1
Dabid karape.
Dabid kar pe.
【ダビデの詩。】
Dabid karape.
Dabid kar pe.
【ダビデの詩。】
AA Ehoba, en paekoiki utara itasa paekoiki wa en kore: En koiki utara itasa koiki wa en kore.
Aa Ehoba, en paekoyki utar itasa paekoyki wa en=kore: En=koyki utar itasa koyki wa en=kore.
主よ、わたしと争う者と争いわたしと戦う者と戦ってください。
Tamkikhumbe newa kikikarape kishima hine, Rosliki wa en kashiobiuki wa en kore.
tamkikhunpe newa kikikarape kisma hine, Rosliki wa en=kasiopiwki wa en=kore.
大盾と盾を取り立ち上がってわたしを助けてください。
Ibe-op ne yakka atte wa en keseamba utara etokotuye wa en kore: Kuani anak ne Aokai gusu an kashiobiukip ne sekoro ku ramat otta ye wa en kore.
Ipe-op ne yakka atte wa en=keseanpa utar etoko tuye wa en=kore: Kuani anakne Aokay kusu an kasiopiwkip ne sekor ku=ramat or ta ye wa en=kore.
わたしに追い迫る者の前に槍を構えて立ちふさがってください。どうか、わたしの魂に言ってください「お前を救おう」と。
Ku ramat noshpa utara ayainikoroshmare hemhem ki akoatcha hemhem aki kuni ne kara wa en kore: En wende kuni esanniyo wa oshke utara ahoshippare hine sambe-kokurusere wa en kore.
Ku=ramat nospa utar ayaynikorosmare hemhem ki a=koatca hemhem aki kuni ne kar wa en=kore: En=wente kuni esanniyo wa oske utar a=hosippare hine sanpe-kokurusere wa en=kore.
わたしの命を奪おうとする者は恥に落とされ、嘲りを受けますように。わたしに災いを謀る者は辱めを受けて退きますように。
Rera etoko an muruhu nepkoro, Ehoba koro uitekbe nei ambe okeuba korachi ne kara wa en kore.
Rera etoko an muruhu nepkor, Ehoba kor uytekpe ne anpe okewpa koraci ne kar wa en=kore.
風に飛ぶもみ殻となった彼らが主の使いに追い払われますように。
Koro apkash ru akunnere wa chiinrarakkare wa en kore, Ehoba koro uitekbe keseambare wa en kore,
Kor apkas ru a=kunnere wa ciinrarakkare wa en=kore, Ehoba kor uytekpe keseanpare wa en=kore,
道を暗闇に閉ざされ、足を滑らせる彼らに主の使いが追い迫りますように。
Inambe gusu ne yakun, nei utara anak ne ikkewe sak no shui orota en gusu ya nuina nisa, Ikkewe isam no ku ramat gusu shui ohori nisa ruwe ne na.
Inanpe kusu ne yakun, ne utar anakne ikkewe sak no suy oro ta en kusu ya nuyna nisa, Ikkewe isam no ku=ramat kusu suy ohor nisa ruwe ne na.
彼らは無実なわたしを滅ぼそうと網を張りわたしの魂を滅ぼそうと落とし穴を掘りました。
Shomo ek kushki kuni aramu ita awende-i shinuma gusu arakire wa en kore; Nuina no aare ya yaikota uk kuni gusu kara wa en kore: Awende kuni ne nei orun hachire wa en kore.
Somo ek kuski kuni a=ramu hi ta awente hi sinuma kusu arkire wa en=kore; Nuyna no a=re ya yaykota uk kuni kusu kar wa en=kore: Awente kuni ne ne orun hacire wa en=kore.
どうか、思わぬ時に破滅が臨み彼らが自ら張った網に掛かり破滅に落ちますように。
Orowa, ku ramat anak ne Ehoba gusu ramu-ritetke kusu ne: Shinuma iki kashiobiuki-hi enupetne kusu ne na.
Orowa, ku=ramat anakne Ehoba kusu ramu-ritetke kusu ne: Sinuma iki kasiopiwki hi enupetne kusu ne na.
わたしの魂は主によって喜び躍り御救いを喜び楽しみます。
Obitta no okai ku ponehe anak ne ene ye kusu ne, Ehoba, E koheraye gurʼanak nen ne ruwe? Shinuma gusu tumashnu kashpa guru orowa no Aokai anak ne otek-sak guru ohaitare, Ruwe un, iwende guru gusu otek-sak guru newa irapokkari guru kashiobiuki ruwe ne.
Opittano okay ku=ponehe anakne ene ye kusu ne, Ehoba, E koheraye kur anak nen ne ruwe? Sinuma kusu tumasnu kaspa kur oro wano Aokay anakne otek-sak kur ohaytare, Ruwe un, iwente kur kusu otek-sak kur newa irapokkari kur kasiopiwki ruwe ne.
わたしの骨はことごとく叫びます。「主よ、あなたに並ぶものはありません。貧しい人を強い者から貧しく乏しい人を搾取する者から助け出してくださいます。」
Oheuge paweteshu ki utara hopumba; Ku erampeutek okaibe en orun nu ruwe ne.
Ohewke pawetesu ki utar hopunpa; Ku=eranpewtek okaype en=orun nu ruwe ne.
不法の証人が数多く立ち、わたしを追及しますがわたしの知らないことばかりです。
Pirikap gusu wenbe itasare wa ikore; Ku ramat auk ruwe ne.
Pirka p kusu wenpe itasare wa ikore; Ku=ramat auk ruwe ne.
彼らはわたしの善意に悪意をもってこたえます。わたしの魂を滅ぼそうとして、子供を奪いました。
Koroka, kuani anak nei utara tashum ki ita aeshiyuk amip ku yaimire nisa. Shomo ramnu ki wa ku kon ramat ku shirikirapte nisa; Orowa, ku ki inonno-itak anak ku upshorota ahoshipire kusu ne na.
Korka, kuani anakne utar tasum ki hi ta a=esiyuk amip ku yaymire nisa. Somo ramnu ki wa ku=kor ramat ku=sirkirapte nisa; Orowa, ku=ki inonno-itak anak ku=upsor ta a=hosipire kusu ne na.
彼らが病にかかっていたときわたしは粗布をまとって断食し、魂を苦しめ胸の内に祈りを繰り返し
Ku katairotki guru ku goro iriwak nepkoro an no yaikota ku iki nisa: Koro habo gusu rai-chish kara guru nepkoro an no ku hepokiki wa yaituwashkarap ku ki nisa ruwe ne.
Ku katayrotki kur ku=kor irwak nepkor an no yaykota ku=iki nisa: Kor hapo kusu ray-ciskar kur nepkor an no ku=hepokiki wa yaytuwaskarap ku=ki nisa ruwe ne.
彼らの友、彼らの兄弟となり母の死を悼む子のように嘆きの衣をまというなだれて行き来したのに
Koroka, ku hera apkash ita nei utara uwekarapa hine yaikopuntek nisa ruwe ne; Nei aemakba kuni utara anak ne ku eramushkare ita uwekarapa wa en shirikik; En yaspa Hine okere shomoki.
Korka, ku=her apkas hi ta ne utar uekarpa hine yaykopuntek nisa ruwe ne; Ne a=emakpa kuni utar anakne ku=eramuskare hi ta uekarpa wa en=sirkik; En=yaspa Hine okere somo ki.
わたしが倒れれば彼らは喜び、押し寄せます。わたしに向かって押し寄せわたしの知らないことについてわたしを打ちとめどもなく引き裂きます。
Marapto ta okai akoatcha esapse utara korachi, Nimaki ari en orun nirewe nisa ruwe ne.
Marapto ta okay a=koatca esapse utar koraci, Nimaki ari en=orun nirewe nisa ruwe ne.
神を無視する者がわたしを囲んで嘲笑いわたしに向かって歯をむき出します。
Aa Utarapa, hembara pakno Aokai anak ne ingara? Iwende ambe gusu ku kon ramat kashiobiuki, Shishi orowa no shinep ne ku korobe ohaitare wa en kore.
Aa Utarpa, henpara pakno Aokay anakne inkar? Iwente anpe kusu ku=kor ramat kasiopiwki, Sisi oro wano sinep ne ku=kor pe ohaytare wa en=kore.
主よ、いつまで見ておられるのですか。彼らの謀る破滅からわたしの魂を取り返してください。多くの若い獅子からわたしの身を救ってください。
Poro uwekari ta E koyaiiraige ash kusu ne: Pase uirup tumugeta ku iramye ash na.
Poro uekari ta E koyayirayke as kusu ne: Pase uyrup tumke ta ku=iramye as na.
優れた会衆の中であなたに感謝をささげ偉大な民の中であなたを賛美できますように。
En epokba utara iteki shunge wa en gusu yainuchattek kuni ne kara wa en kore: Shui, ikkewe sakno en etunne utara iteki en orun shikrewerewe kuni ne kara wa en kore.
En epokpa utar iteki sunke wa en kusu yaynucattek kuni ne kar wa en=kore: Suy, ikkewe sakno en=etunne utar iteki en=orun sikrewerewe kuni ne kar wa en=kore.
敵が不当に喜ぶことがありませんように。無実なわたしを憎む者が侮りの目で見ることがありませんように。
Inambe gusu ne yakun, nei utara anak ne itomo itak shomo ye ruwe ne. Koroka, moshiri ta okai ratchitara utara gusu shunge itak esanniyo.
Inanpe kusu ne yakun, ne utar anakne i=tom itak somo ye ruwe ne. Korka, mosir ta okay ratcitara utar kusu sunke itak esanniyo.
彼らは平和を語ることなくこの地の穏やかな人々を欺こうとしています。
Ruwe un, en gusu parakayashtek hine, Aha, Aha, chikoro shikihi nei ambe nukan nisa ruwe ne na, sekoro itak.
Ruwe un, en kusu parkayastek hine, Aha, Aha, ci=kor sikihi ne anpe nukar nisa ruwe ne na, sekor itak.
わたしに向かえば、大口を開けて嘲笑い「この目で見た」と言います。
Aa Ehoba, Aokai anak ne nei ambe nukan nisa: iteki mo no an wa en kore: Aa Ehoba, iteki en orowa no ehangeko no an wa en kore.
Aa Ehoba, Aokay anakne ne anpe nukar nisa: iteki mo no an wa en=kore: Aa Ehoba, iteki en=oro wano e=hankeko no an wa en=kore.
主よ、あなたは御覧になっています。沈黙なさらないでください。わたしの主よ、遠く離れないでください。
Yaitunashka wa en esanniyo gusu hopuni, Ku goro Kamui, ku goro Utarapa, en gusu an orushpe gusu ki wa en kore.
Yaytunaska wa en=esanniyo kusu hopuni, Ku=kor Kamuy, ku=kor Utarpa, en kusu an oruspe kusu ki wa en=kore.
わたしの神、わたしの主よ、目を覚まし起き上がり、わたしのために裁きに臨みわたしに代わって争ってください。
Aa Ku goro Kamui ne Ehoba, E koro oupeka ambe hei no en koipishi wa en kore; Nei utara iteki en gusu nupetne kuni ne kara wa en kore:
Aa Ku=kor Kamuy ne Ehoba, E=kor owpeka anpe he no en koypisi wa en=kore; Ne utar iteki en kusu nupetne kuni ne kar wa en=kore:
主よ、わたしの神よあなたの正しさによって裁いてください。敵が喜んで
Aha, nei no akon rusui ne, iteki keutum ta ye kuni kara wa en kore: Chi utara anak ne shinuma ruki okere, sekoro iteki ye kuni kara wa en kore.
Aha, néno a=kor rusuy ne, iteki kewtum ta ye kuni kar wa en=kore: Ci utar anakne sinuma ruki okere, sekor iteki ye kuni kar wa en=kore.
「うまく行った」と心の中で言いませんように。「ひと呑みにした」と言いませんように。
A en iwende wa an gusu nuchattek utara ayainikoroshmare wa sambe-kokurusere wa en kore. En gusu yai riknare utara anak ne aeyainikorosh-marep ani hene shomo-aoripak ambe ani hene amire kuni kara wa en kore.
A en=iwente wa an kusu nucattek utar ayaynikorosmare wa sanpe-kokurusere wa en=kore. En kusu yay riknare utar anakne aeyaynikoros-marep ani hene somo-a=oripak anpe ani hene a=mire kuni kar wa en=kore.
苦難の中にいるわたしを嘲笑う者が共に恥と嘲りを受けわたしに対して尊大にふるまう者が恥と辱めを衣としますように。
E koro oupeka-i enupetne utara haukore kunitara bine yainuchattekte wa en kore: Ruwe un, koro uitek guru aepirikare gusu nupetne Ehoba anak ne apasere wa an na, Ari an itak ani,ramma aye kuni ne kara wa en kore.
E=kor owpeka hi enupetne utar hawkore kunitara pine yaynucattekte wa en=kore: Ruwe un, kor uytek kur aepirikare kusu nupetne Ehoba anakne a=pasere wa an na, Ari an itak ani,ramma a=ye kuni ne kar wa en=kore.
わたしが正しいとされることを望む人々が喜び歌い、喜び祝い絶えることなく唱えますように「主をあがめよ御自分の僕の平和を望む方を」と。
Orowa, ku parumbe anak ne tokap ebitta E koro oupeka-i newa E koro ramu-ayep gusu ye kusu ne na.
Orowa, ku=parunpe anakne tokap epitta E=kor owpeka hi newa E=kor ramu-a=ye p kusu ye kusu ne na.
わたしの舌があなたの正しさを歌い絶えることなくあなたを賛美しますように。