73 Ik.

Asap karabe.

Asap kar pe.

【賛歌。アサフの詩。】

SON no newa Kamui anak ne Israeru un utara koipirikare, Sambe turu-sak utara koepirikare ruwe ne na.

Sonno newa Kamuy anakne Israeru un utar koypirikare, Sanpe tur-sak utar koepirikare ruwe ne na.

神はイスラエルに対して心の清い人に対して、恵み深い。

Koroka, kuani gusu anak ne, ku chikiri naanihungo isam a: Naanihungo ku kemaha oshittesu nisa ruwe ne.

Korka, kuani kusu anakne, ku=cikiri naanihunko isam a: Naanihungo ku=kemaha osittesu nisa ruwe ne.

それなのにわたしは、あやうく足を滑らせ一歩一歩を踏み誤りそうになっていた。

Wen utara yaiepirikare ambe ku nukara ita, Ramat-sak utara gusu eyaitunnap ku ki nisa ruwe ne gusu ne na.

Wen utar yayepirikare anpe ku=nukar hi ta, Ramat-sak utar kusu eyaytunnap ku=ki nisa ruwe ne kusu ne na.

神に逆らう者の安泰を見てわたしは驕る者をうらやんだ。

Nei utara rai ita anak ne shomo nuwap: Koroka, koro kiroro tumashnu wa an ruwe ne gusu ne na.

Ne utar ray hi ta anakne somo nuwap: Korka, kor kiroro tumasnu wa an ruwe ne kusu ne na.

死ぬまで彼らは苦しみを知らずからだも肥えている。

Moshima okai utara korachi oknatara shomoki; Shui, moshima okai utara nei no shomo ramu-sarak ruwe ne.

Mosma okay utar koraci oknatara somo ki; Suy, mosma okay utar néno somo ramu-sarak ruwe ne.

だれにもある労苦すら彼らにはない。だれもがかかる病も彼らには触れない。

Tambe gusu, pakesara ambe anak ne uweorokkani korachi koro rekuchi ta an; Amip ami korachi niwen-buri anak ne nei utara kamure ruwe ne.

Tanpe kusu, pakesara anpe anakne uweorokkani koraci kor rekuci ta an; Amip ami koraci niwen-puri anakne ne utar kamure ruwe ne.

傲慢は首飾りとなり不法は衣となって彼らを包む。

Mimush wa koro shikihi tanashi: Keutum yainu-hi anak ne ika ruwe ne.

Mimus wa kor sikihi tanas: Kewtum yaynu hi anakne ika ruwe ne.

目は脂肪の中から見まわし心には悪だくみが溢れる。

Nei utara esapse ki, orowa, wen itak sange ruwe ne: Ri no ramu-nishte an itak ani ye ruwe ne.

Ne utar esapse ki, orowa, wen itak sanke ruwe ne: Ri no ramu-niste an itak ani ye ruwe ne.

彼らは侮り、災いをもたらそうと定め高く構え、暴力を振るおうと定める。

Koro paroho kando otta aande, Orowa, koro parumbe anak ne moshiri kush wa apkash ruwe ne.

Kor paroho kanto or ta a=ante, Orowa, kor parunpe anakne mosir kus wa apkas ruwe ne.

口を天に置き舌は地を行く。

Tambe gusu, shinuma koro utara eteun hoshippa: Orowa, wakka momnatara an ap nei utara orowa no aohetu ruwe ne.

Tanpe kusu, sinuma kor utar eteun hosippa: Orowa, wakka momnatara an ap ne utar oro wano a=ohetu ruwe ne.

（民がここに戻っても水を見つけることはできないであろう。）

Orowa, Hemanda Kamui eraman ya? Iyotta Rikunbe otta oramatu ambe isam ruwe be an? ani itak.

Orowa, Hemanta Kamuy eraman ya? Iyotta Rikunbe or ta oramatu anpe isam ruwe pe an? ani itak.

そして彼らは言う。「神が何を知っていようか。いと高き神にどのような知識があろうか。」

Ingarʼan, tap an utara anak ne wen utara ne; Orowa, ramma maukopirika wa yaioteknure ruwe ne.

Inkar=an, tapan utar anakne wen utar ne; Orowa, ramma mawkopirka wa yayoteknure ruwe ne.

見よ、これが神に逆らう者。とこしえに安穏で、財をなしていく。

Son no newa, raka isam no ku sambe ku ashkannere hene ki; Turu-sakbe ani ku tekehe ku furaye hene ki nisa nangora;

Sonno newa, raka isam no ku=sanpe ku askannere hene ki; Tur-sak pe ani ku=tekehe ku=huraye hene ki nisa nankora;

わたしは心を清く保ち手を洗って潔白を示したが、むなしかった。

Inambe gusu ne yakun, ramme-to a en ramu-sarakka an, Kes-kunneiwano a en panakte wa an ruwe ne gusu ne na.

Inanpe kusu ne yakun, ramme-to a en=ramu-sarakka an, Kes-kunneywano a en=panakte wa an ruwe ne kusu ne na.

日ごと、わたしは病に打たれ朝ごとに懲らしめを受ける。

Tap korachi an itak ani en itaktero, sekoro ku itak chiki, Ingarʼan, e koro poho ikiri epeka no kokandama ambe ku ki nangon na.

Tap koraci an itak ani en itaktero, sekor ku=itak ciki, Inkar=an, e=kor poho ikiri epeka no kokantama anpe ku=ki nankor na.

「彼らのように語ろう」と望んだなら見よ、あなたの子らの代を裏切ることになっていたであろう。

Tap okaibe ku eraman kuni ne ku ramepakari ita anak ne, Ku shik-samata kokamba ikip ne nisa ruwe ne;

Tap okaype ku=eraman kuni ne ku=ramepakari hi ta anakne, Ku=sik-sama ta kokanpa iki p ne nisa ruwe ne;

わたしの目に労苦と映ることの意味を知りたいと思い計り

Kamui Ashkanne ushike orun ku ahun wa Nei utara okese ku esanniyo pakno ene ani ne ruwe ne.

Kamuy Askanne usike orun ku=ahun wa Ne utar okes ku=esanniyo pakno ene ani ne ruwe ne.

ついに、わたしは神の聖所を訪れ彼らの行く末を見分けた

Son no newa, Aokai anak ne chiinrarakka ushiketa nei utara roshkire: Aisamka kuni ne Aokai anak ne hachire ruwe ne.

Sonno newa, Aokay anakne ciinrarakka uske ta ne utar roskire: A=ysamka kuni ne Aokay anakne hacire ruwe ne.

あなたが滑りやすい道を彼らに対して備え彼らを迷いに落とされるのを

Hemanda nei utara anak ne kuripanpange no awende humi! Ishitoma wa nei utara ara aisamka ruwe ne.

Hemanta ne utar anakne kuripanpanke no awente humi! Isitoma wa ne utar ar a=ysamka ruwe ne.

彼らを一瞬のうちに荒廃に落とし災難によって滅ぼし尽くされるのを

Mosh orowa no ainu wendarap nei no, Aa Utarapa, Aokai anak ne yai-hopunire ita nei utara koro nokaha etunne kusu ne na.

Mos oro wano aynu wentarap néno, Aa Utarpa, Aokay anakne yay-hopunire hi ta ne utar kor nokaha etunne kusu ne na.

わが主よ、あなたが目覚め眠りから覚めた人が夢を侮るように彼らの偶像を侮られるのを。

Ku keutum anak ne shiunin, Ku sambe etara nisa ruwe ne gusu ne na:

Ku=kewtum anakne siwnin, Ku=sanpe etara nisa ruwe ne kusu ne na:

わたしは心が騒ぎはらわたの裂ける思いがする。

Nei oro pakno ku ehaita wa ramu-sak; E kotchaketa chikoikip korachi ku ne nisa ruwe ne.

Ne oro pakno ku=ehayta wa ramu-sak; E kotcake ta cikoykip koraci ku ne nisa ruwe ne.

わたしは愚かで知識がなくあなたに対して獣のようにふるまっていた。

Yakka, kuani anak ramma E tura ku an, Aokai anak ne ku shimon tekehe kishima nisa ruwe ne.

Yakka, kuani anak ramma E tura ku=an, Aokay anakne ku=simon tekehe kisma nisa ruwe ne.

あなたがわたしの右の手を取ってくださるので常にわたしは御もとにとどまることができる。

Aokai anak ne E koro ukoramkoro-hi ani en epakashnu kusu ne, Orowa, okaketa nupeki an ushike orun en ahunge kusu ne na.

Aokay anakne E=kor ukoramkor hi ani en=epakasnu kusu ne, Orowa, okake ta nupeki an usike orun en=ahunke kusu ne na.

あなたは御計らいに従ってわたしを導き後には栄光のうちにわたしを取られるであろう。

Aokai moshima Kamui moshiri ta hunna ku koro ya? Orowa, Aokai moshima moshiri kata ku kon rusuibe isam ruwe ne.

Aokay mosma Kamuy mosir ta hunna ku=kor ya? Orowa, Aokay mosma mosir kata ku=kor rusuy pe isam ruwe ne.

地上であなたを愛していなければ天で誰がわたしを助けてくれようか。

Ku kam newa ku sambe anak ne nin ruwe ne: Yakka, Kamui anak ne ramma pakno ku korobe ne, ku keutum watara ne ruwe ne.

Ku=kam newa ku=sanpe anakne nin ruwe ne: Yakka, Kamuy anakne ramma pakno ku=kor pe ne, ku=kewtum watara ne ruwe ne.

わたしの肉もわたしの心も朽ちるであろうが神はとこしえにわたしの心の岩わたしに与えられた分。

Ingarʼan Aokai orowa no ehangeko no okai utara anak ne isam kusu ne: Aokai ekohopi wa hoiyo ki obitta no okai utara anak ne aisamka nisa ruwe ne.

Inkar=an Aokay oro wano e=hankeko no okay utar anakne isam kusu ne: Aokay ekohopi wa hoiyo ki opittano okay utar anakne a=ysamka nisa ruwe ne.

見よ、あなたから遠ざかる者は滅びる。御もとから迷い去る者をあなたは絶たれる。

Koroka, Kamui orun karange no ku arapa-hi anak ne en gusu pirikap ne ruwe ne: Utarapa ne Ehoba ani ku numne ushi ku kan nisa, Nei ambe anak ne obitta no okai E ki ikip utara otta nure kusu ne gusu an ambe ne ruwe ne na.

Korka, Kamuy orun karankeno ku=arpa hi anakne en kusu pirka p ne ruwe ne: Utarpa ne Ehoba ani ku numne usi ku=kan nisa, Ne anpe anakne opittano okay E ki iki p utar or ta nure kusu ne kusu an anpe ne ruwe ne na.

わたしは、神に近くあることを幸いとし主なる神に避けどころを置く。わたしは御業をことごとく語り伝えよう。