AA Ehoba koyaiiraige yan; Shinuma pirika ruwe ne gusu ne na: Orowa, Shinuma koro rampoken otusashuishiri pakno epa ruwe ne.
Aa Ehoba koyayirayke yan; Sinuma pirka ruwe ne kusu ne na: Orowa, Sinuma kor ranpoken otu sasuysir pakno epa ruwe ne.
恵み深い主に感謝せよ。慈しみはとこしえに。
Israeru un utara, Shinuma koro rampoken otusashuishiri pakno epa ruwe ne ari ye yan.
Israeru un utar, Sinuma kor ranpoken otu sasuysir pakno epa ruwe ne ari ye yan.
イスラエルは言え。慈しみはとこしえに。
Tane Aaron kot chisei, Shinuma koro rampoken otusashuishiri pakno epa ruwe ne ari ye yan.
Tane Aaron kot cise, Sinuma kor ranpoken otu sasuysir pakno epa ruwe ne ari ye yan.
アロンの家は言え。慈しみはとこしえに。
Ehoba koishitoma utara tane, Shinuma koro rampoken otusashuishiri pakno epa ruwe ne ari ye yan.
Ehoba koysitoma utar tane, Sinuma kor ranpoken otu sasuysir pakno epa ruwe ne ari ye yan.
主を畏れる人は言え。慈しみはとこしえに。
Ku yairamhekomo ita Yah ku konishuk nisa: Orowa poro ushiketa Yah en orun ese nisa ruwe ne.
Ku yayramhekomo hi ta Yah ku konisuk nisa: Orowa poro uske ta Yah en=orun ese nisa ruwe ne.
苦難のはざまから主を呼び求めると主は答えてわたしを解き放たれた。
Ehoba en tura no an; ku ishitoma shomoki kusu ne: En orun ainu anak ne hemanda ki eashkai ya?
Ehoba en turano an; ku=isitoma somo ki kusu ne: En=orun aynu anakne hemanta ki easkay ya?
主はわたしの味方、わたしは誰を恐れよう。人間がわたしに何をなしえよう。
En ikashui utara tura Ehoba anak ne en tura no an: Tambe gusu, akon rusuibe en epokba utara epeka no an ap ku nukara kusu ne na.
En=ikasuy utar tura Ehoba anakne en turano an: Tanpe kusu, a=kor rusuy pe en epokpa utar epeka no an ap ku=nukar kusu ne na.
主はわたしの味方、助けとなってわたしを憎む者らを支配させてくださる。
Ainu eishokoro kasu no Ehoba eyaikopashte-hi anak ne pirika ruwe ne
Aynu eysokor kasuno Ehoba e=yaykopaste hi anakne pirka ruwe ne
人間に頼らず、主を避けどころとしよう。
Moshiri esapane utara eishokoro kasu no Ehoba eyaikopashte-hi anak ne pirika ruwe ne.
Mosir esapane utar eysokor kasuno Ehoba e=yaykopaste hi anakne pirka ruwe ne.
君侯に頼らず、主を避けどころとしよう。
Obitta no okai moshiri uirup en nikkotama nisa: Ehoba reihei ankushkerai son no ku ushtekka kusu ne.
Opittano okay mosir uyrup en nikkotama nisa: Ehoba rehe an kuskeray sonno ku=ustekka kusu ne.
国々はこぞってわたしを包囲するが主の御名によってわたしは必ず彼らを滅ぼす。
Nei utara en okari nisa; ruwe un, en okari nisa: Ehoba reihei ankushkerai kuani son no nei utara ushtekka kusu ne.
Ne utar en=okari nisa; ruwe un, en=okari nisa: Ehoba rehe an kuskeray kuani sonno ne utar ustekka kusu ne.
彼らは幾重にも包囲するが主の御名によってわたしは必ず彼らを滅ぼす。
Soyai korachi nei utara en nikkotama nisa; aiush ni tumugeta an abe nei no nei utara aisamka: Ehoba reihei ankushkerai son no ku ushtekka kusu ne na.
Soyay koraci ne utar en nikkotama nisa; ayusni tumke ta an ape néno ne utar a=ysamka: Ehoba rehe an kuskeray sonno ku=ustekka kusu ne na.
蜂のようにわたしを包囲するが茨が燃えるように彼らは燃え尽きる。主の御名によってわたしは必ず彼らを滅ぼす。
En hachire kuni ne aokai anak ne shiyuppa no en oputuye. Koroka, Ehoba anak ne en kashiobiuki nisa ruwe ne na.
En=hacire kuni ne aokay anakne siyuppa no en=oputuye. Korka, Ehoba anakne en=kasiopiwki nisa ruwe ne na.
激しく攻められて倒れそうになったわたしを主は助けてくださった。
Yah anak ne ku kiroro newa ka shinotcha ne; Shinuma en kashiobiukip ne ruwe ne.
Yah anakne ku=kiroro newa ka sinotca ne; Sinuma en kasiopiwkip ne ruwe ne.
主はわたしの砦、わたしの歌。主はわたしの救いとなってくださった。
Oupeka utara koro kash upshorota nupetne hau newa kashiobiuki ambe an: Ehoba koro shimon teke anak ne rametokkorobe ki ruwe ne.
Owpeka utar kor kas upsor ta nupetne haw newa kasiopiwki anpe an: Ehoba kor simon teke anakne rametokkor pe ki ruwe ne.
御救いを喜び歌う声が主に従う人の天幕に響く。主の右の手は御力を示す。
Ehoba koro shimon teke ri: Ehoba koro shimon teke anak ne rametokkorobe ki ruwe ne
Ehoba kor simon teke ri: Ehoba kor simon teke anakne rametokkor pe ki ruwe ne
主の右の手は高く上がり主の右の手は御力を示す。
Shomo ku iai kusu ne, koroka, ku shiknu wa Yah ki ikip assuru ashte kusu ne na.
Somo ku iay kusu ne, korka, ku=siknu wa Yah ki iki p assuru aste kusu ne na.
死ぬことなく、生き長らえて主の御業を語り伝えよう。
Yah anak ne poron no en shirikik nisa; Koroka, shomo ku iai kuni kan nisa ruwe ne.
Yah anakne poronno en=sirkik nisa; Korka, somo ku iay kuni kan nisa ruwe ne.
主はわたしを厳しく懲らしめられたが死に渡すことはなさらなかった。
En gusu oupeka apaha sarare: Nei apa kari ku ahun, Yah koyaiiraige ku ki kusu ne na.
En kusu owpeka apaha sarare: Ne apa kari ku=ahun, Yah koyayirayke ku=ki kusu ne na.
正義の城門を開けわたしは入って主に感謝しよう。
Tambe anak ne Ehoba koro apa ne; Oupeka utara nei apa kari ahun kusu ne na.
Tanpe anakne Ehoba kor apa ne; Owpeka utar ne apa kari ahun kusu ne na.
これは主の城門主に従う人々はここを入る。
Aokai anak ne en orun ese itak hene ki. En kashiobiuki hene ki nisa ruwe ne gusu E orun koyaiiraige ash kusu ne.
Aokay anakne en=orun ese itak hene ki. En=kasiopiwki hene ki nisa ruwe ne kusu E orun koyayirayke as kusu ne.
わたしはあなたに感謝をささげるあなたは答え、救いを与えてくださった。
Chisei kara utara emaka shuma anak ne Shikkeu sapane shuma ne akan na.
Cise kar utar emaka suma anakne Sikkew sapane suma ne a=kar na.
家を建てる者の退けた石が隅の親石となった。
Tambe anak ne Ehoba ki ikip ne; Awa, chi shik samata iyokunnure ambe ne ruwe ne.
Tanpe anakne Ehoba ki iki p ne; Awa, ci sik sama ta iyokunnure anpe ne ruwe ne.
これは主の御業わたしたちの目には驚くべきこと。
Tan to anak ne Ehoba kara toho ne; Chi utara nei toko gusu nupetne wa yainuchattek kusu ne na.
Tanto anakne Ehoba kar toho ne; Ci utar ne toko kusu nupetne wa yaynucattek kusu ne na.
今日こそ主の御業の日。今日を喜び祝い、喜び躍ろう。
Aa Ehoba, nekon ka newa, tane un kashiobiuki wa un kore Aa Ehoba, nekon ka newa, tane un pirikare wa un kore.
Aa Ehoba, nekon ka newa, tane un kasiopiwki wa un kore Aa Ehoba, nekon ka newa, tane un pirkare wa un kore.
どうか主よ、わたしたちに救いを。どうか主よ、わたしたちに栄えを。
Ehoba reihei ankushtap ne ek gurʼanak ne anunuke ne: Ehoba kora kenru wano chi utara echi nunuke ash nisa ruwe ne na.
Ehoba rehe ankustap ne ek kur anakne a=nunuke ne: Ehoba kor kenru wano ci utar eci=nunuke as nisa ruwe ne na.
祝福あれ、主の御名によって来る人に。わたしたちは主の家からあなたたちを祝福する。
Ehoba anak ne Kamui ne, orowa, Shinuma un pekereka nisa: Yange-set koro kirawe otta tush ani ayange kunip kote yan.
Ehoba anakne Kamuy ne, orowa, Sinuma un pekereka nisa: Yanke-set kor kiraw or ta tus ani a=yanke kunip kote yan.
主こそ神、わたしたちに光をお与えになる方。祭壇の角のところまで祭りのいけにえを綱でひいて行け。
Aokai anak ne ku goro Kamui ne, kuani e orun koyaiiraige na: Aokai ku goro Kamui ne, kuani E pasere kusu ne na.
Aokay anakne ku=kor Kamuy ne, kuani e orun koyayirayke na: Aokay ku=kor Kamuy ne, kuani E pasere kusu ne na.
あなたはわたしの神、あなたに感謝をささげる。わたしの神よ、あなたをあがめる。
Ehoba koyaiiraige yan, Shinuma anak ne pirika ruwe ne gusu ne na: Orowa, Shinuma koro rampoken irenga otusashuishiri pakno an na.
Ehoba koyayirayke yan, Sinuma anakne pirka ruwe ne kusu ne na: Orowa, Sinuma kor ranpoken irenka otu sasuysir pakno an na.
恵み深い主に感謝せよ。慈しみはとこしえに。