1
Shinotcha esapane guru gusu; Shoshannim otta. Dabid karape.
Sinotca esapane kur kusu; Sosannim or ta. Dabid kar pe.
【指揮者によって。「ゆり」に合わせて。ダビデの詩。】
Shinotcha esapane guru gusu; Shoshannim otta. Dabid karape.
Sinotca esapane kur kusu; Sosannim or ta. Dabid kar pe.
【指揮者によって。「ゆり」に合わせて。ダビデの詩。】
AA Kamui, en kashiobiuki wa en kore; Wakka anak ne ku ramat otta ahun nisa ruwe ne gusu ne na.
Aa Kamuy, en=kasiopiwki wa en=kore; Wakka anakne ku=ramat or ta ahun nisa ruwe ne kusu ne na.
神よ、わたしを救ってください。大水が喉元に達しました。
Ash kuni ushike isam oraurauge-i ku orauoshma: En kamure ooho wakka an i ku ahun ruwe ne.
As kuni usike isam orawrawke hi ku=orawosma: En=kamure ooho wakka an i ku=ahun ruwe ne.
わたしは深い沼にはまり込み足がかりもありません。大水の深い底にまで沈み奔流がわたしを押し流します。
Ku chish wa ku shingi, ku rekuchi anak ne sat, Kamui ku ehuye wa ku shikihi nin ruwe ne.
Ku=cis wa ku=sinki, ku=rekuci anakne sat, Kamuy ku=ehuy wa ku=sikihi nin ruwe ne.
叫び続けて疲れ、喉は涸れわたしの神を待ち望むあまり目は衰えてしまいました。
Ikkewe sak no en etunne utara anak ne ku otop tu kasu no inne ruwe ne. Nei ikkewe sak no en epokba wa en isamka rusui utara anak ne okirashnu ne: Shomo ku koro wa oman ambe, ku hoshipire ruwe ne na.
Ikkewe sak no en=etunne utar anakne ku=otop tu kasuno inne ruwe ne. Ne ikkewe sak no en epokpa wa en=isamka rusuy utar anakne okirasnu ne: Somo ku=kor wa oman anpe, ku=hosipire ruwe ne na.
理由もなくわたしを憎む者はこの頭の髪よりも数多くいわれなくわたしに敵意を抱く者滅ぼそうとする者は力を増して行きます。わたしは自分が奪わなかったものすら償わねばなりません。
Aa Kamui, Aokai anak ne ku ramu-sakbe eraman; Aokai gusu ku wen-buri anak ne shomo anuina ruwe ne.
Aa Kamuy, Aokay anakne ku=ramu-sak pe eraman; Aokay kusu ku=wen-puri anakne somo a=nuyna ruwe ne.
神よ、わたしの愚かさは、よくご存じです。罪過もあなたには隠れもないことです。
Aa, inne topaha utara koro Ehoba ne Utarapa, E orun chipachipa utara iteki en gusu ayainikorosh-mare kuni ne kara wa en kore. Aa Israeru koro Kamui, E hunara utara iteki en gusu sambe akokurusere kuni ne kara wa en kore.
Aa, inne topaha utar kor Ehoba ne Utarpa, E orun cipacipa utar iteki en kusu ayaynikoros-mare kuni ne kar wa en=kore. Aa Israeru kor Kamuy, E hunara utar iteki en kusu sanpe akokurusere kuni ne kar wa en=kore.
万軍の主、わたしの神よあなたに望みをおく人々がわたしを恥としませんように。イスラエルの神よあなたを求める人々がわたしを屈辱としませんように。
Aokai gusu kuani anak ne a en esapse nisa; Yashitoma ambe anak ne ku nanuhu kamure nisa ruwe ne.
Aokay kusu kuani anakne a en=esapse nisa; Yastoma anpe anakne ku=nanuhu kamure nisa ruwe ne.
わたしはあなたゆえに嘲られ顔は屈辱に覆われています。
Ku iriwak utara otta shomo eamkiri guru korachi ku ne. Ku habo koro poho utara otta oya guru korachi ku ne ruwe ne.
Ku=irwak utar or ta somo e=amkir kur koraci ku ne. Ku=hapo kor poho utar or ta oya kur koraci ku ne ruwe ne.
兄弟はわたしを失われた者とし同じ母の子らはわたしを異邦人とします。
E kora kenru gusu an keutum-opopmau ambe anak ne en ibe nisa; Orowa, en esapse utara ki esapse ambe anak ne en kashi aomare nisa ruwe ne gusu ne na.
E=kor kenru kusu an kewtum-opopmaw anpe anakne en=ipe nisa; Orowa, en=esapse utar ki esapse anpe anakne en=kasi a=omare nisa ruwe ne kusu ne na.
あなたの神殿に対する熱情がわたしを食い尽くしているのであなたを嘲る者の嘲りがわたしの上にふりかかっています。
Chish wa shomo ramnu ki ita anak ne, Nei ambe anak en yainikoroshmare gusu an ika ne nisa ruwe ne.
Cis wa somo ramnu ki hi ta anakne, Ne anpe anak en yaynikorosmare kusu an ika ne nisa ruwe ne.
わたしが断食して泣けばそうするからといって嘲られ
Aeshiyuk amip ani ku yaimire ita, Aeoyaitakbe ku ne nisa ruwe ne.
A=esiyuk amip ani ku yaymire hi ta, Aeoyaytakbe ku ne nisa ruwe ne.
粗布を衣とすればそれもわたしへの嘲りの歌になります。
Apa otta rok utara anak ne en gusu uweneusara ki; Ihoshki utara en gusu shinotcha ki ruwe ne.
Apa or ta rok utar anakne en kusu uenewsar ki; Ihoski utar en kusu sinotcaki ruwe ne.
町の門に座る人々はわたしを非難し強い酒に酔う者らはわたしのことを歌います。
Koroka, Aa Ehoba, kuani anak ne E orun inonno-itak ku ki; Aa Kamui, pirika ita, poro omap-an-ramuhauge sange hine, E koro kashiobiuki gusu an sonep ani en orun ese itak ki wa en kore.
Korka, Aa Ehoba, kuani anakne E orun inonno-itak ku=ki; Aa Kamuy, pirka hi ta, poro omap-an-ramuhawke sanke hine, E=kor kasiopiwki kusu an sonep ani en=orun ese itak ki wa en=kore.
あなたに向かってわたしは祈ります。主よ、御旨にかなうときに神よ、豊かな慈しみのゆえにわたしに答えて確かな救いをお与えください。
Nei oraurauge-toi wano en etaye hine, iteki ku orauoshma kuni ne kara wa en kore; En epokba utara orowa no hemhem, nei ooho wakka orowa no hemhem en ohaitare wa en kore.
Ne orawrawke-toy wano en=etaye hine, iteki ku=orawosma kuni ne kar wa en=kore; En epokpa utar oro wano hemhem, ne ooho wakka oro wano hemhem en ohaytare wa en=kore.
泥沼にはまり込んだままにならないようにわたしを助け出してください。わたしを憎む者から大水の深い底から助け出してください
Iteki pe-san wakka en kamure, Iteki ooho ushike ani a en ruki, Iteki nei shui anak ne koro paroho en koseshke kuni ne kara wa en kore.
Iteki pe-san wakka en=kamure, Iteki ooho usike ani a en=ruki, Iteki ne suy anakne kor paroho en=koseske kuni ne kar wa en=kore.
奔流がわたしを押し流すことのないように深い沼がわたしをひと呑みにしないように井戸がわたしの上に口を閉ざさないように。
Aa Ehoba, E koro omap-an-ramuhauge-i anak ne pirika ruwe ne gusu, en orun ese wa en kore: E koro inne no okai ramu-hauge rampoken an korachi en orun hosari wa en kore.
Aa Ehoba, E=kor omap-an-ramuhawke hi anakne pirka ruwe ne kusu, en=orun ese wa en=kore: E=kor inne no okay ramu-hawke ranpoken an koraci en=orun hosari wa en=kore.
恵みと慈しみの主よ、わたしに答えてください憐れみ深い主よ、御顔をわたしに向けてください。
E koro uitek guru otta iteki E koro nanuhu seshke wa en kore; Ku yairamkoiki gusu tunashino en orun ese wa en kore.
E=kor uytek kur or ta iteki E=kor nanuhu seske wa en=kore; Ku yayramkoyki kusu tunasno en=orun ese wa en=kore.
あなたの僕に御顔を隠すことなく苦しむわたしに急いで答えてください。
Ku ramat otta karange no ek wa nei ambe kikiraye wa en kore; En epokba utara wano kikiraye wa en kore.
Ku=ramat or ta karankeno ek wa ne anpe kikiraye wa en=kore; En epokpa utar wano kikiraye wa en=kore.
わたしの魂に近づき、贖い敵から解放してください。
A en esapse ambe, a en ayainikoroshmare ambe, orowa, a en koatcha ambe Aokai eraman: En ramushitnere utara obitta E shiksamata okai ruwe ne.
A en=esapse anpe, a en ayaynikorosmare anpe, orowa, a en=koatca anpe Aokay eraman: En=ramusitnere utar opitta E siksamata okay ruwe ne.
わたしが受けている嘲りを恥を、屈辱を、あなたはよくご存じです。わたしを苦しめる者は、すべて御前にいます。
Aesapse ambe anak ne ku keutum iuninka, ok ani ku eshik ruwe ne, En chishikiraine kuni guru ku hunara, koroka, isam ruwe ne; En omaoma kuni utara ku hunara, koroka, ku nukara shomoki nisa ruwe ne.
A=esapse anpe anakne ku=kewtum iwninka, ok ani ku=esik ruwe ne, En cisikirayne kuni kur ku=hunara, korka, isam ruwe ne; En=omaoma kuni utar ku=hunara, korka, ku=nukar somo ki nisa ruwe ne.
嘲りに心を打ち砕かれわたしは無力になりました。望んでいた同情は得られず慰めてくれる人も見いだせません。
Aep gusu ninge en kore nisa; Iku rusui ita anak ne shukkakep en kore nisa ruwe ne.
Aep kusu ninke en=kore nisa; Iku rusuy hi ta anakne sukkakep en=kore nisa ruwe ne.
人はわたしに苦いものを食べさせようとし渇くわたしに酢を飲ませようとします。
Nei utara koro set tupep ne akara; Mo no okai ita akbe ne kara wa en kore.
Ne utar kor set tupep ne a=kar; Mo no okay hi ta akpe ne kar wa en=kore.
どうか、彼らの食卓が彼ら自身に罠となり仲間には落とし穴となりますように。
Shomo ingara kuni ne koro shiki kunnere; Koro kuruosh ramma tusushkere wa en kore.
Somo inkar kuni ne kor siki kunnere; Kor kuruos ramma tususkere wa en=kore.
彼らの目を暗くして見ることができないようにし腰は絶えず震えるようにしてください。
Nei utara kashi E koro irushka-i echikiki, E koro seisek kinrakarape oshkonire wa en kore.
Ne utar kasi E=kor iruska hi ecikiki, E=kor sesek kinrakarape oskonire wa en=kore.
あなたの憤りを彼らに注ぎ激しい怒りで圧倒してください。
Koro oshiroma-i mun konchi kore, Koro kash otta oshiroma guru isam kuni ne kara yan.
Kor osiroma hi mun konci kore, Kor kas or ta osiroma kur isam kuni ne kar yan.
彼らの宿営は荒れ果て天幕には住む者もなくなりますように。
Aokai shirikik guru nei utara anak ne keshke ruwe ne; Orowa, Aokai piriore utara koro iuninbe ye ruwe ne.
Aokay sirkik kur ne utar anakne keske ruwe ne; Orowa, Aokay piriore utar kor iwninpe ye ruwe ne.
あなたに打たれた人を、彼らはなおも迫害しあなたに刺し貫かれた人の痛みを話の種にします。
Nei utara koro wen-buri kata wen-buri kashi-iyo wa en kore: Orowa, E koro oupeka-i otta shomo ahup kuni ne kara wa en kore.
Ne utar kor wen-puri kata wen-puri kasi-iyo wa en=kore: Orowa, E=kor owpeka hi or ta somo ahup kuni ne kar wa en=kore.
彼らの悪には悪をもって報い恵みの御業に彼らを決してあずからせないでください。
Inotu oma kambi orowa no nei utara ushka, Oupeka utara tura iteki nei utara sapa nuye wa en kore.
Inotu oma kampi oro wano ne utar uska, Owpeka utar tura iteki ne utar sapa nuye wa en=kore.
命の書から彼らを抹殺してください。あなたに従う人々に並べてそこに書き記さないでください。
Koroka, kuani anak ne otek-sak wa yairamhekomo ruwe ne: Aa Kamui, E koro kashiobiuki-hi ani ri ushike orun en rikta-ande wa en kore.
Korka, kuani anakne otek-sak wa yayramhekomo ruwe ne: Aa Kamuy, E=kor kasiopiwki hi ani ri usike orun en=rik ta-ante wa en=kore.
わたしは卑しめられ、苦痛の中にあります。神よ、わたしを高く上げ、救ってください。
Shinotcha ani Kamui reihei ku reika kusu ne, Iyaiiraigep ani Shinuma ku pasere kusu ne na.
Sinotca ani Kamuy rehe ku=rek kusu ne, Iyayiraygep ani Sinuma ku=pasere kusu ne na.
神の御名を賛美してわたしは歌い御名を告白して、神をあがめます。
Nei ambe anak ne pinne beko kasu no Ehoba nupetnere, Kirawe newa ushish koro pinne beko kasu no nupetnere kusu ne.
Ne anpe anakne pinne peko kasuno Ehoba nupetnere, Kiraw newa usis kor pinne peko kasuno nupetnere kusu ne.
それは雄牛のいけにえよりも角をもち、ひづめの割れた牛よりもなお主に喜ばれることでしょう。
Ramu-rotcha utara nei ambe nukara wa yainuchattek nisa ruwe ne: Kamui hunara echi utara, echi koro keutum shiknure yan.
Ramu-rotca utar ne anpe nukar wa yaynucattek nisa ruwe ne: Kamuy hunara eci utar, eci=kor kewtum siknure yan.
貧しい人よ、これを見て喜び祝え。神を求める人々には健やかな命が与えられますように。
Ehoba anak ne irapokkari guru nu, Orowa, ipakashnu chisei ta okai utara shomo etunne ruwe ne gusu ne na.
Ehoba anakne irapokkari kur nu, Orowa, ipakasnu cise ta okay utar somo etunne ruwe ne kusu ne na.
主は乏しい人々に耳を傾けてくださいます。主の民の捕われ人らを決しておろそかにはされないでしょう。
Kando newa toitoi Shinuma ramyere, Atui ne yakka nei oshketa moimoyege okaibe ne yakka.
Kanto newa toytoy Sinuma ramyere, Atuy ne yakka ne oske ta moymoyeke okaype ne yakka.
天よ地よ、主を賛美せよ海も、その中にうごめくものもすべて。
Kamui anak ne Zion kashiobiuki, Yuda machiya kara; Orowa, nei utara anak ne toada oshiroma wa nei machiya shikkashima kusu ne gusu ne na.
Kamuy anakne Zion kasiopiwki, Yuda maciya kar; Orowa, ne utar anakne toata osiroma wa ne maciya sikkasima kusu ne kusu ne na.
神は必ずシオンを救いユダの町々を再建してくださる。彼らはその地に住み、その地を継ぐ。
Shinuma koro uitek utara koro santek nei ambe eikeshkoro; Orowa, Shinuma reihei omap utara nei oshiketa oshiroma kusu ne na.
Sinuma kor uytek utar kor santek ne anpe eykeskoro; Orowa, Sinuma rehe omap utar ne oske ta osiroma kusu ne na.
主の僕らの子孫はそこを嗣業とし御名を愛する人々はその地に住み着く。