107 Ik.

AA, Ehoba koyaiiraige yan; Shinuma pirika ruwe ne: Ramma pakno Shinuma koro rampoken an ruwe ne gusu ne na.

Aa, Ehoba koyayirayke yan; Sinuma pirka ruwe ne: Ramma pakno Sinuma kor ranpoken an ruwe ne kusu ne na.

「恵み深い主に感謝せよ慈しみはとこしえに」と

Epokba utara koro teke wano kikiraye hemhem ki; Moshiripa wano moshirigesh wano, Pikata wano Arutoro wano,

epokpa utar kor teke wano kikiraye hemhem ki; Mosirpa wano mosirkes wano, Pikata wano Arutor wano,

主に贖われた人々は唱えよ。主は苦しめる者の手から彼らを贖い

Nei moshiri wano uwekarapa, Ehoba koro kikiaraye utara nei no ye yan.

Ne mosir wano uekarpa, Ehoba kor kikiaraye utar néno ye yan.

国々の中から集めてくださった東から西から、北から南から。

Nei utara kimta okai nup un ru otta ekeshne no payekai wa, Oshiroma kuni machiya anukara shomoki nisa ruwe ne.

Ne utar kim ta okay nup un ru or ta ekesne no payekay wa, Osiroma kuni maciya a=nukar somo ki nisa ruwe ne.

彼らは、荒れ野で迷い砂漠で人の住む町への道を見失った。

Ibe rusui, iku rusui wa Nei oshiketa sambe rai nisa.

Ipe rusuy, iku rusuy wa Ne oske ta sanpe ray nisa.

飢え、渇き、魂は衰え果てた。

Nei ita nei utara anak ne yairamkoiki wa Ehoba konishuk, Awa, Shinuma nei a yairamshitnere-i wano ohaitare nisa ruwe ne.

Ne hi ta ne utar anakne yayramkoyki wa Ehoba konisuk, Awa, Sinuma ne a yayramsitnere hi wano ohaytare nisa ruwe ne.

苦難の中から主に助けを求めて叫ぶと主は彼らを苦しみから救ってくださった。

Orowa, oshiroma kuni machiya orun paye kuni ne, Shinuma kuwanno an ruhu otta nei utara tura nisa ruwe ne na.

Orowa, osiroma kuni maciya orun paye kuni ne, Sinuma kuwanno an ruhu or ta ne utar tura nisa ruwe ne na.

主はまっすぐな道に彼らを導き人の住む町に向かわせてくださった。

Aa, nei pirikap gusu hemhem, Utara koro poho otta aki iyokunnure ikip gusu hemhem ainu utara Ehoba koiramye yak humi!

Aa, ne pirka p kusu hemhem, Utar kor poho or ta aki iyokunnure iki p kusu hemhem aynu utar Ehoba koyramye yak humi!

主に感謝せよ。主は慈しみ深く人の子らに驚くべき御業を成し遂げられる。

Shinuma anak ne keutum eyaikatekara ambe eramushinnere, Orowa, pirikap ani ibe rusui keutum shikte ruwe ne gusu ne na.

Sinuma anakne kewtum eyaykatekar anpe eramusinnere, Orowa, pirka p ani ipe rusuy kewtum sikte ruwe ne kusu ne na.

主は渇いた魂を飽かせ飢えた魂を良いもので満たしてくださった。

Yaiyan-kani newa ayairamshitnere-hi ani atupetupe wa, Kunne-i newa rai kurihi otta rok utara;

yaiyan-kani newa ayayramsitnere hi ani a=tupetupe wa, Kunne hi newa ray kurihi or ta rok utar;

彼らは、闇と死の陰に座る者貧苦と鉄の枷が締めつける捕われ人となった。

Kamui itak eokbare gusu, Iyotta Rikunbe koro aesanniyop koatcha gusu:

Kamuy itak e=okpare kusu, Iyotta Rikunbe kor aesanniyop koatca kusu:

神の仰せに反抗しいと高き神の御計らいを侮ったからだ。

Tambe gusu, Shinuma moni ani nei utara kon ramat anrapokekara; Nei utara hachiri nisa, aige, kashiobiuki guru isam ruwe ne.

Tanpe kusu, Sinuma moni ani ne utar kor ramat anrapokekara; Ne utar hacir nisa, ayke, kasiopiwki kur isam ruwe ne.

主は労苦を通して彼らの心を挫かれた。彼らは倒れ、助ける者はなかった。

Nei ita utara anak ne yairamkoiki wa Ehoba konishuk, Awa, nei a yairamshitnere-hi gusu Shinuma kashi-obiuki nisa ruwe ne na.

Ne hi ta utar anakne yayramkoyki wa Ehoba konisuk, Awa, ne a yayramsitnere hi kusu Sinuma kasi-opiwki nisa ruwe ne na.

苦難の中から主に助けを求めて叫ぶと主は彼らの苦しみに救いを与えられた。

Kunne-i newa rai kuruhi wano Shinuma nei utara etaye, Orowa, ani tupetupe ambe kaye nisa ruwe ne.

Kunne hi newa ray kuruhi wano Sinuma ne utar etaye, Orowa, ani tupetupe anpe kaye nisa ruwe ne.

闇と死の陰から彼らを導き出し束縛するものを断ってくださった。

Aa, nei pirikap gusu hemhem, Utara koro poho otta aki iyokunnure ikip gusu ainu utara Ehoba koiramye yak humi!

Aa, ne pirka p kusu hemhem, Utar kor poho or ta aki iyokunnure iki p kusu aynu utar Ehoba koyramye yak humi!

主に感謝せよ。主は慈しみ深く人の子らに驚くべき御業を成し遂げられる。

Shinuma anak ne shiunin-kani apa kaye, Yaiyan-kani sakma tuye nisa ruwe ne gusu ne na.

Sinuma anakne siwnin-kani apa kaye, Yaiyan-kani sakma tuye nisa ruwe ne kusu ne na.

主は青銅の扉を破り鉄のかんぬきを砕いてくださった。

Haita utara anak ne koro ohaita-buri gusu, Shui, koro wen-buri gusu shirikirap ruwe ne.

Hayta utar anakne kor ohay ta-puri kusu, Suy, kor wen-puri kusu sirkirap ruwe ne.

彼らは、無知であり、背きと罪の道のために屈従する身になった。

Nei utara kon ramat anak ne obitta no okai aep etunne; Aige, rai apa karange no araki ruwe ne na.

Ne utar kor ramat anakne opittano okay aep etunne; Ayke, ray apa karankeno arki ruwe ne na.

どの食べ物も彼らの喉には忌むべきもので彼らは死の門に近づいた。

Nei ita nei utara anak ne yairamkoiki wa Ehoba konishuk, Awa, nei a yairamshitnere-i gusu Shinuma kashiobiuki nisa ruwe ne na.

Ne hi ta ne utar anakne yayramkoyki wa Ehoba konisuk, Awa, ne a yayramsitnere hi kusu Sinuma kasiopiwki nisa ruwe ne na.

苦難の中から主に助けを求めて叫ぶと主は彼らの苦しみに救いを与えられた。

Shinuma anak ne koro itak sange wa nei utara iwangere, Orowa, okai isamka kuni ambe wano ohaitare ruwe ne.

Sinuma anakne kor itak sanke wa ne utar iwankere, Orowa, okay isamka kuni anpe wano ohaytare ruwe ne.

主は御言葉を遣わして彼らを癒し破滅から彼らを救い出された。

Aa, nei pirikap gusu hemhem, Utara koro poho otta aki iyokunnure ikip gusu hemhem ainu utara Ehoba koiramye yak humi!

Aa, ne pirka p kusu hemhem, Utar kor poho or ta aki iyokunnure iki p kusu hemhem aynu utar Ehoba koyramye yak humi!

主に感謝せよ。主は慈しみ深く人の子らに驚くべき御業を成し遂げられる。

Orowa, nei utara iramye kuni ayange kunip yange wa, Shinuma ki ikip shinotcha ani assuru ashte yanro.

Orowa, ne utar iramye kuni a=yanke kunip yanke wa, Sinuma ki iki p sinotca ani assuru aste yanro.

感謝のいけにえをささげ御業を語り伝え、喜び歌え。

Cliip o wa atui orun sap, Poro wakka kata moni ki utara anak ne;

cliip o wa atuy orun sap, Poro wakka kata moni ki utar anakne;

彼らは、海に船を出し大海を渡って商う者となった。

Nei utara anak Ehoba ki ikip nukara, Ooho ushi ta Shinuma ki iyokunnurep nukan ruwe ne.

Ne utar anak Ehoba ki iki p nukar, Ooho usi ta Sinuma ki iyokunnurep nukar ruwe ne.

彼らは深い淵で主の御業を驚くべき御業を見た。

Shinuma pawetenge ki wa, Nei riti punire rui rera hopunire ruwe ne.

Sinuma pawetenke ki wa, Ne rit punire ruy rera hopunire ruwe ne.

主は仰せによって嵐を起こし波を高くされたので

Nei utara kando pakno apunire, shui, ooho an ushi pakno arapte; Wenbe an gusu kon ramat ru ruwe ne.

Ne utar kanto pakno apunire, suy, ooho an usi pakno a=rapte; Wenpe an kusu kor ramat ru ruwe ne.

彼らは天に上り、深淵に下り苦難に魂は溶け

Nei utara atapatap, ihoshki guru korachi omakatet-tereke, Aige, kimatek gusu ramat-sak ruwe ne.

Ne utar a=taptap, ihoski kur koraci omakatet-terke, Ayke, kimatek kusu ramat-sak ruwe ne.

酔った人のようによろめき、揺らぎどのような知恵も呑み込まれてしまった。

Nei ita nei utara anak ne yairamkoiki wa Ehoba konishuk, A wa, nei a yairamshitnere-i gusu Shinuma kashiobiuki nisa ruwe ne na.

Ne hi ta ne utar anakne yayramkoyki wa Ehoba konisuk, A wa, ne a yayramsitnere hi kusu Sinuma kasiopiwki nisa ruwe ne na.

苦難の中から主に助けを求めて叫ぶと主は彼らを苦しみから導き出された。

Shinuma anak ne poro rera ratchire, Aige, nei riri mo ruwe ne.

Sinuma anakne poro rera ratcire, Ayke, ne rir mo ruwe ne.

主は嵐に働きかけて沈黙させられたので波はおさまった。

Nei ita nei utara anak ne riri mo wa gusu yaikopuntek; Tambe gusu otta okai rusui tomari ta Shinuma tura ruwe ne na.

Ne hi ta ne utar anakne rir mo wa kusu yaykopuntek; Tanpe kusu or ta okay rusuy tomari ta Sinuma tura ruwe ne na.

彼らは波が静まったので喜び祝い望みの港に導かれて行った。

Aa, nei pirikap gusu hemhem, Utara koro poko otta aki iyokunnure ikip gusu hemhem ainu utara Ehoba koiramye yak humi!

Aa, ne pirka p kusu hemhem, Utar kor pokor ta aki iyokunnure iki p kusu hemhem aynu utar Ehoba koyramye yak humi!

主に感謝せよ。主は慈しみ深く人の子らに驚くべき御業を成し遂げられる。

Utara uwekarapa-i ta Shinuma pasere, Ekashi utara koro set ta Shinuma koiramye yanro.

Utar uekarpa hi ta Sinuma pasere, Ekasi utar kor set ta Sinuma koyramye yanro.

民の集会で主をあがめよ。長老の集いで主を賛美せよ。

Shinuma pet ani nup ne itasare, Wakka purpuruge-i ani sat toi ne kara;

Sinuma pet ani nup ne itasare, Wakka purpurke hi ani sat toy ne kar;

主は大河を荒れ野とし水の源を乾いた地とし

Uwetukno toi ani shippo-ush nup ne itasare ruwe ne; Tambe anak ne nei otta oshiroma utara koro wenbe gusu an ap ne ruwe ne na.

uwetukno toy ani sippo-us nup ne itasare ruwe ne; Tanpe anakne ne or ta osiroma utar kor wenpe kusu an ap ne ruwe ne na.

住む者の悪事のために実り豊かな地を塩地とされた。

Shinuma wakka mem ani nup itasare Sat toi ani wakka purupuruge-i ne kan ruwe ne.

Sinuma wakka mem ani nup itasare Sat toy ani wakka purpurke hi ne kan ruwe ne.

主は荒れ野を湖とし砂漠を水の源とし

Orowa, nei ushiketa okai kuni ne machiya etoko-oikire gusu, Shinuma ibe-rusui utara oshiromare ruwe ne;

Orowa, ne uske ta okay kuni ne maciya etoko-oykire kusu, Sinuma ipe-rusuy utar osiromare ruwe ne;

飢えていた人々をそこに住まわせ人の住む町を固く立てられた。

Orowa, nei utara piyehe etoita hemhem ki, hat toi hemhem etoita, Aige, ibehe innere kuni kan ruwe ne.

Orowa, ne utar piyehe etoyta hemhem ki, hat toy hemhem etoyta, Ayke, ipehe innere kuni kan ruwe ne.

彼らは野に種を蒔き、ぶどう畑を作り作物を実らせた。

Shinuma nei utara nunuke ne yakka ki gusu, poron no auinnere ruwe ne; Samata, koro chikoikip iteki nin kuni ne kan ruwe ne.

Sinuma ne utar nunuke ne yakka ki kusu, poronno awinnere ruwe ne; Sama ta, kor cikoykip iteki nin kuni ne kan ruwe ne.

主が祝福されたので彼らは限りなく増え家畜も減らされることはなかった。

Shui, nei utara anak ne ausshiunere gusu, aiwende gusu, orowa, aoknatarare gusu, Nin wa aanrapokikan ruwe ne.

Suy, ne utar anakne aussiwnere kusu, a=ywente kusu, orowa, aoknatarare kusu, Nin wa aanrapokikan ruwe ne.

不毛、災厄、嘆きによって彼らは減って行き、屈み込んだ。

Esapane utara aesapsere, Aine, ru isam nup otta ekeshne apkashte ruwe ne.

Esapane utar aesapsere, Ayne, ru isam nup or ta ekesne apkaste ruwe ne.

主は貴族らの上に辱めを浴びせ道もない混沌に迷い込ませられたが

Yakka, Shinuma anak ne yairamshitnere ambe wano ri ushiketa irapokkari utara ande, Aine, topaba nei no innere ruwe ne.

Yakka, Sinuma anakne yayramsitnere anpe wano ri uske ta irapokkari utar ante, Ayne, toppa néno innere ruwe ne.

乏しい人はその貧苦から高く上げ羊の群れのような大家族とされた。

Oupeka utara nei ambe nukara wa yainuchattek kusu ne; Orowa, obitta no okai oheugep anak ne koro paro seshke kusu ne na.

Owpeka utar ne anpe nukar wa yaynucattek kusu ne; Orowa, opittano okay ohewkep anakne kor paro seske kusu ne na.

正しい人はこれを見て喜び祝い不正を行う者は口を閉ざす。

Wayashnu guru anak ne tap okaibe esanniyo kusu ne, Aine, Ehoba koro rampoken ramepakari kusu ne na.

Wayasnu kur anakne tap okaype esanniyo kusu ne, Ayne, Ehoba kor ranpoken ramepakari kusu ne na.

知恵ある人は皆、これらのことを心に納め主の慈しみに目を注ぐがよい。