AA Kamui, en koipishi, shomo Kamui ko-oripak moshiri uirup gusu en eikotchane ki wa en kore: Shungep ki wa oheuge buri koro guru orowa no en ohaitare wa en kore.
Aa Kamuy, en koypisi, somo Kamuy ko-oripak mosir uyrup kusu en eykotcane ki wa en=kore: Sunkep ki wa ohewke puri kor kur oro wano en ohaytare wa en=kore.
神よ、あなたの裁きを望みます。わたしに代わって争ってください。あなたの慈しみを知らぬ民、欺く者よこしまな者から救ってください。
Ku goro okirashnu Kamui E ne; nep gusu Aokai en amaka ruwe he an? Nep gusu en epokba guru en keshke rapoketa ku yaituwashkarap shiriki ruwe?
Ku=kor okirasnu Kamuy E ne; nep kusu Aokay en=a=mak ruwe he an? Nep kusu en epokpa kur en=keske rapoketa ku yaytuwaskarap siriki ruwe?
あなたはわたしの神、わたしの砦。なぜ、わたしを見放されたのか。なぜ、わたしは敵に虐げられ嘆きつつ行き来するのか。
E kora pekere newa E koro sonep sange; aige, nei ambe en turare wa en kore: Nei ambe anak ne E koro ashkanne huru orota, E koro kash orota, en turare wa en kore.
E=kor peker newa E=kor sonep sanke; ayke, ne anpe en=turare wa en=kore: Ne anpe anakne E=kor askanne hur oro ta, E=kor kas oro ta, en=turare wa en=kore.
あなたの光とまことを遣わしてください。彼らはわたしを導き聖なる山、あなたのいますところにわたしを伴ってくれるでしょう。
Yakun, Kamui koro yange-set orota, Ku enupetne gusu yainuchattekbe orota ku arapa kusu ne: Orowa, Aa Kamui, ku goro Kamui, koto ku rekte wa ku iramye ash kusu ne na.
Yakun, Kamuy kor yanke-set oro ta, Ku=enupetne kusu yaynucattekpe oro ta ku=arpa kusu ne: Orowa, Aa Kamuy, ku=kor Kamuy, koto ku=rekte wa ku=iramye as kusu ne na.
神の祭壇にわたしは近づきわたしの神を喜び祝い琴を奏でて感謝の歌をうたいます。神よ、わたしの神よ。
Aa ku kon ramat, nep gusu e oknatara ya? Nep gusu en onnaigeta ramu-kittararage ruwe he an? Kamui gusu chipachipa yan: Shinuma ku koyaiiraige ki kusu ne gusu ne na; Shinuma anak ne ku iporo pirikare ku goro Kamui ne ruwe ne.
Aa ku=kor ramat, nep kusu e oknatara ya? Nep kusu en=onnayke ta ramu-kittararke ruwe he an? Kamuy kusu cipacipa yan: Sinuma ku=koyayirayke ki kusu ne kusu ne na; Sinuma anakne ku=iporo pirkare ku=kor Kamuy ne ruwe ne.
なぜうなだれるのか、わたしの魂よなぜ呻くのか。神を待ち望め。わたしはなお、告白しよう「御顔こそ、わたしの救い」と。わたしの神よ。