148 Ik.

YAH ramye yan. Kando wano Ehoba ramye yan: Ri ushiketa Shinuma ramye yan.

YAH ramye yan. Kanto wano Ehoba ramye yan: Ri uske ta Sinuma ramye yan.

ハレルヤ。天において主を賛美せよ 。高い天で主を賛美せよ 。

Koro hauturun utara, Shinuma ramye yan. Koro topaha utara, ramye yan.

Kor hawturun utar, Sinuma ramye yan. Kor topaha utar, ramye yan.

御使いらよ、こぞって主を賛美せよ 。主の万軍よ、こぞって主を賛美せよ 。

Tokap chup newa kunne chup Shinuma ramye yan: Nupeki o nochiu Shinuma ramye yan.

Tokap cup newa kunne cup Sinuma ramye yan: Nupeki o nociw Sinuma ramye yan.

日よ、月よ主を賛美せよ 。輝く星よ主を賛美せよ 。

Kando un kando, Shinuma ramye yan, Shui kando kashiketa an wakka ne yakka nei no ki yan.

Kanto un kanto, Sinuma ramye yan, Suy kanto kasike ta an wakka ne yakka néno ki yan.

天の天よ天の上にある水よ主を賛美せよ 。

Nei okaibe anak ne Ehoba reihei ramye kusu ne: Shinuma ikashpaotte wa nei okaibe akan nisa ruwe ne gusu ne na.

Ne okaype anakne Ehoba rehe ramye kusu ne: Sinuma ikaspaotte wa ne okaype a=kar nisa ruwe ne kusu ne na.

主の御名を賛美せよ。主は命じられ、すべてのものは創造された。

Otusashuishiri pakno Shinuma nei okaibe ashte: Shomo aohaita kuni ekambakbe sange nisa ruwe ne.

Otu sasuysir pakno Sinuma ne okaype aste: Somo aohayta kuni ekanpakpe sanke nisa ruwe ne.

主はそれらを世々限りなく立て越ええない掟を与えられた。

Toitoi wano Ehoba ramye yan: Rep un porobe ne yakka, ooho-i ne yakka Shinuma ramye yan.

Toytoy wano Ehoba ramye yan: Repun poro p ne yakka, ooho hi ne yakka Sinuma ramye yan.

地において主を賛美せよ 。海に住む竜よ、深淵よ

Abe newa kaukau, upas newa paha; Itasayupkep ne yakka Shinuma itak uweomare ruwe ne:

Ape newa kawkaw, upas newa paha; Itasayupkep ne yakka Sinuma itak ueomare ruwe ne:

火よ、雹よ、雪よ、霧よ御言葉を成し遂げる嵐よ

Nupuri newa obitta no okai huru, Ibe o chikuni newa shungu:

Nupuri newa opittano okay hur, Ipe o cikuni newa sunku:

山々よ、すべての丘よ実を結ぶ木よ、杉の林よ

Chikoikip newa obitta no okai shiknup; Reye wa arapap newa hopumba chikap:

Cikoykip newa opittano okay siknup; Reye wa arpa p newa hopunpa cikap:

野の獣よ、すべての家畜よ地を這うものよ、翼ある鳥よ

Moshiri shikkashima utara newa obitta no okai uirup; Esapane utara poho newa koipishi ki utara:

Mosir sikkasima utar newa opittano okay uyrup; Esapane utar poho newa koypisi ki utar:

地上の王よ、諸国の民よ君主よ、地上の支配者よ

Upen okkai upen matnep, Ekashi newa poho utara:

Upen okkay upen matnep, Ekasi newa poho utar:

若者よ、おとめよ老人よ、幼子よ。

Ehoba reihei ramye yanro; Shinuma reihei patek apasere: Toitoi newa kando kashike Shinuma nupeki an ruwe ne gusu ne na.

Ehoba rehe ramye yanro; Sinuma rehe patek a=pasere: Toytoy newa kanto kasike Sinuma nupeki an ruwe ne kusu ne na.

主の御名を賛美せよ。主の御名はひとり高く威光は天地に満ちている。

Shinuma anak ne koro utara gusu kirawe hopunire, Obitta no okai koro ashkanne utara ki ramyep ne: Shinuma ehange no okai Israeru sanikiri utara sangep ne. Yah ramye yan.

Sinuma anakne kor utar kusu kiraw hopunire, Opittano okay kor askanne utar ki ramyep ne: Sinuma ehanke no okay Israeru sanikiri utar sankep ne. Yah ramye yan.

主は御自分の民の角を高く上げてくださる。それは主の慈しみに生きるすべての人の栄誉。主に近くある民、イスラエルの子らよ。ハレルヤ。