97 Ik.

EHOBA epungine korʼan; toitoi nupetne yan; Inne no okai repun shiri yainuchattek yan.

EHOBA epunkine kor an; toytoy nupetne yan; Inne no okay repun siri yaynucattek yan.

主こそ王。全地よ、喜び躍れ。多くの島々よ、喜び祝え。

Nishkuru newa kunne-i Shinuma okari an: Oupeka ambe newa aesanniyo ambe anak ne Shinuma koro amset asamaha ne ruwe ne.

Niskur newa kunne hi Sinuma okari an: Owpeka anpe newa a=esanniyo anpe anakne Sinuma kor amset asamaha ne ruwe ne.

密雲と濃霧が主の周りに立ちこめ正しい裁きが王座の基をなす。

Shinuma kotchaketa abe paye wa Shikapneka no okai Shinuma epokba utara uhuyeka ruwe ne.

Sinuma kotcake ta ape paye wa Sikapneka no okay Sinuma epokpa utar uhuyeka ruwe ne.

火は御前を進み周りの敵を焼き滅ぼす。

Shinuma koro imeru moshiri pekereka: Toitoi nukara wa tusushke nisa ruwe ne.

Sinuma kor imeru mosir pekereka: Toytoy nukar wa tususke nisa ruwe ne.

稲妻は世界を照らし出し地はそれを見て、身もだえし

Ehoba an gusu huru anak ne ro korachi ru, Utarapa an gusu moshirʼebitta ru nisa ruwe ne na.

Ehoba an kusu hur anakne ro koraci ru, Utarpa an kusu mosir epitta ru nisa ruwe ne na.

山々は蝋のように溶ける主の御前に、全地の主の御前に。

Kando anak ne Shinuma koro oupeka ambe assuru ashte, Utara obitta Shinuma koro arakuru nukan nisa ruwe ne.

Kanto anakne Sinuma kor owpeka anpe assuru aste, Utar opitta Sinuma kor a=rakur nukar nisa ruwe ne.

天は主の正しさを告げ知らせすべての民はその栄光を仰ぎ見る。

Notakup ari akara nokaha otta yaishieiwangere utara newa, Potoki gusu yaiomonnure utara kane ayainikorosh-mare na: Obitta no okai Kamui, Shinuma ko ongami yan.

notakup ari a=kar nokaha or ta yaysieywankere utar newa, Potoki kusu yayomonnure utar kane ayaynikoros-mare na: Opittano okay Kamuy, Sinuma ko onkami yan.

すべて、偶像に仕える者むなしい神々を誇りとする者は恥を受ける。神々はすべて、主に向かってひれ伏す。

Zion nu wa yainuchattek nisa, Orowa Yuda matnepo utara nupetne nisa ruwe ne; Aa Ehoba, E ki esanniyo ambe ne gusu ne na.

Zion nu wa yaynucattek nisa, Orowa Yuda matnepo utar nupetne nisa ruwe ne; Aa Ehoba, E ki esanniyo anpe ne kusu ne na.

シオンは聞いて喜び祝いユダのおとめらは喜び躍る主よ、あなたの裁きのゆえに。

Inambe gusu ne yakun, Aa Ehoba, Aokai anak ne toitoi ebitta kashiketa iyotta Rikunbe E ne: Obitta no okai Kamui kasu no Aokai anak ne apaserep E ne ruwe ne gusu ne na.

Inanpe kusu ne yakun, Aa Ehoba, Aokay anakne toytoy epitta kasike ta iyotta Rikunbe E ne: Opittano okay Kamuy kasuno Aokay anakne apaserep E ne ruwe ne kusu ne na.

あなたは主、全地に君臨されるいと高き神。神々のすべてを超え、あがめられる神。

Aa Ehoba ko-omap echi utara obitta wenbe etunne yan: Shinuma anak ne koro Ashkanne utara kon ramat koshiratki; Wen utara koro teke wano nei utara ohaitare ruwe ne.

Aa Ehoba ko-omap eci utar opitta wenpe etunne yan: Sinuma anakne kor Askanne utar kor ramat kosiratki; Wen utar kor teke wano ne utar ohaytare ruwe ne.

主を愛する人は悪を憎む。主の慈しみに生きる人の魂を主は守り神に逆らう者の手から助け出してくださる。

Pekere anak ne oupeka utara gusu aetoita wa an, Orowa, yainuchattek ambe anak ne keutum oupeka utara gusu aande wa an ruwe ne.

Peker anakne owpeka utar kusu aetoyta wa an, Orowa, yaynucattek anpe anakne kewtum owpeka utar kusu a=ante wa an ruwe ne.

神に従う人のためには光を心のまっすぐな人のためには喜びを種蒔いてくださる。

Oupeka wa okai echi utara, Ehoba gusu yainuchattek yan; Aige, Shinuma koro Ashkanne reihei orun koyaiiraige yan.

Owpeka wa okay eci utar, Ehoba kusu yaynucattek yan; Ayke, Sinuma kor Askanne rehe orun koyayirayke yan.

神に従う人よ、主にあって喜び祝え。聖なる御名に感謝をささげよ。