129 Ik.

Payekai shinotcha.

Payekay sinotca.

【都に上る歌。】

SHUKUP tuikata nei utara anak ne kanna-kanna en yairamhekomore nisa, Tane Israeru un utara ye yan;

Sukup tuyka ta ne utar anakne kanna-kanna en yayramhekomore nisa, Tane Israeru un utar ye yan;

イスラエルは言うがよい。「わたしが若いときから彼らはわたしを苦しめ続けたが

Shukup tuikata nei utara anak ne kanna-kanna en yairamhekomore nisa: Yakka shomo en annokara na.

Sukup tuyka ta ne utar anakne kanna-kanna en yayramhekomore nisa: Yakka somo en=annokar na.

わたしが若いときから彼らはわたしを苦しめ続けたが彼らはわたしを圧倒できなかった。

Toipushup koro utara anak ne ku seturu kata ki wa, Tanne ru kan nisa ruwe ne.

toypusup kor utar anakne ku=seturu kata ki wa, Tanne ru kan nisa ruwe ne.

耕す者はわたしの背を耕し畝を長く作った。」

Ehoba anak ne oupeka ne: Wen utara koro tush otuye nisa ruwe ne.

Ehoba anakne owpeka ne: Wen utar kor tus otuye nisa ruwe ne.

主は正しい。主に逆らう者の束縛を断ち切ってくださる。

Zion etunne obitta no okai utara anak ne, Ayainikoroshmare wa ahosarire yan.

Zion etunne opittano okay utar anakne, Ayainikoroshmare wa ahosarire yan.

シオンを憎む者よ、皆恥を受けて退け。

Naa shomo shukup etokota shumumge Chisei kitaigeta okai mun korachi ne kara:

Naa somo sukup etoko ta sumumke Cise kitayke ta okay mun koraci ne kar:

抜かれる前に枯れる屋根の草のようになれ。

Nei ambe ani nange guru anak ne koro teke shikte shomoki, Orowa, tantaku kara guru nei ambe ani koro upshoro shomo shikte ruwe ne.

Ne anpe ani nanke kur anakne kor teke sikte somo ki, Orowa, tantaku kar kur ne anpe ani kor upsoro somo sikte ruwe ne.

刈り入れても手を満たすことはないように。穂を束ねてもふところを満たすことはないように。

Shui, Ehoba shinnunuke bi e kashiketa an na; Ehoba reihei ankushkerai chi utara echi nunuke ash na, Ari an itak ani shirikush wa paye utara shomo ye ruwe ne.

Suy, Ehoba sinnunuke pi e kasike ta an na; Ehoba rehe an kuskeray ci utar eci=nunuke as na, Ari an itak ani sirikus wa paye utar somo ye ruwe ne.

傍らを通る者が「主はあなたがたを祝福される。わたしたちも主の御名によってあなたがたを祝福する」と言わないように。