92 Ik.

Iyohaichish, Shini toho gusu an shinotcha.

Iyohaycis, Sini toho kusu an sinotca.

【賛歌。歌。安息日に。】

EHOBA koyaiiraige ambe anak ne, Aa Iyotta Rikunbe, E reihei orun iramye an shinotcha ki-hi anak pirika ruwe ne na:

EHOBA koyayirayke anpe anakne, Aa Iyotta Rikunbe, E rehe orun iramye an sinotcaki hi anak pirka ruwe ne na:

いかに楽しいことでしょう主に感謝をささげることはいと高き神よ、御名をほめ歌い

Kunneiwano E sange omap-an-ramuhauge-hi atte, Kes anchikara ta E koro sonep assuru ashte-hi,

Kunneywano E sanke omap-an-ramuhawke hi atte, Kes ancikar ta E=kor sonep assuru aste hi,

朝ごとに、あなたの慈しみを夜ごとに、あなたのまことを述べ伝えることは

Wan ka omap newa arektep ani; Koto newa mayun hawe ani nei no ki-hi anak ne pirika ruwe ne na.

Wan ka omap newa arektep ani; Koto newa may un hawe ani néno ki hi anakne pirka ruwe ne na.

十弦の琴に合わせ、竪琴に合わせ琴の調べに合わせて。

Aa Ehoba, Aokai anak ne E ki ikip ani en nupetnere nisa: E tekehe iki ikip gusu ku yaiomonnure kusu ne na.

Aa Ehoba, Aokay anakne E ki iki p ani en nupetnere nisa: E tekehe iki iki p kusu ku=yayomonnure kusu ne na.

主よ、あなたは御業を喜び祝わせてくださいます。わたしは御手の業を喜び歌います。

Aa Ehoba, E ki ikip hemanda poro! E ki ramepakari-hi anak ne shiri ooho ruwe ne.

Aa Ehoba, E ki iki p hemanta poro! E ki ramepakari hi anakne siri ooho ruwe ne.

主よ、御業はいかに大きく御計らいはいかに深いことでしょう。

Chikoikip nepkoro an ainu anak ne erampeutek; Ramat-sak guru ka tambe eramushkare ruwe ne.

Cikoykip nepkor an aynu anakne eranpewtek; Ramat-sak kur ka tanpe eramuskare ruwe ne.

愚かな者はそれを知ることなく無知な者はそれを悟ろうとしません。

Wen utara anak ne kina nei no hetukba ita, Irarape ikichi utara obitta shipiraspa ita, Nei utara ramma pakno aisamka kusu ne na:

Wen utar anakne kina néno hetukpa hi ta, Irara p ikici utar opitta sipiraspa hi ta, Ne utar ramma pakno a=ysamka kusu ne na:

神に逆らう者が野の草のように茂り悪を行う者が皆、花を咲かせるように見えても永遠に滅ぼされてしまいます。

Koroka, Aokai, aa Ehoba, ramma pakno ri ushiketa an ruwe ne.

Korka, Aokay, aa Ehoba, ramma pakno ri uske ta an ruwe ne.

主よ、あなたこそ、永遠に高くいます方。

Aa Ehoba, kerai, E epokba utara, Kerai, e epokba utara aisamka kusu ne; Irarape ikichi utara obitta shitchari kusu ne na.

Aa Ehoba, keray, E epokpa utar, Keray, e epokpa utar a=ysamka kusu ne; Irara p ikici utar opitta sitcari kusu ne na.

主よ、あなたに敵対する者は、必ずあなたに敵対する者は、必ず滅び悪を行う者は皆、散らされて行きます。

Koroka, Aokai anak ne niwen beko nei no ku goro kirawe punire nisa: Ashiri shum ani a en kashiaota nisa ruwe ne.

Korka, Aokay anakne niwen peko néno ku=kor kiraw punire nisa: A=siri sum ani a en kasiaota nisa ruwe ne.

あなたはわたしの角を野牛のように上げさせ豊かな油を注ぎかけてくださることでしょう

En yongororo utara otta aki rusuibe hetuku a-i ku shiki-hi nukan nisa, Hopumba wa en epokba wenbe ikichi utara otta aki rusuibe hetuku a-i ku kisaraha nu nisa ruwe ne.

En=yonkororo utar or ta aki rusuy pe hetuku a hi ku=siki hi nukar nisa, Hopunpa wa en epokpa wenpe ikici utar or ta aki rusuy pe hetuku a hi ku=kisaraha nu nisa ruwe ne.

わたしを陥れようとする者をこの目で見悪人がわたしに逆らって立つのをこの耳で聞いているときにも。

Oupeka utara anak ne shuro chi kuni nei no shipirasa: Rebanon ta okai kokaku chikuni korachi shukup kusu ne na.

Owpeka utar anakne suro ci kuni néno sipirasa: Rebanon ta okay kokaku cikuni koraci sukup kusu ne na.

神に従う人はなつめやしのように茂りレバノンの杉のようにそびえます。

Ehoba kot chisei ta aetoita utara anak ne Kamui koro tumbu ta shipiraspa kusu ne.

Ehoba kot cise ta aetoyta utar anakne Kamuy kor tumpu ta sipiraspa kusu ne.

主の家に植えられわたしたちの神の庭に茂ります。

Onne yakka ibehe hetukure; Fukinani an wa pe eshik kusu ne

Onne yakka ipehe hetukure; Fukinani an wa pe esik kusu ne

白髪になってもなお実を結び命に溢れ、いきいきとし

Tambe anak Ehoba oupeka nep sekoro assuru ashte kuni an ambe ne Shinuma anak ne ku goro watara ne, Shinuma otta oheugep isam ruwe ne na.

Tanpe anak Ehoba owpeka nep sekor assuru aste kuni an anpe ne Sinuma anakne ku=kor watara ne, Sinuma or ta ohewkep isam ruwe ne na.

述べ伝えるでしょうわたしの岩と頼む主は正しい方御もとには不正がない、と。