83 Ik.

Shinotcha, Asap kara iyohaichish.

Sinotca, Asap kar iyohaycis.

【歌。賛歌。アサフの詩。】

AA Kamui, iteki mo no okai wa en kore: Aa Kamui; iteki shomo itak no okai, iteki mo no okai yan.

Aa Kamuy, iteki mo no okay wa en=kore: Aa Kamuy; iteki somo itak no okay, iteki mo no okay yan.

神よ、沈黙しないでください。黙していないでください。静まっていないでください。

Aokai epokba utara anak ne sakayo kara: Aokai etunne utara sapaha punire ruwe ne gusu ne na.

Aokay epokpa utar anakne sakayo kar: Aokay etunne utar sapaha punire ruwe ne kusu ne na.

御覧ください、敵が騒ぎ立っています。あなたを憎む者は頭を上げています。

E koro utara gusu irara ukoramkoro ki, E koro nuina no okai utara epeka no ukoramkon ruwe ne.

E=kor utar kusu irara ukoramkor ki, E=kor nuyna no okay utar epeka no ukoramkor ruwe ne.

あなたの民に対して巧みな謀をめぐらしあなたの秘蔵の民に対して共謀しています。

Ene nei utara ye-hi:— Shinuma utara uirup shomo ne kuni ne, hetak, araki wa otuye yan; Israeru un utara reihei shomo aeshkarun kuni ne ki yanro, ani itak nisa ruwe ne.

Ene ne utar ye hi:— Sinuma utar uyrup somo ne kuni ne, hetak, arki wa otuye yan; Israeru un utar rehe somo a=eskarun kuni ne ki yanro, ani itak nisa ruwe ne.

彼らは言います「あの民を国々の間から断とう。イスラエルの名が再び思い起こされることのないように」と。

Nei utara shine ikinne ukoramkon nisa, Aokai epeka no uitaknup kan ruwe ne.

Ne utar sine ikinne ukoramkor nisa, Aokay epeka no uytaknup kan ruwe ne.

彼らは心をひとつにして謀りあなたに逆らって、同盟を結んでいます。

Edom newa Ishmaeru un utara koro kash; Moab newa Hagar un utara;

Edom newa Ismaeru un utar kor kas; Moab newa Hagar un utar;

天幕に住むエドム人イシュマエル人、モアブ、ハガル人。

Gebar newa Ammon newa Amarek; Piristia Turos un utara tura:

kepar newa Ammon newa Amarek; Piristia Turos un utar tura:

ゲバル、アンモン、アマレクペリシテとティルスの住民。

Assiria ne yakka nei utara tura okai; Nei utara anak ne Rot koro sanikiri ikashiu nisa ruwe ne. [Sera.]

assiria ne yakka ne utar tura okay; Ne utar anakne Rot kor sanikiri ikasiw nisa ruwe ne. [Sera.]

アッシリアもそれに加わりロトの子らに腕を貸しています。〔セラ

Aokai anak ne Midian otta iki korachi nei utara otta ki yan; Kishon pet samta Sisera otta, Yabin otta aki korachi ki yan:

Aokay anakne Midian or ta iki koraci ne utar or ta ki yan; Kison pet sam ta Sisera or ta, Yabin or ta aki koraci ki yan:

これらの民に対しても、なさってくださいあなたが、かつてミディアンになさったようにキション川のほとりでシセラとヤビンになさったように。

Nei utara anak ne Endor ta aisamka; Toitoi gusu an tumun korachi ne nisa ruwe ne.

Ne utar anakne Endor ta a=ysamka; Toytoy kusu an tumun koraci ne nisa ruwe ne.

エン・ドルで彼らは滅ぼされ大地の肥やしとされました。

Nei utara koro pase utara Oreb newa Zeeb nei no kara yan; Ruwe un, obitta no okai nei utara koro sapane utara Zeba newa Zarmunna nei no kara wa en kore:

Ne utar kor pase utar Oreb newa Zeeb néno kar yan; Ruwe un, opittano okay ne utar kor sapane utar Zeba newa Zarmunna néno kar wa en=kore:

これらの民の貴族をオレブとゼエブのように王侯らをゼバとツァルムナのようにしてください。

Chi utara anak ne yaikota gusu Kamui koro ushi shikkashima yanro, ari an itak ani nei utara ye nisa ruwe ne.

Ci utar anakne yaykota kusu Kamuy kor usi sikkasima yanro, ari an itak ani ne utar ye nisa ruwe ne.

彼らは言います「神の住まいを我らのものにしよう」と。

Aa ku goro Kamui, nei utara ani uweshinoye koponchi korachi, Bera etoko an wattesh korachi ne kara wa en kore.

Aa ku=kor Kamuy, ne utar ani uwesinoye koponci koraci, Pera etoko an wattes koraci ne kar wa en=kore.

わたしの神よ、彼らを車の輪のように風に巻かれる藁のようにしてください。

Nitai uhuye abe nei no, Nupuri uhuyeka abe nipek nei no;

Nitay uhuy ape néno, Nupuri uhuyeka ape nipek néno;

火の手が林を焼くように炎が山々をなめるように

Nei no korachi E koro itasayupke rera ani keseamba, E koro poro apto ani ishitomare wa en kore.

Néno koraci E=kor itasayupke rera ani keseanpa, E=kor poro apto ani isitomare wa en=kore.

あなたの嵐によって彼らを追いあなたのつむじ風によって恐れさせてください。

Aa Ehoba, nei utara anak ne E koro nanuhu hunara kuni ne, Sambe-kokuruse iporo omare.

Aa Ehoba, ne utar anakne E=kor nanuhu hunara kuni ne, Sanpe-kokuruse iporo omare.

彼らの顔が侮りで覆われるなら彼らは主の御名を求めるようになるでしょう。

Ramma pakno nei utara yainikoroshmawa akimatekte; Ruwe newa, nei utara sambe-akokurusere wa aisamka:

Ramma pakno ne utar yaynikorosmawa akimatekte; Ruwe newa, ne utar sanpe-akokurusere wa a=ysamka:

彼らが永久に恥じ、恐れ嘲りを受けて、滅びますように。

Tambe anak ne, Ehoba ari an reihei koro Aokai patek, Ingi-moshiri koro Iyotta Rikunbe E ne ruwe ne sekoro aeramande kuni an ambe ne ruwe ne na.

Tanpe anakne, Ehoba ari an rehe kor Aokay patek, Inki-mosir kor Iyotta Rikunbe E ne ruwe ne sekor a=eramante kuni an anpe ne ruwe ne na.

彼らが悟りますようにあなたの御名は主ただひとり全地を超えて、いと高き神であることを。