58 Ik.

Shinotcha esapane guru gusu: Ar-tashhet otta. Dabid karape: Miktam.

Sinotca esapane kur kusu: Ar-tashet or ta. Dabid kar pe: Miktam.

【指揮者によって。「滅ぼさないでください」に合わせて。ダビデの詩。ミクタム。】

SON no newa echi utara anak ne mo no an wa oupekap ye ya? Utara koro poho utara oupeka no echi koipishi ya?

Sonno newa eci utar anakne mo no an wa owpekap ye ya? Utar kor poho utar owpekano eci koypisi ya?

しかし、お前たちは正しく語り公平な裁きを行っているというのか人の子らよ。

Ruwe un, keutum ta wen-buri echi ki; Echi koro teke ta okai niwenbe moshiri otta pakari wa kore ruwe ne.

Ruwe un, kewtum ta wen-puri eci=ki; Eci=kor teke ta okay niwen pe mosir or ta pakari wa kore ruwe ne.

いや、お前たちはこの地で不正に満ちた心をもってふるまいお前たちの手は不法を量り売りしている。

Wen utara anak ne honi wano sap orowa no ehaita, Shiko chiki nani ru turainu wa shungep ye ruwe ne.

Wen utar anakne honi wano sap oro wano ehayta, Siko ciki nani ru turaynu wa sunkep ye ruwe ne.

神に逆らう者は母の胎にあるときから汚らわしく欺いて語る者は母の腹にあるときから迷いに陥っている。

Koro surugu anak okokko surugu nepkoro ne: Koro kisara seshke ru-o ashpa guru ukorachi ne;

Kor surku anak okokko surku nepkor ne: Kor kisara seske ru-o aspa kur ukoraci ne;

蛇の毒にも似た毒を持ち耳の聞こえないコブラのように耳をふさいで

Nei ambe anak ne rotchare guru koro hawe shomo nu, Nekon a wayashnu no ki yakka shomo nu ruwe ne.

Ne anpe anakne rotcare kur kor hawe somo nu, Nekona wayasnu no ki yakka somo nu ruwe ne.

蛇使いの声にも巧みに呪文を唱える者の呪文にも従おうとしない。

Aa Kamui, nei utara koro paroho ta okai nimakihi kaye wa en kore: Aa Ehoba, nei upen shishi koro poro nimaki kaye wa en kore.

Aa Kamuy, ne utar kor paroho ta okay nimakihi kaye wa en=kore: Aa Ehoba, ne upen sisi kor poro nimaki kaye wa en=kore.

神が彼らの口から歯を抜き去ってくださるように。主が獅子の牙を折ってくださるように。

Tunashino pash wakka nei no nei utara ninka wa en kore: Koro ya eoshikpekare ita aotuye korachi ne kara wa en kore.

Tunasno pas wakka néno ne utar ninka wa en=kore: Kor ya eosikpekare hi ta a=otuye koraci ne kar wa en=kore.

彼らは水のように捨てられ、流れ去るがよい。神の矢に射られて衰え果て

Nin wa isam shimaimai nei no kara yan: Tokap nukara shomoki shiwentep chup-etunash hekaturep nei no kara wa en kore.

Nin wa isam simaymay néno kar yan: Tokap nukar somo ki siwentep cup-e=tunas hekaturep néno kar wa en=kore.

なめくじのように溶け太陽を仰ぐことのない流産の子となるがよい。

Echi koro shu ai-ush-ni abe ani aseisekka etokota, Nei fu ambe newa uhuye wa an ambe newa ukotura rerashiu ani aisamka kusu ne na.

Eci=kor su ay-us-ni ape ani a=sesekka etoko ta, Ne hu anpe newa uhuy wa an anpe newa ukotura rerasiw ani a=ysamka kusu ne na.

鍋が柴の炎に焼けるよりも速く生きながら、怒りの炎に巻き込まれるがよい。

Nei ikemnu ambe oupeka guru nukara chiki nupetne kusu ne: Wen utara koro kemihi ani koro chikiri furaye kusu ne.

Ne ikemnu anpe owpeka kur nukar ciki nupetne kusu ne: Wen utar kor kemihi ani kor cikiri huraye kusu ne.

神に従う人はこの報復を見て喜び神に逆らう者の血で足を洗うであろう。

Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.

Yakun, utar ene itak kusu ne, “Sonno newa, owpeka utar kusu iwayehe an: Sonno newa, mosir koypisi Kamuy an ruwe ne”, ari itak kusu ne na.

人は言う。「神に従う人は必ず実を結ぶ。神はいます。神はこの地を裁かれる。」