119 Ik.

OUPEKA no ruhu otta okai, Ehoba koro tuitak otta apkash utara anak ne anunuke ne.

Owpekano ruhu or ta okay, Ehoba kor tuytak or ta apkas utar anakne a=nunuke ne.

いかに幸いなことでしょうまったき道を踏み、主の律法に歩む人は。

Shinuma koro ekambaktep shikkashima wa Keutum ebitta ani Shinuma hunara utara anak ne anunuke ne ruwe ne.

Sinuma kor ekanpaktep sikkasima wa Kewtum epitta ani Sinuma hunara utar anakne a=nunuke ne ruwe ne.

いかに幸いなことでしょう主の定めを守り心を尽くしてそれを尋ね求める人は。

Ruwe un, nei utara anak ne oheugep shomo ikichi wa okai, Shinuma kon ruhu otta apkash ruwe ne na.

Ruwe un, ne utar anakne ohewkep somo ikici wa okay, Sinuma kor ruhu or ta apkas ruwe ne na.

彼らは決して不正を行わず主の道を歩みます。

Chi utara shiarikiki no shikkashima kuni ne, Aokai anak ne ipawetenge sange wa un kashpaotte nisa ruwe ne.

Ci utar siarikiki no sikkasima kuni ne, Aokay anakne ipawetenke sanke wa un kaspaotte nisa ruwe ne.

あなたは仰せになりましたあなたの命令を固く守るように、と。

Aa, E koro ekambakbe ashikkashimare kuni ne E kon ruhu aashte wa an humi!

Aa, E=kor ekanpakpe a=sikkasmare kuni ne E=kor ruhu a=aste wa an humi!

わたしの道が確かになることを願いますあなたの掟を守るために。

Kuani anak ne obitta no okai E koro ikashpaotte eyaikoshiramshuiba yak anak ne, Shomo ku yainikoroshma kusu ne na.

Kuani anakne opittano okay E=kor ikaspaotte eyaykosiramsuypa yakanak ne, Somo ku=yaynikorosma kusu ne na.

そうなれば、あなたのどの戒めに照らしても恥じ入ることがないでしょう。

Kuani anak ne E koro oupeka esanniyo-hi eyaihannokkara ita, Oupeka keutum ani E koyaiiraige ash kusu ne na.

Kuani anakne E=kor owpeka esanniyo hi eyayhannokkara hi ta, Owpeka kewtum ani E koyayirayke as kusu ne na.

あなたの正しい裁きを学びまっすぐな心であなたに感謝します。

Kuani E koro ekambakbe shikkashima kusu ne: Aa, iteki ara en emaka wa en kore.

Kuani E=kor ekanpakpe sikkasima kusu ne: Aa, iteki ar en=emaka wa en=kore.

あなたの掟を守ります。どうか、お見捨てにならないでください。

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Pewre aynu anakne hemanta ani kor ruhu askannere kusu ne ruwe he an? E=kor itak an koraci koyayramatte ani aki kusu ne na.

どのようにして、若者は歩む道を清めるべきでしょうか。あなたの御言葉どおりに道を保つことです。

Kuani ramu-osshi wano E hunara ash nisa: Neum poka, E koro ikashpaotte iteki ku ehaita kuni ne kara wa en kore.

Kuani ramu-ossi wano E hunara as nisa: Neum poka, E=kor ikaspaotte iteki ku=ehayta kuni ne kar wa en=kore.

心を尽くしてわたしはあなたを尋ね求めます。あなたの戒めから迷い出ることのないようにしてください。

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Kuani ika E epeka no wen-pe ku=ki kuni ne, E=kor itak ku=kewtum ta ewmasnu wa an na.

わたしは仰せを心に納めていますあなたに対して過ちを犯すことのないように。

Aa Ehoba, Aokai anak ne anunuke ne: E koro ekambakbe en epakashnu wa en kore.

Aa Ehoba, Aokay anakne a=nunuke ne: E=kor ekanpakpe en=epakasnu wa en=kore.

主よ、あなたをたたえます。あなたの掟を教えてください。

Kuani ku paro ani obitta no okai E paro orowa no san aesanniyop assuru ashte ruwe ne.

Kuani ku=paro ani opittano okay E paro oro wano san aesanniyop assuru aste ruwe ne.

あなたの口から与えられた裁きをわたしの唇がひとつひとつ物語りますように。

Obitta no okai aeoteknup ku enupetne korachi, Kuani E koro ipawetenge oma ru enupetne nisa ruwe ne.

Opittano okay aeoteknup ku=enupetne koraci, Kuani E=kor ipawetenke oma ru enupetne nisa ruwe ne.

どのような財宝よりもあなたの定めに従う道を喜びとしますように。

Kuani E koro ipawetenge ku ramepakari, Aige, E kon ruhu koyairamatte kusu ne na.

Kuani E=kor ipawetenke ku=ramepakari, Ayke, E=kor ruhu koyayramatte kusu ne na.

わたしはあなたの命令に心を砕きあなたの道に目を注ぎます。

Kuani yaikota E koro san irenga eyainupetnere kusu ne: Samata, E koro itak shomo ku oira kusu ne na.

Kuani yaykota E=kor san irenka eyaynupetnere kusu ne: Sama ta, E=kor itak somo ku=oyra kusu ne na.

わたしはあなたの掟を楽しみとし御言葉を決して忘れません。

A en shiknure kuni ne, E koro uitek guru pirikare wa en kore; Yakun, E koro itak ku shikkashima kusu he na.

A en=siknure kuni ne, E=kor uytek kur pirkare wa en=kore; Yakun, E=kor itak ku=sikkasima kusu he na.

あなたの僕のためにお計らいくださいわたしは命を得て、御言葉を守ります。

E koro tuitak ta okai iyokunnure ambe ku nukara kuni ne, Ku goro shiki maka wa en kore.

E=kor tuytak ta okay iyokunnure anpe ku=nukar kuni ne, Ku=kor siki maka wa en=kore.

わたしの目の覆いを払ってくださいあなたの律法の驚くべき力にわたしは目を注ぎます。

Moshiri kata payekai guru ku ne: En otta iteki E koro ikashpaotte nuina wa en kore.

Mosir kata payekay kur ku ne: En or ta iteki E=kor ikaspaotte nuyna wa en=kore.

この地では宿り人にすぎないわたしにあなたの戒めを隠さないでください。

Ramma E koro aesanniyop eyaikatekara gusu Ku ramat anak ne pereke ruwe ne.

Ramma E=kor aesanniyop eyaykatekar kusu Ku=ramat anakne perke ruwe ne.

あなたの裁きを望み続けわたしの魂はやつれ果てました。

E koro ikashpaotte otereke Aiyoitakushi pakesara utara Aokai anak ne kopa-shirota nisa ruwe ne.

E=kor ikaspaotte oterke A=iyoytakus pakesara utar Aokay anakne kopa-sirota nisa ruwe ne.

呪われるべき傲慢な者をとがめてくださいあなたの戒めから迷い出る者を。

Yainikoroshma ambe newa iyesapse-i en orowa no oyakta ande wa en kore; E koro ekambakbe ku shikkashina nisa ruwe ne gusu ne na.

Yaynikorosma anpe newa iyesapse hi en=oro wano oyak ta ante wa en=kore; E=kor ekanpakpe ku sikkasina nisa ruwe ne kusu ne na.

辱めと侮りをわたしの上から払ってくださいあなたの定めを守っているのですから。

Moshiri esapane utara rok wa en ohaigekara, Awa, E koro uitek guru anak ne E koro ipawetenge ramepakari nisa ruwe ne na.

Mosir esapane utar rok wa en=ohaykekar, Awa, E=kor uytek kur anakne E=kor ipawetenke ramepakari nisa ruwe ne na.

地位ある人々が座に就きわたしのことを謀っていてもあなたの僕はあなたの掟にのみ心を砕いていますように。

E koro ekambakbe ne yakka ku enupetnep ne, Nei ambe anak ne tura no ku ukoramkorohe ne ruwe ne na.

E=kor ekanpakpe ne yakka ku enupetnep ne, Ne anpe anakne turano ku ukoramkorohe ne ruwe ne na.

あなたの定めはわたしの楽しみです。わたしに良い考えを与えてくれます。

Ku ramat anak ne koponchi kotuk: E koro itak an korachi en shiknure wa en kore.

Ku=ramat anakne koponci kotuk: E=kor itak an koraci en=siknure wa en=kore.

わたしの魂は塵に着いています。御言葉によって、命を得させてください。

Kuani anak ne ku apkash ru sarare, aige, Aokai en ko-ese itak nisa; Nekon ka newa, E koro ekambakbe en epakashnu wa en kore.

Kuani anakne ku=apkas ru sarare, ayke, Aokay en=ko-ese itak nisa; Nekon ka newa, E=kor ekanpakpe en=epakasnu wa en=kore.

わたしの道を申し述べます。わたしに答え、あなたの掟を教えてください。

E koro ipawetenge ruhu en eramande wa en kore: Yakun, E koro aiyokunnure ikip ku ramepakari kusu ne na.

E=kor ipawetenke ruhu en=eramante wa en=kore: Yakun, E=kor a=iyokunnure iki p ku=ramepakari kusu ne na.

あなたの命令に従う道を見分けさせてください。わたしは驚くべき御業を歌います。

Ku ramat shingi wa nin ruwe ne: E koro itak an korachi en tumashnure wa en kore.

Ku=ramat sinki wa nin ruwe ne: E=kor itak an koraci en tumasnure wa en=kore.

わたしの魂は悲しんで涙を流しています。御言葉のとおり、わたしを立ち直らせてください。

En orowa no shungep oyakta ande wa, Pirika irenga sange hine E koro tuitak en kore.

En=oro wano sunkep oyak ta ante wa, Pirka irenka sanke hine E=kor tuytak en=kore.

偽りの道をわたしから遠ざけ憐れんで、あなたの律法をお与えください。

Kuani anak ne son no an ruhu ku numge nisa: E koro aesanniyo-hi en kotchaketa ku ande okere na.

Kuani anakne sonno an ruhu ku=numke nisa: E=kor a=esanniyo hi en=kotcake ta ku=ante okere na.

信仰の道をわたしは選び取りましたあなたの裁きにかなうものとなりますように。

Kuani E koro ipawetenge shikkashima: Aa Ehoba, nekon ka newa, iteki en yainikoroshmare wa en kore.

Kuani E=kor ipawetenke sikkasima: Aa Ehoba, nekon ka newa, iteki en yaynikorosmare wa en=kore.

主よ、あなたの定めにすがりつきます。わたしを恥に落とさないでください。

E koro ikashpaotte oma ruhu otta ku hoyupu kusu ne, Nei i orota Aokai ku goro sambe porore kusu ne na.

E=kor ikaspaotte oma ruhu or ta ku=hoyupu kusu ne, Ne i oro ta Aokay ku=kor sanpe porore kusu ne na.

あなたによって心は広くされわたしは戒めに従う道を走ります。

Aa Ehoba, E koro ekambakbe oma ruhu en epakashnu wa en kore; Yakun, okese pakno nei ambe ku shikkashima kusu ne na.

Aa Ehoba, E=kor ekanpakpe oma ruhu en=epakasnu wa en=kore; Yakun, okes pakno ne anpe ku=sikkasima kusu ne na.

主よ、あなたの掟に従う道を示してください。最後までそれを守らせてください。

En wayashnure wa en kore, yakun, E koro tuitak ku shikkashima kusu ne; Ruwe newa ramu-osshi wano nei ambe ku shikkashima ruwe ne kusu ne na

En wayasnure wa en=kore, yakun, E=kor tuytak ku=sikkasima kusu ne; Ruwe newa ramu-ossi wano ne anpe ku=sikkasima ruwe ne kusu ne na

あなたの律法を理解させ、保たせてください。わたしは心を尽くしてそれを守ります。

E koro ikashpaotte oma ru otta en apkashte wa en kore; Inambe gusu ne yakun, nei ambe ku enupetne ruwe ne gusu ne na.

E=kor ikaspaotte oma ru or ta en=apkaste wa en=kore; Inanpe kusu ne yakun, ne anpe ku=enupetne ruwe ne kusu ne na.

あなたの戒めに従う道にお導きください。わたしはその道を愛しています。

E koro ipawetenge orun ku keutum epekare wa, Shomo yaikoshipuinere-hi otta hosari kuni ne kara wa en kore.

E=kor ipawetenke orun ku=kewtum epekare wa, Somo yaykosipuynere hi or ta hosari kuni ne kar wa en=kore.

不当な利益にではなくあなたの定めに心を傾けるようにしてください。

Ku shikihi anak ne raka-isambe shomo nukara kuni ne kara wa en kore, Orowa, E kon ruhu otta en shiknure wa en kore.

Ku=sikihi anakne raka-i=sanpe somo nukar kuni ne kar wa en=kore, Orowa, E=kor ruhu or ta en=siknure wa en=kore.

むなしいものを見ようとすることからわたしのまなざしを移してください。あなたの道に従って命を得ることができますように。

E koishitoma wa an E koro uitek guru gusu E koro itak ashte wa en kore.

E koysitoma wa an E=kor uytek kur kusu E=kor itak aste wa en=kore.

あなたの僕に対して、仰せを成就してください。わたしはあなたを畏れ敬います。

Ku koishitoma yainikoroshma ambe en haitare wa en kore; E koro aesanniyo ambe pirika ruwe ne gusu ne na.

Ku=koysitoma yaynikorosma anpe en haytare wa en=kore; E=kor a=esanniyo anpe pirka ruwe ne kusu ne na.

わたしの恐れる辱めがわたしを避けて行くようにしてください。あなたは良い裁きをなさいます。

Ingarʼan, E koro ipawetenge ku eyaikatekara nisa; E koro oupeka ambe gusu en shiknure wa en kore.

Inkar=an, E=kor ipawetenke ku=eyaykatekar nisa; E=kor owpeka anpe kusu en=siknure wa en=kore.

御覧くださいわたしはあなたの命令を望み続けています。恵みの御業によって命を得させてください。

Aa Ehoba, en erampokiwen ne yakka ki wa en kore, E koro itak an korachi en kashiobiuki poka ki wa en kore.

Aa Ehoba, en=eranpokiwen ne yakka ki wa en=kore, E=kor itak an koraci en=kasiopiwki poka ki wa en=kore.

主よ、あなたの慈しみと救いが仰せのとおり、わたしを訪れますように。

Yak anak ne en wenkurashpa guru otta ese itak ku ki kusu ne; E korʼitak ku eyaikopashte ruwe ne gusu ne na.

Yakanak ne en=wenkuraspa kur or ta ese itak ku=ki kusu ne; E=kor itak ku=e=yaykopaste ruwe ne kusu ne na.

わたしを辱めた者に答えさせてください。わたしは御言葉に依り頼んでいます。

Samata, E korʼitak ku paro wano iteki ara etaye wa en kore; E koro aisanniyo-hi ku echipachipa ruwe ne gusu ne na.

Sama ta, E=kor itak ku=paro wano iteki ar etaye wa en=kore; E=kor aysanniyo hi ku=ecipacipa ruwe ne kusu ne na.

真実をわたしの口から奪わないでください。あなたの裁きを待ち望んでいます。

Nei no nei chiki, ramma kane otusashuishiri pakno E koro tuitak ku shikkashima kusu ne na.

Néno ne ciki, ramma kane otu sasuysir pakno E=kor tuytak ku=sikkasima kusu ne na.

わたしがあなたの律法を守る者でありますように常に、そしてとこしえに。

Orowa, ku rengaine ku apkash kusu ne; E koro ipawetenge ku hunara nisa ruwe ne gusu ne na.

Orowa, ku=renkayne ku=apkas kusu ne; E=kor ipawetenke ku=hunara nisa ruwe ne kusu ne na.

広々としたところを行き来させてください。あなたの命令を尋ね求めています。

Orowa shui, Moshiri esapane utara kotchaketa E koro ekambakbe gusu ku ye, Aige, shomo ku yainikoroshma kusu ne.

Orowa suy, Mosir esapane utar kotcake ta E=kor ekanpakpe kusu ku=ye, Ayke, somo ku=yaynikorosma kusu ne.

わたしは王たちの前であなたの定めを告げ決して恥とすることはないでしょう。

Orowa, ku omap, Gusu eyainupetnere ikashpaotte enupetne kusu ne.

Orowa, ku=omap, Kusu eyaynupetnere ikaspaotte enupetne kusu ne.

わたしはあなたの戒めを愛しそれを楽しみとします。

Ku omap E koro ikashpaotte orun ku tekehe ne yakka ku yange kusu ne; Orowa, E koro ekambakbe eyaikoshiramshuiba ku ki kusu ne na.

Ku=omap E=kor ikaspaotte orun ku=tekehe ne yakka ku=yanke kusu ne; Orowa, E=kor ekanpakpe eyaykosiramsuypa ku=ki kusu ne na.

わたしはあなたの戒めを愛しそれに向かって手を高く上げます。わたしはあなたの掟を歌います。

Gusu chipachipa kuni ne kara E koro uitek guru orun asange itak eshkarun wa en kore.

Kusu cipacipa kuni ne kar E=kor uytek kur orun a=sanke itak eskarun wa en=kore.

あなたの僕への御言葉を思い起こしてください。あなたはそれを待ち望ませておられます。

Tambe anak ne ku yairamkoiki ita an en omaoma ambe ne: E koro itak en shiknure nisa ruwe ne gusu ne na.

Tanpe anakne ku yayramkoyki hi ta an en=omaoma anpe ne: E=kor itak en=siknure nisa ruwe ne kusu ne na.

あなたの仰せはわたしに命を得させるでしょう。苦しみの中でもそれに力づけられます。

Pakesara utara anak ne poron no en esapse nisa: Yakka E tuitak shomo ku otereke nisa ruwe ne.

Pakesara utar anakne poronno en=esapse nisa: Yakka E tuytak somo ku=oterke nisa ruwe ne.

傲慢な者はわたしを甚だしく見下しますがわたしはあなたの律法から離れません。

Aa Ehoba, E koro fushko ne okai aesanniyo-hi ku eshkarun nisa, Aige, ku yaiomaoma nisa ruwe ne.

Aa Ehoba, E=kor husko ne okay a=esanniyo hi ku=eskarun nisa, Ayke, ku yayomaoma nisa ruwe ne.

あなたの裁きはとこしえに堪えることを思い主よ、わたしは力づけられます。

E koro tuitak emaka wen utara gusu Kuani shiri kinrakara ruwe ne.

E=kor tuytak emaka wen utar kusu Kuani siri kinrakar ruwe ne.

神に逆らう者に対する燃える怒りがわたしを捕えています。彼らはあなたの律法を捨て去る者です。

Ku payekai chisei E koro ekambakbe ku shinotcha ki nisa ruwe ne.

Ku=payekay cise E=kor ekanpakpe ku=sinotca ki nisa ruwe ne.

この仮の宿にあってあなたの掟をわたしの歌とします。

Aa Ehoba, ʼanchikara ta E reihei ku eshkarun, Aige, E koro tuitak ku shikkashima nisa ruwe ne.

Aa Ehoba, 'ancikara ta E rehe ku=eskarun, Ayke, E=kor tuytak ku=sikkasima nisa ruwe ne.

主よ、夜ともなれば御名を唱えあなたの律法を守ります。

E koro ipawetenge ku shikkashima nisa ruwe ne wa gusu, Tap okaibe ku kon ruwe ne na.

E=kor ipawetenke ku=sikkasima nisa ruwe ne wa kusu, Tap okaype ku=kor ruwe ne na.

あなたの命令に従うことそれだけが、わたしのものです。

Ehoba anak ne ku korobe ne: E koro itak ku shikkashima kusu ne sekoro ku ye nisa ruwe ne.

Ehoba anakne ku=kor pe ne: E=kor itak ku=sikkasima kusu ne sekor ku=ye nisa ruwe ne.

主はわたしに与えられた分です。御言葉を守ることを約束します。

Ramu-osshi wano E koro irenga ku koramkon nisa: E koro itak an korachi pirika irenga sange wa en kore.

Ramu-ossi wano E=kor irenka ku=koramkor nisa: E=kor itak an koraci pirka irenka sanke wa en=kore.

御顔が和らぐのを心を尽くして願い求めます。仰せのとおり、わたしを憐れんでください。

Kuani ku apkash ruhu ku yainu nisa, Aige, E koro ekambakbe orun ku chikiri hosarire nisa ruwe ne.

Kuani ku=apkas ruhu ku=yaynu nisa, Ayke, E=kor ekanpakpe orun ku=cikiri hosarire nisa ruwe ne.

わたしは自分の道を思い返し立ち帰ってあなたの定めに足を向けます。

Kuani E koro ikashpaotte shikkashima kuni ne, Untere shomoki no yaikimatekka nisa ruwe ne.

Kuani E=kor ikaspaotte sikkasima kuni ne, Untere somo ki no yaykimatekka nisa ruwe ne.

わたしはためらうことなく速やかにあなたの戒めを守ります。

Wen utara koro tush en kokarase, Koroka, E koro tuitak shomo ku oira nisa ruwe ne.

Wen utar kor tus en kokarase, Korka, E=kor tuytak somo ku=oyra nisa ruwe ne.

神に逆らう者の縄がわたしをからめとろうとしますがわたしはあなたの律法を決して忘れません。

E ki oupeka aesanniyo-hi gusu: Kuani an noshiketa ku hopuni wa e koyaiiraige ash kusu ne na?

E ki owpeka a=esanniyo hi kusu: Kuani an noske ta ku=hopuni wa e koyayirayke as kusu ne na?

夜半に起きてあなたの正しい裁きに感謝をささげます。

E koishitoma obitta no okai utara newa,. E koro ipawetenge shikkashima utara utarasam ku ne ruwe ne.

E koysitoma opittano okay utar newa,. E=kor ipawetenke sikkasima utar utarasam ku ne ruwe ne.

あなたを畏れる人、あなたの命令を守る人わたしはこのような人の友となります。

Aa Ehoba, moshiri anak ne E koro rampoken ani eshik ruwe ne. E koro ekambakbe en epakashnu wa en kore.

Aa Ehoba, mosir anakne E=kor ranpoken ani esik ruwe ne. E=kor ekanpakpe en=epakasnu wa en=kore.

主よ、この地はあなたの慈しみに満ちています。あなたの掟をわたしに教えてください。

Aa Ehoba, E koro itak an korachi, Aokai anak ne E koro uitek guru orun pirika irenga sange nisa ruwe ne.

Aa Ehoba, E=kor itak an koraci, Aokay anakne E=kor uytek kur orun pirka irenka sanke nisa ruwe ne.

主よ、あなたの御言葉のとおりあなたの僕に恵み深くお計らいください。

Okaibe pirika no en esanniyore wa en eramande wa en kore; E koro ikashpaotte Aokai en eishokore nisa ruwe ne gusu ne na.

Okaype pirkano en esanniyore wa en=eramante wa en=kore; E=kor ikaspaotte Aokay en eysokore nisa ruwe ne kusu ne na.

確かな判断力と知識をもつようにわたしを教えてください。わたしはあなたの戒めを信じています。

A en shirikirapte etokota kuani ru turainu nisa; Koroka, tane anak ne E koro itak ku shikkashima ruwe ne.

A en=sirkirapte etoko ta kuani ru turaynu nisa; Korka, tane anakne E=kor itak ku=sikkasima ruwe ne.

わたしは迷い出て、ついに卑しめられました。今からは、あなたの仰せを守らせてください。

Aokai anak ne pirika wa, pirikap ki ruwe ne. E koro ekambakbe en epakashnu wa en koi e.

Aokay anakne pirka wa, pirka p ki ruwe ne. E=kor ekanpakpe en=epakasnu wa en=koy e.

あなたは善なる方、すべてを善とする方。あなたの掟を教えてください。

Pakesara utara anak ne en epeka no shunge oshke nisa: Ramu-osshi wano e koro ipawetenge ku shikkashima kusu ne na.

Pakesara utar anakne en=epeka no sunke oske nisa: Ramu-ossi wano e=kor ipawetenke ku=sikkasima kusu ne na.

傲慢な者は偽りの薬を塗ろうとしますがわたしは心を尽くしてあなたの命令を守ります。

Nei utara koro keutum anak ne shum korachi mimush; Koroka, kuani anak ne e koro tuitak enupetne kusu ne na.

Ne utar kor kewtum anakne sum koraci mimus; Korka, kuani anakne e=kor tuytak enupetne kusu ne na.

彼らの心は脂肪に閉ざされています。わたしはあなたの律法を楽しみとします。

Ani a en shirikirap ambe anak ne kuani gusu pirika ruwe ne; Nei ambe anak E koro ekambakbe ku eyaihannokkara kuni gusu an ambe ne na.

Ani a en=sirkirap anpe anakne kuani kusu pirka ruwe ne; Ne anpe anak E=kor ekanpakpe ku eyayhannokkara kuni kusu an anpe ne na.

卑しめられたのはわたしのために良いことでした。わたしはあなたの掟を学ぶようになりました。

E paro sange tuitak anak ne kuani gusu Shiri inne kongani newa shirokani kasu no pirika ruwe ne na.

E paro sanke tuytak anakne kuani kusu Siri inne konkani newa sirokani kasuno pirka ruwe ne na.

あなたの口から出る律法はわたしにとって幾千の金銀にまさる恵みです。

E koro tekehe en kara wa en ashte nisa: E koro ikashpaotte ku eyaihannokkara kuni ne oramush keutum en kore.

E=kor tekehe en=kar wa en=aste nisa: E=kor ikaspaotte ku eyayhannokkara kuni ne oramus kewtum en=kore.

御手がわたしを造り、固く立ててくださいました。あなたの戒めを理解させ、学ばせてください。

E koishitoma utara anak ne en nukara wa yaikopuntek kusu ne; E koro itak gusu ku chipachipa nisa ruwe ne gusu ne na.

E koysitoma utar anakne en=nukar wa yaykopuntek kusu ne; E=kor itak kusu ku=cipacipa nisa ruwe ne kusu ne na.

あなたを畏れる人はわたしを見て喜びます。わたしが御言葉を待ち望んでいるからです。

Aa Ehoba, E koro aesanniyo-hi anak ne oupekap ne sekoro ku eraman,

Aa Ehoba, E=kor a=esanniyo hi anakne owpekap ne sekor ku=eraman,

主よ、あなたの裁きが正しいことをわたしは知っています。わたしを苦しめられたのはあなたのまことのゆえです。

Nekon ka newa, E koro uitek guru orun san E korʼitak nei no, Omap-an-ramuhauge kore hine en omaoma wa en kore.

Nekon ka newa, E=kor uytek kur orun san E=kor itak néno, Omap-an-ramuhawke kore hine en=omaoma wa en=kore.

あなたの慈しみをもってわたしを力づけてくださいあなたの僕への仰せのとおりに。

A en shiknure kuni ne ramuhauge wa en erampokiwen wa en kore: E koro tuitak ku enupetne ruwe ne gusu ne na.

A en=siknure kuni ne ramuhawke wa en=eranpokiwen wa en=kore: E=kor tuytak ku=enupetne ruwe ne kusu ne na.

御憐れみがわたしに届き命を得させてくださいますように。あなたの律法はわたしの楽しみです。

Pakesara utara yainikoroshmare wa en kore, nei utara shunge wa en hokushte nisa ruwe ne gusu ne na. Kuani anak ne E koro ipawetenge ku ramepakari kusu ne.

Pakesara utar yaynikorosmare wa en=kore, ne utar sunke wa en=hokuste nisa ruwe ne kusu ne na. Kuani anakne E=kor ipawetenke ku=ramepakari kusu ne.

わたしを偽りによって迷わせた傲慢な者が恥に落とされますように。わたしはあなたの命令に心を砕きます。

E koishitoma utara en orun hosarire, Yakun, E koro ekambakbe eraman ruwe ne kusu ne na.

E koysitoma utar en=orun hosarire, Yakun, E=kor ekanpakpe eraman ruwe ne kusu ne na.

あなたを畏れる人、あなたの定めを知る人がわたしのもとに立ち帰りますように。

Shomo ku yainikoroshma kuni ne, E koro ekambakbe orun ku keutum eramushinnere wa en kore.

Somo ku=yaynikorosma kuni ne, E=kor ekanpakpe orun ku=kewtum eramusinnere wa en=kore.

わたしの心があなたの掟に照らして無垢でありますように。そうすればわたしは恥じることがないでしょう。

E koro kashiobiuki-hi ku kon rusui wa ku ramurai ruwe ne: E koro itak ku chipachipa ruwe ne.

E=kor kasiopiwki hi ku=kor rusuy wa ku ramuray ruwe ne: E=kor itak ku=cipacipa ruwe ne.

わたしの魂はあなたの救いを求めて絶え入りそうです。あなたの御言葉を待ち望みます。

Hembara Aokai anak ne en omaoma kusu ne ya? sekoro ku ye rapoketa, E koro itak gusu ku shikihi nin ruwe ne.

Henpara Aokay anakne en=omaoma kusu ne ya? sekor ku=ye rapoketa, E=kor itak kusu ku=sikihi nin ruwe ne.

わたしの目はあなたの仰せを待って衰えました。力づけてくださるのはいつか、と申します。

Kuani anak ne shupuya ta an kapu-pukuru nei no ku an; Yakka, E koro ekambakbe shomo ku oira ruwe ne.

Kuani anakne supuya ta an kapu-pukuru néno ku=an; Yakka, E=kor ekanpakpe somo ku=oyra ruwe ne.

わたしは煙にすすけた革袋のようになってもあなたの掟を決して忘れません。

E koro uitek guru toho hembakbe an a? Hembara Aokai anak ne en epokba utara esanniyo wa panakte ruwe he an?

E=kor uytek kur toho henpakpe an a? Henpara Aokay anakne en epokpa utar esanniyo wa panakte ruwe he an?

あなたの僕が長らえる日々はどれほどでしょう。わたしを迫害するものに対していつあなたは裁きをしてくださるのでしょう。

Kuani gusu pakesara utara shui ohori nisa, Nei utara anak ne E ki tuitak nei no shomo ki utara ne ruwe ne.

Kuani kusu pakesara utar suy ohor nisa, Ne utar anakne E ki tuytak néno somo ki utar ne ruwe ne.

傲慢な者はわたしに対して落とし穴を掘りました。彼らはあなたの律法に従わない者です。

Obitta no okai E koro ikashpaotte anak ne son no ambe ne: Nei utara shunge wa en epokba ruwe ne; nekon a poka en kaohiuki wa en kore.

Opittano okay E=kor ikaspaotte anakne sonno anpe ne: Ne utar sunke wa en epokpa ruwe ne; nekona poka en kaohiwki wa en=kore.

あなたの戒めはすべて確かです。人々は偽りをもってわたしを迫害します。わたしをお助けください。

Naanihungo nei utara moshiri ka wa en isamka; Koroka, kuani E koro ipawetenge shomo ku emaka nisa ruwe ne.

naanihunko ne utar mosir ka wa en=isamka; Korka, kuani E=kor ipawetenke somo ku=emaka nisa ruwe ne.

この地で人々はわたしを絶え果てさせようとしています。どうかわたしがあなたの命令を捨て去ることがありませんように。

E koro omap-an-ramuhauge-hi an korachi en shiknure wa en kore; Yak anak ne E paro sange ipawetenge ku shikka-shima kusu ne na.

E=kor omap-an-ramuhawke hi an koraci en=siknure wa en=kore; Yakanak ne E paro sanke ipawetenke ku sikka-sima kusu ne na.

慈しみ深く、わたしに命を得させてください。わたしはあなたの口から出た定めを守ります。

Aa Ehoba, otusashuishiri pakno, E koro itak kando otta aashte wa an na.

Aa Ehoba, otu sasuysir pakno, E=kor itak kanto or ta a=aste wa an na.

主よ、とこしえに御言葉は天に確立しています。

E koro sonep anak ne otusashuishiri pakno okai ainu ikiri otta an: Aokai anak ne moshiri ashte, aige, an ruwe ne.

E=kor sonep anakne otu sasuysir pakno okay aynu ikiri or ta an: Aokay anakne mosir aste, ayke, an ruwe ne.

あなたへの信仰は代々に続きあなたが固く立てられた地は堪えます。

E esanniyop korachi tanto ne yakka nei ambe okai; Obitta no okaibe E koro uitek guru korobe ne ruwe ne gusu ne na.

E esanniyop koraci tanto ne yakka ne anpe okay; Opittano okaype E=kor uytek kur kor pe ne ruwe ne kusu ne na.

この日に至るまであなたの裁きにつき従って来た人々はすべてあなたの僕です。

Kuani anak ne E koro tuitak shomo enupetne yak anak ne, Yairamhekomo wa ku isam kusu ne na.

Kuani anakne E=kor tuytak somo enupetne yakanak ne, Yairamhekomo wa ku=isam kusu ne na.

あなたの律法を楽しみとしていなければこの苦しみにわたしは滅びていたことでしょう。

Samma pakno E koro ipawetenge shomo ku oira kusu ne; Nei ambe ani aokai anak ne en shiknure nisa ruwe ne gusu ne na.

Samma pakno E=kor ipawetenke somo ku=oyra kusu ne; Ne anpe ani aokay anakne en=siknure nisa ruwe ne kusu ne na.

わたしはあなたの命令をとこしえに忘れませんそれによって命を得させてくださったのですから。

Kuani anak ne E korobe ne, en kaobiuki wa en kore; E koro ipawetenge ku hunara nisa ruwe ne gusu ne na.

Kuani anakne E=kor pe ne, en kaopiwki wa en=kore; E=kor ipawetenke ku=hunara nisa ruwe ne kusu ne na.

わたしはあなたのもの。どうかお救いください。あなたの命令をわたしは尋ね求めます。

En isamka kuni ne wen utara anak ne en ehuye nisa; Aine, kuani anak ne E koro ekambakbe ramepakari kusu ne na.

En=isamka kuni ne wen utar anakne en=ehuy nisa; Ayne, kuani anakne E=kor ekanpakpe ramepakari kusu ne na.

神に逆らう者はわたしを滅ぼそうと望んでいます。わたしはあなたの定めに英知を得ます。

Obitta no okai aeramushinne ambe okese-i ku nukan nisa; E koro ikashpaotte shi no sap ruwe ne na.

Opittano okay a=eramusinne anpe okes hi ku=nukar nisa; E=kor ikaspaotte sino sap ruwe ne na.

何事にも終りと果てがあるのをわたしは見ます。広大なのはあなたの戒めです。

Aa E koro tuitak ku omap humi! Tokap ebitta nei ambe ku ramepakari ruwe ne.

Aa E=kor tuytak ku=omap humi! Tokap epitta ne anpe ku=ramepakari ruwe ne.

わたしはあなたの律法をどれほど愛していることでしょう。わたしは絶え間なくそれに心を砕いています。

E koro ikashpaotte anak ne en epokba utara kasu no en wayashnure nisa ruwe ne, Ramma nei ambe en otta an ruwe ne na.

E=kor ikaspaotte anakne en epokpa utar kasuno en wayasnure nisa ruwe ne, Ramma ne anpe en or ta an ruwe ne na.

あなたの戒めはわたしを敵よりも知恵ある者とします。それはとこしえにわたしのものです。

Obitta no okai en epakashnu utara kasu no ku wayashnu ruwe ne; E koro ipawetenge ku ramepakari ruwe ne gusu ne na.

Opittano okay en=epakasnu utar kasuno ku=wayasnu ruwe ne; E=kor ipawetenke ku=ramepakari ruwe ne kusu ne na.

わたしはあらゆる師にまさって目覚めた者です。あなたの定めに心を砕いているからです。

Pa poro utara kasu no ku oramush ruwe ne, E koro ipawetenge ku shikkashima ilisa ruwe ne gusu ne na.

Pa poro utar kasuno ku oramus ruwe ne, E=kor ipawetenke ku=sikkasima ilisa ruwe ne kusu ne na.

長老たちにまさる英知を得させてください。わたしはあなたの命令を守ります。

E koro tuitak ku shikkashima kuni ne, Obitta no okai wen ruhu otta shomo ku chikiri ku apkashte nisa ruwe ne na.

E=kor tuytak ku=sikkasima kuni ne, Opittano okay wen ruhu or ta somo ku=cikiri ku=apkaste nisa ruwe ne na.

どのような悪の道にも足を踏み入れません。御言葉を守らせてください。

E koro aesanniyo-hi shomo ku eshishi; Aokai en epakashnu nisa ruwe ne gusu ne na.

E=kor a=esanniyo hi somo ku=esisi; Aokay en=epakasnu nisa ruwe ne kusu ne na.

あなたの裁きから離れません。あなたがわたしを教えてくださるからです。

Ku parumbe gusu E koro itak hemanda shisak humi! Ku paro otta soyai ninge kasu no ne.

Ku=parunpe kusu E=kor itak hemanta sisak humi! Ku=paro or ta soyay ninke kasuno ne.

あなたの仰せを味わえばわたしの口に蜜よりも甘いことでしょう。

E koro ipawetenge ankushkerai ku wayashnu ne: Tambe gusu obitta no okai wen-buri ku etunne ruwe ne na.

E=kor ipawetenke an kuskeray ku=wayasnu ne: Tanpe kusu opittano okay wen-puri ku=etunne ruwe ne na.

あなたの命令から英知を得たわたしはどのような偽りの道をも憎みます。

E koro itak anak ne ku chikiri gusu an ratchako ne, Ku apkash ru gusu an pekere ne ruwe ne,

E=kor itak anakne ku=cikiri kusu an ratcako ne, Ku=apkas ru kusu an peker ne ruwe ne,

あなたの御言葉は、わたしの道の光わたしの歩みを照らす灯。

E koro oupeka aesanniyo-hi ku shikkashima kusu ne sekoro, Shiyuppa no ku ekambakte wa ramuoshitchiu nisa ruwe ne.

E=kor owpeka a=esanniyo hi ku=sikkasima kusu ne sekor, Siyuppa no ku ekanpakte wa ramuositciw nisa ruwe ne.

わたしは誓ったことを果たします。あなたの正しい裁きを守ります。

Kuani poro no shirikirap wa an: Aa Ehoba, E korʼitak an korachi en shiknure wa en kore.

Kuani poro no sirkirap wa an: Aa Ehoba, E=kor itak an koraci en=siknure wa en=kore.

わたしは甚だしく卑しめられています。主よ、御言葉のとおり命を得させてください。

Aa Ehoba, nekon ka newa, ku paroho wano rengaine asange ayangep uk hemhem ki, E koro aesanniyo-hi en epakashnu hemhem ki wa en kore.

Aa Ehoba, nekon ka newa, ku=paroho wano renkayne a=sanke ayankep uk hemhem ki, E=kor a=esanniyo hi en=epakasnu hemhem ki wa en=kore.

わたしの口が進んでささげる祈りを主よ、どうか受け入れあなたの裁きを教えてください。

Ku ramat anak ne ramma kane ku teke ta an; Yakka E koro tuitak shomo ku oira ruwe ne.

Ku=ramat anakne ramma kane ku=teke ta an; Yakka E=kor tuytak somo ku=oyra ruwe ne.

わたしの魂は常にわたしの手に置かれています。それでも、あなたの律法を決して忘れません。

Wen utara anak ne kuani gusu akbe yokore; Yakka, E koro ipawetenge shomo ku ehaita ruwe ne na.

Wen utar anakne kuani kusu akpe yokore; Yakka, E=kor ipawetenke somo ku=ehayta ruwe ne na.

主に逆らう者がわたしに罠を仕掛けています。それでも、わたしはあなたの命令からそれません。

Ramma pakno eikeshkorobe gusu E koro ipawetenge ku uina; Nei ambe anak ne ku koro keutum nupetnere ruwe ne gusu ne na.

Ramma pakno eykeskorope kusu E=kor ipawetenke ku=uyna; Ne anpe anakne ku=kor kewtum nupetnere ruwe ne kusu ne na.

あなたの定めはとこしえにわたしの嗣業です。それはわたしの心の喜びです。

E koro ekambakbe shikkashima kuni ne keutum ku atte, Otusashuishiri pakno, ramma pakno poka nei no ku ki kusu ne na.

E=kor ekanpakpe sikkasima kuni ne kewtum ku=atte, Otu sasuysir pakno, ramma pakno poka néno ku=ki kusu ne na.

あなたの掟を行うことに心を傾けわたしはとこしえに従って行きます。

Tu keutum o guru ku etunne ruwe ne; Koroka, E koro tuitak ku omap ruwe ne na.

Tu kewtum o kur ku=etunne ruwe ne; Korka, E=kor tuytak ku=omap ruwe ne na.

心の分かれている者をわたしは憎みます。あなたの律法を愛します。

Aokai anak ne ku numne ushike ne, ku koro kikhumbe E ne: E korʼitak gusu ku chipachipa ruwe ne.

Aokay anakne ku numne usike ne, ku=kor kikhunpe E ne: E=kor itak kusu ku=cipacipa ruwe ne.

あなたはわたしの隠れが、わたしの盾御言葉をわたしは待ち望みます。

Ku goro Kamui ikashpaotte ku shikkashima eashkai kuni ne: Wen-buri ikichi utara, en orowa no oyake un paye yan.

Ku=kor Kamuy ikaspaotte ku=sikkasima easkay kuni ne: Wen-puri ikici utar, en=oro wano oyake un paye yan.

悪事を謀る者よ、わたしを離れよ。わたしはわたしの神の戒めを守る。

Ku shiknu kuni gusu, E korʼitak an korachi en nitata wa en kore; Orowa, ku chipachipa kuni ambe gusu iteki en yainikoroshmare wa en kore.

Ku=siknu kuni kusu, E=kor itak an koraci en=nitata wa en=kore; Orowa, ku=cipacipa kuni anpe kusu iteki en yaynikorosmare wa en=kore.

あなたの仰せによりすがらせ命を得させてください。わたしの望みを裏切らないでください。

En nitata wa en kore, yakun a en kashiobiuki kusu ne, Aige, ramma kani E koro ekambakbe ku esanniyo kusu ne na.

En=nitata wa en=kore, yakun a en=kasiopiwki kusu ne, Ayke, ramma kani E=kor ekanpakpe ku=esanniyo kusu ne na.

わたしを支えてくださいそうすればわたしは救われます。いつもあなたの掟に目を注ぎます。

E koro ekambakbe ohaita obitta no okai utara Aokai anak ne nanu isamka ruwe ne; Nei utara koro shunge anak ne raka sakbe ne ruwe ne gusu ne na.

E=kor ekanpakpe ohay ta opittano okay utar Aokay anakne nanu isamka ruwe ne; Ne utar kor sunke anakne raka sak pe ne ruwe ne kusu ne na.

あなたの掟から迷い出る者はことごとく打ち捨てられました。彼らは欺く者、偽る者です。

Aokai anak ne moshiri kata an obitta no okai wen utara kani turu korachi isamka ruwe ne: Tambe gusu E koro ekambakbe ku omap ruwe ne.

Aokay anakne mosir kata an opittano okay wen utar kani tur koraci isamka ruwe ne: Tanpe kusu E=kor ekanpakpe ku=omap ruwe ne.

この地であなたに逆らう者はことごとく金かすのように断ち滅ぼされました。それゆえわたしはあなたの定めを愛します。

E koishitoma gusu ku kam anak ne tusushke ruwe ne; Orowa, E koro aesanniyo-hi gusu ku ishitoma ruwe ne.

E koysitoma kusu ku=kam anakne tususke ruwe ne; Orowa, E=kor a=esanniyo hi kusu ku=isitoma ruwe ne.

あなたを恐れてわたしの身はすくみます。あなたの裁きを畏れ敬います。

Kuani anak ne esanniyo wa oupekap ki nisa: En keshke utara gusu iteki en ande wa en kore.

Kuani anakne esanniyo wa owpekap ki nisa: En=keske utar kusu iteki en=ante wa en=kore.

わたしは正しい裁きを行います虐げる者にわたしをまかせないでください。

E koro uitek guru pirikare gusu koro iyuturu oma guru yaikara wa en kore: Orowa, pakesara utara iteki en keshke kuni ne kara wa en kore.

E=kor uytek kur pirkare kusu kor iyuturu oma kur yaykar wa en=kore: Orowa, pakesara utar iteki en=keske kuni ne kar wa en=kore.

恵み深くあなたの僕の保証人となってください。傲慢な者がわたしを虐げませんように。

E koro kashiobiuki-hi gusu hemhem, E koro oupeka itak gusu hemhem ku shikihi nin ruwe ne.

E=kor kasiopiwki hi kusu hemhem, E=kor owpeka itak kusu hemhem ku=sikihi nin ruwe ne.

御救いを待って、わたしの目は衰えましたあなたの正しい仰せを待って。

E koro rampoken an korachi E koro uitek guru otta ki, Orowa, E koro ekambakbe en epakashnu wa en kore.

E=kor ranpoken an koraci E=kor uytek kur or ta ki, Orowa, E=kor ekanpakpe en=epakasnu wa en=kore.

慈しみ深くあなたの僕のために計らってください。あなたの掟をわたしに教えてください。

E koro uitek guru ku ne, oramush keutum en kore; Yakun, E koro ekambakbe ku eraman ruwe ne kusu ne na

E=kor uytek kur ku ne, oramus kewtum en=kore; Yakun, E=kor ekanpakpe ku=eraman ruwe ne kusu ne na

わたしはあなたの僕です。あなたが分からせてくださればあなたの定めを知ることができます。

Tane Ehoba monraige kuni paki ne; Nei utara E koro tuitak raka sakte nisa ruwe ne.

Tane Ehoba monrayke kuni paki ne; Ne utar E=kor tuytak raka sakte nisa ruwe ne.

主の働かれるときです。人々はあなたの律法を破棄しています。

Tambe gusu, kongani kasu no, ruwe newa, pirika no aturu-sakte kongani kasu no, E koro ikashpaotte ku omap ruwe ne.

Tanpe kusu, konkani kasuno, ruwe newa, pirkano a=tur-sakte konkani kasuno, E=kor ikaspaotte ku=omap ruwe ne.

それゆえ、金にまさり純金にまさってわたしはあなたの戒めを愛します。

Tambe gusu nep ne yakka epeka no an obitta no okai E koro ipawetenge oupeka ambe ne sekoro ku esanniyo; Orowa, nep okai wen-buri ne yakka ku etunne ruwe ne na.

Tanpe kusu nep ne yakka epeka no an opittano okay E=kor ipawetenke owpeka anpe ne sekor ku=esanniyo; Orowa, nep okay wen-puri ne yakka ku=etunne ruwe ne na.

それゆえ、あなたの命令のすべてに従ってわたしはまっすぐに歩き偽りの道をことごとく憎みます。

E sange ipawetenge anak ne iyokunnurep ne; Tambe gusu, ku ramat anak ne nei okaibe shikkashima ruwe ne.

E sanke ipawetenke anakne iyokunnurep ne; Tanpe kusu, ku=ramat anakne ne okaype sikkasima ruwe ne.

あなたの定めは驚くべきものです。わたしの魂はそれを守ります。

E koro itak sarare-i anak ne pekereka shiriki; Wayasap utara wayashnure ruwe ne.

E=kor itak sarare hi anakne pekereka siriki; Wayasap utar wayasnure ruwe ne.

御言葉が開かれると光が射し出で無知な者にも理解を与えます。

Ku parakayashte wa tashmak-tashmak ku ki nisa; E koro ikashpaotte ku eyaikatekara nisa ruwe ne gusu ne na.

Ku parakayaste wa tasmak-tasmak ku=ki nisa; E=kor ikaspaotte ku=eyaykatekar nisa ruwe ne kusu ne na.

わたしは口を大きく開き、渇望しています。あなたの戒めを慕い求めます。

E kon reihei ko-omap utara orun Aokai ki nisa ruwe ne korachi, En orun hosari hine pirika irenga sange wa en kore.

E=kor rehe ko-omap utar orun Aokay ki nisa ruwe ne koraci, En=orun hosari hine pirka irenka sanke wa en=kore.

御顔をわたしに向け、憐れんでください御名を愛する者への裁きに従って。

Ku goro chikiri E korʼitak orun omande wa en kore; Orowa nep irarape ne yakka iteki en esapanere kuni ne kara wa en kore.

Ku=kor cikiri E=kor itak orun omante wa en=kore; Orowa nep irara p ne yakka iteki en esapanere kuni ne kar wa en=kore.

仰せのとおりわたしの足どりを確かなものにしてください。どのような悪もわたしを支配しませんように。

Ainu keshke-i orowa no en kikiraye wa en kore: Yakun, E koro ipawetenge ku shikkashima kusu ne na.

Aynu keske hi oro wano en kikiraye wa en=kore: Yakun, E=kor ipawetenke ku=sikkasima kusu ne na.

虐げる者からわたしを解き放ってください。わたしはあなたの命令を守ります。

E koro uitek guru otta E nanuhu here atte wa en kore; Orowa, E koro ekambakbe en epakashnu wa en kore.

E=kor uytek kur or ta E nanuhu her atte wa en=kore; Orowa, E=kor ekanpakpe en=epakasnu wa en=kore.

御顔の光をあなたの僕の上に輝かせてください。あなたの掟を教えてください。

Nei utara E koro tuitak shikkashima shomoki ruwe ne gusu, Ku shikihi pet korachi nupe yaikorange ruwe ne.

Ne utar E=kor tuytak sikkasima somo ki ruwe ne kusu, Ku=sikihi pet koraci nupe yaykoranke ruwe ne.

わたしの目は川のように涙を流しています。人々があなたの律法を守らないからです。

Aa Ehoba, Aokai anak ne oupeka ne, Esanniyo E ki chiki oupeka no E ki ruwe ne.

Aa Ehoba, Aokay anakne owpeka ne, Esanniyo E ki ciki owpekano E ki ruwe ne.

主よ、あなたは正しくあなたの裁きはまっすぐです。

Aokai shi no sonep ki wa Oupeka no E koro ekambakbe kashpaotte nisa ruwe ne.

Aokay sino sonep ki wa Owpekano E=kor ekanpakpe kaspaotte nisa ruwe ne.

あなたは定めを与えられました。それはまことに正しく確かな定めです。

En keshke utara E koro itak oira nisa ruwe ne gusu, Seisek mau keutum ku koro wa ku yai-isamka ki ruwe ne.

En=keske utar E=kor itak oyra nisa ruwe ne kusu, Sesek maw kewtum ku=kor wa ku=yay-isamka ki ruwe ne.

わたしの熱情はわたしを滅ぼすほどです敵があなたの御言葉を忘れ去ったからです。

E koro itak anak ne shi no aturu-sakbe ne, Tambe gusu E koro uitek guru nei ambe omap ruwe ne.

E=kor itak anakne sino a=tur-sak pe ne, Tanpe kusu E=kor uytek kur ne anpe omap ruwe ne.

あなたの仰せは火で練り清められたもの。あなたの僕はそれを愛します。

Kuani anak ne ponbe ne wa aeankeshbe ne: Yakka, E koro ipawetenge shomo ku oira ruwe ne.

Kuani anakne ponpe ne wa aeankespe ne: Yakka, E=kor ipawetenke somo ku=oyra ruwe ne.

わたしは若く、侮られていますがあなたの命令を決して忘れません。

E koro oupeka-i anak ne otusashuishiri pakno an oupeka ambe ne, Orowa, E koro tuitak anak ne sonep ne ruwe ne.

E=kor owpeka hi anakne otu sasuysir pakno an owpeka anpe ne, Orowa, E=kor tuytak anakne sonep ne ruwe ne.

恵みの御業はとこしえに正しくあなたの律法はまことです。

Ku yairamhekomo wa yairamshitnere ruwe ne: Yakka, E koro ikashpaotte ku enupetne ruwe ne na.

Ku yayramhekomo wa yayramsitnere ruwe ne: Yakka, E=kor ikaspaotte ku=enupetne ruwe ne na.

苦難と苦悩がわたしにふりかかっていますがあなたの戒めはわたしの楽しみです。

E sange ipawetenge otusashuishiri pakno oupekap ne: En wayashnure wa en kore, yakun ku shiknu kusu ne na.

E sanke ipawetenke otu sasuysir pakno owpekap ne: En wayasnure wa en=kore, yakun ku=siknu kusu ne na.

あなたの定めはとこしえに正しいのですからわたしに理解させ、命を得させてください。

Ramu-osshi wano E konishuk, awa, Aa Ehoba, ene orun ese wa en kore. Kuani E koro ekambakbe ku shikkashima kusu ne na.

Ramu-ossi wano E konisuk, awa, Aa Ehoba, ene orun ese wa en=kore. Kuani E=kor ekanpakpe ku=sikkasima kusu ne na.

心を尽くして呼び求めます。主よ、わたしに答えてください。わたしはあなたの掟を守ります。

E orun ku konishuk, awa, en kaobiuki wa en kore, Yakun, E koro ekambakbe ku koitaknu kusu ne.

E orun ku konisuk, awa, en kaopiwki wa en=kore, Yakun, E=kor ekanpakpe ku koytaknu kusu ne.

あなたを呼びます、お救いください。わたしはあなたの定めを守ります。