IYOTTA Rikunbe koro anuina ushiketa oshiroma gurʼanak ne Nep ne yakka ki eashkai Kamui sempiriketa an kusu ne.
Iyotta Rikunbe kor a=nuyna uske ta osiroma kur anakne Nep ne yakka ki easkay Kamuy senpirke ta an kusu ne.
いと高き神のもとに身を寄せて隠れ全能の神の陰に宿る人よ
Ehoba anak ne ku numne ushike ne, ku goro chashi ne; Otta ku eyaikopashte ku goro Kamui ne sekoro Shinuma gusu ku itak.
Ehoba anakne ku numne usike ne, ku=kor casi ne; Or ta ku=e=yaykopaste ku=kor Kamuy ne sekor Sinuma kusu ku=itak.
主に申し上げよ「わたしの避けどころ、砦わたしの神、依り頼む方」と。
Chikap koiki guru koro kutek orowa no hemhem, Shui, isamka kuni koturuse tashum orowa no hemhem en ohaitare kusu ne.
Cikap koyki kur kor kutek oro wano hemhem, Suy, isamka kuni koturse tasum oro wano hemhem en ohaytare kusu ne.
神はあなたを救い出してくださる仕掛けられた罠から、陥れる言葉から。
Shinuma anak ne koro tekkup ani e kamure, Shinuma koro tekkup choropoketa Aokai anak ne yainuina kusu ne: Shinuma koro sonep anak ne tamkikhumbe newa kashikewe ambe ne ruwe ne.
Sinuma anakne kor tekkup ani e kamure, Sinuma kor tekkup corpoke ta Aokay anakne yaynuyna kusu ne: Sinuma kor sonep anakne tamkikhunpe newa kasikewe anpe ne ruwe ne.
神は羽をもってあなたを覆い翼の下にかばってくださる。神のまことは大盾、小盾。
Anchikarata an ashitomap gusu hemhem, Tokap-to ta ahopumbare ai gusu hemhem shomo e koishitoma;
Ancikar ta an asitomap kusu hemhem, Tokap-to ta a=hopunpare ay kusu hemhem somo e koysitoma;
夜、脅かすものをも昼、飛んで来る矢をも、恐れることはない。
Shui, kunne an ita apkash koturuse tashum gusu hemhem, To noshiketa ushtekka kuni isamka ambe hemhem shomo e koishitoma kusu ne na.
Suy, kunne an hi ta apkas koturse tasum kusu hemhem, To noske ta ustekka kuni isamka anpe hemhem somo e koysitoma kusu ne na.
暗黒の中を行く疫病も真昼に襲う病魔も
E tek-samata ashikne shine wan hotne niu hachiripa, E koro shimon-tek samata wan ashikne shine wan hot hachiripa kusu ne a koroka, E orun nei ambe ehange no ek shomoki kusu ne na.
E tek-sama ta asikne sine wan hotne niw haciripa, E=kor simon-teksama ta wan asikne sine wan hot haciripa kusu ne a korka, E orun ne anpe ehanke no ek somo ki kusu ne na.
あなたの傍らに一千の人あなたの右に一万の人が倒れるときすらあなたを襲うことはない。
Ouse e shikihi ani aokai ingara wa, Wen guru gusu an pummaha nukara kusu ne na.
Owse e sikihi ani aokay inkar wa, Wenkur kusu an pummaha nukar kusu ne na.
あなたの目が、それを眺めるのみ。神に逆らう者の受ける報いを見ているのみ。
Inambe gusu ne yakun, Aa Ehoba, Aokai anak ne ku goro numne ushi E ne! Iyotta Rikun ushike ani E koro oshiroma-i ne kuni E kara;
Inanpe kusu ne yakun, Aa Ehoba, Aokay anakne ku=kor numne usi E ne! Iyotta Rikun usike ani E=kor osiroma hi ne kuni E kar;
あなたは主を避けどころとしいと高き神を宿るところとした。
Aokai epeka wenbe shomo hetuku, E koro kashi orun koturuse tashum shomo ehange no ek kusu ne na.
Aokay epeka wenpe somo hetuku, E=kor kasi orun koturse tasum somo ehanke no ek kusu ne na.
あなたには災難もふりかかることがなく天幕には疫病も触れることがない。
Inambe gusu ne yakun, obitta no okai apkash ruhu otta E ash kuni ne, Shinuma anak ne koro hauturunbe kashpaotte kusu ne.
Inanpe kusu ne yakun, opittano okay apkas ruhu or ta E as kuni ne, Sinuma anakne kor hawturunpe kaspaotte kusu ne.
主はあなたのために、御使いに命じてあなたの道のどこにおいても守らせてくださる。
A koro kemaha iteki shuma eokte kuni ne, Koro teke kata E punire kusu ne na.
A kor kemaha iteki suma eokte kuni ne, Kor teke kata E punire kusu ne na.
彼らはあなたをその手にのせて運び足が石に当たらないように守る。
Aokai anak ne shishi newa kinashutunbe kata otereke: Upeure shishi newa okokko kata otettereke kusu ne na.
Aokay anakne sisi newa kinasutunpe kata oterke: Upeure sisi newa okokko kata otetterke kusu ne na.
あなたは獅子と毒蛇を踏みにじり獅子の子と大蛇を踏んで行く。
Shinuma anak ne en omap gusu, tambe gusu kuani ikashiobiuki kusu ne: Shinuma anak ne ku reihei eamkiri gusu, ri ushiketa ku ande kusu ne na.
Sinuma anakne en=omap kusu, tanpe kusu kuani i=kasiopiwki kusu ne: Sinuma anakne ku=rehe e=amkir kusu, ri uske ta ku=ante kusu ne na.
「彼はわたしを慕う者だから彼を災いから逃れさせよう。わたしの名を知る者だから、彼を高く上げよう。
Shinuma en konishuk, aige, orun ese itak ku ki kusu ne; Yairamhekomo ita kuani shinuma tura no ku an: Kuani shinuma ohaitare wa ko-oripakte kusu ne na.
Sinuma en konisuk, ayke, orun ese itak ku=ki kusu ne; Yairamhekomo hi ta kuani sinuma turano ku=an: Kuani sinuma ohaytare wa ko-oripakte kusu ne na.
彼がわたしを呼び求めるとき、彼に答え苦難の襲うとき、彼と共にいて助け彼に名誉を与えよう。
Ohonno kuani shinuma shiknure wa eramushinnere, Orowa, ku koro kashiobiuki ambe nukare kusu ne na.
Ohonno kuani sinuma siknure wa eramusinnere, Orowa, ku=kor kasiopiwki anpe nukare kusu ne na.
生涯、彼を満ち足らせわたしの救いを彼に見せよう。」