ki kuni ne, Ku=ruhu ku=esanniyo kusu ne, sekor ku=itak nisa: En=kotcake ta wen utar okay rapoketa, Omonkai ani ku=paroho ku=sikkasima kusu ne na.

わたしは言いました。「わたしの道を守ろう、舌で過ちを犯さぬように。神に逆らう者が目の前にいる。わたしの口にくつわをはめておこう。」

Mo no an wa shomo ku itak, pirikap otta ne yakka shomo ku itak nisa, Orowa, ku ki oknatara ambe anak ne chiukopoye nisa ruwe ne.

Mo no an wa somo ku=itak, pirka p or ta ne yakka somo ku=itak nisa, Orowa, ku=ki oknatara anpe anakne ci=wkopoye nisa ruwe ne.

わたしは口を閉ざして沈黙しあまりに黙していたので苦しみがつのり

En oshike un sambe anak ne seisek ruwe ne: Yaikoshiramshuiba ku ki rapoketa nei abe aare nisa ruwe ne. Orowa, parumbe ani ku itak-hi;

En=osike un sanpe anakne sesek ruwe ne: Yaykosiramsuypa ku=ki rapoketa ne ape a=re nisa ruwe ne. Orowa, parunpe ani ku=itak hi;

心は内に熱し、呻いて火と燃えた。わたしは舌を動かして話し始めた。

Ehoba, ku okere-i hemhem, ku shiknu kuni toho nei pakno an a hemhem, En eramande wa en kore; Nep oro pakno katchakbe ku ne ya, en eshiramkire wa en kore.

Ehoba, ku okere hi hemhem, ku=siknu kuni toho ne pakno an a hemhem, En=eramante wa en=kore; Nep oro pakno katcakpe ku ne ya, en=e=siramkire wa en=kore.

「教えてください、主よ、わたしの行く末をわたしの生涯はどれ程のものかいかにわたしがはかないものか、悟るように。」

Ingara, ku toho anak tek-tomotuye korachi ne E kara; Ku paha anak ne Kamui tek-samata nep ne ka aramu shomoki korachi ne: Son no newa, obitta no okai utara irammakaka an ita yakka pishno oara rera ne.

Inkar, ku=toho anak tek-tomotuye koraci ne E kar; Ku=paha anakne Kamuy tek-sama ta nep ne ka a=ramu somo ki koraci ne: Sonno newa, opittano okay utar irammakaka an hi ta yakka pisno oar rera ne.

御覧ください、与えられたこの生涯は僅か、手の幅ほどのもの。御前には、この人生も無に等しいのです。ああ、人は確かに立っているようでもすべて空しいもの。〔セラ

Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

Sonno newa, opittano an kur anakne noka koraci apkas na: Sonno un, raka sak no kewtum kopoye ruwe ne: I=kor ewmasnu, korka, okake ta ne anpe uyna kusu ne a kur nen ne ruwe he an eramuskare.

ああ、人はただ影のように移ろうもの。ああ、人は空しくあくせくしだれの手に渡るとも知らずに積み上げる。

Orowa, Aa Utarapa, nep tane ku echipachipa ya? Aokai gusu ku eyaikopashte ruwe ne.

Orowa, Aa Utarpa, nep tane ku=ecipacipa ya? Aokay kusu ku=e=yaykopaste ruwe ne.

主よ、それなら何に望みをかけたらよいのでしょう。わたしはあなたを待ち望みます。

Ku ohaitap orowa no en ohaitare wa en kore; Ramusak utara iteki en aeyainikoroshmarep ne kara kuni ne ki wa en kore.

Ku ohaytap oro wano en ohaytare wa en=kore; Ramusak utar iteki en aeyaynikorosmarep ne kar kuni ne ki wa en=kore.

あなたに背いたすべての罪からわたしを救い神を知らぬ者というそしりを受けないようにしてください。

Shomo ku itak, ku paro shomo ku hasa; Aokai nei ambe kan nisa ruwe ne gusu ne na.

Somo ku=itak, ku=paro somo ku=hasa; Aokay ne anpe kan nisa ruwe ne kusu ne na.

わたしは黙し、口を開きません。あなたが計らってくださるでしょう。

E ki shirikik ambe en orowa no oyakta omande wa en kore; E tekehe ani a en panakte gusu a en isamka ruwe ne.

E ki sirkik anpe en=oro wano oyak ta omante wa en=kore; E tekehe ani a en=panakte kusu a en=isamka ruwe ne.

わたしをさいなむその御手を放してください。御手に撃たれてわたしは衰え果てました。

Ainu wen wa gusu, Aokai anak ne kopashirota ani panakte ita anak ne; Shish korachi nei guru koro shiretok-hi E isamka ruwe ne. [Sera.] Son no newa, obitta no okai utara pishno paha korachi ne.

Aynu wen wa kusu, Aokay anakne kopasirota ani panakte hi ta anakne; Shish koraci ne kur kor siretok hi E isamka ruwe ne. [Sera.] Sonno newa, opittano okay utar pisno paha koraci ne.

あなたに罪を責められ、懲らしめられて人の欲望など虫けらのようについえます。ああ、人は皆、空しい。〔セラ

Aa Ehoba, ku ki inonno-itak nu wa en kore; ku ashte hau orun ikokanu wa en kore; Ku sange nupe iteki ikorampoktuye wa en kore: Kuani anak ne E tek-samata oya guru korachi ne; Ku goro ekashi korachi payekai guru ku ne ruwe ne gusu ne na.

Aa Ehoba, ku=ki inonno-itak nu wa en=kore; ku=aste haw orun ikokanu wa en=kore; Ku=sanke nupe iteki ikoranpoktuye wa en=kore: Kuani anakne E tek-sama ta oya kur koraci ne; Ku=kor ekasi koraci payekay kur ku ne ruwe ne kusu ne na.

主よ、わたしの祈りを聞き助けを求める叫びに耳を傾けてください。わたしの涙に沈黙していないでください。わたしは御もとに身を寄せる者先祖と同じ宿り人。

Nekon ka newa, tewa no ku oman wa isam etokota. En erampokiwen wa en tumashnure wa en kore.

Nekon ka newa, tewano ku=oman wa isam etoko ta. En=eranpokiwen wa en tumasnure wa en=kore.

あなたの目をわたしからそらせ立ち直らせてくださいわたしが去り、失われる前に。