81 Ik.

Shinotcha esapane guru gusu: Gittit otta; Asap kara iyohaichish.

Sinotca esapane kur kusu: Gittit or ta; Asap kar iyohaycis.

【指揮者によって。ギティトに合わせて。アサフの詩。】

CHIKORO okirashnu Kamui otta rui no haukore kunitara yan: Yakob koro Kamui otta ehaukashu yan.

Ci=kor okirasnu Kamuy or ta ruyno hawkore kunitara yan: Yakob kor Kamuy or ta ehawkasu yan.

わたしたちの力の神に向かって喜び歌いヤコブの神に向かって喜びの叫びをあげよ。

Iyohaichish koro, tsuzumi kikkik, Shisak hawe an koto newa so newa koro wa ek yan.

Iyohaycis kor, tsucumi kikkik, Sisak hawean koto newa so newa kor wa ek yan.

ほめ歌を高くうたい、太鼓を打ち鳴らし琴と竪琴を美しく奏でよ。

Ashiri chup an ita rappa rekte, Chup poro ita, aeoripak an marapto an ita rekte yan.

A=siri cup an hi ta rappa rekte, Cup poro hi ta, a=eoripak an marapto an hi ta rekte yan.

角笛を吹き鳴らせ新月、満月、わたしたちの祭りの日に。

Nei ambe anak ne Israeru un utara gusu tuitak ne, Yakob koro Kamui ekambakbe ne ruwe ne gusu ne na.

Ne anpe anakne Israeru un utar kusu tuytak ne, Yakob kor Kamuy ekanpakpe ne ruwe ne kusu ne na.

これはイスラエルに対する掟ヤコブの神が命じられたこと。

Paweteshu gusu Shinuma anak ne Yosep orota nei ambe sange; Shinuma Echipt moshiri orota arapa wa, Ku erampeutek itak ku nu nisa ruwe ne.

pawetesu kusu Sinuma anakne Yosep oro ta ne anpe sanke; Sinuma Ecipt mosir oro ta arpa wa, Ku=eranpewtek itak ku=nu nisa ruwe ne.

エジプトの地を攻められたときヨセフに授けられた定め。わたしは思いがけない言葉を聞くことになった。

Shikehe wano shinuma koro tapsutu ku ohaitare: Koro tekehe saranip wano epittekka nisa ruwe ne.

Sikehe wano sinuma kor tapsutu ku ohaytare: Kor tekehe saranip wano epittekka nisa ruwe ne.

「わたしが、彼の肩の重荷を除き籠を手から取り去る。

Yairamhekomo ita anak ne aokai hawe ash nisa, aige, e honnere ku ki; Kamui-hum nuina no an ushiketa ese ku ki nisa; Meriba wakka samaketa e shiruwande ku ki nisa ruwe ne na. [Sera.]

yayramhekomo hi ta anakne aokay hawe as nisa, ayke, e honnere ku=ki; Kamuy-hum nuyna no an uske ta ese ku=ki nisa; Meriba wakka samake ta e siruwante ku=ki nisa ruwe ne na. [Sera.]

わたしは苦難の中から呼び求めるあなたを救い雷鳴に隠れてあなたに答えメリバの水のほとりであなたを試した。〔セラ

Aa ku goro utara nu yan, yakun echi orun paweteshu ku ki kusu ne; Aa Israeru un utara en orun echi inu chiki humi!

Aa ku=kor utar nu yan, yakun eci=orun pawetesu ku=ki kusu ne; Aa Israeru un utar en=orun eci=inu ciki humi!

わたしの民よ、聞け、あなたに定めを授ける。イスラエルよ、わたしに聞き従え。

Echi utara otta oya Kamui isam kusu ne; Shui, echi utara anak ne oya Kamui shomo ko-ongami kusu ne na.

Eci utar or ta oya Kamuy isam kusu ne; Suy, eci utar anakne oya Kamuy somo ko-onkami kusu ne na.

あなたの中に異国の神があってはならない。あなたは異教の神にひれ伏してはならない。

Echipt moshiri orowa no echi tura, Echi koro Ehoba Kamui Ku ne: Echi koro paroho rui no hasa yan, yakun eshikte ku ki kusu ne na.

Ecipt mosir oro wano eci tura, Eci=kor Ehoba Kamuy Ku ne: Eci=kor paroho ruyno hasa yan, yakun esikte ku=ki kusu ne na.

わたしが、あなたの神、主。あなたをエジプトの地から導き上った神。口を広く開けよ、わたしはそれを満たそう。

Koroka, Ku goro utara anak ne ku hawe otta shomo ikokanu; Israeru anak ne En kopan ruwe ne.

Korka, Ku=kor utar anakne ku hawe or ta somo ikokanu; Israeru anakne En=kopan ruwe ne.

しかし、わたしの民はわたしの声を聞かずイスラエルはわたしを求めなかった。

Tambe gusu, yaikota koro ukoramkor-i nei no apkash kuni ne, Koro shioyapkire sambe an korachi akire nisa ruwe ne.

Tanpe kusu, yaykota kor ukoramkor hi néno apkas kuni ne, Kor sioyapkire sanpe an koraci a=kir nisa ruwe ne.

わたしは頑な心の彼らを突き放し思いのままに歩かせた。

Aa ku goro utara En orun ikokanu humi! Aa Israeru un utara ku ruhu otta apkash humi!

Aa ku=kor utar En=orun ikokanu humi! Aa Israeru un utar ku=ruhu or ta apkas humi!

わたしの民がわたしに聞き従いイスラエルがわたしの道に歩む者であったなら

Yakun, tunashino nei epokba utara annokara ku ki wa, Ikeshke utara panakte kusu ne na.

Yakun, tunasno ne epokpa utar annokar ku=ki wa, Ikeske utar panakte kusu ne na.

わたしはたちどころに彼らの敵を屈服させ彼らを苦しめる者の上に手を返すであろうに。」

Ehoba etunne utara anak ne Shinuma orun itaknu ki kusu ne: Yakun, otusashuishiri pakno okai kusu ne na.

Ehoba etunne utar anakne Sinuma orun itak nu ki kusu ne: Yakun, otu sasuysir pakno okay kusu ne na.

主を憎む者が主に屈服しこの運命が永劫に続くように。

Orowa, Shinuma anak ne mungi pirikap ani nei utara ibere: Shui, kuani Watara orowa an soyai-ninge ani e eramushinnere ash kusu ne na.

Orowa, Sinuma anakne munki pirka p ani ne utar ipere: Suy, kuani Watara orowa an soyay-ninke ani e eramusinnere as kusu ne na.

主は民を最良の小麦で養ってくださる。「わたしは岩から蜜を滴らせてあなたを飽かせるであろう。」